Auto Zone

وعلشان إحنا مؤمنين ان اهم اسس النجاح وتحقيق التقدم هو العلم ، وان بالعلم تتقدم الامم ، احنا حابين نشارك مع الجميع وبصدر رحب أهم سر من اسرار نجاحنا كمجموعه مراكز Renault Clinic (Auto march - Auto Zone)
وايه السر الي بيخلينا دايماً مفيش قدمنا مشكله غير لما نلاقي حل ليها ونصلحها ونمحي اثارها.
والسر هو كتالوج الاصلاح الخاص بشركة رينو نفسها ، والكتالوج ده هو نفسة الي المفروض مهندسين التوكيل بيعتمدوا عليه في عملية اصلاح المشاكل
الكتالوج الي احنا بنستخدمه ده يشمل كل حاجه تخص العربية من اول طقطق لسلام عليكم ( شاسية وابعاد ومقاسات واحجام ، كهرباء كاملة وضفاير وحساسات ميكانيكا وعفشة وماتور وفتيس وكل ما يخطر علي بالك ، ومش بس كده لاء ده فيه شرح لاكواد الاعطال وازاي تحلها وازاي تفك وتركب اي قطعه في العربية والاهم من ده كل الدوائر الكهربائية ورسومات هندسية بتقول الارضي والكهرباء والبيانات وكل تفصيلة صغيرة وكبيرة فيه عن الكهرباء) وطبعاً الموضوع ده مش بس مقتصر علي رينو فلونس ، لا ده كمان رينو ميجان بلاي بكل تفاصيلها.
خلصنا كده ؟ لا احنا كمان في شغل رينو مبنشتغلش بأي اجهزة احنا بنشتغل بأجهزة رينو الرسمية Renault Can Clip لان الاجهزه دي بالمعني الحرفي بتتكلم مع الكنترولات المختلفة في العربية وبتوصل الدوائر الكهربائية ببعضها زي ما الكتالوج ده بيقول ، يعني انت لو ملكت الكتالوج + Renault Can CLip + خبرتك في العمل
هتعرف تحل اي مشكله في العربية هتواجههك.
جه وقت المفاجاه لينك التحميل للكتالوج 5000 صفحه بين ايديك تقدر تتصفح فيهم بالطريقى الي تريحك للتحميل
https://tinyurl.com/RenaultFlunece

