The Accountant

عيدكم مبارك وكل عام وحضراتكم بخير..
من أول أمس لحد النهاردة وأنا بلف على ماكينات ATM…
يا إما خارج الخدمة، يا إما مفيهاش فلوس، يا إما طابور محترم ولما ييجي دوري الماكينة تعلن استسلامها 😅
بس بجد… تكرار المشهد ده، خصوصاً وإحنا داخلين على عيد والناس محتاجة ((فلوسها))، ناقوس خطر وشيء مقلق جداً.
لأن الطبيعي الناس تتشجع تتعامل مع البنوك والكروت والتحول الرقمي وو… مش ترجع تفكر تاني ترجع “الفلوس تحت البلاطة” اللي مصدقنا اقنعناهم يخرجوها😄
واهو تحت البلاطة:
لا طابور، ولا ماكينة فصلت، ولا “الكاش خلص يا فندم”!”

نسأل الله العظيم اللطف والسلامة للجميع..

بمناسبة انشغال اغلبنا بالدنيا:
إمتى أشتري شقة؟
وإمتى أجيب عربية أحلامي؟
الدهب غِلي… أستنى ولا أشتري؟
طيب رخص… ألحق دلوقتي ولا لسه التصحيح مكمل؟
خلّينا نقف لحظة ونفكّر…
بعد مائة سنة من الآن،
سنة 2126م،
هنكون كلنا – بإذن الله – تحت الأرض،
ومصيرنا الأبدي هيبقى واضح.
بيوتنا هيسكنها غيرنا،
وأملاكنا هيمتلكها ناس تانية،
ومحدش هيفتكرنا…
هو حد فينا فاكر أبو جدّه؟
وجودنا في الدنيا مجرد ومضة في عمر الكون،
وأعمارنا أقصر بكتير مما نتخيل .
بعد مائة سنة،
هنعرف قد إيه الدنيا كانت صغيرة،
وقد إيه التعلق الزيادة بيها كان مُرهق على الفاضي،
وهنندم إننا ما استثمرناش أكتر في اللي بينفع.

⚠️ وده مش معناه نبطل سعي،
بالعكس:
اطمح واسعى واشتغل،
بس بهدووء…
وطالما في العمر بقية،
خلّينا نراجع نفسنا ونغيّرها للاحسن.
رحلة قصيرة يا احباب:
من ظهر الأب، لبطن الأم،
لظهر الأرض، لبطنها،
ثم يوم العرض.
وفي الآخر:
يا جنة…
يا نار.
اللهم حسن الخاتمة، اللهم لا عيش إلا عيش الآخرة.
سبحان من له الدوام.

في رأيي المتواضع باختصار وهدوء شديد مشكلة الكلاب الضالة سبناها تتراكم سنين لحد ما بقت خطر ومصدر قلق حقيقي على الناس، وبعد ما بدأنا أخيرا نفكر في حل، سمعنا إن الخطة هي تعقيم الذكور والإناث معا.
طيب خلينا نسأل بهدوء: هل لازم تعقيم الطرفين؟
اعتقد تعقيم الذكور أو الإناث فقط وليس كلاهما ممكن يحقق نفس الهدف بتكلفة أقل ووقت أقصر، لأن منع التكاثر مش محتاج الطرفين يتعقموا.
كمان في حلول أبسط ممكن ((تتدرس))، زي إعادة توزيع الكلاب بدل ما نسيبها الذكور والاناث في نفس الأماكن، ننقل أغلب الذكور من محافظات وجه بحري إلى وجه قبلي، والعكس بالنسبة للإناث، بحيث مايبقاش النوعين في مكان واحد وبالتبعية يقل التكاثر تدريجيا بدون الدخول في تكلفة تعقيم ضخمة أو انتظار سنين طويلة.
الفكرة مش إيذاء الكلاب ولا تجاهل الرفق بالحيوان، لكن إيجاد حل واقعي يوازن بين أمان الناس ورحمة الحيوان وإمكانيات الدولة.
الموضوع محتاج تفكير عملي وحلول مدروسة، مش شعارات ولا حلول مكلفة صعب تنفيذها✋

ترامب ده امريكا هتعمل بيه كل اللي بتحلم بيه، وهتجرب من خلاله تطبيق عملي لنظريات على الشعوب، ولو اكتشفوا مقاومة من أحدهم -وده مستبعد- او حتى بعد ولايته يقولك والله دا راجل مجنون إنما احنا سنظل بلد الديمقراطية والدفاع عن الحريات بلا بلا..

