KHEDR STORE

تركيب و توصيل Reverse Light من شركة MP Concepts لعربية Mustang من اقوى العربيات الأمريكي في مصر 🤩

الليد دة بيشتغل على كذا وضع ( مع الفرامل - مع الريفيرس - اول تكة نور ) عشان كدة ليه طريقة في توصيله 👌🏻

دي عربية جاتلنا بالمنظر دة وكل الي العميل عمله انه راح لحد غيرله السير من غير ما يعرف ايه السبب انه يتقطع وهل فيه اجزاء منه دخلت جوا الموتور ولا لا واكتفى بتغيير السير الي اتقطع منه اجزاء تاني وكان في طريقه انه يتقطع تماماً ويلف على طنبورة الكرنك تاني!

لو سير المجموعة اتقطع منك لازم تروح لحد متخصص يتأكد ان السير ملفش على طنبورة الكرنك ودخل جوا المكنة ولا لا عشان في الحالة دي ممكن توصل ان المكنة تقفش!

ليه تغيير بطارية البي ام دابليو BMW مش مجرد عملية شيل بطارية وحط بطارية؟ وليه لازم تعمل Battery Register او تكوّد البطارية؟

عربيات BMW فيها نظام ذكي جداً لإدارة الطاقة اسمه IBS (Intelligent Battery Sensor) وبالمناسبة بيجيلنا عربيات كتير ملغي فيها السينسور دة!

النظام ده عارف عمر البطارية وحالتها. لما البطارية بتقدم، العربية بتبدأ تزود جهد الشحن (Charging Voltage) تدريجياً عشان تعوض ضعفها و تحافظ على كفاءة العربية.

طب إيه اللي بيحصل لو غيرت البطارية من غير ما تعمل Register على جهاز الأعطال؟

العربية هتعامل البطارية الجديدة كأنها قديمة و دة معناه ان الكمبيوتر مش هيفهم إنك حطيت بطارية جديدة وهيستمر في ضخ جهد شحن عالي جداً والنتيجة هتكون ان البطارية الجديدة هيحصلها (Overcharging) وعمرها الافتراضي هينتهي في شهور قليلة!

مشاكل في كهرباء العربية عموماً زي إن العربية تفصل بعض الوظائف أو تطلعلك رسائل خطأ غريبة (زي الـ Comfort Access، شاشة العرض، أو التكييف) لأن الكمبيوتر فاكر إن الطاقة لسه ضعيفة ومحتاج يوفرها.

تلف الدينامو ودة لان الدينامو هيفضل شغال بأقصى طاقة ليه بدون داعي، وده بيقصر عمره و بيبوظه و بيبوظ مكوناته زي سيليكونات قنطرة التوحيد Rectifier Bridge و منظم الجهد Voltage Regulator، ومش بس الدينامو الي بيتأثر دة فيه كنترولات و اجزاء الكترونية تانية بتبوظ زي الـFRM و الFEM/BDC.

عشان تحافظ على بطاريتك الجديدة وتضمن إن نظام الكهرباء في عربيتك شغال بأعلى كفاءة لازم بعد التركيب ندخل بجهاز الأعطال ونعرف كمبيوتر العربية إحنا ركبنا بطارية جديدة بنفس المواصفات عشان يبدأ معاها دورة شحن جديدة من الصفر و نحافظ على العربية ودايرة الكهرباء فيها و نتجنب اي مشاكل و نوفر فلوس بتضيع عالفاضي بسبب خطأ صغير.

نتشرف دايماً بزيارتكم في مركزنا في مدينتي - كرافت زون - بلوك ١ او بالاستفسارات على ٠١٢٧١١١٧٠٠٠ - ٠١١٤٠٠٩٠٧٠٥

🖤 ❤️ 💛

ارتفاع في اسعار زيوت توتال !

فضل الله علينا ❤️

شغلنا بيتكلم عننا .. متع عينك واتفرج 😍😍

❤️

أقوى زيت في مصر بدون منافس 🥇

اعلى خامة زيت Base Oil
احلى حزمة اضافات Additive package
اعلى معامل لزوجة Viscosity index
اعلى تحمل لمختلف ظروف التشغيل و انواع الوقود
اعلى مواصفة A7/B7

شوية رفايع علامات وبادجات BMW و Mercedes- Benz 🤩