ياعم انا هفكر بس والله 😹😹😹😹😹

لما تاكل مطب علي سرعه ، فتهدي وتوطي الكاسيت

النهارده احنا جايين نتكلم عن اكتر حساس مظلوم في العربية 🙄🙂 الي معظم الناس القائمين علي صيانه السيارات بيقولك غير بدون تفكير وارمي القديم لانه بايظ بدون تفكير 😤 سواء كانوا توكيلات او مراكز صيانه او ورش 😑(بقول معظمهم مش كلهم شايفك يالي بتقول متجمعش 😂).
الحساس الي انا عاوز اتكلم عليه النهارده هو "حساس الشكمان" 🤒......
-------------------------------------------------------------------------------------
ما هو حساس الشكمان ؟ 🤨
هو الحساس المسئول عن قياس نتائج الاحتراق داخل المحرك وارسالها الي المحرك ليقم بضبط مخاليط الاحتراق داخل المحرك والمقصود بمخاليط الاحتراق (البنزين ، الهواء ، نيتروجين ) ايوة علي فكرة النيتروجين 78% 😮من نسبة الهواء الي بتخش الماتور بس هو مش نيتروجين خالي ولكنه مخلوط ببخار الماء ونسبة الاكسجين الي بيخش الماتور 21% من اجمالي الهواء الي داخل الماتور ليتم حرقه مع البنزين.
-------------------------------------------------------------------------------------
كيف يعمل حساس الشكمان؟
والله مخبيش عليك هو طريقة عملة مش طريقة سرية ولا مخفية عن الكل 😁😀
ولكن عمرك ما هتلاقي حد اتكلم وشرح الموضوع زي AutoZone 🤗😚
الموضوع ببساطه هو ان كنترول العربية بيرش شوية بنزين وينفخ شوية هواء ويدي شرز وهوبا بوم تخ يحصل انفجار في الماتور وينتج عن الانفجار ده حركه و دخان هباب اسود🤯 ،، الدخان ده عبارة عن كربون واكسجين وبخار ماء واول اكسيد الكربون السام 🤢🤮 ومش هشرح المعادلات الكيميائية الي ادت الي توليد كربون واستخراج الاكسجين وبخار الماء واول اكسيد الكربون بس بكل بساطه لو عاوز تنتحر شدلك نفسين من شكمان اي عربية وريح دماغك 😂🤣😅 (سامعك يالي ورا انت وبتشتم وبتقول مين السخيف ده هحملك سوء إستماع وسخريه🙄🙄😑😑) ،،،،،
المهم خلينا نركز في الموضوع ونجاوب ازاي حساس الشكمان بيشتغل....
بعد ما بيحصل انفجار داخل الماتور وبيتم تحويل مخاليط الاحتراق داخل الماتور الي صورة اخري الماتور بيتخلص منها لانه مش هيعرف يستفيد منها تاني فبتخرج عبر فرن الشكمان الي علبة البيئة المسئولة عن تقليل انبعاثات الاحتراق وتخليه في اقل الحدود الغير مضرة بالبيئة (متخفش نفسين😄😃 كافيين يقعدوك في المستشفي) في نص السكه بين علبة البيئة وبين فرن الشكمان تجد حاجه كده شبة الصباع راكبه بشكل رأسي وخارج منها فيشة متوصلة بضفيرة العربية هو ده حساس الشكمان 🤓🤓لحد هنا إحنا كويسيين.
ايه بقي الي بيحصل لما ناتج الاحتراق بيعدي علي حساس الشكمان 🙄 ،، بالبلدي كده حساس الشكمان شغال ذواقة 😅😅 اه والله بيدوق ناتج الاحتراق الي خارج من الماتور 🍔🥘🍕 وبيحدد نسب كل مكون من مكونات ناتج المحروق الي قولتها قبل كده فوق وبيبعت لكنترول العربية الي بدورة هو الاخر هيقيم عملية الاحتراق ويعمل حساباته علشان في الاخر يدي قرار 🧐🧐🧐!
--------------------------------------------------------------------------
كنترول العربية بيدي قرار؟ قرار ايه؟ 🤔🤔
حضرتك لو نسبة الوقود زياده جداً حساس الشكمان هيبعت للكنترول يقوله خلي بالك انا خرجلي وقود زياده ..... قوم ايه بقي الكنترول بسرعه يلحق يقلل كمية الوقود الي دخلت الماتور ويزود شوية هواء عن طريق البوابة ويستني النتيجه من حساس الشكمان الي هيرد ويقوله خلي بالك الهواء اكتر من البنزين فالكنترول يعمل حساباته ويعدل في النسبة دي لحد ما يوصل لنسبة الاحتراق الامثل 😍😋
طبعاً كنترول العربية مبياخدش بيانات من حساس الشكمان بس لا ده بياخد 100 قراية من 100 مكان مختلف في نفس الوقت فساعات حساس الشكمان يبعت للماتور ويقوله ان نسبة الاحتراق ممتازه ولكن العربية بتقطع لدرجه انها هتبطل 😰😨😱...هتسألني الكنترول عرف المعلومة دي هقولك من حساس الكرنك 🤔المهم مش ده موضوعنا الوقتي خلينا نركز في حساس الشكمان.
كنترول العربية لقي ان العربية هتبطل وبعد رجوعه لبعض قرأت الحساسات لقي ان السبب متمثل في ان خليط الاحتراق هواء كتير قوووي وبنزين قليل وحساس الشكمان بيقوله ناتج الاحتراق زي الفل والحساسات التانيه الي هتقولك اي معلومه غير كده هي الي لامؤخذة شمال 🏋️‍♀️🏋️‍♂️🏋️‍♀️🏋️‍♂️....
