PrimeKidz

لو دورنا في وظائف المستقبل الجايه، فأكيد كلنا عارفين انها الوظائف اللي متعلقه بمجال السوفت وير اللي ليها مستقبل سواء كفلوس أو كمكانة في المجتمع

دلوقتي تقدر تبدأ تتعلم البرمجه مجانًا وخصوصًا برمجه الويب لما تسجل اسمك من هنا ونبعت لك لينك اللايف اللي جاي:
https://bit.ly/2YMYdmm
من خلال محتوى عربي محترف 100% مع المهندس محمد حسن
خبرة أكثر من 10 سنين في مجال السوفت وير والبرمجيات
ومحاضر سابق في معهد تكنولوجيا المعلومات التابع لوزارة الإتصالات (ITI)
أول دورات الكورس هتكون لايف بحيث تكون قادر على المناقشة والتعلم بشكل نشط وتقدر تسأل وتستفسر
وعشان تكون فاهم أكتر البرمجيات لو معندكش خلفيه عنها خالص، اسمع الفيديوهين اللي في أول كومنت

كلنا نشأنا على اعتقاد خاطىء وهو إن الأب والأم لازم يكونوا على دراية بكل شيء ومرجعية لينا في حياتنا، فعلى الرغم من الأب والأم بيعملوا دور عظيم في تربية الأبناء إلا أنهم ميقدروش أبدًا يتغلبوا على الطبيعة البشريه ويكونوا كاملين
في المقال ده هنكلمك عن بعض النصائح عشان تقدر تتغلب على أسطورة الأب والأم المثاليين:

1- ثق في نفسك:
بعض الأباء بيعتنوا بأطفالهم وعاوزين لهم الأفضل دائمًا، فيحطوا نفسهم في مأزق انهم لازم يعروفوا أي جديد في التربية أو الأبحاث العلمية أو قراءة الكثير من الكتب، رغم أن ده جيد من ناحية التربية لكنه في بعض الأحيان يخليك تنسى أنك صاحب السلطة الوحيد في تربية أبنائك بالطريقة اللي تتماشي معاهم.
2- تجنب المقارنات:
مواقف أولاد الجيران والعائله مختلفة عن أفعال أولادنا، ممكن نسمح لأولادنا بفعل أشياء ممنوعه على أولاد الجيران، لأن الظروف بتختلف من عائله لأخرى ومن أفراد لأفراد تانين، فإختلاف المعايير موجود من أسلوب تربيه لآخر.
3- الأطفال ليسوا كاملين:
محاولتنا اننا نكون آباء وآمهات كامليين، يخلينا نتوقع الشيء ذاته من أطفالنا رغم أنهم أطفال مش عاوزين غير القبول من أهلهم والدعم والحب.
4- تقبل الألم:
على الرغم من أنه صعب نشاهد أولادنا تعاني وتتألم قدامنا، لكن مش هنقدر نمنع ده طول الوقت
فيه مواقف لازم يتعلموا فيها بنفسهم بواقع الخبرة وواقع التجربة، فلازم نتقبل أننا نقدر ندعمهم تاني ونقف على رجلينا من جديد.
5- طلب المساعدة:
مهما حاولنا نعمل كل حاجه، مش هنقدر وهنحتاج مساعدة أو استشارة
فلما تلاقي نفسك في موقف مش عارف تتصرف فيه ازاي، اسأل واستشير غيرك من اللي عنده خبرة.

لو استفدت من المقال متنساش تشاركه مع معارفك وأصدقائك، وتعمل إعجاب بصفحتنا وتتابعنا.

ألعاب جماعية تساعدك تقضي وقت ممكن مع أسرتك أو أولادك أو أصحابك
اتفرج على الفيديو وأعرف إيه هي وعيش تجربة جديدة ممتعة مع أحبابك 😃

افضل التطبيقات | العاب جماعية #اندرويد #ايفون كتير بنبقي كلنا اقعدين مع بعض بس كل واحد فينا ماسك الموبيل بتاعة ودة بيخليك بعيد عن اسرتك واصحابك حتي وانت معاهم في الفيديو ده هنشوف مجموعة من الالعاب الجماع...

