Certified Digital Marketer Program- Mass Comm CU

شكراً لكم على هذه الرحلة الجميلة 🎓

الحمد لله تم الإنتهاء من الدفعة الثانية لدبلومة التسويق و التسويق الإلكتروني في الأكاديمية البحرية في القاهرة.

سعدت جداً بالتواجد مع جروب متميز جداً جداً على المستوى العملي و الشخصي، كسبت زملاء و أصدقاء أعزاء.

خالص تمنياتي لكم جميعاً بالنجاح و التوفيق في الحياة الشخصية و العملية.

مرة أنا و صديقي كريم 🤝

◆ د.كريم ..دكتور صيدلي شغّال في ال Sales في شركة أدوية عالمية في دبي، بعتلي رسالة بيقولي إنه قدامه فرصة في شركته عشان يبقى Digital Marketing Associate و عايز يقدم فيها بس المشكلة إن معلوماته في المجال محدودة و الانترفيو كمان شهر و مش عارف يعمل ايه ؟

◆ صادف إني في نفس الشهر كنت بجهّز لكورس أساسيات التسويق الإلكتروني digitalX في دبي بشكل مكثف ٦ أيام ورا بعض، فنصحته بالحضور و شرحتله محتوى الكورس و إنه هيكون مناسب جداً ليه و هيخليه جاهز للانترفيو و متطلبات الوظيفة الجديدة نفسها.

◆ د.كريم اقتنع و نورنا في الكورس و كان سعيد جداً بالتجربة ككل.

◆ الحكاية ما خلصتش هنا .. بعد فترة لقيت تهاني لدكتور كريم على الوظيفة الجديدة ... و متابعه لحد الآن ..مستمر في التدرج في قسم ال Digital Marketing في الشركة بنجاح كبير.

◆ لو انت بتواجه نفس المشكلة و محتاج تعرف أكثر عن عالم ال Digital Marketing من البداية لحد مرحلة الاحتراف .. سجّل دلوقتي في كورس Digital Marketing Excellence - digitalX و ابدأ طريق نجاحك.

----------------------

✔️الحكاية اللي فاتت دي كانت مثال عملي لإستخدام القصة لتسويق علامتك التجارية .. بإستخدام إطار عمل اسمه :

◆The Storybrand - 7 parts Framework (SB7) ◆

بيقّسم القصة التسويقية ل ٧ خطوات

1-Character البطل
------------------------
Make your audience the hero. You are not the hero of your brand story.

2-Problem المشكلة
------------------------
Define your audience's problems.

3-Mentor المرشد
------------------------
Be a guide with a solution.

4-Plan الخطة
------------------------
Create a clear plan.

5-Call to Action التنفيذ
------------------------
Include a clear call to action.

6-Avoid Faliure تجنب الفشل
------------------------
Discuss the potential for failure.

7- Sucess النجاح
------------------------
End your story with success.

------------------------

✔️يعني باختصار بتحكي قصة يكون فيها عميلك هو البطل .. و عنده مشكلة محددة .. انت بتقوم بدور المرشد اللي هيوجهه لحل مشكلته من خلال البراند بتاعك .. و تديله خطة بخطوات واضحة لاتخاذ فعل معين .. في النهاية المفروض الحل بتاعك يخليه ينجح و يتجنب الفشل.

✔️طبعاً الموضوع بيكون سهل لو هنحكيه كقصة مباشرة على السوشيال ميديا زي المثال في البوست، و نفس الفكرة لو فيديو للعميل بيتكلم فيه بنفسه عن تجربته.

✔️لكن فيه تطبيقات كثيرة، ممكن تحكي القصة بإعلان فيديو مصوّر و ده الأكثر شيوعاً و الأصعب لو هتحكيها في صوّر و تصميمات غير متحركة، ممكن كمان تحكيها من خلال الموقع الإلكتروني بتاعك، هسيبلك بعض الأمثلة و منتظر منك أمثلة تانية مميزة صادفتها أو فكّرت فيها.

