Visual Merchandising Eye

📌 Polka dot's trend pattern

📌 بتعرض جاكيت بـ 10,000 جنيه على مانيكان إيده مكسورة وبعد كده تستغرب !!

▪️ليه انجذاب العملاء بيقل؟
▪️ليه العميل مش مقتنع بالسعر؟
▪️ليه فيه شك في الجودة؟

الموضوع مش في الجاكيت نفسه ولا قيمته، الموضوع في الإشارات والسياق الكامل اللي اتبنى في ذهن العميل قبل ما يفكر يشتري.

وده يخلينا نفهم انحياز إدراكي مهم في علم نفس المستهلك اسمه:

⭕️ Horn Effect تأثير الهورن
أو
⭕️ Negative Halo Effect تأثير الهالة العكسي

وهو انحياز إدراكي بيخلي العميل لما يشوف تفصيلة سلبية واحدة يعمّم الإحساس السلبي ده على التجربة بالكامل

لازم تعرف إن العقل البشري مش بيحلل كل عنصر بشكل منفصل لكنه بيستخدم اختصارات ذهنية (Heuristics)
علشان يكوّن حكم سريع على الحاجة اللي قدامه

علشان كده

تفصيلة سلبية واحدة ممكن تخلي العميل يسحب تقييم التجربة بالكامل لتحت في ذهنه

يعني:

مانيكان مكسور = إحساس بالإهمال

والإحساس ده ما بيقفش عند المانيكان فقط لكنه يمتد تلقائيًا إلى:

▪️تقييم المنتج
▪️إدراك الجودة
▪️تبرير السعر
▪️الثقة في البراند

وده لأن العميل ما بيقيّمش المنتج بمعزل عن بيئته
لكن من خلال الإشارات السياقية المحيطة به
(Contextual Cues)

يعني البيئة المحيطة بالمنتج هي جزء من القيمة المدركة للسعر ولما تكون فيه إشارات بتدي رسائل عكسية ده بيصعّب عملية البيع ويضرب في الـ Consistency أو الاتساق بين الصورة الذهنية للمنتج والبيئة المحيطة بيه

📌 والنتيجة في ذهن العميل:

1__قيمة مدركة أقل للمنتج
2__سعر يبدو غير مبرر
3__تراجع في صورة البراند
4__اهتزاز الثقة في الوعود التسويقية

والأخطر من كده

لو المشهد ده موجود في الـ Window Display
فالعميل ممكن ما يدخلش المتجر من الأساس
لأن الانطباع السلبي اتكوّن قبل بداية التجربة الشرائية

وده تحديدًا هو تأثير الـ Horn Effect.

📌 ايه الفرق بين :

1__Up Selling
2__Cross Selling
3__Down Selling

📌 إيه دورك كVM؟
📌 ليه أساليب (تكنيكات) البيع دي مهمة وبتأثر على ايه؟

📌 أولاً ال Up Selling

▪️كلمة أب سيلينج معناها رفع قرار الشراء للعميل
▪️هو إنك ترفع اختيار العميل لنفس الفئة لكن بمستوى أعلى في السعر والقيمة

يعني ايه الكلام ده ؟

⭕️ مثال:

عميل اشترى جاكيت ب 2000 جنية انت أقنعته بجاكيت أفضل في الخامة والقصة وسعره 3000 جنية انت كده عملت Up Selling

انت هنا حسنت اختيار العميل من نفس الفئة لحاجة أعلى في السعر وأفضل للعميل كقيمة سواء كانت خامة أو قصة أو غيره

⭕️ دورك ك VM

إن حسب البلانوجرام الصحيح ف القطع اللي سعرها عالي بتعرضها في ال A placement

📌 ثانياً ال Cross Selling

▪️كلمة كروس سيلينج معناها البيع التكميلي
▪️هو انك تضيف قطعة او قطع مُكملة للقطعة اللي اشتراها العميل


⭕️ مثال:

عميل اشترى بنطلون جينز انت عرضت عليه تيشيرت وجاكيت وشوز عليه والعميل اشتراهم او اشترى قطعة منهم مع البنطلون

