Donzlicious
Share
تابعوني على الانستجرام https://instagram.com/donzlicious?igshid=MzRlODBiNWFlZA==
اول حاجه نعمل حفظ و لايك و شير للفيديو خصوصا لكل الماميز اللي تعرفوهم عشان حيرة اللانش بوكس كالعاده🥹
طريقه مافن الموز و الشوكولاته بزبدة الفول السوداني هتلاقوها في الفيديو اللي فات و دي لااااازم تجربوها بجد هتعجبكم اوي انتو و الاولاد 🥰🔙
الفيديو مجرد فكره تجربوها لكن الكميات تقدروا تتحكموا فيها زي ماتحبوا 🤍
اكتبولي رأيكم حبيتوا الفكره ؟ و حطيتوا ايه في لانش بوكس الولاد انهارده ؟ 🤔
افكار لانش بوكس فطار فطور صحي مافن كيك ساندوتشات مدارس اطفال وصفات
#وصفات #صحي #ساندوتشات #مافن #كيك #مصر #السعودية #دبي
اول حاجه نعمل حفظ لسلسلة فيديوهات اللانش بوكس عشان
هترجعولها كتير 😎
‼️‼️ملحوظه بذور الشيا لازم تتساب شويه في الزبادي ( اللي هي فتره وصولهم للمدرسه طبيعي ) قبل ما تتاكل و لو الطفل عايز ياكلها في الحال لازم تتنقع قبلها بشويه مياكلهاش على طول عشان البذور بتمتص السوائل و بتنفش في المعده ف الاأمن نحطها تتنقع مش اقل من ربع ساعه ❤️
شايفين التفريز و التخزين بيريحنا ازاي 🤓 لانش بوكس بيجهز في دقيقتين بس و حاسه اني زودت الوقت كمان🙂
هتلاقوا وصفة المناقيش في الفيديو اللي قبل ده على طول 🔙
نحاول نسهل على نفسنا الدنيا لو مره واحده كل ويك اند تصحي الصبح تشربي القهوه و تحضري شويه معجنات و تفرزيهم هينقذوكي كتير قي اوقات هتبقي مش قادره تعملي فيها حتى سامدوتش جبنه 🫶🏼
متنسوش تعملوا منشن لكل مامي تعرفوها بتحتار في افكار اللانش بوكس 🤓
وصفات صحيه افكار لانش بوكس اكلات معجنات مناقيش مدارس اطفال اكل صحي طبخ
#وصفات #اكلات #مدارس #صحي #مصر #السعودية #دبي
مناقيش لحمة مفرومه تتلف ساندوتشات من طراوتها 🤩
دي اظبط طريقه لأي معجنات و عمري ما بغيرها لانها عمرها ما خذلتني 🥹 فطاير بيتزا مناقيش مخبوزات اي حاجه تمشي 😎
🔲المقادير: ( لنص كيلو دقيق كميه مش كبيره و استخدمت اكواب معياريه )
٣ كوب دقيق
كيس خميره فوريه ( م.ك مليانه)
م.ص سكر
١/٤ كوب ماء دافي للخميره
٣ م.ك حليب بودرة
علبة زبادي
٤ م.ك زيت
١/٤ م.ص ملح
١/٤ م.ص زعتر جاف
تقريبا ١/٢ كوب ماء دافي ( نضيف واحده واحده لحد ما العجينه تلم معانا ) كل نوع دقيق بيختلف عن التاني
❗️ ملاحظات:
اهم حاجه تخمير العجينه لازم نتاكد ان الخميره شغاله لوحدها بره قبل ما نضيفها عزى الدقيق عشان لو بايظه متبوظش كل المكونات 👌🏼
لازم نخمر العجينه مرتين على الاقل مره بعد العجن ( حوالي ٧ دق بالعجان او ١٠ دق بإيدينا ) كل ما عجنا اكتر كل ما النتيجه هتبقى احلى و اطرى 👌🏼 و تاني مره بعد ما نقسمها لكور انا نسيت اقول في الفيديو اني سبتها تخمر ١٠ دق قبل مافردها و احشيها ✅
بنسخن الفرن قبل ما نحط المعجنات و ندخلها على حراره عاليه حوالي ٨ دق اول ماتحمر من تحت نفتح عليها الشوايه دقيقتين من فوق ( ده لو مكنتش اتحمرت من سخونيه الفرن نفسه)
متطولوش في الفرن عشان المعجنات بتنشف جدا لو اتسابت تستوي اكتر من ١٠ دق
و لازم اول ما تطلع تغطوها بفوطه كويس اوي و ممكن ترشوا رشه بيسطه اوي مايه و بعد كده تغطوها و تسيبوعا ١٠ دق هتلاقوها هشه و طريه جدااا 🤩