هل ابني متنمر أو عرضه للتنمر ؟!
اتكلمنا في البوست اللي فات عن التنمر والدوافع اللي تخلي الطفل متنمر
طب أعرف منين إن طفلي متنمر ؟!
فيه بعض الإشارات اللي بتكشف ليكي إذكان طفلك متنمر ولا لأ وهي:
1- ميله للمشاهد العنيفة ورغبة في تقليدها.
2- عدوانيته تجاه البالغين والسخرية منهم مثل الأباء والمعلمين.
3- لا يظهر تعاطف عند رؤية موقف يتعرض فيه طفل للمضايقة او التنمر.
4- ميل للسيطرة على الأخرين.
5- التهور وسرعة التهيج والتعرض للإحباط المستمر.
6- غالبًا كسر الأوامر والحدود المفروضة عليه.
7- يجيد التكلم بطلاقة وسعادة عما يتعرض له من مواقف صعبة ومتوترة
هل يتعرض طفلي للتنمر ؟!
هنقولك بعض الإشارات اللي تبين لك إذا كان طفلك بيتعرض للتنمر ولا لأ وهي:
1- أنه يرجع البيت بملابس ممزقة أو كتب أو متعلقات أخرى مفقودة.
2- يكون عنده جروح وخدوش بدون تبرير.
3- عنده عدد قليل من الأصدقاء اللي بيجلس معاهم بإستمرار.
4- بيخاف من الذهاب للمدرسة أو ركوب الأتوبيس أو حتى المشي لها وبيحاول يختلق الأعذار عشان ميروحش.
5- عنده أحلام سيئة متكررة وصعوبة في النوم.
6- بيعاني من فقدان الشهية.
7- فاقد الثقة في نفسه وحزين ومكتئب.
8- يرفض القيام بالواجبات الدراسية ويتدنى مستواه بشكل ملحوظ في الدراسه.
9- يشكو بشكل متكرر من أعراض التوتر مثل الصداع أو ألام المعدة أو أي أعراض جسدية أخرى.
دي بعض الإشارات التي يجب عليك الإنتباه لها وخاصة إذا كانت فجائية، بس يجب عليك برضه إنك تسأل طفلك عن يومه الدراسي وتظهر له اهتمامك عشان تقدر تفهم إذا كان تعرض للتنمر ولا لأ
ولو اتأكدت، حاول تظهر له دعمك وحمايتك.
وإياك أنك تروح له وتسأله بشكل مباشر عن : هل حد بيتعرضلك أو بيأذيك ؟
لأن الضحية دائمًا بتميل للإحساس بالذنب وهتخفي تعرضها للتنمر عشان تنفي عنها تهمة الضعف.

لو استفدت من المنشور، متنساش تعمل إعجاب للصفحه وتعمل مشاركه مع أصدقائك ومعارفك.

كل عام وأنتم بخير وعيد سعيد عليكم🥳
وبنتمنى ليكم وقت سعيد ليكم مع أولادكم وحبايبكم 🥰🥰

قبل ما نتكلم علي ايه دوافع الشخص عشان يكون متنمر لازم نفهم في البداية يعني ايه تنمر ؟ 🤔
التنمر هو إيذاء بدني أو إهانة جسدية أو لفظية، وممكن يكون تحرش جنسي أو عنصرية، أو سلوك يسيء للآخرين، وممكن يتحول بعد كده لسلوك إجرامي بيمارسه المتنمر لإشباع رغباته

طب إيه هي دوافع التنمر ؟
1- القوة 💪
الأطفال المتنمره بتميل لفرض السيطرة والتحكم في الأخرين، ولو الأمور لم تتم زي ما هما عاوزين بيلجأو للتنمر.
2- الشعبيه 👨‍👨‍👧‍👧
في بعض الأحيان يكون التنمر نوع من أنواع الظهور الإجتماعي
بمعني الأطفال اللي بتميل إنهم يتميزوا عن زمايلهم، بيميلوا للسخريه من الآخرين وإطلاق النكات عليهم
وفي بعض الأحيان بيتطور الوضع إنهم يطلقوا الشائعات والثرثرة الكذابه للتقليل من شأن الآخرين، عشان هم شايفين انهم بكده بيكسبوا قوة إجتماعية
3- الإنتقام 😡
بيميل بعض الأطفال أو المراهقون اللي تعرضوا للتنمر للإنتقام من ذلك السلوك عبر ممارسته علي أطفال آخريين
ويشعرهم ذلك بالراحة، والسيطرة علي أطفال أضعف منهم
4- المشاكل المنزلية 💔
الأطفال القادمين من بيئة بتسيء لهم، بيميلوا إنهم يمارسوا التنمر أكثر من باقي الأطفال، لأن العنف والعدوانية بتأثر بشكل سلبي علي سلوكهم وبتخليه ديمًا لا يحترم الآخرين
وكذلك أيضًا الأطفال الي بيتعرضوا للتنمر عبر السخريه والعنف من أخوانهم الأكبر سنًا منهم، بيمارسوا تنمر مشابه زي اللي تعرضوا له علي أطفال آخرين عشان يحسوا بالسيطرة وبتقدير الذات.
5- السعادة 😇
بعض الأطفال بيمارسوا التنمر علي سبيل التسلية والسعادة لإضافة بعض الدراما والإثارة لحياتهم المملة
وبالأخص لو كان مهمل من أسرته وإشراف الأبوين
6- الأحكام المسبقة 😕
في كتير من الأحيان بيتنمر الأطفال علي غيرهم بسبب إختلافهم العرقي، الديني، الجنسي، مستوي الجمال.
وبيرجع ده لتقليد الطفل الأبوين في المنزل، لأن الطفل مصدره الأول في هذه الأحكام هما الأب والأم.
7- ضغط الأصدقاء 😫
الخوف من فقدان الأصدقاء والوحده بيجعل الطفل يمارس نفس السلوك اللي بيمارسه أصدقائه لو كانوا متنمرين حتي لو خالف ده معتقداته الشخصية

