Up To One Kids

ونعم بالله

اللهم صلي وسلم وبارك عليك يا سيدي يارسول الله صلى الله عليه وسلم

لكل أم تواصلت معانا واستلمت برنامج استعادة انتباه اطفالها للمذاكره في الفتره الصعبه دي تبعتلنا علي رسايل الصفحه لو في اي مشكله للمتابعه

لكل أم محتارة تعمل أيه الفترة دي بعد قرار تأجيل الأمتحانات
وولادها حاسيين من أول الترم أنهم في أجازة ومش بيذاكرو
علقي بكومنت وهبعتلك برنامج ع الخاص يساعد في تعليمهم وتنظيم وقتهم

♥
♥

لكل أم ولادها داخلين علي الأمتحانات
ربنا ينجحهم جميعا وميضيعش تعبهم ولا تعبك كأم معاهم ♥️
مهم أوي في المرحله دي حاجتين ده غير المذاكره اللي من نار طبعا 🔥🔥
الحاجه الأولي تهتمي بأكلهم 🍉🍇 🥘🫕 الوجبات اللي فيها البروتين والكالسيوم والحديد مهم أوي عشان التركيز خصوصا أن للأسف معظم ولادنا بيشتكو من الضعف ومن الأنيميا
الحاجه التانية هي تنظيم الوقت ⏰
طول السنه بنضيع وقت وبنذاكر علي مهلنا بس وقت الأمتحانات لازم جو البيت كله يبقي معسكر ويبان الفرق ⛺
لازم يصحو بدري واليوم يكون متنظم صح بحيث منضيعش وقت نهائي
Up To One from Level-1 To First One

البوست ده مهم لكل أم بتعاني ان إبنها عنيد ومش بيسمع الكلام ومتدلع 👶🏻👧🏻
خلينا نتفق ان تصرفات إبنك او بنتك هي ناتج تصرفاتك معاهم ومش هننسي دور الأب وإهميته وتأثيره عليهم 🧐
لازم من الأول تعرفي انك بتربيه من أول يوم 1️⃣
الطفل بيلجأ للعياط والعصبيه والزن للضغط عليكي 😭😤
لازم تكوني مركزة معاه طول الوقت وتعرفي هو بيطلب أيه وليه وأمتي ولما تمنعي حاجه أو ترفضيها اثبتي علي موقفك مهما ضغط عليكي 😒
لكن لو بيطلب شئ عادي وحقه مفيش أي مانع نلبيله رغباته وندلعه ونديه كل الحنان والرعايه 🥰
بس لو حسيتي في تصرفاته شئ من الأنانيه والطلب عمال علي بطال والزن الغير مبرر هنا بقي لازم نقف مع نفسنا وقفه ونتصرف بشكل مختلف مهما كان عمر طفلك وقتها 🧐
وناخد مثال
الطفل اللي بيغضب 😡 علي الأكل عشان مش عاجبه أو لأي سبب تاني أوعي تقومي تعمليله صنف غيره ❌
جمدي قلبك وسيبيه يقوم من علي السفره هو بعد شوية وقت مهما طال هايجوع وهياكل ✔️
أما عن الطفل المدلل والعنيد 👶🏻😒
اللي بيدبدب في الأرض وبيزن علي أي حاجه وخلاص أو بيبالغ في طلباته خديه في صمت وهدوء علي غرفته سيبيه يخرج كل اللي جواه 😤
وتقوليله بالنص كده أنا بره ولما تخلص تعالي ✔️
ولما يخلص وييجي برضه متعمليش اللي هو عاوزه طالما ده أسلوبه في الطلب
لأنك لو معملتيش كده ببساطه عمرك ما هتقدري تخليه يسمع كلامك لما يكبر شويه
وصاحبي ابنك وأحتويه وفهميه اخطائه اللي بيتعاقب عليها عشان ميبقاش مش فاهم انتي بتعاقبيه ليه ✔️
ونصيحة بلاش أسلوب الضرب في تربية طفلك ❌❌❌ وإن الأفضل عقابه بحرمانه من حاجه بيحبها احسن بكتيير ✔️
اعرفي إن الطفل ذكي جدا وأنه بيستغل حبك ليه للحصول علي كل طلباته 🥰
بس كده لو عندك أى سؤال اكتبيه فى كومنت وممكن كمان لو حابة انك تبعتيلنا على رسايل الصفحة وهنرد عليكى فوراً ونساعدك بكل الطرق الممكنة ♥
وكمان قريب جداً هنعمل محاضرة اونلاين مجانية لكل ام عندها أى سؤال ومحتاجه أى مساعدة فى التعامل مع ولادها ابعتيلنا عالخاص وهنشرحلك التفاصيل ♥
Up To One from level-1 To First One ♥

عروض الشتاء واجازة نصف العام الدراسى من up to one courses
كورس اللغه الانجليزي للاطفال 🆎 حرفيا هنزرع الانجليزى جوه دماغ ابنك او بنتك 🌱👧🏻👶🏻♥️
و كمان مجانا كل من :
(الماتيريل-اختبار تحديد المستوي-الشهاده ) ♥
في خصم كمان على ❤️
(الاخوات و الاصحاب) ♥️
الكورس مدته شهرين .
بنقبل من سن 5 الي 11 سنه👶🏻👧🏻
بنقبل الطفل حتى لو zero انجليزي
لاننا بندرس بنظام التفاعل عن طريق انه يشوف ويسمع ويتكلم ♥
تعليم اللغه عندنا بيعتمد علي الالعاب و الانشطه المفيدة والممتعة ♥
بيدرس الطفل معانا ♥️
(القراءه-الكتابه-الاستماع-التحدث-القواعد)
منهج عالمي و معتمد دوليا 🌍
Up To One from level-1 To First ONE ♥
لمعرفة العرض و التسجيل قبل اكتمال العدد
اتصل بنا 📲
01033443067
02-27410570
أو إبعتلنا علي رسايل الصفحة ♥️
❤️

