Patria Cafe

محتوى مكتوب عن طريق الشباب الجميلين ديل❤️
بنتمنى تكملوهو🙏

ومن هنا حابين نقول ليهم نحن بنحبكم شديييد❤️

وباتريا بيكم 💪💚

"باتريا... الذاكرة البتحسّ، والمكان البينطق بينا"

ما بنعرف متين بالضبط اتربطنا بالمكان ديا،
لكن فجأة بقينا بنمشي ليهو ما بس عشان نقعد،
لكن عشان نرتّب دواخلنا، نلقى بعض، ونفتّش في الزحمة عن حاجة بتشبهنا.

باتريا ما كان محطة... كان ملجأ.
لما تعبنا من الناس، من الركض، من الأصوات الكتيرة جوا رأسنا، كنا بنرجع ليه.
كنا بنلقى فيه نفسنا من جديد، بنلقى الرفاق،
بنلقى "نحن"... بصورة نقية، بلا أقنعة، بلا مجاملة، وبلا تكلف.

الحوش الوسيع ما كان بيشيلنا جسديًا بس،
كان بيشيل همومنا، بيشيل حكاياتنا،
وفي مرات كتيرة، بيحضن وجعنا بصمت راقٍ
كأنو بيقول: "ما تخافوا، أنا هنا، ولسه في خير في الدنيا دي."

في باتريا، كانت الحروف أبسط،
لكن المعاني أعمق،
وكانت الضحكة صافية، لأنها طالعة من روح تعرّت من التصنّع،
وكانت النظرات كفاية عشان نفهم بعض،
وكان الصمت لغة ما بنفهمها برا باتريا.

باتريا شاهد علينا،
على النُضج، وعلى التغيّر، وعلى الثبات في بعض القيم...
شهد صداقات اتولدت، ومواقف اتكوّنت، ومشاعر اتبنت على مر الأيام.

لو في حاجة ممكن توصف المكان ده بصدق، فهي إنو:
باتريا ما كان حوالينا... باتريا كان جوانا.



#لـمّتنا_الأولى

الليله يوم المؤسسين😎
الجنود المجهولين في بيتنا الكبير🙏♥️
من بداية الفكره هم كانوا الداعمين والمنفذين💪
من الإسم واللوغو والتصاميم والتصوير والديكور والمطبخ والتجهيز والتعامل مع الزباين 💚
لو قلنا نحكي قصة كل واحد فيهم ماحنوفيهم ولو جزء بسيط من حقهم، حنخليكم تشاركونا قصصكم ومواقفكم مع الشباب الجميلين ديل♥️

ونقدم ليهم رسالة صوت شكر جماعي لانو من غيرهم ماحتكون باتريا🙏
وزي مابنحب نقول لسه مكملين 💪😎

فشكرا جميلا
شكرا جزيلا
شكرا لأنكم باتريا🌹

كل يوم ذكرى
كل يوم شخصيات
كل يوم مواقف وضحكات

حنسوقكم في رحله مع ذاكرة المكان
تفاصيل عشناها وصنعناها مع حبايبنا وأصحابنا في حوش باتريا الوسيع❤️☕.
كل يوم حنطرّق لي شخصيه🤐، لكن حنبدأ بالمكان😍، تعالوا أحكوا لينا ذكريات محفوره في ذواكركم او صور محتفظين بيها لليوم دا واحكوا لينا عن باتريا شويه😊🙏

جمعة حتكون مبااالغة😎
حفلنا الشعبي
ليك ياشعبي
احجزو تذاكركم من بدري
لانو حنبدا بدري🤗

خيمةباتريا الرمضانيه في القاهره..

تعالو نتلما...في اجمل الأماسي واللمه.. احجزوا تذاكركم من بدري
وتعالو استمتعوا بي جمال المكان😍
حيكون عندنا فعاليات وحفلات بطريقة مختلفه🤗
باقي التفاصيل في البوستر 👇

الداخلة في الروح بالعَرض ..
والمارقة من ضهر الوصيف
زي شوقى للعركي البخيت ،،
ضجة غلاط كشتينة
وإيقاع الكبابي السكر الشاى الخفيف "
اها يا ظريف ؟!
كولا وتلج ؟
ام قهوة شان تقدر تقيف ؟!
صوت نانسي والشاي بي ألف "
وهاك بالبفضِل ضحكتين ..

" بوابة فاتحة علي الحنين
ودخولا بالقلب النضيف "

يا باتريا "

لو كان فراقك من حروف
كان درسوك أجيال تجي
لا كنا فيك بدخلنا خوف
لا كنتي انتي بتزهجي
ضامانا بي مبدأ لطيف ..
من ما نشوفك نبتهج
نجدع وجعنا علي الرصيف "
بنجيك وكلنا إشتياق
ونفوت عشان نمشي ونجي "

ياريت يأرجحنا الزمن
ننشره في بابك صباح
ود الأمين في زورق الأحلام ينوم
يهبش أذين احمد صلاح
يضحك يوزع كولا للناس بالتلج
زي البخيّط في جراح "

واااه يا جراح

اهو جاها واقع مختلف
شارع مخيف ..
وبشر ولا بتعرف نقوشك باب نجاح ..
قايلنهن ساكت رسوم
ختوها يوم الإفتتاح ...

Soon