يقوم عمك الكنترول معاقب حساس الشكمان ويوقفه عن العمل 😥😱😨!!! حساس الشكمان يقوله يا بية والله انا مظلوم 😦🤕 يرد الكنترول ويقوله لا انت ابن كلب انت موقوف عن العمل 😡🤬 واشارة كهربائية تتبعت في ضفيرة العربية تستغرق اقل من 10 نانو ثانيه لعدادت العربية وينورك لمبه CHECK ENGINE 😫😫 طبعاً انت متعرفش الحوارات دي كلها الي بتحصل والخناقات بين الحساسات والكنترول تحس ان في معركه فيها ضرب نار وانت ولا دريان 😟.
طب ليه الكنترول وقف حساس الشكمان عن العمل 😥 ! ليه إدي القرار ده مع ان الراجل ملتزم 😣؟!
لان بكل بساطه كنترول العربية جاله من حساس الشكمان بيانات غير واقعية بالمره لا تعبر عن الوضع القائم والفعلي لنسبة الاحتراق في المحرك (بقول لسعتك الموضوع كبير اوي قوي اوي في حساسات بتتفرم علشان حضرتك تتحرك باالعربية 😂😂)
--------------------------------------------------------------------------
ماذا يحدث عند إلغاء حساس الشكمان؟
بيتم الاستغناء كلياً عن الهواء داخل المحرك والاعتماد بنسبة 100% علي الوقود مما يؤدي الي زياده استهلاك الوقود بشكل كبير وملحوظ.
--------------------------------------------------------------------------
ايه هي المشكله ايه الي حصل ليه قولت ان حساس الشكمان مظلوم ؟😟
سبق وقولت لحضرتك قبل كده ان الشكمان شغال ذواقة صح 🍔🍕🥪؟
طيب هو مش ممكن انت حطيت بنزين وحش سبب ان حساس الشكمان يبعت قرايات غلط؟ طيب هو مش ممكن تكون انت تأخرت في تغيير فلتر الهواء لدرجه ان نسبة الهواء الي بتخش اقل من النسبة الي مطلوبة فحساس الشكمان يبعت قرايات غلط ؟ 😶🙄(طبعاً ده غير ان العربية هتكون مخنوقة)
طيب هو مش ممكن يكون الشكمان مخروم او الفرن مكسور ؟! 🤔
حضرتك هتقولي ايه علاقة الخرم او الكسر بقرايات حساس الشكمان 🤔
طبعاً ما انت كل شوية تنسي ان حساس الشكمان شغال ذواقة 🍕🍔🥪
الوقتي لو الشكمان مخروم او الفرن مكسور هيحصل خلط بين العادم الي خارج من الماتور والهواء الخارجي ! صح ؟😣😣😣
ساعتها حساس الشكمان هيتذوق هواء غير محترق هيبعت اشارة غير صحيحة للكنترول الي بدورة هيأخر خروج العادم من الماتور فالعربية تقطع منك لان اصلاً مش فاضل حاجه في العادم تتحرق ! فالكنترول ياخد قرار بإيقاف حساس الشكمان عن العمل وينورلك لمبه فحص المحرك. 😬
😬تقوم حضرتك رايح لمكان ما لإصلاح المشكله فيقولك حساس شكمان .... طب غيرة ... تمشي بية يومين وتلاقي اللمبة نورت تاني !! وتفضل تشتم وتلعن في قطع الغيار المضروبة مع ان العيب مش من قطعه الغيار ولا من الحساس الي كان راكب وهو #مظلوم اصلاً
ويعض بقي الحساس يغنيلك دي حكايتي مع الزمان 😃 😃
--------------------------------------------------------------------------
ايه بقي اسلوب العلاج؟
احنا في #اوتوزوم عندنا سيستم كامل مكمل لفحص مشاكل دورة الوقود وجهاز كشف اعطال متخصص بنعمل فحص لو طلع لينا مشكله في حساس الشكمان مش بنغيير الحساس وخلاص لاء بنعمل فحص لجميع اكسسوارات عملية الحقن بحيث اننا نتأكد انها سليمه 100% لو سليمة بنبدأ نفحص الشكمان وفرن الشكمان لمعرفة اذا كان في كسر او خرم بشكل او باخر فيهم لو فيهم حاجه بنعرض علي حضرتك إستبدالهم او لحامهم وطبعاً احنا بنفضل الاستبدال لان طالما اتخرم او اتكسر مرة هيتخرم ويتكسر كل شوية لان بكل بساطه الفرن او الشكمان معدنه تأكل وضعف فبردوا بيرجع الاختيار لمالك بعد ما نعالج اي مشاكل لقناها في العربية متعلقة بمنظومة الوقود بنخش بجهاز الاعطال نمسح العطل ونبرمج الكنترول من اول وجديد ونشغل العربية ونحطها تحت التجربه ونشوف هل اللمبة هتنور تاني ولا لاء لو نورت يبقي كده الحساس فعلاً باظ ومحتاج يتغيير وبيتم تغييرة.
--------------------------------------------------------------------------
#اوتوزون مركز صيانه متكامل الخدمات 😎😎 ،، تحت إدارة مهندسين 👨‍🔧👨‍🔧 ،، وفنيين علي أعلي مستوي 👨‍🏭👩‍🏭👨‍🏭 ،، توفير قطع الغيار 🚕🚗🚎🚐،، ضمـــــــــــــان حقيقي 😽😽😽،، #اوتوزون اكتر من مجرد خدمة 🤗
-------------------------------------------------------------------------------🤗🤗 #اوتوزون مش بس مهندسين او فنيين او حتي قطع غير اصلية
#اوتوزون امانه وضمير للحفاظ علي سلامتك

