Moamen Ragab

من محكمة شمال القاهرة اللهم نسألك التوفيق ⚖️⚖️

الحمدلله وكان فضل الله عليك عظيماً براءة من أمام جنح المقطم ⚖️🤍

من محكمة جنوب القاهرة الابتدائية تجديد حبس مخدرات اللهم الموفق و المستعان 🤍⚖️🤍

ايه الفرق بين تسديد الحكم علي الكمبيوتر ومحو البيانات من سجل الأمن العام بوزارة الداخلية خالص.
لما حضرتك بيتحكم عليك في قضية وتاخد براءة أو تصالح ، بعدها بتعمل حاجة إسمها تسديد القضية علي الكمبيوتر في مديرية الأمن ،
وبتفتكر إنك كدا شلت القضية ومش هتظهر لك تاني في أي مكان
لكن الحقيقة غير كدا لأنه بدل ما يكتب بجانب قضيتك انك ( مطلوب التنفيذ عليه ) بيكتب الحكم الصادر ضدك بالبراءة أو التصالح ولكن لم يتم محو القضية نهائيٱ.

امتى حضرتك تقدر تقوم بمحو القضية نهائيٱ ومتظهرش في أي مكان ، لما تقوم برفع دعوي في مجلس الدولة تسمي دعوى ( محو معلومة وشطب بيانات من الحاسب الخاص بالأمن العام بوزارة الداخلية )
ودي بتكون في حالة البراءة أو التصالح أو الحفظ
بفضل من الله نقوم بمحو وإزالة المعلومات الجنائية
وكذلك إزالة الأحكام الجنائية من الحاسب الآلي لوزارة الداخلية
عندك حكم جنائي او معلومة جنائية... وبيظهر في الكماين أو المطارات أو الفيش والتشبيه والموانئ وعايز تشيله
لابد من رفع دعوى محو وشطب أمام القضاء الإداري لإزالتها من على الحاسب الآلي
* حتى لو قضيتك تم حفظها أو حكم فيها بالبراءة وما زالت علي الجهاز بعد توجهك للأمن العام لإزالتها فتظل القضية مسجلة عليك بسجلات وكارت المعلومات الجنائية وعلى أجهزة الحاسب الألى
ولو أحد أقاربك ناوى يدخل كلية عسكرية والقضية مسجلة بأجهزة وزارة الداخلية ستحرمهم من ذلك
لذلك ليس أمامك إلا دعوى محو الإتهام

المستشار / مؤمن رجب

ت / 01551449835

⚖️ أبو السعود للمحاماة والاستشارات القانونية ⚖️

💰 "قضايا النصب في القانون المصري..
ازاي تحمي نفسك ؟؟🤔

💬 في زمن التعاملات السريعة والتحويلات الأونلاين،
كلمة "اتنصب عليا" بقت بنسمعها كل يوم
بس القانون المصري مش سايب الباب مفتوح كده،
عامل عقوبات شديدة لأي حد يخدع الناس أو ياخد فلوس بطرق ملتوية ⚖️

📜 أولًا: يعني إيه نصب؟
القانون المصري في المادة 336 من قانون العقوبات بيقول:

📌 كل من استعمل طرقًا احتيالية لإيهام الناس بمشروع كاذب أو واقعة مزورة
أو استغل اسم كاذب أو صفة غير حقيقية،
عشان ياخد مال غيره، يُعاقب بالحبس من سنة لحد 3 سنين.”

📌 ببساطة:
النصب = كدب + خداع + مصلحة مالية غير مشروعة. 💸

ثانيًا: صور النصب اللي بنشوفها كل يوم:

🔹 شخص يوهمك إنه بيبيع شقة بس الورق كله مزور.
🔹 واحد يقولك “استثمار مضمون 50% أرباح شهريًا” وياخد فلوسك ويختفي.
🔹 شغل أونلاين وهمي وطلبات “رسوم تسجيل”.
🔹 توقيع على شيك أو كمبيالة فيها غش أو خداع.
🔹 نصب إلكتروني وتحويلات من خلال واتساب أو صفحات مزيفة.