العميل اقتنع لانك اديتله قطع بتتماشى مع القطعة اللي اشتراها وظيفياً يعني كملتله الأوتفيت اللي رايح بيه المناسبة زي اول يوم الجامعة مثلا، مبيعتلهوش بشكل عشوائي

انت كده عملت Cross Selling

⭕️ دورك كVM

لتسهيل ال Cross Selling

ال Vm بيشتغل بال Cross Merchandising العرض التكميلي علشان تسهل الاختيار على العملاء وعلى السايلز في مساعدة العملاء

وده بيظهر في انك تشتغل على بناء الأتفيت في المتجر
وطريقة الكومبينيشن

📌 ثالثاً ال Down Selling

▪️كلمة داون سيلينج معناها الهبوط بالبيعة
▪️هي إنك تنزل باختيار العميل علشان تحافظ على البيعة لأن العميل ممكن يكون :

مش مقتنع بالاختيار اللي عندك
أو القطعة سعرها عالي بالنسبة لامكانياته
أو عندكم موديلات كتيرة وتاه وسطهم

هنا بتنزل بالبيعة علشان تقلل من مقاومة الشراء وتزود فرصة إغلاق البيعة لما العميل يرفض السعر أو القيمة اللي متقدماله مقابل السعر

⭕️ مثال:

عميل عجبه بدلة سعرها عشرة ألاف جنية والسعر أعلى من البادجت اللي حاططها لبدلة تقدر تنزل لبدلة قريبة منها أقل سعراً لضمان البيعة انها متطيرش

دي محتاجة حرفية شديدة علشان بيكون صعب تبيع الأقل جودة بعد الأفضل جودة

بيكون مهم الحفاظ على قيمة اللي بتبيعه في نظر العميل ميحسش فرق كبير بين الاختيارين

⭕️ دورك ك VM

العرض وفقاً لل price ladder

هي طريقة تعتمد على عرض الموديلات المتشابهة مع بعض بأسعار مختلفة وبتكون أفضل مع الموديلات اللي ربحها مرتفع زي البدل

بحيث ان العميل مثلا لو جاي الفرع محتاج بدلة كحلي

يجي يلاقي البدلة الكحلي الصوف الإيطالي ال Premium price

والصوف المحلي ال Medium price

والبدلة البوليستر ال Low price

▪️الPremium price سعر عالي
▪️الAverage price سعر متوسط
▪️الLow price سعر منخفض

والطريقة دي هفصل فيها بعدين أكتر

📌 ليه بُتستخدم أساليب البيع دي وبتأثر على ايه؟

كل تكنيك من دول بيأثر مباشرة على أرقام المتجر حيث أن :

▪️الUp Selling = بيزود قيمة القطعة المُباعة

وده بيأثر على ال (ASP) متوسط سعر البيع

▪️الCross Selling = بيزود عدد القطع المباعة

وده بيأثر على (UPT) متوسط القطع في الفاتورة

▪️الDown Selling = يحافظ على البيع لكل العملاء اللي دخلوا

وده بيأثر على (CR) معدل التحويل

⭕️ طيب السؤال اللي كان بعده أثاره يوسف في الكومنتات تفتكر لو العميل اشترى تيشيرت والسايلز باعله تيشترت تاني كده ده يسمى ايه؟

📌 أسئلة visual merchandising eye

ايه الفرق بين:

1__Up Selling
2__Cross Selling
3__Down Selling

📌 ADT

📌 إيه هو ال average dwell time؟
📌 إيه أهميته؟
📌 إزاي بيتحسب؟
📌 إيه تأثير العرض الداخلي والخارجي عليه؟

__ال average dwell time معناها متوسط مدة بقاء العميل في المتجر

__هو مؤشر مهم بيعكس نجاح أو فشل العرض الداخلي
للمتجر وبيعكس مدى راحة البيئة الداخلية للمتجر ككل

__المؤشر ده مهم لأنه بيعكس مدى تمرس الVM في عمل الfloor plan تخطيط أرضية المتجر

__كل ما العميل زاد بقاءه داخل المتجر كل ما ده زاد من احتمالات الشراء وكل ما كان ده مؤشر على خدمة العملاء الجيدة ومحاولات البيع الاحترافية لكل عميل

