Bookadose

الوصفة السحرية علشان تبقى الفائز دايما .

أكتر حاجة ممكن تضيع يومك وتدمر مودك وتستهلك عقلك هي الجدال الفاضي! الجدل بينك وبين أي حد دايمًا بيبقى تركيزه على “مين الصح؟”، مع إنك لو فكرت شوية، هتلاقي إن أغلب الجدالات دي عقيمة، ملهاش أي لازمة، مجرد استعراض عضلات وآراء، وفي الآخر ممكن تخسرك ناس، والأسوأ، تخسرك نفسك!

الأمور الجدالية دي منتشرة جدًا اليومين دول، خصوصًا على السوشيال ميديا، جدالات بتبدأ عادي وتنتهي بشتايم وبلوكات. سائد يونس في كتابه “كيف تنجح قبل أن تبدأ” قال إن في لعبة لو لعبتها مع نفسك هتبقى الفائز دايمًا وهتلاقيها ممتعة جدًا.

اللعبة دي اسمها “كظم الغيظ” بس بالطريقة الصح!

ربنا ذكر “كظم الغيظ” في القرآن، بس للأسف ناس كتير فاهمة المفهوم غلط. كظم الغيظ مش معناه إنك تكتم جواك وتسكت وتفضل زعلان! لو عملت كده هتتعب نفسيًا جدًا وهتبقى أكتر واحد فاشل على وجه الأرض. الصح إنك تتعامل مع الجدال من خلال 3 طرق ذكية تخليك دايمًا الكسبان:

1- الجدال التافه = المحصلة صفر

لو الموضوع اللي بتجادل فيه تافه، فسواء كسبت أو خسرت، النتيجة زيرو!

2- تخيل اللي قدامك طفل صغير

لو اللي قدامك متعصب لرأيه، بص عليه كأنه طفل صغير عنيد ومش عاقل. الأطفال والحيوانات بس هما اللي بيتعصبوا، فلما تتخيله في الوضع ده، هتضحك بدل ما تتعصب، وده هيحافظ على عقلك وهدوءك.

3- “ده رأيي، ممكن أكون صح وممكن أكون غلط”

مين الصح على طول؟ مفيش حد غير الشخص النرجسي المتعصب! لكن الشخص الذكي دايمًا يقول: “ده رأيي، ممكن أكون صح وممكن أكون غلط.”

كده أنت خرجت من أي جدال وانت الكسبان!

الناس للأسف بتتعصب لآرائها وبيخسروا بعض على حاجات تافهة زي الرياضة، السياسة، التعليم، والدين! وسيدنا علي بن أبي طالب قال: “لا تهتم لصغائر الأمور، وإنما كل الأمور صغائر.”

واحد هيقول لي: “لا، لازم أتعصب لديني!”
هقول له: الدين نفسه منع التعصب والجدال!

كل الآراء شخصية وكل الأمور الجدالية دي صغيرة وهتتنسي مع الوقت، بس ممكن تخسرك حد عزيز عليك، وممكن تخسرك نفسك.

أنجح الناس في الدنيا هم اللي عندهم مرونة ذهنية وفكرية، اللي بيشوفوا الجدال على إنه تفاهة، وبيعاملوا المعارضين كأطفال مينفعش تجادلهم.

الإنسان الذكي بيبعد عن الزبالة الفكرية والجدالات الفاضية، ولو قابل حد متعصب، ببساطة بيعدّي رأيه.

مش عاجبك رأي؟ عدّيه.
عجبك رأي؟ شجّعه.

وده السر اللي هيخليك مرتاح نفسيًا، هادي، وكسبان دايمًا!

“لو لسه ما قريتش كتاب ‘العادات السبع للناس الأكثر فاعلية’، يبقى لازم تدور عليه وتقرأه! الكتاب ده مليان نصايح رهيبة ممكن تغير طريقة تفكيرك بشكل كبير. خليني أقولك على أهم العادات اللي

حطها في بالك هتفرق معاك:

1. خليك حريص على البداية الصحيحة (كن مستبقا): يعني بدل ما تبقى دايمًا رد فعل لكل حاجة بتحصل حواليك، حاول أنت اللي تسيطر على المواقف. زي ما بيقولوا: “اللي عايز يزرع ورد، لازم يبدأ من البذرة”، حاول تبدأ يومك بأهداف واضحة عشان تضمن إنك هتكون دايمًا في الاتجاه الصح.

العادة التانية

2. ابدأ أي حاجه و النهاية متصوره في دماغك : لازم يكون عندك رؤية واضحة عن الحياة اللي نفسك توصلها. زي لو أنت مثلاً عايز تبني مشروع أو تحقق هدف، خلي الهدف ده قدامك دايمًا في كل خطوة بتاخدها.