كل ده يدخل تحت جريمة النصب لو فيه نية احتيال. ⚠️

👩‍⚖️ ثالثًا: إزاي تثبت جريمة النصب؟

📌 القانون بيشترط 3 عناصر أساسية 👇
1️⃣ وجود خداع أو كذب واضح من المتهم.
2️⃣ إن الضحية فعلاً سلّمت مال أو حق بسبب الخداع.
3️⃣ إن النصّاب كان قاصد ياخد الفلوس دي بدون وجه حق.

لو التلاتة دول موجودين = الجريمة ثابتة ✅

💰 رابعًا: العقوبة القانونية:

🔸 الحبس من سنة لحد 3 سنين.
🔸 وغرامة مالية.
🔸 وردّ المبالغ المنصوب بيها للضحية.
🔹ولو الجريمة تمت على أكتر من شخص أو بمبالغ كبيرة،
القاضي يقدر يشدد العقوبة 💪

🧠 نصيحة محامي:
قبل ما تدفع أي فلوس أو تمضي على ورقة،
اسأل نفسك:
📌 “هل اللي قدامي فعلاً عنده مستند رسمي؟ هل العقد متوثق؟”
واحتفظ دايمًا بالإيصالات والمحادثات والبيانات…
علشان تبقى أدلتك جاهزة لو حصل نصب

# مؤسسة أبو السعود للمحاماة والاستشارات القانونية #

📌 صحه التوقيع لا تنقل الملكيه .‼️‼️

هو انا لو اشتريت شقه و عملت صحة توقيع هى كدا خلاص ملكي ولا لاء ؟

كتيير من الناس لما بتشترى عقار سواء ارض او شقة بيروح المشترى للمحامى و يقوله ارفعلى دعوى صحة توقيع و بيكون فاكر أن خلاص الدعوى دي بتنقل الملكيه بدل الشهر العقارى..
الكلام دا للأسف مش مظبووط ❌ لأن البائع ممكن يبيع لمليون مشترى اخر . ✅

⬅️⬅️ عشان كدا لازم تعرف الفرق بين
دعوى " صحة التوقيع "
و " التسجيل بالشهر العقارى "
و دعوى " صحة ونفاذ "

أولاً : دعوى صحة التوقيع :
من اسمها " دعوى وقائية هدفها ان البائع مينكرش التوقيع " بالتالى هى مجرد دعوى الهدف منها اثبات صحة توقيع البائع فقط على عقد البيع لكن لا تحكم بصحة العقد نفسه و نقل الملكية !!
يعني القاضى لا ينظر الا للتوقيع فقط . ✅

بحيث ان البائع بعد ذلك لا ينكر توقيعه أو يطعن عليه بالتزوير هو أو ورثته .👌

لذلك نؤكد أن دعوى صحة التوقيع لا تنقل الملكيه لأن بكل بساطه ممكن ترفع دعوى صحة توقيع على عقد مفسوخ أو عقد صورى أو عقد غير خالص الثمن أو عقد باطل و ممكن تشتري شقة متباعة لواحد قبل كدا و انت متعرفش لأنه مش مسجلها .

ثانياً :التسجيل في الشهر العقارى هو اللى بينقل الملكيه من البائع للمشترى و ذلك فى حالة أن البائع و المشترى موافقين يذهبوا مع بعض الشهر العقاري يسجلو عقد البيع و يحولوه من " ابتدائى " لعقد " نهائى " و بالتالى تنتقل الملكيه من البائع للمشترى ✅

لكن لو حضرتك اشتريت شقة و اللي باعها مش راضي يروح معاك الشهر العقاري تعمل اية ؟؟

ثالثاً : هنا دور " دعوى الصحه و النفاذ "
و الغرض منها اثبات صحه العقد باكمله من البدايه الي النهايه و هي الدعوى الناقله للملكيه لأنها بتحكم ان العقد صحيح و ان الملكيه انتقلت من البائع للمشترى فعلاً و يتم تسجيل الحكم فى الشهر العقارى عشان اي حد يسال ع الشقة يلاقيها ملك المشترى .✅✅

المستشار/ مؤمن رجب أبو السعود

⚖️مؤسسة أبو السعود للمحاماة والاستشارات القانونية ⚖️