Delicious Food

الكشري المصري اللي مفيش الذ منه☺😋❤

الطريقة❤نضع حلة مياه عالنار وبعد ماتغلي نحط مكرونة اسبجتي والمكرونة الصغيرة او اي نوع بتحبيه❤🥰 ومعلقتين زيت عشان متلزقش ف بعضها وملح وكمون ونقلب لحد ماتستوي ونصفيها ونحطها ف الحلة اللي سلقناها فيها ومعلقتين زيت ونقلبهم سوا.

وف حلة تاني نحمر الشعرية ف حبة زيت ومعلقة سمنة واول ماتحمر ننزل بالارز ونقلب..
ملحوظة(بتحطي الرز عالشعرية وتقلبي لحد ما المياه اللي ف الرز تتشف والرز ميبقاش مبلول ويرجع مفلفل وهتعرفي ان المياه نشفت وانتي بتقلبي تلاقي الرز بيتقلب بسهولة لكن ف الاول لو فيه مياه لما اتغسل هتلاقيه تقيل ف التقليب ولازم نستى ونقلب لحد المياه ماتنشف عشان لما نحط المياه الرز هينزل مياه تاني وكمية المياه هتبقا كتير وممكن يعجن فاستني لما المياه تشنف😂)
ونحط مياه فوق الرز ب حبة صغيرين وعادي لو حطيتي مياه من الحنفية مش شرط سخنة وتحطي نص معلقة سمنة تقريبا وتظبطي الملح وحبة كمون واول مايتشرب ويبقا فيه حلو مياه صغيرين بتوطي عليه لحد مايستوي .

الصلصة: شوية زيت ف حلة ونحمر فيها بصل واللي مش عاوز يعمل صلصة ببصل يعملها ب توم عادي زي مانتو حابين.
بعظ ما البصل يحمر نحط توم مفروم ومعلثة كزيرة ناشفة ونقلب شوية وبعدين ننزل ب ٣ معالق خل وبعدين ننزل بالطماطم ونحط التوابل(ملح وكمون وشطة وبابريكا وبصل بودر وتوم بودر وزعتر)

نيجي ل سلق الحمص😋❤بنغسل الحمص كويس ونحطه ف مياه مغلية ونظبط الملح وشوية كمون وشطة حسب الرغبة وبعد مايستوي نحط معلقيتن صلصة اللي عملناها.

العدس: بعمله لوحده مش مع الرز بنحطه ف مياه مغلية ويكون مغسول قبلها ونحط ملح وكمون وبياخد ربع ساعة تقريبا.

الدقة: بتحيب بولة صغيره ونحط كوب خل وكور مياه قد الخل وعصير ليمون وحوالي ٥ او ٦ فصوص توم مفرومين وملح وكمون وكزبرة ناشفة وممكن نزودها شوية مياه بتاعت الحمص.
الشطة🔥بنحصر بولة ونحط فيها شوية دقة وصلصة اللي عملناهم وتزودي عليهم كمية الشطة اللي عاوزاها.

طريقة التقديم: نجيب الطبق او الحاجة اللي هنحط فيها الكشري ونحط شوية مكرونة الاول وبعدين شوية رز وتحطي حمص من ع الاطراف زي ف الصوره كده وتحطي العدس بنفس الشكل اللي ف الصوره وف النص تحطي صلصة وشطة ودقة بتوعنا وهتاكلي احلى كشري والف هنا وشفا ع قلوبكم ☺😋😋😋❤🔥💋