📌 إزاي بيتحسب؟

__دخلك 30 عميل كل واحد منهم قعد في المتجر مدة مختلفة تجمع كل الدقايق المختلفة دي وتقسمها على عدد العملاء زي المعادلة:

متوسط بقاء العميل = عدد دقائق كل العملاء / عدد العملاء

لو افترضنا إن عدد دقائق كل العملاء هو 600 دقيقة

يبقى متوسط بقاء العميل = 600 / 30 = 20 دقيقة لكل عميل

⭕️ ده كده متوسط ممتاز لأن ال benchmark اللي بيتقاس عليها عالمياً في ال fahsion retail هي المتوسط هو من 10 _ 15 دقيقة

⭕️ هنا بقى تقارن الرقم اللي طلعلك بالرقم اللي فات هل فيه تحسن في الرقم ده والناس بتقعد أكتر بعد العرض الجديد وبعد التدريب للسايلز أو لأ وتقيم وتحسن وهكذا

⭕️ لازم تعرف إن معدل بقاء عميل مرتفع لوحده مش مؤشر جيد لازم يكون المعدل ده معاه معدل تحويل conversion rate عالي علشان نقول إنه مفيد وإيجابي

📌 ؟إزاي تصميم الممرات بيأثر على مدة بقاء العملاء

__تصميم الممرات داخل المتجر أو خارجه سواء كانت واسعة أو ضيقة هو اللي بيحدد سرعة حركة العميل لا إرادياً

__الممر الضيق بيدفع العميل للتحرك بسرعة بيخلي العميل عايز يطلع من المكان اللي حاسس انه قفل عليه ال حريته علشان كده بيكون avergae dwell time في المتاجر اللي الممرات فيها ضيقة بيكون أقل بكتير من المتاجر اللي فيها الممرات واسعة والعميل واخد حريته

__وبالتالي ممر ضيق = وقت للعملاء أقل = تعرض للبضايع أقل = احتمالات شراء أقل = بيع أقل

لكن المساحات المفتوحة بتشجع العملاء على التوقف والتأمل وبالتالي المعادلة بتكون عكسية
ممر واسع = وقت للعملاء أعلى = تعرض أعلى للبضايع = احتمالات شراء أعلى = بيع أعلى

📌 لو المتجر نفسه موجود في ممر ضيق في المول ده هيأثر على توقف العملاء عنده من الأساس وبعض المولات بيكون فيها كيوسكات قريبة جداً من مداخل بعض المتاجر وده بيأثر على انتباه العملاء للمتجر وملاحظتهم ليه خصوصاً لو اللي موجود بيبع عطور وبيجذب انتباه العملاء بالتجريب وهكذا

📌 عرفنا إن الدينم هو الخامة اللي بتتصنع منها الجينز ولكن كان السؤال اللي بعده طيب ما الدينم بيتصنع أساساً من القطن كده نفهم كلمة دينم ازاي؟

📌 عايزك تفرق بين حاجتين مهمين جداً فيهم خلط شديد وهما الفرق بين ال

▪️الFiber الفايبر
▪️الFabric الفابريك

كلمة فايبر معناها الخامة الأولية قبل آي معالجات

مثال : القطن

كلمة فابريك معناها القماش اللي اتكون من الخامة الأولية دي

مثال : قماش الدينم

لكن القماش ده مش بيتعمله نسج بس علشان اقول عليه انه خلاص يطلق عليه دينم ، ده بيعدي بالمراحل الأتية :

📌 مراحل تصنيع القطن ل لدينم

▪️أولاً ال Fiber :

هو المادة الأولية والخامة الخام واللي هي في مثالنا هنا القطن

▪️ثانياً مرحلة ال Yarn :

معناها مرحلة الغزل اللي بيتغزل فيها القطن ويتعمل خيوط

الخيوط دي قسمين

▪️Weft: الخطوط العرضية [ اللُحمة ]
▪️Warp : الخيوط الطولية [ السُدى ]