هستناكم تجربوها و بجد هتعجبكم اوي اوي 🤩
فطاير فطائر معجنات منقوشة لحم بيتزا مناقيش لحمة مفرومه وصفات عجبن خبز جبن زعتر اكلات مخبوزات
#مخبوزات #معجنات #فطاير #فطائر #فطور #وصفات #بيتزا #مناقيش #مصر #السعودية #دبي
كلنا بنحب البطاطس بكل أشكالها بس ياسلام بقه لما ناكلها بطريقه صحيه و مقرمشه هتخليكو تنسوا البطاطس المقليه خالص 🤩
حبيت انزلكم الوصفة الخطيرة دي بجد طعمها حوار كبير اوي اتفرجوا على الفيديو و لازم تجربوها كمان هتعجب الاطفال اوي و هتنفعكم جدا في جوع نص الليل 🤓
🔲المقادير:
بطاطس صغيره مسلوقة ( منقوعه و مغسوله كويس اوي )
ملح و فلفل اسود
رشة بابريكا
زيت زيتون
رشة شطه ( اختياري)
رشة زعتر فريش او بقدونس زي ماتحبوا
❗️ هندخلها فرن سخن على ٢٠٠ من ربع ل تلت ساعه حسب ماتحمر و تقرمش معاكوا و اخر ٣ دق كده شغلوا عليها الشوايه هتاخد لون حلو و قرمشه اكتر 😋
قدموها مع اي صوصات تحبوها و متنسوش اللايك و الشير لو الوصفه عجبتكم 😻
بطاطس مقرمشة صحيه اكل صحي وصفات سهله سريعه اكلات لانش بوكس افكار صحيه
*********************************************
#مصر #بطاطس #صحي #اكلات #وصفات #دبي #جدة #السعودية
نعمل حفظ لسلسله وصفات و افكار اللانش بوكس بسرعه عشان هتحتاجوها كتير اوي 😎
ساندوتش انهارده اخر دلع لما الولاد يزهقوا من البيضه و الجبنه البيضا ميمنعش ندلعهم شويه برده 🥰
ميكس المسترده مع الشيدر و الروز بيف حوار و ياسلام لو تضيفوا حاجه بسيطه من الخيار المخلل لو بيتقبلوه هيعجبهم اوي اوي ❤️
متنسوش تعملوا لايك و شير للفيديو و اكتبولي رايكم في التعليقات ❤️
افكار لانش بوكس ساندوتشات جبن خضار وصفات صحيه اكل صحي اطفال مدارس وجبات
#ناجتس #صحي #وصفات #مدارس #مصر #السعودية #دبي
مفيش احلى من الاكله اللي بتخلص في ٢٠ دق مثلا و مش بس سريعه كده لا من غير مواعين كتير عشان هنشقلب كله في حله واحده و شكرا على كده 🤩
الفكره هنا اني بحب دايما اسلق مكرونه كتير و اشيلها في الثلاجه او الفريزر وقت الذنقه تطلعوها و تحطوها على اي بروتين في نفس الحله و بس كده لكن ممكن كمان تنزلوها نيه في صوص الكفته زي فكره المبكبه كده هتبقى خطيره و حله واحده دي اهم نقطه😎
🔲المقادير:
للكفته:
لحمه مفرومه ( استخدمت ٤٠٠ جم تقريبا)
بصله مفرومه و متصفيه مع الثوم المفروم
٤ فصوص ثوم صغيرين او ٢ كبار
م.ص سبع بهارات
١/٨ م.ص جوزة الطيب
ملح وفلفل أسود
بقدونس مفروم
للصوص:
م.ك زيت زيتون
فصين ثوم مفرومين
نص كوب صلصله جاهزه
نزودها مايه حسب الرغبه
م.ك خل
م.ص سكر
مايه البصل المتصفيه
م.ص كسبره ناشفه
١/٢ م.ص كمون
١/٤ م.ص قرفة
ملح فلفل أسود
عود كرفس
مكرونه مسلوقه
بقدونس للتزيين
اتمنى الوصفه تعجبكم و هستنى رأيكم في التعليقات 😍
كفته مكرونه باستا صوص لحم وصفات حله واحده رمضان
#وصفات #رمضان #باستا #مكرونه #لحم #كفته #كفتة #اكلات #مصر #السعودية #دبي
مخلل خيار و هالبينو في ١٠ دق بس طعمه خطير و مقرمش و كل شويه هتعملوه من حلاوته من غير اي فرهدة 🤩
🔲المقادير:
٣ خيارات شرائح
٢ فلفل اخضر حامي شرائح
م.ك ملح مش مليانه
م.ص سكر
