Az-Fit

عيدكم مبارك .. و كل عام و أنتم بخير 🌹🌹

Princesses bedrooms 👸👸

Designed by our fabulous designer Partner
Nehad R.Darwish ♥️♥️

For any inquiry or questions don't hesitate to contact with us

السباكة

السباكة واحدة من أهم البنود اللي ممكن تتخيلها في تشطيب وحدتك السكنية
الغلطة فيها "لا قدر الله" بتكسير

ليها خطوات لازم تتعمل بالترتيب عشان توصل بنتيجة ممتازة

الجدول ده 👇 في شرح بسيط لخطوات أعمال السباكة ..

محتاج أي إستفسار او إستشارة الفريق الهندسي دائما موجود عشان يجاوب علي أسئلتكم

Living Room with a Coffee Corner

Designed by our fabulous designer Partner Nehad R.Darwish.

For any inquiry please don't hesitate to contact us.

المطبخ
في مقولة تانية متحف الملكة 😁

المطبخ دلوقتي مابقاش مكان لطهي الطعام و بس .. ابسليوتلي 🤗

المطبخ دلوقتي بقي جزء لا يتجزء من ديكور الشقة .. أختارته يكون مفتوح أختارته يكون مقفول حبيته وهوا فيه شباك مناولة عملته جزء من الريسبشن ... انت و خيالك آسف آسف "إنتي و خيالك 🤦‍♂️"

إيه هي معادلة المطبخ ؟
و إيه حلها ؟

معادلة المطبخ كالتالي ..

#السعر
#الشكل


هنتكلم هنا عن الشكل و التأثر بالعوامل و في بوست تاني للاسعار و طريقة الحساب.

طيب إزاي نحل المعادلة دي ..

نبدأ الاول نشرح إيه أنواع خامات تصنيع المطابخ عشان نفهم إيه مدي الإختلاف مابينهم و هتلاقي فالشرح رد علي معظم الأسئلة اللي بتيجي في بالك وأنت بتختار أسف أسف "وإنتي بتختاري 👸"

اولا.. المطبخ بيتكون من إيه؟
- جسم المطبخ اللي معظم الصنايعية بيسموه "العلب"
- الضلف
- الاكسسورات الأساسية " زي المقابض و المفصلات"
- الاكسسورات الفرعية " زي وحدات الميكانزم "

ثانيا.. أنواع المطابخ.

* المطبخ مصنع من الخشب الطبيعي ..
جسم المطبخ بيكون مصنع من الخشب "الكونتر "، أما الضلف يمكن تصنيعها بكذا طريقة

- الارو العادي. و ده قوايم الضلفة بتكون مصنعة منه و حشو الضلفة بيكون خشب فنلندي عليه قشرة ارو
- الارو الماسيف.. و هنا الضلفة كلها بتكون ارو
- العزيزي و البيتش باين .. وده فالمطابخ اللي هتكون في مدن ساحلية عشان الخشب ده مقاوم للرطوبة هوا نفسه الخشب اللي بيدخل في صناعة المراكب
- الموسكي
- الزان
- كونتر و راكب عليه قشرة ارو

* مطبخ مصنع من خشب غير طبيعي ..
النوع ده بقي منتشر حاليا فالسوق نظرا لمظهره الفريد اللي مهما حاولت فالخشب الطبيعي صعب تجيب نفس الاناقة وناخد بالنا إن كل اللي جاي انا هتكلم عن صناعة الضلفة فقط اللي بتكون MDF و عليها طبقة من الانواع دي 👇

- polylac..

البولي لاك عبارة عن ألواح بمظهر خشبي مكونة من عدة طبقات بتتميز بمعدل عالي لمقاومة الخدش و مقاومة سطحه للتأكل والحرارة لحد ١٤٠ درجة
كمان بتتميز بأعلي درجة لمعان أقرب ما يكون للمرايا

- lami Glos

اللواح تجليد عالية اللمعان مقاوم لدرجة الحرارة حتي ١٠٠ درجة مقاوم للخدوش بدرجة عالية و يتم تصنيفه واحد من اقوي الاسطح فالتجليد و يتميز بتعدد اللوانه التي تصل ل ٤٥ لون ومنها الالوان الرخامية.