▪️ثالثاً مرحلة ال Dying

معناها مرحلة الصباغة

بيتم فيها صباغة الخطوط الطولية بس باللون الأزرق وبيتساب الخطوط العرضية بيضاء وده اللي بيخلي الدينم أزرق من بره وأبيض من جوا

▪️رابعاً مرحلة ال Weaving

معناها مرحلة النسيج
الخيوط دي بتدخل مرحلة النسيج

⭕️ [ معلومة مهمة عن مرحلة النسيج ]

[ كل طريقة بيتداخل فيها الخيوط دي مع بعض بمادة خام أو أكثر من مادة خام مختلفين بشكل مختلف وبأعداد مختلفة بتدي خصائص مختلفة للقماش وبيكون ليها اسم مختلف وعلى قد ما تقدر تعد عد أعداد لا حصر لها من طرق النسيج ]

نرجع لمثالنا في طريقة نسج الدينم الدينم بيتنسج بطريقة اسمها ال Twill تويل

الطريقة دي بيكون الخطوط العرضية بتعدي من تحت 3 خطوط طولية وبعدها تطلع من فوق واحد

وفي نفس الوقت كل صف من الخيوط تحته بيرحل يمين علشان في النهاية يدي الشكل المائل اللي بتشوفه في الدينم زي الصورة

▪️خامساً ال Fabric

معناها القماش المنسوج النهائي المُعالج

⭕️ دي كده المراحل الأساسية كل مرحلة بيكون جواها تفاصيلها الفنية

▪️سادساً ال Garment

معناها المنتج النهائي وهو في حالتنا هنا البنطلون الجينز وده بيدخل بقى في مراحل تصنيع تانية مختلفة ومعالجات مختلفة علشان يوصل لمرحلة انه يكون منتج نهائي جاهز

يبقى كلمة دينم في النهاية بتساوي =

1__القطن اللي اتغزل واتحول لخيوط

2__الخيوط اللي اتصبغ منها الخطوط الطولية باللون الأزرق النيلي فقط واتساب الخطوط العرضية

3__ اللي اتنسج بطريقة ال Twill التويل اللي بتظهر على القماش كخطوط مايلة

4__اللي النسج بالطريقة دي اداله خصائص مهمة زي المتانة وقوة التحمل

5__اللي تم استخدامه لصناعة يونيفورم يتحمل شغل عمال المناجم وتم تسميته جينز وده ليه مراحل تصنيع بقى تستكمل بعد كده

⭕️ وبعد كده اتحول لأيقونة ملابس عملية في عالم الموضة

⭕️ خد بالك الكلام ده كله على الدينم الكلاسيكي بشكل الأولي دلوقتي بيتعمل من قطن وبوليستر وقطن وليكرا وغيره

والسؤال ليك تعرف ايه تاني فيه خلط بين طريقة النسيج وبين الخامة الأولية؟

📌 إيه الفرق بين ال Denim و ال Jeans؟

▪️كلمة Denim هي كلمة بتعبر عن إسم القماش اللي بيتصنع منه الجينز

▪️أما كلمة Jeans هو اسم المنتج النهائي اللي نتج عن استخدام خامة الدينم لعمل بنطلون

ف كلمة جينز لا تطلق إلا على البنطلون الجينز فقط يعني آي فئة تانية مصنوعة من خامة الدينم مخدتش إسم زيه ف تتربط بالخامة زي مثلاً:

Denim jacket
Denim short
Denim shirt وهكذا

📌 واللي اخترع البنطلون الجينز بمساميره اللي مازال عليها إنهارده كان هو ليفي شتراوس صاحب براند Levi's وكان في الأول مصنوع لعمال المناجم وكل العمال أصحاب العمل الشاق اللي كانوا محتاجين يونيفورم يتحمل طبيعة الشغل القاسية

وكانت من أهم الاختراعات فيه هي المسامير المعدنية اللي في الجيوب اللي بتمسك الخياطة وتحافظ عليه من التمزق أثناء العمل لأن كانت الجيوب بتتقطع بسبب ثقل الأدوات والذهب في البنطلونات التقليدية

▪️إذن كل ما هو جينز فهو دينم
▪️وليس كل ما هو دينم فهو جينز

والسؤال ليك تاني 😅

طيب ما خامة الدينم دي أساساً بتتعمل من القطن يبقى كلمة دينم هنا نفهمها ازاي؟

📌 combination way

📌 التطبيق العملي لمعرفتك بطريقة عرض الCombination
📌 من جايد لاين visual merchandising eye
📌 إيه هي طريقة ال combination?