نادراً لما بنطلع نتكلم ونقول ونحكي عن الشغل الي بنعمله في العربيات ، بس في اوقات كتيرة جداً الواحد فعلاً بيخرج عن شعورة بسبب الي بيحصل في عربيات العملاء - قصة العربية النهارده أعجب من العجب ، صاحبها حب يعمل صيانة ليها يغير اتيال فرامل وزيوت ويظبط عفشة امامي علشان يسافر بيها في العيد ويتبسط ، وراح للأسطي فلان علشان يشتغله العربية ويخلصهاله لحد هنا مفيش مشاكل ! المشاكل حصلت لما الصنايعي مد ايده في العربية وغير 2 مساعد امامي و 2 طنبورة امامي و 2 كاليبر خلفي و 2 تيل خلفي وقاله انا غيرت ليك فلتر الهواء وبوجيهات والزيت تمام مش محتاج.
العميل سافر بالعربية وهو علي طريق السفر العربية عمالة تحدف منه يمين بلا توقف وجي بيشتكي جداً من الموضوع وبيشتكي من صوت حكه قوية في الفرامل الخلفية فأتصل بصاحبنا وقاله اصل انت عامل شغل في العفشة فمحتاج تعمل ظبط زوايا وكمان التيل الخلفي بيحك علشان لسه بيطبع ، فالعميل اطمئن وكمل رحلته علي خير وقال لما ارجع هبقي اعرض العربية علي حد تاني يقولي فيها إيه !
وكانت هنا الكارثة والصدمة الي حلت علي العميل لما جه عندنا واكتشفنا العك المبالغ فيه في العربية !
اولا:- لم يتم تغيير فلتر الهواء
ثانياً :- لم يتم تغيير البوجيهات
ثالثاً :- لم يتم تغيير الطنابير
كل الي فات ده كوم والي جاي كوم تاني
الباشا عمل حاجه جميله قوي ركب كاليبر خلفي وتيل خلفي بتاع ميجان 2 علي طنابير نيو لوجن نهيك بقي عن ان اصلاً الكاليبر بتاع الميجان مينفعش يركب علي اللوجان علشان فرق المقاسات والاجمل بقي ان التيل كل الطنابير الاصلية وحرقها وبوظها.
بس العك موقفش لحد هنا لا الباشا قاله انا هركبلك مساعدين استيراد احسن من الجديد ودخل المخزن جاب جوز مساعدين امامي جمال وركب واحد شمال بتاع لوجان وللامانه حالته كويسة مفهوش حاجه ولكن المصيبة في المساعد اليمين الي هو بتاع الميجان الي هو اساساً اقصر من بتاع اللوجان فخلي العربية مايلة اتجاه اليمين وده كان السبب الرئيسي ان العربية تحدف يمين طول ما هو ماشي.
في حقيقة الامر العميل كان مزهول واحنا كنا مش مصدقين ان ممكن حد يعمل كده في عربيه ويكون صنايعي ، فعلي العموم تم تغير كل حاجه الي اصلها وتركيب مساعدين جديده امامي وخلفي واعطاء ضمان حقيقي للعميل وطبعاً قبل ما سلمنا العربية للعميل طلع م. احمد مدير المركز وجرب العربية واختبارها والحمد الله مبسوطين جدا بعملية الانقاذ.
اه صحيح نسيت اقولكم ان الزيت طلع متغير بجد بس العميل طلب تغييرة تاني علشان مش ضامن ان الي اتحط ده زيت كويس ولا لاء مع اننا قولنا ليه انه شكله كويس وجديد ولسه مستهلكش بس اصر علي التغيير.
ونيجي للجزء بتاع رسالتنا للعملاء
يا سياده العملاء الافضل ارجو ارجو ارجو من سيادتك متروحش لأي حد والسلام ، في مراكز كتير محترمة وفاهمه في شغلها كويس وعارفين مع ان حتي الي مش فاهم مش هيعمل كده ويركب مساعد مش بتاع العربية للعربية.
-------------------------------------------
صور المساعدين وقطع الغيار في اول كومنت
-------------------------------------------
مركز
هو اول مركز صيانة متكامل الخدمات في زهراء المعادي
ميكانيكا ، عفشة ، فرامل ، كهرباء ، تكييف، كشف جهاز اعطال ، استقبال عملاء
ازي توصل لينا ؟
جوجل مابس :- https://maps.app.goo.gl/T2VMjo3KQtc8pMSw6
ارقمنا :- 201032225880+