أهم سبب لفشل الشركات الناشئة ❗️

طبقاً للتقرير السنوي من CB Insights عن أسباب فشل الشركات الناشئة، السبب الأكثر شيوعاً هو :
⁍ No Market Need
⁍ عدم احتياج السوق للخدمة أو السلعة المقدمة

طبعاً بيجي بعدها عدم توافر السيولة المالية و مشاكل في فريق العمل، و ده متوقع و بديهي إلى حد كبير، لكن بصراحة ان النسبة الأكبر دائماً تكون بسبب عدم احتياج السوق دي مزعجة أوي.

و أعتقد ان السبب الرئيسي فيها هو تمسّك المؤسسين بأفكارهم و إصراراهم على تنفيذها برؤيتهم الخاصة، حتى لو ثبت في مراحل البحث الأولية عدم أهمية المنتج النهائي المقدم للسوق.

٤ مراحل لإتخاذ أفضل قرار ممكن في البيزنس❗️

▪️عشان نقدر نتخذ أي قرار إداري أو تسويقي لازم يتم اتخاذه بناء على تحليل لمعلومات و بيانات و كل ما زادت قدرتك على تحليل البيانات بشكل جيد كل ما زادت قدرتك على اتخاذ قرار سليم.
----------------------------------

📊طيب ازاي بعمل تحليل للبيانات و المعلومات ؟

هنتلكم النهاردة عن نموذج هيساعدنا في ده و هو

🔺️ هرم المعرفة 🔺️
🔺️DIKW Pyramid 🔺️

اللي بيوضح العلاقة بين :

🔹️️البيانات Data
🔹️المعلومات Information
🔹️المعرفة knowledge
🔹️الحكمة Wisdom

📊كل ما نطلع للقسم الأعلى بنتخذ خطوة نحو فهم أفضل و توضيح أكثر للسياق و بالتالي نحصل على قيمة أعلى تسهل علينا اتخاذ قرار أفضل

🔺️ بنبدأ من البيانات Data
و هي حقائق أو قراءة لإشارات أولية غير منظمة و بدون سياق واضح.

🔺️بعد كدة بيتم وصف و تنظيم البيانات دي في سياق معين و معالجتها لتتحول لمعلومات مفيدة Information .
و هنا بنجاوب على أسئلة زي
who", "what", "where", "how many", "when"
يعني بنوضح البيانات بتوصف ايه بالظبط ؟ ال know what

🔺️ندرس المعلومات أكثر و نربطها ببعض و نفهمها عشان نطلع بمعرفة واضحة knowledge تساعدنا على اتخاذ القرار.
بنجاوب على السؤال How ، كيف وصلنا لهذه النقطة، ال Know how .

🔺️تكرار الخطوات السابقة و مراجعة نتائج القرارات السابقة و ربطها ببعض لتكوين رؤى واضحة insights توصلنا لمرحلة الحكمة Wisdom لاتخاذ أفضل قرار.
أخيرا هنا بنجاوب على السؤال why ، ليه أخذ القرار ده ؟ ليه الاستراتيجية دي هي الأمثل ؟ و طبعا ده بناء على المعرفة اللي وصلنالها.
يعني الحكمة هي تفعيل المعرفة بشكل عملي لاتخاذ القرار.
-----------------------------------
📊مثال سريع للتوضيح :

🔹️البيانات : قراءة عداد الكهرباء 60 ألف كيلووات.
هنا أنا عندي رقم بس مش فاهم هو كدة كثير و لا قليل و بيترتب عليه ايه

🔹️المعلومات: هنا راجعت اخر فواتير و طلعت القراءات السابقة و عرفت ان دي قراءة اخر شهرين يعني الشهر 30 ألف
و عرفت ان قراءة الشهور السابقة متوسطها 20 ألف وات، يبقى أنا عندي زيادة في الاستهلاك 50%

🔹️المعرفة : بناء على المعلومات السابقة أنا عرفت ان عندي زيادة في الاستهلاك آخر شهرين بنسبة 50% ، بحلل و أدور أنا ازاي وصلت لده، التغيير الوحيد انك اشتريت فرن كهرباء جديد، يبقى على الأغلب هو السبب

🔹️الحكمة: عرفت اني لازم أقلل استخدام الفرن الكهرباء لإن هو السبب في الزيادة الكبيرة في استهلاك الكهرباء و بالتالي الفاتورة.
-----------------------------------
📊مثال مبسط من البيزنس لتوضيح الفكرة :

🔸️البيانات : Data
-المبيعات :مليون جنيه

🔸️المعلومات: Information
-عرفت ان المبيعات هي مبيعات السنة كاملة
-قارنت مبيعات السنة دي بالسنة اللي فاتت لقيت فيه زيادة 25% في المبيعات بنفس ميزانية التسويق.
-السنة دي تم انشاء موقع الكتروني للبيع أونلاين و تم تحويل 50% من ميزانية التسويق للإعلانات أونلاين.