▪️طريقة الكومبينيشن هي ثاني طريقة من الطرق الثلاثة للعرض وهي الطريقة المظلومة فيهم وغير مستخدمه بشكل كبير وده لأن الغالبية فاكر إن طريقة الأوتفيت هي الأفضل طول الوقت وده خطأ

طريقة العرض اللي بنختارها بتكون حسب نوعية البضايع وحسب عدد سكاشن المتجر وعمل البلان على أساس التنويع بين طرق العرض الثلاثة

1__Mono products
2__Combination
3__Outfit

📌 طيب طريقة الكومبينيشن دي في عرض البضايع بتكون ازاي؟

▪️بتكون انك تختار فئتين محددتين وتركز عليهم في حائط واحد أو طاولة واحدة وهكذا

▪️طيب واحد هيسألني دي أوتفيت كاملة أهي فيها فاريتي تعمل أوتفيت كاملة هقولك صحيح الجينز اللي انا عارضه معاهم هو يمشى مع آي قطعة في الوال سواء knit wear أو جاكيت

▪️لكن الجينز هنا بيلعب دور مكمل فقط انا غرضي الأساسي من الوال دي إني أبيع فئة الجاكيت وفئة البلوفر وهما اللي مركز عليهم وواضح في العرض واختيار بنية الوال على هذا الأساس

📌 Segment:

▪️ بيخاطب فئات عمرية متوسطة Millennials محبة للموضة والحداثة واللوك الأنيق

📌 Wall structure بنية الوال:

▪️هيكل ثلاثي المستويات Third levels

📌 Styling:

▪️اللوك ده في النهاية بيديني ستايل contemporary حضري عصري يندرج تحت البراندات هتلاقيه في ZARA , H&M مكون من:

▪️heavy knit
▪️heavy jackets / vest
▪️long sleeves
▪️jeans
▪️Chelsea boots
▪️beanie

📌 Planogram:

▪️تم التركيز على الجاكيت على السايد بار بالطريقة دي لانها أفضل ما يجذب عين العميل للموديل خصوصاً إن كمه بيتفك بسوستة ويتلبس ك vest واحنا اتفقنا إن القطعة بتتعرض من حيث نقطة الجذب الخاصة بيها

▪️وعلشان الجواكيت الثقيلة وفقاً للبلانوجرام الصحيح وتسهيل تجربة العملاء لأزم يكون قريب من العميل سهل الوصل ليه وسهل تجربته

▪️رسمت بنية الحائط عاى أساس إن البلوفر يتلبس تحته التيشرت الكم اللي تحته مع الجاكيت اللي على السايد تحته وهكذا في الثلاثة سايد بار وكلهم يتلبسوا مع الجينز والشوز

▪️تم التركيز على الموديلات الجديدة الترند واللي بتعكس روح البراند وهويته وفي نفس الوقت بيعها = هامش ربح عالي

▪️A placement = heavy knit wear
▪️B placement = heavy jackets + LS
▪️C placement = accessories + stocks

▪️عرض الفيس أوت clean & clear مفيش فيه دوشة كتيرة ولا قطع لابسه فوق بعض لان هدفي الأساسي هو وضوح في ذهن العميل البلوفرات مع الجاكيت

▪️تم عرض القطع من S _ 2xl مقاسات كاملة مترتبة من الصغير فوق للكبير تحت
▪️ تم توجيه وش الشوز لناحية مدخل العملاء
▪️تم ترتيب الشماعات عكسي عقارب الساعة
▪️تم اختيار المقاسات الأكثر مبيعاً من الشوز وعرضها من 41 _ 44
▪️تم وضع ستوك للجينز المعلق تحته بجميع مقاساته من الصغير للكبير من مقاس 28 _ 40
▪️تم تطبيقه بحيث يكون السايز واضح للعملاء مش معروض العكس لان ده خطأ
▪️الجاكيت الأبيض مش متكرر ده موديل تاني بنفس الفكرة ولأن الموديل ده موجود منه الثلاثة SKU دول فقط