م.ص حبوب كسبرة ناشفه
فصين ثوم صغيرين متقطعين شرائح
م.ك خل
ماء مغلي
عود كرفس فريش
م.ص ممسوحه كركم
هستناكم تجربوه هيعجبكم اوي تقدروا تاكلوه جمب الشاورما و ساندوتشات البرجر و تحطوه مع الصوصات بيودي طعمها في حته تانيه خالص 🤩
مخللات مخلل خيار هالبينو وصفات اكلات مصريه سريعه
#مخللات #مخلل #وصفات #اكلات #مصر #السعودية #دبي
نعمل حفظ بسرعه لسلسلة فيديوهات اللانش بوكس عشان هترجعولها كتير 😎
و دي الفكره ٢٤ صحيه و لذيذه اوي اوي فكره كامله و متكامله و هيرجعوا مخلصين اللانش بوكس ان شاءالله 🤌🏼🤓
ركزوا دايما في مكونات لانش بوكس اطفالكم لازم يكون فيها كل العناصر الغذائية المهمه ليهم من فيتامينات و معادن و نشويات يعني كل حاجه تبقى متوازنه عشان يستفيدوا و ينموا بشكل صحي 🫶🏼
هتلاقوا فيديو التركي المدخن في الفيديو اللي فات 🔙
منشنوا كل الماميز المحتاسين دايما في اللانش بوكس عشان يستفادوا بفكرة انهارده 😇
افكار لانش بوكش صحي مغذي اطفال مدارس وصفات صحيه تركي مدخن ساندوتشات خضار فاكهة
# #وصفات #صحي #مدارس #مصر #السعودية #دبي
فصوص الرومي المدخن من الذ انواع اللحوم البارده اللي كلنا بنحبها انا عن نفسي ده واحد من الساندوتشات المفضله عندي في الفطار 🤍
و لو مجربتوش تعملوه في البيت بجد فايتكم كتير لان الموضوع طبع سهل اوي اوي و بيعمل كميه كبيره جدا بسعر اقل بكتير🤩
🔲المقادير:
صدر رومي
لمحلول النقع :
ماء يغطي صدر الرومي كله
٤ فصوص ثوم مقسومين من النص
بصله متقطعه ٤ اربع
ليمونه متقطعه ٤ اربع
كرفس فريش
فلفل اسود صحيح
ورق لورا
فصين حبهان
عود قرفة صغير
م.ص جنزبيل بودره
م.ك ملح
للتتبيله و الطبقه الخارجيه :
م.ك بصل بودره
م.ك ثوم بودره
م.ك بابريكا
م.ص بابريكا مدخنه ( بتفرق جدااا في الطعم )
م.ص فلفل اسود
م.ك زعتر
م.ك ملح
م.ك عسل
فحم للتدخين
❗️لازم نسيبه منقوع يوم كامل ( انا غلطت في الفيديو و قولت ليله ) على الاقل عشان يديكوا نتيجه حلوه و ما يطولش في التسويه و لحمه من جوة يفك و يطرى لان صدر الرومي معروف انه من اللحوم القاسيه شويه
❗️انا سبته ساعتين في التسويه بس حسيت ساعه و نص كانت هتبقى افضل عشان يبقى اطرى اكتر و ميفقدش كل عصارته و هي دي اللي بتخليه طري
انا قطعته بعد ما برد شويه من الفرن بس فرول شويه معايا لكن لما سبته ليله في الثلاجه لقيته بيتقطع احسن بكتير و ماسك نفسه و مبيفرولش ✌🏼
❗️ التدخين الكتير للحوم و الاكل عامة مش صحي طبعا ف الخطوه دي اختياري زي ماتحبوا بس انا بعملها كل فين و فين يعني 🤍
لو عندكم اي سؤال او استفسار اكتبولي في التعليقات و هستنى رأيكم و تطبيقاتكم الحلوه🥰🤍
صدر رومي فصوص رومي مدخن لحم لحوم فطار ساندوتشات وصفات
#رومي #لحوم #وصفات #صحي #اكلات #ساندوتشات #فطور #مصر #السعودية #دبي
الكوسه بالبشاميل دي لازم يتعملها حفظ عشان دي من الاكلات الطعمه و السهله اوي اللي بحب اعملها كتير، تتاكل كده مع شويه رز بالشعريه و ادعولي 🤩
🔲المقادير:
لتشويح الكوسه:
١/٢ كيلو كوسه شرايح رفيعه
معاقة زيت و شويه سمنه بلدي
ملح و فلفل اسود
١/٢ م.ص قرفه مطحونه
للحمه المفرومه:
١/٤ كيلو لحمه مفرومه
ملح وفلفل اسود