🔸️المعرفة :Knowledge
البيع أونلاين سبب زيادة المبيعات بنسبة 25% (بافتراض ثبات باقي العوامل و عدم وجود أسباب أخرى)

🔸️الحكمة : Wisdom
بناء على التحليل السابق أفضل قرار هو التوسع في البيع أونلاين في الفترة القادمة .
-----------------------------------
📌و طبعاً كل ما يكون عندك بيانات أكثر و قدرة أكبر على التحليل و التنظيم هتقدر تطلع بمعلومات أكثر إفادة و توصل لمعرفة أكثر أهمية و بالتالي قراراتك هتكون أفضل، و هو ده التعلّم و الخبرة .

Very hot ambient Ad. 🔥
House of dragon tv series 📺🐉

❗️ليه الشركات بتعمل DeBranding ؟

لاحظنا في الفترة الأخيرة ان شركات عالمية كثيرة بتقوم بتعديل أو تغيير الرمز أو الشعار LOGO الخاص بيها و تغيير الهوية البصرية للBrand بالكامل Visual Identity

المشترك في أغلب التغييرات دي إن اللوجو المعدّل بيكون أكثر بساطة و أقل ألواناً و تفاصيلاً .. في الحقيقية بيعلموا Debranding للبراند، يعني بيلغوا ألوانه و شكله المميز اللي الناس اتعودت عليه.

--------------------------------

❗️طيب ليه الشركات بتعمل كدة ؟ why debranding

فيه 3 أسباب :

1-أول سبب هو مواكبة العصر و الموضة لإن حالياً البساطة أو الMinimalism هي السائدة و ال Trend في معظم المجالات و خصوصاً الفنية، ملابس أبسط، تصميمات معمارية و ديكور أبسط ، أسلوب حياة أبسط و أسهل و لذلك انعكست فكرة البساطة في تصميمات شعارات البراندات و الهوية البصرية الخاصة بها لتعكس التطور و مواكبة العصر.

2-سبب أكثر اقناعاً لأنه عملي أكثر، وهو إن البساطة في التصميم دون وجود أي عمق أو تظليلات أو تداخل ألوان يجعل الشعار يحافظ على شكله و هويته عند تصغيره بشكل كبير ليناسب شاشات الموبايل الصغيرة نسبياً وهي أكثر وسيط يظهر عليه شعار الشركة حاليا سواء خلال السوشيال ميديا أو المواقع الإلكترونية.

3-السبب الثالث مرتبط بالسبب الأول و هو ان الشركات بتقلد بعض بغض النظر في سبب مهم لتبسيط الشعار أو لأ ، كمثال شوف اللوجوهات الخاصة بأكبر براندات الملابس هتلاقيها كلها عبارة عن اسم البراند فقط و أغلبها باللون الأسود و نفس خط الكتابة.
------------------------------
✔️ السؤال المهم .. هل ال debranding في مصلحة ال brand فعلاً ؟

❌️الحقيقة أنا شايف ان المبالغة في تبسيط اللوجو و خصوصا لو تم تغيير الألوان بتضر البراند بشكل كبير، و في مثال واضح للموضوع ده من شركة تروبيكانا اتكلمنا عليه قبل كدة و سبب خسائر كبيرة و ده لإن محبي البراند بيكونوا ارتبطوا عاطفياً بالشكل القديم و الألوان القديمة و بيتضايقوا من التغيير خصوصاً لو تغيير كبير.

❌️والكلام تكرّر مع العديد من الbrands عند إعلانها عن تغيير هويتها بنلاقي تعليقات كثيرة معترضة أكثر من اللي مبسوطة بالتغيير.
يعني الخلاصة مفيش مشكلة في التغيير و التبسيط بس الأفضل يكون مدروس و يحافظ على الهوية قدر الإمكان منعاً لحدوث مفاجآت كبيرة.