تعالي اقولك ع لعبة فعاله جدا في نمو حواس طفلك وممتعه جدا بالنسباله 👶🏻👧🏻
كل الامهات بترفض تماما تجيب اللعبه دي لولادها عشان بيبهدلو البيت بيها وكمان عشان مش صحيه 😕
وفي نهاية البوست هقولك نحل المشكله دي ازاي 🤔
ايه هي اللعبه بقي ❗
الصلصال :. 😃
الصلصال وألوانه الكتيره المميزة والجميله 🔴🟠🟡🟢🔵🟣⚫ من الالعاب اللي بتخطف انتباه الاطفال وبيحبوها ♥️
وممكن عن طريقها ينمي حاسة اللمس 🙌🏻 لانه بيستمتع دايما انه يلمس الشئ عشان كده الاطفال الصغيره ايديها 🙌🏻 وبوقها 👄 سابقين اي حاسه تانيه .
وحاسة الابداع 🤩 والذوق لانه بيحاول أكتر من مره يشكل بيه عشان يطلع افضل شكل 🥳
وطبعا المهارات اليدويه لانه عشان بيستخدم كل عضلات ايده 💪🏻في تكوين شكل بالصلصال
كمان بيساعده يتعلم مبادئ هندسية بسيطه لانه وهو بيكون شكل بيراعي المسافات والمقاسات عشان يظبطه ⭕🔲
هاتيلهم صلصال ألوان كتير واديهم صورة بسيطه يحاولو يعملوها بالصلصال وسيبيهم يبدعو ♥️
تعالي بقي اقولك ملحوظات مهمه عشان تحلي مشاكلك كأم مع الصلصال ✔️
خصصي ترابيزة للولاد ( في المطبخ أو في البلكونه أو في غرفتهم ) للعبه دي وحطي عليها مفرش بلاستيك سميك عشان ميبهدلوش البيت ✔️
اشتري الصلصال الطبي حتي لو غالي عشان ده أأمن لصحة أطفالك ✔️
وممكن كمان تعمليه في البيت من مواد طبيعيه وموجوده جوه بيتك
لو عاوزه تعرفي الطريقه ابعتيلنا خاص وهنقولك ♥️

تعالي اقولك علي لعبه هتبسط ولادك جدا وهتخليهم يعرفو كلمات انجليزي أكتر
كل يوم ألعبيها معاهم 😍
هتقولي كلمة وبعدين واحد منهم هتختاريه يقول كلمة تبدأ بأخر حرف من الكلمة بتاعتك 🆗
مثلا
Banana – Ant
Table – Egg
Orange – Elephant
Tiger – Rabbit
Telephone – Earth
وكرري اللعبه معاهم كل يوم وكبري حصيلة الكلمات ومعانيها لأطفالك
تابعينا عشان تعرفي معلومات تهمك وتفيدك في تعليم أولادك ♥️

تعالي اقولك ازاي تنمي مهارات ابنك في البيت 👶🏻
هتجيبي لطفلك كل شهر لعبه زي اللي في الصور وبعد ما يخلص واحده هاتيله التانيه
الالعاب دي هتساعده علي التركيز جدا ♥️
وكمان من خلالها هيتعلم الاشكال والحروف ⭕🔲🅰️🅱️
وهيتعلم حاجه مهمه اوي انتي كأم نفسك يتعلمها أنه يحط كل حاجه في مكانها الصحيح ✅
الالعاب دي متوفره في مكتبات واماكن العاب الأطفال ولو مش عارفه تجبيها منين أبعتيلي رساله علي الصفحه وهرشحلك كذا مكان تجيبي منه ♥️
تابعينا عشان نعرفك اكتر عن ابنك وازاى تتعاملى معاه ♥
Up To One from level-1 To First One ♥

تعالي نستخدم اعواد الكبريت في تعليم الطفل الاشكال 🟥🔺🔴
يعني ايه الكلام ده هسيب ابني يحرق ايده 😅 لا طبعا 😄
هتجيبي علبة كبريت وعلبة صمغ وورقه ترسمي عليه أي شكل حابه تعلميه لطفلك
Circle 🔴
Square 🟥
Triangle 🔺
وتخلي طفلك يحدد الشكل باعواد الكبريت
هينبسط جدا ويحسها لعبه 👶🏻
هيعلي مهارة التركيز ✔️
هيشغل ايده 🙌🏻
هيتعلم الشكل بسهوله وبطريقه ممتعه 😍
وممكن تستبدلي اعواد الكبريت بالمكرونه او زراير قديمه او خرز او اي حاجه عندك في البيت مناسبه ♥️
خلى ابنك او بنتك يعملو اشكال ويصوروها وابعتهولنا وهننزلها عندنا عالصفحة باسمة وصورته 😍
بس كده وتابعونا عشان كل مرة هنقولكو على حاجات ممتعة ♥️
Up To One From level-one To First One ♥️