طب نقدر نوقف التنمر إزاي سواء كان ابني متنمر أو عرضه للتنمر ؟
ده هنعرفه في البوست الجاي
تابعونا ومتنسوش تعملوا لايك لصفحتنا ومشاركة للبوست لو استفدت منه 😍

التنمر من أكثر المشاكل انتشارا في مجتمعنا هذه الأيام، ومن المحزن أن يتعرض أطفالنا لمثل هذه التجربة سواء كانوا ضحايا، شهود، أو حتى متنمرين.

شاركينا بخبرتك، بتعرفي إزاي إن ابنك تعرض للتنمر أو بيتنمر علي أصحابه؟
وتابعينا عشان هننزل الفترة الجايه بسلسلة منشورات عن التنمر وإزاي تساعدي طفلك لو هو عرضه للتنمر أو بيتنمر علي أصحابه

هل العقاب فن ؟!

للأسف أوقات كتير بنسيء استخدام أداة العقاب في تقويم سلوك أطفالنا وبنحصرها في العقاب الجسدي زي الضرب والسب، وده بيؤثر بشكل سيء على نفسية الأطفال وبتؤثر كمان على نموهم العقلي بالسلب.

وكمان ممكن نستخدم طرق خطأ أخري للعقاب متقلش خطرًا عن الضرب زي :
1- مدح طفل تاني قدام ابننا أكثر من مره
2- التقليل من شأن إنجازاته
3- الخصام الزائد عن حده بعد ما ابنك أو بنتك اعتذر عن خطأه

لكن فيه أساليب أخرى للعقاب تستخدم كفن لتهذيب سلوك الطفل بدون أذية نفسيته، وتكون مفيده في تعديل السلوك زي :
1- النظرة الحادة اللي بتحذر الطفل من إرتكاب خطأ.
2- حرمان الطفل من شيء يحبه، بعد إرتكاب الخطأ أكثر من مره وليس من أول مره لأن أول مره بيتم تحذيره.

وفي النهاية الثقة هي أساس كل العلاقات، والفهم أساس الترابط بين الآباء وأبنائهم، اتكلم ديمًا مع طفلك وفهمه خطأه، أفضل من إنك تعامله على إنه مش بيفهم وتعاقبه وهو مش فاهم بتعاقبه ليه.

لو لاقيت المنشور مفيد، متنساش تعمل إعجاب لصفحتنا وتشترك علي قناتنا علي اليوتيوب وتتابع فيديوهاتنا الجديدة والقديمة من خلال الرابط ده:
https://urlgeni.us/youtube/channel/aVvN

مين فينا نفسه يطلع من رمضان بأفضل ثواب ممكن وأعمال صالحه ؟!
في الفيديو ده هنكلمكم عن تطبيقات تساعدنا في الإستفادة من رمضان بأفضل شكل ممكن 🥰

ومتنسوش لو الفيديو عجبكم واستفادتم منه تشجعونا
وتعملوا لايك و تشتركوا في القناه وتفعلوا الجرس
وتقولوا لينا هنا "تـم"
وتشاركوه مع أصدقائكم 😃
https://urlgeni.us/youtube/ndSs

أفضل تطبيقات | رمضان #تطبيقات_اندرويد_ايفون لان رمضان مش زي اي شهر في السنة كل واحد فينا بيحاول يستعدلة بشكل مختلف بس كلنا في الاخر هدفنا واحد اننا نطلع منه بأكبر قدر من الحسنات ان شاء الله في حلقة انه...