📌انت كعميل رأيك ايه ؟

---------------------
🔗 شوف أمثلة ثانية للشركات اللي عملت Debranding من هنا :
https://tamersalah.com/debranding/

الحرق في زمن اليونيكورن 🦄
---------------------------
▪️أكيد لازم نتكلم عن اللي بيحصل في شركة كابيتر، لكن القصة مش في موضوع هروب 2 من المؤسسيين ب33 مليون دولار ولا لأ ، رغم قناعتي الشخصية ان الموضوع ده صعب جدا يحصل و لا يمكن يكون فيه اختلاس بالرقم ده نهائي، الموضوع أكيد اختلافات حادة جدا بين المستثمرين و المؤسسيين في وجهات النظر مع إمكانية وجود مخالفات مالية احتمال، لكن أعتقد – والله أعلم – ان موضوع الهروب بالملايين ده قصة سينمائية انتقامية مفبركة .
---------------------------
▪️لكن الموضوع كله في الشركة نفسها، و السيناريو المتكرر مع كثير من الشركات دلوقتي مش بس الشركات الناشئة Start Ups الموضوع منتشر في العالم كله صحيح لكن أنا بتكلم عن مصر دلوقتي لإن التخبط بيكون واضح جداً و متوقع في العديد من الشركات اللي بتبدأ ناجحة جداً على مستوى النمو و التوقعات المستقبلية و بعدين في خلال سنة تقريباً كل شيء بينهار.
-------------------------------
❗️طيب ايه اللي بيحصل في الشركات الناشئة ؟

واحد بيعمل فكرة حلوة و مميزة و غالباً جديدة، مش فكرة بس بيكون Business Model متكامل، يبدأ يطبقها في أضيق نطاق MVP (Minimum viable product )، تثبت نجاحها و قابليتها للتوسع Scalability ، يلاقي مستثمر يديله تمويل عشان يقدر يشتغل بشكل أفضل pre seed funding و لو قدر ينجح بعدها Seed Funding و معظم الشركات الناشئة مش بتوصل أصلا للمراحل دي لكن لو قدر يوصلها و بيعمل نمو كويس و عنده استراتيجية و خطة واضحة يدخل على جولة تمويلية ثانية Series A و بعدها Series B و أحياناً ممكن يوصل ل Series C و D و E
------------
زي ما شوفنا عشان تقدر تاخد تمويل لازم تثبت انك عندك Model ناجح و قابل للتوسع ، و للأسف المعيار الأساسي بيكون معدل النمو حتى لو على حساب حاجات تانية أهم ، عشان كدة فيه مقياس مهم جداً في تقييم ال Start ups اسمه

✔️Start up Burn Rate – معدّل الاستنفاذ ✔️

أنا بحب أسميه معدّل الحرق و هو عبارة عن المبالغ اللي بتحتاجها الشركة الناشئة شهريا عشان تقدر تشتغل و توفي التزاماتها و بيكون ناتج عن الفرق بين إيرادات الشركة و اجمالي مصروفاتها لإن المتعارف عليه ان الشركات الناشئة في بدايتها بتكون الأولوية للنمو على حساب الربحية فعادي جدا ان المصروفات أكثر من الإيرادات ، لكن لازم أحسبها برضه و هو ده ال Burn rate ، الشركة محتاجة تضخ أموال قد ايه شهريا عشان تفضل شغالة.

يعني لو شركة مجموع مرتباتها و مصاريفها شهريا 10 الاف دولار و إيراداتها 8 الاف دولار ، يبقى ال Burn rate بتاعها 2000 دولار.

وهنا في metric تاني أهم و هو

✔️ Stratup Runway or cash Runway✔️

الشركة هتقدر تستحمل وقت قد ايه قبل ما فلوسها تخلص ، و بيتحسب عن طريق اني بقسم المبلغ المتاح في الشركة على ال Burn Rate يعني لو في المثال السابق الشركة لسة معاها 50 ألف دولار ، يبقى 50 ألف على 2000 دولار يساوي 25 يبقى الشركة تقدر تستحمل 25 شهر بنفس المعدل.