📌 Brand Positioning الصورة الذهنية للبراند:

▪️Value for money القيمة مقابل السعر
▪️الصورة الذهنية المراد تثبيتها هي موضة عصرية تأخذ قيمة مقابل السعر المتوسط والمرتفع قليلاً

📌 Colors الألوان:

▪️ألوان محايدة أبيض أسود جراي ولون بارد اللون الزيتوني

▪️تم توزيع الألوان بحيث يكون ال hero color في المنتصف وبجانبه الألوان المحايدة من اليمين والشمال

📌 Marketing Materials خامات الترويج:

▪️استخدام بوسترات فيها صور لأشخاص من نفس الشريحة المستهدفة لابسين نفس الموديلات اللي انا بركز عليها في الحائط علشان يكتمل معايا مبدأ الوحدة الجمالي Unity

📌 Contrast التباين:

▪️ التباين واضح في كامل الحائط بوجود تباين في الألوان والخامات مع بعض في جميع مواضع العرض

📌 Balance التوازن:

▪️ فيه توازن غير متماثل في بنية الحائط as symmetrical Balance

▪️توازن في عدد القطع المعروضة ب Volume متساوي كل موديل قد الثاني في العدد

📌 Space الفراغ:

▪️تم مراعاة المتنفس البصري داخل الوال ومنع العشوائية وتلزيق الموديلات فوق بعض وعدم عرض أكثر من ثمانية جواكيت على السايد الواحد

▪️كذلك مراعاة مسافة بين الفيس أوت والقطع اللي تحته بدون لمس

📌 Floor plan تخطيط أرضية المتجر:

▪️ مكان الحائط في تخطيط أرضية المتجر بيكون في التوقيت الحالي في ال hot zone في الانترانس مقدمة المتجر خصوصاً لأنها بلوفرات ثقيلة heavy knit wear

📌 Lighting الإضاءة:

▪️الإضاءة البيضاء الباردة هي الأفضل مع الاستايل ب تسليط ضوء كشاف الإضاءة بدرجة 45 درجة وتبعد متر على الأقل عن القطع علشان الإضاءة متأثرس على ألوان القطع

▪️مع كل براكيت كشاف إضاءة

📌 مش معنى إن الألوان الجريئة بطيئة في البيع إنك تشتغل في الألوان المحايدة المضمون بيعها فقط

كتير من الناس لما تلاقي لون معين مش بيتحرك بسرعة
تقرر تلعب في الأمان وتشتغل كله ألوان محايدة ومضمون الطلب عليها زي:

▪️أسود
▪️كحلي
▪️رمادي
▪️أبيض

وده منطقي وطبيعي من ناحية الربحية السريعة وعقلية التاجر اللي عايز يسيل في أسرع وقت لكن من غير آي اعتبارات تانية وده طبيعي حيث أن البزنس أصلا قائم على سرعة الدوران الصحي مع المكسب لكن ده هيكون على المدى القصير

انما على المدى البعيد هتبقى نسخة مكررة من غيرك لما كله يشتغل في المضمون ولا هتكون مميز بصرياً وهيكون صعب التوقف عند متجرك غير بالمحايلات والعروض المستمرة وحروب الأسعار لأن انت واللي جنبك واللي جنب اللي جنبك زي بعض في حين انك لو تميزت فعلا على المدى البعيد في ذهن عملاءك بالبضايع المختلفة والألوان المختلفة ده اللي هيفرق معاك واللي هيكون من أهم الأعمدة اللي تقدر تبنى عليها براند حقيقي

⭕️ لاحظ انا قولت بطيئة مقولتش صفر مبيعات ده معناه انها بتتباع لكن مش بسهولة زي البضايع التانية يعني معنى كده ان الشريحة المستهدفة وسنها وستايلها فيه منهم جزء بيقبل الألوان يعني ببنى كلامي على أساس واعتبارات مدروسة