العادة التالته

3. ركز و حط الأولويات في الأول دايما : الحياة بتبقى مليانة حاجات بتطلب وقت، بس المهم إنك تركز على الحاجات الأهم. مش لازم تشتت نفسك بالحاجات اللي مفيهاش قيمة. يعني زي لما تلاقي نفسك مشغول طوال اليوم، لكن مش قادر تشوف أي تقدم حقيقي، يبقى محتاج تعيد ترتيب أولوياتك.

العادة الرابعة

4. فكر في الفوز المشترك: مش دايمًا لازم تكون أنت الكسبان بس على حساب غيرك، الحياة مش مسابقة. التعاون والتفاهم مع شريك ليك بيجيب أفضل النتائج. زي ما بيقولوا: “اللي بيبني بإيد غيره، بيوصل معاه لنتائج عمرك ما تتخيلها ”.

العادة الخامسة

5. اسعى للفهم قبل ما تسعى انك عايز الناس تفهمك : أهم حاجة في التواصل مع الناس إنك تسمع وتفهم قبل ما تتكلم. لما تبدأ تفهم الناس أكتر، هتقدر تتواصل معاهم بطريقة أفضل. زي لما تكون في فريق عمل، لو كل واحد فهم التاني هيتحقق النجاح بسرعة أكبر.

العادة السادسة

6. التعاون و الشراكة : الناس المختلفين في الفكر بيقدروا يحققوا حاجات أكبر لما يشتغلوا مع بعض. لو كل واحد جاب حاجة مختلفة، النتيجة هتبقى مدهشة و الشراكة دايما هي اللي بتحقق النجاحات السريعة زي الشركات الكبيرة اللي انت شافها دي ، كلها بمعنى كلها قايم نجاحها على شركاء مش فرد اناني لوحده

العادة السابعة

7. تقل نفسك بشكل دائم: عشان تفضل دايمًا في أحسن حال، لازم تستمر في تطوير نفسك. زي ما بنقول: “العقل زي العضلة، لو ممارستش عليه، هيفقد مرونته”.

اتعلم المهارات الجديده و اوعى تبقى قديم

ارتاح علشان تعرف تكمل

اتمرن علشان صحتك

اقرا و اقرا و اقرا كتييير

الكتاب ده مش مجرد كلام، ده خطة حقيقية لو طبقتها هتكون فعلاً انجح نسخه في حياتك!”

‏وما فائدة الحياة ، إذا لم يكُن لدينا الشجاعة لتجربة كُل شيء.

ـــ فان غوخ

اعظم حاجه يقدمها الانسان
لاخوه الانسان انه يسيبه في حاله

انت لو قعدت تقرا قرآن هتلاقي في مسلمين ، تخيل هتلاقي مسلمين بيتريقوا عليك ، لو واحد قام يتوضى و يصلي او يقرا قرآن قدام الناس هتلاقي بعض الناس بتقولك بص بقى دا هيعمل فيها شيخ ، تلاقي واحد بيقرا كتاب ، عادي نفسه يطور من نفسه ، الناس تقولك دا هيعمل فيها مثقف ،

أرجوووك ابعد نفسك و تفكيرك عن محاولة ارضاء الناس ، طول ما انت بتعمل حاجه بترضيك و مش عيب و لا حرام ، طظ بتفخيم الطاه في رأي أي حد ينتقدك ، انجح بني آدم في الدنيا ، هو اللي عنده شجاعة انه ميكونش محبوب عادي ، او مش مفضل من فئة معينه

عايز علاقاتك تنجح و تستمر؟؟
تعالى اقول لك.
اتقن فن المسافات 🤍
ليه بقى ، شوف قوانين الطبيعة الكونية

المسافة بين الأرض و الشمس
هي اللي حمت الحياة من الاحتراق و التجمد .

المسافة بين الكلمة و الكلمة هي اللي خلتنا نعرف نقرأها و نفهم اللي بيتكتب .

المسافة بين العربية و اللي قدامها هي اللي حافظت على الأمان بينهم و عدم الاصطدام.

المسافة بين الكاميرا و الشخص هي اللي خلت الصورة تطلع حلوة.

لو عايز حياتك تستمر بأقل قدر من الاحباط و الطاقة السلبية، احرص ان المسافة الآمنة دايماً تكون موجودة
زي الشمس و العربية و الكلمة و غيرها وغيرها...