- HPL "High Pressure Laminate"
اللواح تجليد متميزة فالالوان الخشبية .. سهلة التنضيف .. بتتميز بعدم ترك بصمة علي سطحها .. سطحه معالج ضد البكتريا .. مقاوم جيد للرطوبة و الماء و ضد الخدش و الشروخ مقاوم لدرجة الحرارة و بخار الماء

- Acrylic

اللواح تجليد يتم كبسها علي الضلف الخشبية تتميز باللمعان و سهولة التنضيف و مقاومة الحرارة و الرطوبة و مقاوم للحشرات

- gloss max

اللواح تجليد تتميز بدرجة لمعان عالية و مقاومة العوامل الخارجية .. متوافر منه ٢٩ لون

- UV LAK

اللواح تجليد صاحبة اعلي معدلات مقاومة للخدوش .. سطح مقاوم للحرارة و الرطوبة و بخار الماء .. يتميز بدرجة لمعان عالية

- ACP panels

الإسم الشعبي ليه "كلادنج" هي اللواح الومنيوم وهوا نفس فكرة الالواح المستخدمة في وجهات المحلات و العمارات مع مراعات إن في فرق كبير جدا في جودة المكونات. هوا عبارة علي ٣ طبقات و مقاوم جيد للحرارة و لا يصدأ

- PVC- Foam Board

اللواح تجليد ذو لمعة سمكها يتراوح ما بين ١٢ ل ١٨ مم متعددة الالوان .. اللواح ضعيفة نوعا ما درجة مقاومتها للحرارة عالية بس مقاوم جيد للرطوبة في مقالات بتقول ان اللواح ال PVC محرمة دوليا عشان بيدخل في تكوين الالواح دي مادة ال VMC و هي مادة سامة بتتطاير مع الحرارة و غير مرئية و بتسبب أمراض من أشهرها العقم.

كمية معلومات كتير و تنوع رهيب أنا نفسي احتارت 😁

طيب بص علي الجدول اللي فالصور هيسهل عليك كتير في تصنيف لكل نوع من ١ الي ٥ "١ أعلي حاجة" و بعد كده أرجع كمل البوست 👇

تعالي بقي نشوف ال TIPS and TRICKS في تصنيع المطابخ
"جمعناها من تجارب ناس علي كام مقالة كده و جزء بسيط من تجاربنا الشخصية"

١ - الضلفة الزان مكلفة و بتبقي تقيلة علي المفصلات
٢ - الاكليريك في منه مضروب كتير فالسوق خد بالك
٣ - الاكليريك و UV و Lami gloss و polylac بيبصموا
٤ - لو المطبخ حابب يكون Matt ال HPL أفضل حاجة
٥ - لو هتعمل UV او Lami gloss خليك جاهز لرؤية الخدوش
٦ - ال HPL مش بيبصم
٧ - مادام فتحت للمفصلات و مجر الادراج أنسي موضوع العزل " العزل الداخلي انتهي كده "
٨ - لو هتعمل المطبخ لونين و gloss ينصح مهندسين الاضائة بأن اللون الاغمق يكون فالوحدات العلوية
٩ - تجنب الضلف اللي فيها نقوشات كتير عشان بتكون عائق لعملية النضافة
١٠ - مهما كان اختيارك لخامات المطبخ خلي دايما النضافة بالماء و الصابون و قماشة من المايكروفييبر
١١ - المطابخ ال gloss بتدي وسع للمكان
١٢ - لو هتعمل mix مابين ال gloss و ال matt خلي ال gloss فالوحدات العلوية.
١٣ - ماتسترخش فالاكسسورات .. خصوصا الميكانيزم عشان كده كده هتبوظ بس العمر الافتراضي ليها أطول بكتير
١٤ - لو هتتجه للمطبخ الخشب .. ادهن كويس أوي العلب
١٥ - تقفيل حروف الضلف هوا اللي بيفرق مابين صنايعي شاطر عن غيره.

صباح الخير ..

بقالنا اكتر من اسبوع عايشين في رعب و توتر و كمية أخبار صعبة عن فيروس الكرونا كفيلة انك تفضل عايش في كمية الرعب و التوتر ده لفترة طويلة..

بس الخبر ده خبر ممكن يخلينا نتفائل شوية و تكون بداية لنهاية الأزمة..

أبحاث منظمة الصحة العالمية "WHO" بتوضح إن تقريبا 80% من اللي اتصابوا بفيروس كورونا بيتعافوا
و مش محتاجين يروحوا المستشفي

و 20% فقط الذين هما اللي بيعانوا من أعراض قوية محتاجة متابعة و تواجد بالمستشفى.