القراءة من العوامل المهمه جدًا عشان تبني شخصية طفلك، ووقت الفراغ الكبير الموجود في حياتنا دلوقتي وحياة أطفالنا بسبب الحجر المنزلي، يساعد علي تنمية حبه للقراءة بشكل كبير يفيده ويقوي من شخصيته 💪
ودي 6 نصائح تساعدك علي تشجيع إبنك علي القراءة:

1) خلي الكتاب حواليه في كل مكان 🧐
متخليش الكتب علي الأرفف، خليها في كل مكان عشان يكبر ويلاقي نفسه ديمًا محاط بالكتب، احتفظي بكتاب في العربيه وجنب التلفزيون وجنب سريره وفي كل مكان بيتواجد فيه بكثره.

2) خليكي قدوة ليهم 🦸‍♂️🦸‍♀️
لما بتكبر محاط بالكتب، هتحب الكتب.. ولما أطفالك يشوفكي بتقرأي وبتيجي تحكي لهم علي اللي قرأتيه، هيحبوا يقرأو زيك، ولو حسستيهم إن الموضوع بيجلب السعادة والفرحة بطريقة مشاركتك معاهم عن اللي قرأتيه
هيحبوا القراءة جدًا

3) خصصي مكان للقراءة 🥰
وجود زاوية في البيت هادئة ومريحة مخصصة للقراءة ومليئة بالكتب، ده بيشجع جدا الأطفال إنهم يقرأوا ويدخلهم في مود القراءة بسرعة.

4) اجلبي الكتاب إلى الحياة 🤖🧜‍♀️🧞‍♂️🏃‍♀️
من الرائع أن تخلي أطفالك بعد ما يقرأو الكتاب، يحولوه لنشاط في حياتهم
يعني مثلا لو بيقرأو عن الحيوانات، هيكون من الجميل إنك تفرجيهم علي فيلم فيه الحيوانات اللي قرأوا عنها
ولو كتاب فيه أنشطة وألعاب، هيكون من الجميل تمارسوها بعد ما يخلصوا الكتاب

5)اسألي ديمًا 🤔
لما يخلص طفلك الكتاب، ابدأي اسأليه ودردشي معاه عن اللي قرأه، وابدأي تفاعلي معاه.
وخلي بالك متخليش الموضوع يبدو كإختبار، لكن خليه يكون كدردشة بسيطه يشاركك بيها اللي قرأه

6) قدمي لهم الكتب كهدية
قدمي له الكتب كهدية في المناسبات المختلفة، ولما يسألك عن اقتراح لهدية يجيبها لصديقه، اقترحي عليه كتاب، وبالطريقة دي هتعلمي طفلك ان الكتاب وسيلة مهمة للتواصل مع الآخرين وتكوين خبرات بسهوله

في النهاية، هننزل لكم أنشطة تانيه ممتعة كتير علي صفحتنا وازاي تنبسطوا مع أطفالكم في الوقت ده وازاي تخرجوا طاقته في حاجه صح، تابعي صفحتنا وإعملي لها لايك، واستني البوست الجاي.

علم أولادك البرمجه وطرق التفكير من خلال 3 ألعاب تعليميه
تلاقيهم في الفيديو ده 👇:
ومتنسوش تشتركوا في القناه بعد ما تشوفوا الفيديو وفعالو الجرس عشان يوصلك الفيديوهات الجديدة

https://urlgeni.us/youtube/ndSs

افضل تطبيقات للموبيل | العاب تعليمية للاطفال لكل الاعمار مجانية #العاب الفترة دي مهمة لينا ولاولدنا اولادنا بيقعدوا في البيت لفترات طويلة . . . بتحسسهم بالملل وده بيخلي ا...

أولادنا الفترة دي عندهم وقت فاضي كتير، خلي الموبايل جزء أساسي من يومهم
في الفيديو ده هنعرضلكم 3 من أفضل تطبيقات الألعاب التعليمية لكل الأعمار ومجانية

متنساش لو عجبك الفيديو تعمل Subscrip و Share و Like عشان تدعمنا نكمل وننزل فيديوهات تانيه

https://urlgeni.us/youtube/ndSs

افضل تطبيقات للموبيل | العاب تعليمية للاطفال لكل الاعمار مجانية الفترة دي مهمة لينا ولاولدنا اولادنا بيقعدوا في البيت لفترات طويلة . . . بتحسسهم بالملل وده بيخلي الموبيل جزء اساسي في يومهم ان شاء الله في الفيديو ده هنعرف ...