Doaa elsmany

٧ حـاجـات هـتـمر بـيـهـم في رحـلتـك للعـلاج النـفـسي

١ انـت مـش هـتـعـوض اللي فـاتـك ولا حـاجه انـت هتـفهم وتستوعب أيا كان اللي مريت بيه وتبطل تـتـصـرف علي أساسه المــره دي بـسـلـوكـياتك حـره واعـيه مـتـزنه

٢ وارد تـلاقي دمـوع وشـحتـفه من هـنا للـصبح ولو ضـحـكت فهتـكون كـومـيديا سـودا في الغالـب

٣ هـتتوجع وهـتـفـتح حـاجات قـديمة توجـعك اكـتر بس ده هـيخليـك المـره دي تـسـتوعـبـها أفـضـل

٤ هتـفـهم انك مسـؤول عن شـويـة حـاجـات وحاجات تانيه حـصلتـلك لأنها وارد تحــصل لأي حـد يعني انـت سـاعات جـاني وسـاعـات مـجـني عـليـك ومـش بالضـروره يكـون في شـريـر في الحكـايه وان الشـر مش مـطـلـق ولا الخـيـر بردو

٥ هـتلـاقي حـد تحـكي مـعاه وانت مش خـايـف من حـكمـه عليك هتـلاقي مُـرشــد بيـوجـهـك وينورلك كشـاف بـس انت بتـمـشي الطريق لوحدك

٦ هتـنتـكـس وتقـوم وتقـع وتـقع وتـقـوم لحد ما تـتـزن

٧ هتكـتشـف عن نفسك حـاجـات كتير مكنـتـش تـعـرف عـنها حـاجـه

الطفل اللي الناس عارفه أن أي حد هييجي جنبه أبوه وأمه هيقطعوه

الطفل ده بنسبه كبيرة مستبعد من دائرة الاستغلال

لكن اب وأم في وادي غير الدنيا ولادهم للأسف فريسة سهلة للسيكوبا تيين .

ربنا يرحم كل طفل ماشي في الدنيا بطوله قليل الحيلة

ونفسي العقوبات تجاه الأطفال تتغلظ لأقصي عقوبة للأب والأم نفسهم قبل اي حد غريب

نفسي يكون في حبس مدي الحياة لناس أفسدوا حياة آخرين مدي حياتهم بردو .

هتلاقي الشخصية الحدية عندها طاقة غضب مش بتهدي وممكن تلاقي ردود أفعالها مبالغ فيها

كل ده مش شـ ر كل الغضب ده بيقول قد إيه تم إساءة معاملتها ومحدش فهمها وهي طفلة

من أهم أسباب فشـل العلاقات

إنك تتحول للدور الأبوي

فتكون عايز تربي اللي قدامك من أول وجديد

وتنسي أنه شريكك

وتفضل تضغط عليه يحط نفسه في إطار مش بتاعه ولا مقاسه

ولا مرتاح فيه ولا عايزه حتي

أي حد بيختفي فجأة بعد تلميحات وفراشات وكده

إما إنه خايف من العلاقات والإلتزام والمسؤوليات فإيه ده انا هدخل علاقة ويطلب مني حاجات التزم بيها لالالا إحنا متفقناش علي كده وشايف إنه اه هرتبط بس مش دلوقتي فمتوجعش دماغه وتدخل في الجد

أو إنه داخل العلاقة دي لأنه محتاج يحس إنه بيتحب ولكنه في نفس الوقت معندوش القابلية لإستقبال الحب ده ولا عنده أصلا طاقة إنه يدي أي حد أي نوع من أنواع الحب هو عايز يتشاف وبس فمجرد ما شوفته هو حقق اللي عايزه وإختفي

أو داخل يلعب علشان تتعلق بيه ويسيطر عليك ويظهر ويختفي بمزاجه ويلاقيك قاعد إنت مستني تبكي علي الأطلال لأنه الشخص اللي مفيش منه إتنين ومينفعش يتنسي ولا يتساب عادي كده

او كان متشعلق بحد تاني فأول ما ندهله جري وسابك

الخوف من الهجر وعدم الإحساس بالأمان

أو حصلتله حادثه والله يرحمه

ولكن هتلاقيهم بنسبة ٩٩.٩٪ عايشين عادي والدنيا ماشيه

في مواقف تستغرب ثباتك وقدرتك علي التسامح فيها وتكتشف بعد سنين إنك مش كويس

وده لأن دماغك كانت بتحميك فأجلت الألم تحس بيه وقت ما تكون جاهز.

عادي تكون مش كويس بعد ما كان بيتهيئلك إنك كنت كويس

انت بتيجي مـتدشـمـل كل مره بسببهم 🙆🏻‍♀️