ونسبة الوفاة من الفيروس لا تتعدى ال 3% اغلبها لناس بتعاني من أمراض مزمنة مثل القلب، الربو، السرطان أو أمراض المناعة وكبار السن

غير كده أعداد الوفيات والمصابين بدأت في الهبوط بسبب أتخاذ الأجراءات الوقائية من العزل والتعرف على
الحالات بشكل مبكر و علاجها.

عشان كده ... اول ما تحس بعرض من أعراض فيروس كورونا ،
زي الحمى والسعال والتهاب الحلق وضيق التنفس ، لازم تتبع الاحتياطات العامة للفيروس ، واتحرك لأقرب مستشفى ليك من المستشفيات الآتية :

Bathroom

Designed by our fabulous designer Partner

Nehad R.Darwish.

صباح الخير ..

كان في معرض إسمه
Egypt projects Build Expo2020
معرض متخصص لتكنولوجيا البناء و التعمير و التشطيبات و خامتها.
المعرض كان يوم ٢٧ و ٢٨ فبراير.

من خلال تواجدنا في المعرض أتعرفنا علي أحدث تكنولوجيا للبناء و التشطيب أتعرفنا كمان علي أحدث الخامات و منشئها و وكلائها في مصر.

كان لازم نكون علي علم بآخر المستجدات عشان نحافظ علي مستوي متميز من الخدمة و نفضل دايما مراية العميل اللي بيشوف بيها كل الاختيارات مش محتاج يدخل ١٠٠ صفحة و ٥٠ موقع عشان يختار إللي يناسبه.

بس زي ما قلنا قبل كده لو انت جاهز تشطب وحدتك السكنية بنفسك و عندك الوقت و الخبرة و كيفية التعامل مع الصنايعية و عندك اللمسة الفنية، إحنا عملنا ملخص بسيط لمعظم الخامات الجديدة اللي كانت فالمعرض و مين وكلائها و إزاي تقدر تفيدك في تشطيب وحدتك السكنية.

خلينا نبدأ معاكم بالدهانات ..

- Star proof ...

هو طلاء أكريليك عازل قوي جدا للماء، عالي الجودة، سهل الإستعمال، لا يحتاج برايمر (self-primer)، يمتاز بليونة عالية يستخدم للأسطح الخرسانية و الخشبية و الحديدية.

متوافر ب ٣ أنواع
HR-900 عاكس جيد لدرجة الحرارة و عازل مائي
WF-AC-600 عازل مائي قوي
WF-AB602 معالج للشقوق و عازل للمياه و متاقلم مع تمدد الخرسانة

المنتج صناعة هندية .. وكيل الشرق الأوسط بالإمارات شركة ستار .. الوكيل المصري شركة umbrella للتجارة.
العلامة التجارية حاصلة علي
UL Certification
UCL Certification

في توجه عام للخروج من المدن المزدحمة و السكن بالمدن الجديدة واللي أسعار الوحدات السكنية بهذه المدن مرتفعة نسبيا، لذلك تجد إقبال لا بأس به للوحدات السكنية ذات المساحات الصغيرة بهذه المدن.

وبإعتبار إن الشقة "مملكة" فإختيار الوحدات السكنية ذات المساحات الصغيرة تعتبر أكبر مشاكل الملكة 👸

أفكار كتير مطروحة لإستغلال المساحات الصغيرة هنعرض معاكم بعض منها ...

- تحريك حوائط الوحدة السكنية بغرض توسيع غرفة علي حساب غرفة اخري او لعمل مطبخ امريكي.

- إستخدام وحدات تخزين رأسيه سواء كان فى المطبخ على شكل ارفف تحت الاحواض او كانت الارفف فى زوايا الغرف او فى الاعمده.

- تجنب الوحدات الخشبية كبيرة الحجم و توزيع الوحدات بشكل مناسب لا يعيق انسيابية الحركة بالشقة.

-استغلال المساحه تحت السرير فى غرفه النوم كأماكن للتخزين.

- إضافه مرآه الى احد حوائط الغرفه مما يوحى بزياده مساحه الغرفه.

-تجنب أعمال الجبسنبورد بحوائط ال corridors الضيقة.

الصور لأحد الوحدات التي تم الإنتهاء منها بكمبوند الواحة بمدينة نصر مساحة ٨٠ متر.

قبل التسليم النهائي للعميل

تأسيس سباكة مع صندوق دفن لحمام Master bedroom و حمام General .. عزل كامل للأرضيات و تأسيس جاكوزي