مش بخاطب فئات عمرية كبيرة ولا يقبلوا الألوان كسن وثقافة وأقولك روح هاتلهم ألوان ف الكلام كله في سياق إنك عارف مين بيشترى منك وذوقه وثقافته في الاختيار ولا يقال بشكل عشوائي

في الوقت اللي كل المنافسين شغالين في الألوان المحايدة وبضايع شبه بعضها انت ممكن تكسب معركة تانية على المدى البعيد:

⭕️ معركة الصورة الذهنية ⭕️

العميل لما يدخل يلاقي عندك

▪️ألوان مختلفة وجديدة
▪️ستايلات جديدة مش منتشرة
▪️ألوان مش مألوفة للكل

هيبدأ يكوّن فكرة عنك في دماغه:

"المتجر ده عنده كل حاجة حتى المختلف"

ومع الوقت هتبقى انت الاختيار الاستراتيجي في دماغه مش بس عشان السعر أو المنتج لكن عشان التنوع والجرأة ولأن الإنسان بطبعه يحب يروح المكان الشامل أفضله مرة واحدة

وده اسمه في الإدارة تميّز في التشكيلة (Assortment Differentiation)

⭕️ لكن هنا لازم نفهم نقطة مهمة جدًا من جانب الاستثمار:

⭕️ الألوان الجريئة مش بتتحرك بسرعة يبقى تتعامل معاها بذكاء مش بخوف

يعني إيه؟

▪️يعني تشتغلها لكن بكميات صغيرة ونسب قليلة ده حسب الميكس ونسب توزيعات البضايع الصحيحة واللي بيحدده عوامل كتيرة نبقى نفصل فيه بعدين merchandising mix

📌 ليه؟

علشان تحقق 3 أهداف في نفس الوقت:

1__تكون وتحافظ على صورة البراند إن عندك الجديد والمختلف
2__تقلل المخاطرة المالية
3__تدي الحياة للعرض داخل المحل

⭕️ الخطأ مش إنك تشتغل ألوان جريئة ومختلفة
⭕️ الخطأ إنك تشتغلها بكميات كبيرة

خلّي عندك قاعدة ثابتة:

📌 الألوان المحايدة بتصنع الاستقرار في البيع
📌 أما الألوان الجريئة بتصنع:

▪️التميز في التشكيلة
▪️التميز البصري في العرض الجذاب
▪️ تمايز الألوان بشكل واضح في عيون العملاء وتسهيل عملية الشراء عن طريق عمل تباين [contrast] في العرض بشكل صحيح
▪️دعم صورة البراند على المدى البعيد

▪️الاستحواذ على عملاء أكبر على المدى البعيد لأنك أضفت العملاء اللي بتحب تلبس ألوان جريئة مميزة

⭕️ الألوان المحايدة هي العمود الفقري للاستقرار البيعي

⭕️ أما الألوان الجريئة فهي أداة تكتيكية لخلق التميز والإلهام داخل المتجر

⭕️ النجاح الحقيقي مبيجيش من اختيار لون معين لكن من إدارة التوازن بين الاستقرار والابتكار داخل التشكيلة

📌 تقدر تحجز دلوقتي مكانك في كورس أساسيات الترويج المرئي Visual Merchandising Fundamentals هنبدأ يوم الثلاثاء يوم خمسة إبريل إن شاء الله

📌 الحجز مفتوح لأخر الشهر إن شاء الله 🎉🎉

📌 لو مهتم سيب كومنت وهبعتلك التفاصيل كاملة

📌 هل فيه كورس ممكن يخليك VM بكرة الصبح؟

الإجابة :
لأ طبعًا مفيش

ولا حتى الكورس اللي بيتقدم هنا هيعمل ده لوحده

خليني أوضح الفكرة بمثال بسيط.

تخيل معايا مهندس مدني دخل موقع بناء وقرر يبني برج من غير ما يكون درس أي أساسيات عن:

▪️الأحمال
▪️الخرسانة
▪️قوانين الفيزياء

📌 إيه اللي هيحصل؟

البرج هينهار من أول طوبة

📌 طيب تخيل العكس

مهندس قعد يذاكر في الكلية عشر سنين قوانين ومعادلات، لكن عمره ما نزل موقع، ولا شاف حديد وأسمنت، ولا فهم التنفيذ بيتم إزاي على أرض الواقع

هيفضل "مُنظّر"… مش مهندس.

