Skipper

من مميزات التكنولوجيا إن أمهات الجيل الجديد بقت تهتم بمشاكل #التخاطب وبتحاول علاجها بدلا من تجاهلها، وانتشرت مراكز كتير متخصصة لده
مهم نمشي في طريقين:
1 الأول الطبي وهو عرض الطفل على طبيب أطفال للتأكد من عدم وجود مشاكل في السمع أو اللسان
2 الثاني مركز التخاطب والتأهيل للطفل
وفي نفس الوقت الاتجاه لأخصائي تربوي لمساعدة الطفل والاهل على التفاعل والتواصل الفعال وتحديد وقت للشاشات اللي هيا من أكبر أسباب تأخر في الكلام وخلط الطفل في مواقف اجتماعية بطريقة صحيحة لزيادة الثقة بالنفس وزيادة التواصل
دورنا نشجع الأم على التواصل مع الطفل ووضع جدول وخطة لحل مشاكل في أصغر سن ممكن..
لمشاهدة الحلقة كاملة
https://youtu.be/ooZunyCVxAA
لحجز استشارة تربوية برجاء التواصل على الخاص
صفا محمد

👏🏻👏🏻

ازاي اعلم ابني القناعة والعطاء ؟ #منتسوري #تربية_ايجابية #تربية_بحب #momlife #امومة #تعديل_سلوك #parenting #قناعة #MOMisWOW #عطاء #ماما_زي_الكتاب_ماقال

متعيطش!!!اكتر كلمة بتتقال للولد وهو صغير انت راجل متعيطش ….ايه علاقة الرجولة بكدهطب هي مبالغة اني اقول ان الكلام ده بيطلع راجل قاسي ؟؟؟هيطلع انسان مش فاهم ازاي يتعامل مع زعلهامال الحل كل ما يحصل حاجة يعيط لا الحل افهمه ان العياط مش حل بس هو وسيلة لتعبير عن المشاعر وتفريغ طاقة الزعلفلو هو بيعيط عشان يحصل علي شئ فده مش صح لكن اذا بيعبر عن حزنه وزعله فده من حقهوافتكروا ان اللي بنزرعه فيهم وهما صغيرين هو اللي احنا بنشوفه منهم وهما كبار #ماما_زي_الكتاب_ماقال #تربية_بحب #عادات_ايجابية #ماما #dad #بابا #montessori

👏🏻👏🏻

لما ابنك يتصرف تصرفات مش طبيعيةبتسمعي كلام زي انه مش متربي ….مدلع اوي بس اذا دي مش طبيعته ليه فجأه هيبقي مش متربي؟⬅️ممكن يكون عنده مشكلة سلوكية⬅️ممكن يكون بيمر بوقت صعب ⬅️ممكن يكون عنده مشكلة ⬅️ممكن يكون واقع عليه ضغط احنا منعرفهوش⬅️ممكن يكون محتاج مساعدة⬅️ممكن يكون حاسس بإهمال وبيلفت النظر في كل الأحوال اول حاجة اعملها اما تلاحظ تغيرات علي طفلك انك تكلمه …تسأله وتحاول تفهم منه واذا حسيت انك حاولت مش بس مش عارف لسه سبب كل ده لازم تلجأ لمتخصص بس اوعي تتطنش او تتعامل بشدة. # #ماما_زي_الكتاب_ماقال #نقرأ_نبدع #طفوله #momlife #parenting #MOMisWOW #parentsتربية_إيجابية #الإمومة

ماما زي الكتاب ماقال

الحقي بسرعة عرض آخر يوم في السنة احجزي استشارة تربوية ببلاش معانا حتى لو مش هتستفادي بيها دلوقتي..
العدد محدود..
كل سنة وانتم طيبين 💗

👏🏽👏🏽👏🏽

علموا ولادكوا ثقافة الاختلاف
كلنا مش زي بعض ولا شكل بعض ولا عندنا نفس المعتقدات ولا نفس الديانة ولا نفس المستوى الاجتماعي ولا نفس لون البشرة ولا شكل الشعر

علموهم ان احنا مختلفين وانا احنا بنحترم اختلافنا
ان كل واحد له جماله وان مفيش حاجة تقول ان ده افضل من ده

لما بنعلمهم الاختلاف بنصنع منهم ناس سويه عمرهم ما هيكون متنمرين بالعكس هيكونوا دايما بيواجهوا التنمر بقوة لانهم مدركين معني الاختلاف وأهميته

هيكون عندهم طاقة حب ورحمة اتجاه كل شخص بغض النظر عن شكله ودينه ولونه

#الاختلاف

👏🏻

الطفل وهو لسه بيبي صغير بيكون محتاج اكل الدلع والاهتمام والحب وبيكون عقله عمال يخزن كل الاحداث اللي بتحصل غرقيه حب واهتمام اتكلمي معاه في كل التفاصيل اقريله قصص كتير وخليها عادةاحكيله عن يومك وعملتي ايه وهتعملي ايه بكره ده هيفيد كمان في الحصيلة اللغوية عنده♥️متسمعيش كلام زي متشيليهوش كتير هيتعود او سيبيه يعيط هو هيسكت لوحده او زعقيله لو بوظ حاجة عشان ميكررهاش لو بتسمعي كلام زي ده بيشتتك ابعتيلنا واحنا هنساعدك♥️ #ماما_زي_الكتاب_ماقال #وعيك_سعادته #الامومه_مش_سهله_بس_مستاهله #التربية_الإيجابية #mom_is_wow #parenting #momslife #

👍🏻👏🏻

عمر ما كانت مهمة الاب انه يجيب فلوس
الاب هو السند
الاب هو الحبيب لبنته والصاحب لابنه
الاب هو اجمل معني للحياة
لانه بأختصار معني الامان اللي ربنا حطه في صوره انسان
الاب هو اللي بيسعي ويتعب ويشتغل ويهون عليه كل تعب اليوم بضحكة ولاده
الاب يعني حد نسي هو بيحلم بأيه ويتمني ايه وابتدي يفكر في احلام ومستقبل ولاده
الاب اللي بنطلب منه نجمة فيجبلنا القمر
الاب هو السند والضهر اللي بنسند عليه واحنا عارفين انه مش هيميل
اوعي تحصر دورك كأب في الفلوس اوعي تنسي تربي وتغرس قيم اوعي تنسي تكون مؤثر في حياتهم
علمهم كل حاجة
اخرج معاهم وروح معاهم التمرين
ركز هنا بياخدوا ايه في المدرسة اسألهم عن اسامي المدرسين واسامي أصحابهم
شوف ايه هوايتهم بيحبوا ايه وبيزعلوا من ايه
خليك مؤثر قريب
شبعهم حب وامان عشان ميحتاجوش لحد
حبك وقربك هيخليهم اقوي وانجح 😍💪
#استشارات #ماما #الاب