الخلاصة من المقياسين دول أن معظم الخبراء بينصحوا إن الشركة لازم دائما يكون عندها أموال تغطى 12 شهر على الأقل .

📌دول من أهم ال metrics اللي لازم كل شركة ناجحة و بتحقق نمو تاخد بالها منهم جدا لإن الشطارة كلها هنا و المشكلة كلها هنا.

---------------------
❗️دلوقتي احنا بنتكلم عن شركة عندها فكرة ناجحة و خطة كويسة و شغالة كويس على أرض الواقع و بتحقق نمو و عندها تمويل كويس و ده شيء استثنائي ممكن نقول 20% ل 30% من الشركات الناشئة بس اللي بتقدر توصله (طبقا لعدة مصادر)

❗️المشكلة كلها في رأيي بتكون في ال Ego الشخصي و الرغبة الملحة في تحقيق التفرّد و التميز و الوصول لنادي اليونيكورن unicorn* في أسرع وقت (* مصطلح دارج للإشارة إلى الشركات الناشئة التي يتجاوز رأسمالها المليار دولار) ، عشان مش كفاية نكون ناجحين و ماشيين كويس، لازم نكون أنجح ناس و أقوى ناس في ال Ecosystem ،

و الطموح مش عيب خالص بس لازم يبقى طموح مدروس، المخاطرة مطلوبة و هي الأساس، بس نسبة المخاطرة قد ايه، هو ده الموضوع كله و الإدارة كلها.
---------------
⚠️حاولت أشوف المعلومات المتاحة عن كابيتر مثلاً عشان نتعلم منها، ايه اللي يخلي شركة معدل نموها 11 ضعف و معاها أكثر من 33 مليون دولار في سنتين ، تقع بشكل سريع كدة، حتى مع ظروف الحرب و الدولار و كل ده.

▪️أول سبب من غير تفاصيل هو التوسع الكبير جدا في وقت قليل، ايه السبب في كدة، هل فيه منافس مثلا بنحاول نسبقه، أعتقد لأ ، هو نمو لمجرد النمو و بالتالي ال Burn Rate أكيد كان عالي و الRunway مش مغطي 12 شهر

❗️طيب ايه اللي بيخلي الBurn Rate عالي ؟

▪️فيه حاجات ضرورية زي مصروفات التكنولوجيا المستخدمة مثلا لإنها من ال Core Competencies للشركة و أي حاجة تانية بتخدم العمليات الأساسية للشركة.

▪️فيه حاجات ضرورية بس ممكن نقتصد فيها شوية زي عدد الموظفين و المرتبات – خصوصا مرتبات الإدارة العليا.

▪️حاجات ضرورية بس بيحصل فيها مبالغة أحيانا لنفس هدف التفرد و التميز زي ال Marketing مثلا بكل تفاصيله و هنا بصراحة لا أعتقد إن شركة كابيتر بالغت في النقطة دي مع وضع في الاعتبار انها B2B فممكن يكون فيه تسهيلات ترويجية و عروض مبالغ فيها – ممكن اللي شغالين في نفس المجال يساعدونا برأيهم.

▪️أخيرا حاجات زي مقرات الشركة مثلا لفتت نظري شوية لما شوفت صور مقر دبي أعتقد انه مقر مبالغ فيه نسبياً و المفارقة وجود صورة يونيكورن على الحيطة - مش متأكد ان دي صور المقر فعلا لسة - و لكن و اعذروني للمبالغة الدرامية بس الصورة بتؤكد الفكرة أكثر بشكل عام.

--------------------
⚠️وعلى فكرة اللي بيحصل ده مش في قطاع الشركات الناشئة فقط !!

❗️في أمثلة كثير جدا من قطاعات مختلفة و كلنا شوفنا صعودها و انهيارها في وقت قياسي لنفس الأسباب على فكرة ، مع الفارق انه المفروض مش محتاج يعمل مخاطرة كبيرة زي الشركة الناشئة و مع ذلك بياخد المخاطرة بدون سبب مقنع غير الطموح الشخصي.