م.ص سبع بهارات
م.ص كسبره ناشفه
١/٤ م.ص قرفه
رشة من جوزة الطيب
بصلة مفرومه
٣ فصوص قوم مفرومين
جزرة مبشوره
فلفل اخضر مكعبات صغيره
م.ص صلصة
لصوص البشاميل:
مكعبين زبده
م.ك زيت
معلقه و نص دقيق
٣ كوب حليب
كوب شوربه فراخ
ملح وفلفل ابيض
رشة من جوزة الطيب
❗️هندخلها فرن سخن على ١٨٠ حوالي نص ساعه او لحد ماتاخد لون حلو معاكم
كل ماكان البشاميل كتير كل ما كانت الاكله احلى و احلى 🤩
حاولوا في صوص البشاميل تخلوا الدقيق يدوب في الزبده مش يبقى كتله كده قبل ما تحطوا الحليب عشان ميكلكعش معاكم ❗️
هستنى رأيكم في التعليقات و يالا جربوها و ابعتولي صور تطبيقاتكم الحلوه🥰
كوسه بشاميل وصفات اكلات
#كوسة #كوسه #وصفات #لحم #اكلات #مصر #السعودية #دبي
اول حاجه نعمل حفظ لسلسلة فيديوهات اللانش بوكس عشان هترجعولها كتير 😎
فكرتنا انهارده دلع بس بطريقه صحيه 🤩
بدل ما تعملوا للاولاد من الناجتس الجاهزه اللي معظمها مكونات مش مضمونه و كلها زيت و قلي، جربوا تعملوها في البيت بمكونات بسيطه و مغذيه و صدقوني لو جربتوها بنفسكم هتعرفوا قد ايه طمعها خطيير على ضمانتي 🤓🤍
هتلاقوا فيديو ناجتس الفراخ بالخضار و فيديو الصوص في الفيديوهات اللي فاتت 🔙
حاولوا دايما تركزوا على بدايل للمعلبات و اللحوم و الجبن المصنعه بحاجات طبيعيه تعملوها بنفسكم ركزوا على الخضار و الفاكهه و طريقه تقديمها هتلاقوا الاولاد مره في مره حبوها 🥰
منشنوا الماميز اللي عندكم عشان ياخدوا فكره جديده تسهل عليهم اللانش بوكس 😇
افكار لانش بوكس صحي كدارس اطفال تغذيه وصفات صحيه ناجتس فراخ خضار
#ناجتس #صحي #وصفات #مدارس #مصر #السعودية #دبي
لو اولادك مبياكلوش خضار يبقى الحل في الوصفه دي🤩
ناجتس فراخ و خضار مغذيه و صحيه جدا و المفجأه ان طعمها هيبهركم من حلاوتها و طعم الخضار نفسه مش باين اوي يعني الاولاد اللي مبياكلوش الخضار مش هياخدوا بالهم منها خالص و بكده يبقى غذناهم و ضحكنا عليهم 🤓🤭
🔲المقادير:
٥٠٠ جم صدور و ممكن اوراك او ميكس الاتنين
١ كوسه
١ بصله
١ جزرة
قطعمة جنزبيل فريش ( قد عقله الاصبع كده)
١ فلفل اخضر
٣ فصوص ثوم كبار
١ بيضه
٢ م.ك بقسماط
م.ك نشا
توابل: م.ص من ( فلفل اسود - كمون - كسبرة ناشفة-بصل و قوم بودره - بابريكا مدخنه - مرقة دجاج فوريه- ١/٢ م.ص كبيبة صيني )
م.ك صويا صوص
م.ك سمسم
م.ك بقدونس مفروم
للتغطيه: بيضه - ملح - فلفل أسود- ٢ م.ك حليب
بقسماط ناعم + كورن فليكس
❗️ لازم تدخلوها تتشمع شويه في الفريزر قبل القلي عشان تمسك معاكم و تديكم نتيجه ناجحه 👌🏼
متسيبوهاش كتير على النار لو هتقلوها في الاير فراير حوالي ١٠ دق او ربع ساعه بالكتير حسب الجهاز بتاعكم عشان متنشفش و
لو هتقلوها في زيت غزير على نار متوسطه ٣ دق على جمب و هتكون استوت 👌🏼
لازم تجربوها و تعملوا منها كميه تشيلوها في الفريزر عشان هتحتاجوها كتير اوي في اللانش بوكس مغذيه و سريعه و كمان موفره 🤓
فراخ ناجتس خضار صحي وصفات صحية سهله اكلات لانش بوكس اطفال مدارس تغذيه
#ناجتس #خضار #صحي #اكلات #مصر #السعودية #دبي
Click here to claim your Sponsored Listing.
Category
Contact the public figure
Website
Address
Cairo