رأيي المتواضع باختصار شديد
اللي بيحصل في العالم مش فوضى عشوائية، ده خلق لأزمات إدارتها جاهزة.
الولايات المتحدة تاريخيا بتتعامل مع الضغوط الاقتصادية بتوسيع نفوذها السياسي والاقتصادي، لأن الأزمات الخارجية بتخلق حركة نفوذ وبالتبعية أموال.

تحركات الذهب الأخيرة مرتبطة بحالة عدم اليقين والتصريحات السياسية اللي طبعا مش مجرد صدفة.

وطبعا فنزويلا رجوعها للساحة مش لأنها دولة منهارة، لكن لأنها ورقة طاقة وموقع جيوسياسي مهم، وكمان ساحة ضغط على النفوذ الصيني في أمريكا الجنوبية.

في المقابل، إعادة توزيع الطاقة عالميا مع استمرار حرب أوكرانيا بيزود الضغط على روسيا ويعمّق أزمة أوروبا.
الخطر الحقيقي قدّام هو أي تصعيد صيني في ملف تايوان استغلالاً للموقف، وده لو حصل هيشعل تضخم وارتفاع تاريخي في الأسعار عالميا.

السياسة الأمريكية غالبا لا تعلن الحروب، لكنها تصنع الأزمات وتديرها واللي شايف المشهد من بعيد يفتكره فوضى، لكن اللي متابع عارف إنها لعبة توازنات، وكل خطوة فيها محسوبة..

📌 لجنة السياسة النقديـة تقرر خفض أسعار العائد الأساسية بواقع 100 نقطة أساس
..................................................................

بيان صادر عن البنك المركزي المصري:

قررت لجنة السياسة النقديـة للبنك المركــزي المصـري في اجتماعهـا يــوم الخميس الموافـــق 25 ديسمبر2025 خفض سعري عائد الإيداع والإقراض لليلة واحدة وسعر العملية الرئيسية للبنك المركزي بواقع 100 نقطة أساس إلى 20.00% و21.00% و20.50%، على الترتيب. كما قررت خفض سعر الائتمان والخصم بواقع 100 نقطة أساس ليصل إلى 20.50%. ويأتي هذا القرار انعكاسا لتقييم اللجنة لآخر تطورات التضخم وتوقعاته منذ اجتماعها السابق.

MPC decides to cut key policy rates by 100 basis points

The Monetary Policy Committee (MPC) of the Central Bank of Egypt (CBE) today decided to cut the CBE’s overnight deposit rate, overnight lending rate, and the rate of the main operation by 100 basis points to 20.00 percent, 21.00 percent, and 20.50 percent, respectively. The Committee also decided to cut the discount rate to 20.50 percent. This decision reflects the Committee’s current assessment of inflation dynamics and evolving outlook since the previous MPC meeting.

#زيارة قصيرة تفائل وخليها على الله
كلنا بنقرأ كل يوم عن وفيات او حوادث بخلاف الصراعات عموماً اللي في العالم ، كلنا شايفين قد ايه رتم الحياة سريع جداا ، لو سألت اي حد عن اللي فات من حياته مهما كان عمرة هيفتكر بعض اللحظات حرفياً والباقي هيقولك هو عامل زي ومضة عدت عليا مش فاكر حصل فيها ايه !، ياجماعة مش فاكر! عارفين اللي مش فاكره ده ايه؛ ده مش فاكر طاجن سته اللي شاله وشيله للي حواليه على مواضيع وعدت بكرم ربك لكنه حالياً لا هو فاكر عدت ازاي ولا حتى فاكر الموضوع اصلا، مش فاكر الاخفاقات او حتى النجاحات او على الاقل مش فاكر تفاصيلها، والامثلة كتيير لذلك عشان اختصر على حضرتك هل ما ذكر يخليني وحضرتك نشوف ان الغيره او الصراع او حتى شيل الهم يستحق؟!
خلونا نتفائل ونحب الخير لبعض ونساعد بعض لان كلنا محتاجين بعض الغني محتاج الفقير زي ما الفقير محتاجه، الصديق الجار الزميل كلنا في احتياج متبادل لبعض ربنا خلقنا مختلفين عشان نكمل بعض وننجح مع بعض خلونا نبقى ضيوف لطاف مش مستاهله اصلها، أسأل الله العظيم لنا ولكم حسن الفهم وحسن الخاتمة 🌹

المركزي المصري يثبت أسعار الفائدة عند 21% للإيداع و22% للإقراض

كل شوية مرشّح يطلع يمدح في حكمة قرار إلغاء الانتخابات!
مش عارف هو مقتنع فعلاً؟ ولا منشكح إن الحكاية ماكبرتش ووقفت على “إلغاء” بس؟!
ولا يمكن اكتسب خبرة وبقى عارف إن المرة الجاية…
هيبص للكاميرات قبل ما يوزّع ابتساماته؟ 😅📸