❗️مثال واضح صيدليات 19011 مع الفارق الكبير في كل حاجة بس حابب أوضحلك ان الموضوع بسيط مش معقد و أساسه كله واحد

فكرة قديمة بس ناجحة قدروا يطبقوها تاني بنجاح و حققت نمو – توفرت معاهم أموال كثيرة بس هنا من القروض – أدت للمبالغة في النمو المفرط و التسويق المفرط و الحرق بدون وعي للوصول لأقصى درجات النجاح مش النجاح العادي – النتيجة انهيار سريع – و لكنه غير مفاجئ لأي حد فاهم بيزنس.
-----------------

📌للأسف فيه شركات كثير بتتبع نفس النهج لحد الآن أملا في تحقيق مكاسب أعلى و مجد شخصي أعلى و منهم نسبة صغيرة بتنجح فعلا و لكن الأكثر بيقابل المصير المحتوم حتى لو قدر يطول المدة شوية.

📌استباقاً للمناقشات، زي ما فيه شركات كثيرة صغيرة أو كبيرة بتشتغل بطريقة المخاطرة المبالغ فيها لتحقيق نمو خرافي لجمع تمويل أو قروض، فيه شركات كثيرة واعية للكلام ده كله و بتنمو بشكل مدروس و بخطوات محسوبة و غير مبالغ فيها حتى لو مش بتحقق ربح بس معدل الاستنفاذ مدروس، مش بتجري ورا تمويل أو قروض و نجاح سريع و خلاص.

📌الخلاصة : على قد تمويلك ..مد رجليك

❗️دلوقتي التكنولوجيا تحت ايديك 🖐

⚠️لحد فترة قريبة، كنا بنعتبر موضوع الMicrochips و زراعة الشرائح في جسم الانسان خيال علمي أو موضوع ليه علاقة بنظرية المؤامرة و التحكم في البشر من خلال الشرائح دي.

▪️دلوقتي الخيال أصبح واقع فعلاً بس مش نظرية المؤامرة لأ، الواقع هو عصر زراعة ال Microchips في جسم الإنسان.

▪️أكثر من 10 الاف شخص زارعين شرائح ذكية في جسمهم في 2018 فقط -تخيل الرقم دلوقتي كام -السويد فقط حالياً فيها أكثر من 6000 شخص ، بالإضافة لمئات الطلبات المسبقة و في انتظار توافر الشرائح لزراعتها، بل ان فيه استقصاء اتعمل في أوروبا كانت نتيجته ان 51% من الأوروبين مستعدين و مشجعين لزراعة شريحة ذكية في أجسامهم.
---------------------------
🖐 طيب ايه الاستفادة من الشريحة دي ؟

✔️حاليا الشريحة بتستخدم لتخزين العديد من البيانات أهمها بيانات بطاقات الإئتمان و البيانات الطبية ..بالإضافة للبيانات الشخصية و ال passwords.

✔️الشريحة بتكون أكبر شوية من حجم حبة الأرز و بيتم زرعها في الإيد جنب الإبهام، بتستخدم تقنية ال RFID المستخدمة حاليا في الCredit cards أو ال NFC و مصنغة من مواد عضوية و لا تحتاج مصدر طاقة. متوسط سعرها 150 يورو و متاحة في أكثر من شركة في أوروبا و الطلب عليها متزايد جداً.

✔️الشريحة الذكية دي بتمكنك من الدفع مباشرة بتمرير ايدك فقط، و في التعامل مع الأجهزة الذكية و البيوت الذكية إنك تفتح باب البيت علطول من خلال الشريحة و غيرها من التطبيقات المفعلة حاليا و الأخرى المنتظر تفعيلها زي ان كل بيانات الشخص و أوراقه الرسمية زي الباسبور تكون مخزنة على الشريحة لتسهيل التعاملات و تأكيد الهوية.

⚠️طبعاً زي ما ناس كثيرة innovatorsمقبلة جدا على الفكرة و بتشجعها، الموضوع فيه مخاوف كثير جداً سواء على مستوى الخصوصية و الأمان أو حتى على المستوى الصحي و لكن المؤكد ان احنا بننتقل من عصر الIoT internet of things إلى عصر ال IoE internet of everything
---------------------------
📌أنا عن نفسي صعب جداً أتقبل اني أطبق الفكرة على نفسي، انت ايه رأيك ؟