الخطوات المحسوبة معناها انك عايز تحافظ على الاحترام و قدرك عند الاخر .
حصلك موقف مثلا ممكن تقرب حد منك كان أمله إنك بس تقعد معاه وتهتم بيه وبعدها لما تتنازل تكتشف إنه مش مقدرك وبيتهكم عليك ويصغرك ويكسرك
زى عيل مسك لعبة ولما امتلكها بعدها زهق ويكسرها
حافظ من الصنف ده وحافظ على المسافااااات

وف المقابل لو قربت من الناس بزياده
كلنا عندنا عيوب و اخطاء
و مع اقترابك من أى شخص ساعتها يكبر في عينيك العيوب و الاخطاء عنده كأنك قربت بعدسة مكبرة فالصورة بتفقد جمال تفاصيلها ، ليه ؟؟
عشان قربت أكثر من اللازم .
اوقات بنفتكر ان رفع التكلفة بيقربنا لبعض في حين ان رفع التكلفة قد يكلفنا الكثير اولهم خسارة هذا الشخص .
عشان كده ، لكي يبقى الجميل جميلاً، ابدأ من الآن
إتقان فن المسافااات .
"اتركوا بعض المسافات بينكم...
من الذي اقنعنا ان تواجدنا المستمر بلا انقطاع..
بجانب بعضنا البعض قد يزيد من حبنا لبعضنا ..
اذا اردت ان تخسر شخص ما ..
أو على الأقل غلاوته تقل عندك وقيمته تضعف..
بالنسبة لك حتى لو كان أقرب المقربين ..
داوم على التواجد معه بإستمرار وبشكل مكثف.
آكلين شاربين ،قاعدين ،رايحين جايين ماشيين مع بعض...
لا تتركوا بعض لحظه واحده...
في هذه الحاله ..
أقدر أقول لكم. بكل ثقة إن علاقتكما مع بعض سوف ..
يعتريها التوتر والفتور وقد تنتهي بالازمات المفتعلة
طبعا زمانك بتقولي.. ليه كده⁉️...
لإنك كل ماقريت منه اكتر كل ما اكتشفت ..
عيوبه ونقائصة الصغيرة اكبر
وستأتي حتما لحظه تصبحون فيها مهما كنتم احباب..
في حالة من الملل وانعدام الشغف.....
لكل ماسبق .
اقتربوا من بعض..ولكن دون التصاق وتعلق زائد ...
هل ادركتم الآن سبب انتهاء علاقات كانت قوية جدا..
وانتهت بالقطيعه التامه ...انه الإقتراب المبالغ فيه...
#فن #اتقان #المسافات منهج وأسلوب حياة
.......

فلما أنت ياحبيبي في سبيل المجد والنجاح والفلوس تحط نفسك تحت ضغط لا يتحمله بشر 🩶

وتهمل علاقاتك الإجتماعية! فأنت كده مش هتبقى بتجري وراه السعادة

السعادة كده هي اللي هتجري منك!

السعادة مش محتاجة كل الفرهدة دي موجودة في حجات بسيطة حوالينا كلنا

احنا ياعزيزي اللي بنغض بصرنا عنها وبندور فى حجات بعيدة زي أن أنت تبقى استثنائي ومفيش منك اتنين

السعادة هنلاقيها في العلاقات الإنسانية الإيجابية..

الجميع يريد تغيير العالم

المحترمه .حنان ترك ♥👇

هترتبطي بواحد علشان فلوسه هتلاقي قلبه مفلس حُب ..
و انت هترتبط بواحدة علشان شكلها هتلاقي قلبها مليان قسوة .
ساندوتش الفول بيشبع و ترابيزة عليها أكل بـ 1000 ج بتشبع .. و بطنك مش هتعرف الفرق .
‏‎لابس هدوم ماركة بتستر جسمك ‎و لابس هدوم من السوق بتستر جسمك .. و جسمك مش هيحس بالفرق
‏راكب عربية ‎موديل السنة هتقضيلك مشوارك و العربية القديمة برضو هتقضيلك مشوارك .. ‎و رجلك فـ الحالتين هترتاح .
‏‎البيت الصغير بيسترك و القصر الكبير بيسترك .. ‎و فـ الاول والآخر مش هناخد حاجه واحنا رايحين ع القبر .
كفاية اهتمام بالمظاهر و كفاية اهتمام بالشكل و الفلوس و كفاية نقص و ظلم بنطلعه ع الضعيف او الـ شكله وحش او الـ مُش معاه
الشبع فـ العين مش فـ البطن و الغني فـ النفس مش فـ الجيب
👏♥️

نصف جمالك في لسانك

علشان تعيش حياتك