الان ولفترة محدوده جداً 😊 بتقدم عرض الدمار للصيانات الدورية 😊
اعمل صيانة العربية عبارة عن :-
🔘 زيت 5 لتر شيل 10 الاف كيلو متر
🔘 فلتر زيت
🔘 فلتر هواء
🔘 غسيل ماتور كيماوي
🔘 كشف جهاز اعطال
🔘 تربيط عفشة
🔘 كشف عفشة كاملاً
⬅️فقط ب 850 جنيه شامل المصنعيات.
-------------------------------------------
مركز
هو اول مركز صيانة متكامل الخدمات في زهراء المعادي
ميكانيكا ، عفشة ، فرامل ، كهرباء ، تكييف، كشف جهاز اعطال ، استقبال عملاء
ازي توصل لينا ؟
0 103 370 0668

العربية رينو فلونس كانت جاية لينا فيها مشاكل واضحه جداً في الفتيس زي انها كانت بتعزم جامد وهي بتطلع المطالع بالاضافة الي انها كانت بتنتش والعربية كان اخر سرعتها 100 والار بي ام بيعلي.
للاسف اضطرينا نغير البادي فالف لان مكنش هينفع معاه التنضيف تم تغييرة وتغيير الزيت العربية فرقت 180 درجه
-----------------------------------------------------
مركز
هو اول مركز صيانة متكامل الخدمات
ميكانيكا ، عفشة ، فرامل ، كهرباء ، تكييف، كشف جهاز اعطال ، استقبال عملاء
ازي توصل لينا ؟
0 103 370 0668

العربية رينو ميجان صاحبها كان بيشتكي من كذا حاجه وهم في سخونيه دايماً بتدخله الصالون بالاضافة الي وجود ونه جامده وتنتيش في العربية كل ما يمشي اكتر يسمع الونه اكتر وتسريب زيوت متعدد الجوانب
فحصنا العربية وتم تغيير كرونه فتيس واولسبه قربه ووكرنك وتغير ترس دفيزر و اولسيه دفيزر وتركيب لباده حوض علشان السخونية.
------------------------------------------------------
مركز
هو اول مركز صيانة متكامل الخدمات في زهراء المعادي
ميكانيكا ، عفشة ، فرامل ، كهرباء ، تكييف، كشف جهاز اعطال ، استقبال عملاء
ازي توصل لينا ؟
جوجل مابس :- https://maps.app.goo.gl/T2VMjo3KQtc8pMSw6
ارقمنا :- 201032225880+
+201222598222

غسيل الماتور كيماوي
---------------------------------------------------------------------
مركز
هو اول مركز صيانة متكامل الخدمات في زهراء المعادي
ميكانيكا ، عفشة ، فرامل ، كهرباء ، تكييف، كشف جهاز اعطال ، استقبال عملاء

العربية رينو ميجان 2 ، نقدر نقول مشكلتها كانت في انها بتجيب زيت من كل حته ممكن تتخيلها
يعني الكولر كان بيجيب زيت ، غطاء التكهات بيجيب زيت ، الكرتيرة بتجيب زيت ، الخ..
فكينا كل الكلام ده وحطينا طبب جديده ونضفنا الدنيا كويس وحكمنا التسريبات وراجعنا علي حاله الماتور كانت تمام
والحمد الله الماتور سليم مش خفيف ولا حاجه
وغيرنا طقم مباين للعربيه وغسلناها كيماوي وخرجت للعميل والدنيا بقت تمام.
--------------------------------------------------------------
مركز
هو اول مركز صيانة متكامل الخدمات في زهراء المعادي
ميكانيكا ، عفشة ، فرامل ، كهرباء ، تكييف، كشف جهاز اعطال ، استقبال عملاء