📌 لأن ببساطة:

الهندسة = علم + تطبيق

العلم بيحط القواعد والأساسيات اللي المفروض المهندس يتعلمها قبل ما ينزل يبني العمارة والتطبيق هو توظيف العلم ده بشكل صحيح مع كل حالة يقابلها، ياخد من اللي اتعلمه ويطبقه لأنه عنده حصيلة علمية واسعة عن كيفية البناء ودرس كويس قبل ما يطبق.

⭕️ نفس الشيء بالضبط في الـ Visual Merchandising.

اللي فاكر إن التطبيق لوحده كفيل يعلمه
هو زي العامل اللي بيبني من غير تصميم هندسي بيحط طوبة فوق طوبة بشكل عشوائي ممكن يعمل حائط لكن عمر الطوب ده ما هيبني برج سليم

واللي فاكر إن العلم لوحده كفاية
هو زي المهندس اللي حافظ القوانين صم، لكنه عمره ما نزل الموقع أول ما يقابل مشكلة حقيقية هيتلخبط، لأنه ما مامرسش قبل كده ولا تعامل مع أنواع مختلفة من المشاكل اللي بتحصل على أرض الواقع

لأن الحياة مش كلها مثالية فيها عقبات ومواقف لازم تتعامل معاها وكل مرة بتحل مشكلة بتثقل مهاراتك أكتر

⭕️ الحقيقة إن:

الـ VM علم وفن وممارسة على أرض الواقع ومن غير دمج الاتنين مع بعض هتفضل يا إما:

[ شخص بيرص بضاعة ]
أو
[ مُنظِّر أكاديمي ]

لكن عمرك ما هتبقى Visual Merchandiser حقيقي.

📌 في نقطة مهمة كمان ناس كتير بتغفل عنها

وأنت بتتعلم أي مجال عملي لازم يكون فيه حد سبقك في الطريق يوجّهك

📌 Mentor شخص يوجهك

حد يقولك:

▪️إيه الصح وليه
▪️إيه الغلط وليه
▪️وإزاي تفكر في المشكلة قبل ما تحلها

علشان ما تضيعش سنين في التجربة العشوائية

📌 عايز أقولك إيه؟

اللي بيقولك:

" مفيش حد هيعلمك VM انزل واشتغل وهتتعلم لوحدك "

هو زي اللي بيقولك:

ابني برج من غير ما تفهم هندسة وكمان حتى فكرة إنك تتعلم طريقة شغل واحدة خاص ببراند معين وناجحة مع البراند ده، ممكن تخليك فاكر إن ده هو الصح المطلق.

وبعدين تروح شركة تانية فتكتشف إن:

▪️البزنس مختلف
▪️العميل مختلف
▪️البراند مختلف
▪️اللاينات مختلفة
▪️والـ positioning مختلف

وساعتها تبدأ تسأل نفسك:

📌 هو الصح إيه أصلًا؟

والنتيجة غالبًا بتكون إنك تمارس حاجات كتير:

منها الصح… بس مش عارف صح ليه
ومنها الغلط… ومش عارف غلط ليه وتفضل تايه في التجريب العشوائي

في حين إن كل علم في الدنيا ليه أساسيات لازم تتفهم الأول، علشان تنطلق من أرضية صح وتوفر على نفسك سنين ممكن تضيعها في ممارسة خاطئة

وتعرف البداية فين…
وفين تحط رجلك وتقول:

بسم الله… من هنا نبدأ.

اتعلم
▪️
طبق
▪️
هتغلط
▪️
صحح
▪️
اتعلم من الخطأ
▪️
كرر العملية

اللي عايز يروح إسكندرية ومش عارف الطريق الصحيح
مش هيوصل سواء ماشي ولا راكب عربية

لازم تعرف الطريق الأول… وبعدها تبدأ الرحلة