Arch Studio

علشان كل تفصيله ف البيت تهمكم و أكيد تهمنا 😉
النهارده البوست هنتكلم فيه عن الستاير و اشكلها و أنواعها ( من حيث نوع القماش ) و ايه اللي يتناسب مع التصميم ( الكلاسيك )و ايه اللي يتناسب مع التصميم ( المودرن )😃
اولا : اختيار الستاير بيبقي معتمد ف الأول علي أختيار ألوان الاثاث و التنجيد و ألوان الدهان و نوع التصميم يعني اختيار الستاير بتبقي اخر مرحله 😉
ثانيا : اختيار الشكل و الألوان المناسبه لإستخدام كل غرفه ، زي غرف الاطفال مثلا أسّتخدم ألوان مبهجه و أشكال ستاير مناسبه لغرفه أطفال يعني بلاش ألوان غامقه و كئيبه 🙄 ، و في غرف النوم الرئيسيه أسّتخدم ستاير بتعمل علي عزل الرؤيه علشان تحقق الخصوصيه داخل الغرفه 😃
ثالثا : أنا لو عندي انتريه منقوش الستاير تبقي منقوش زيها و لا ايه! 🤔
لا لا لا 😣 لو الانتريه منقوش بلاش تكون الستاير منقوشه زيها بلااااش ، خليها ساده بشكل بسيط هتتبقي أحلي و أشيك 😍 و لو العكس كان الانتريه ساده ممكن تستخدم ستاير ساده او منقوش 😉
رابعا : لو كانت الغرفه واسعه و كبيره و سقفها عالي ده هيديك حرية ف أختيار الألوان ، اما لو كانت ضيقه و سقفها منخفض يبقي لازم تستخدم ألوان فاتحه و أقمشه ساده هتضفي مزيد من الاتساع جوه الغرفه 😍
خامسا : لو تصميم الغرفه مودرن يبقي الاحسن تستخدم ألوان جريئة ( ازرق ، برتقالي ، بنفسجي ، أصفر مسترده ) او ألوان ترابيه ( رمادي ، بني ، اصفر ترابي ، برتقالي فاتح ) تعطي شعور الراحه و البساطه ، لو التصميم كلاسيك تستخدم ألوان هادئه طبيعيه ( بيج ، زيتوني ، كريمي ، أخضر فاتح ) تُعطي شعور اللطافه و الهدوء 🤗
سادسا : تحديد عرض و طول الستاره بالنسبه للشباك او البلكونه و ده علي حسب استخدام الغرفه يعني لو غرفة اطفال يفضل أنها تكون زي عرض و طول الشباك بالضبط 🌸
سابعا : نوع القماش المستخدم و خامته و سعره و ايه الأفضل لإستخدام كل غرفة ، ده هيبقي تحت كل صوره 😉🙈

Arch Studio for Interior Design

كل تفصيلة في بيتك مهمة جدا مع الوقت بيكون فيها جزء من روحك دة غير ان البيت هو اللي بتقضي فيه معظم وقتك فمينفعش يكون مش مريح بالنسبالك او معمول بطريقة تفتقر الي الذوق .....
واكيد بنشوف ان في ناس ممكن تصرف كتير جدا في تشطيب بيتها ويطلع مش بالشكل اللي هما عايزينه وممكن برضه تلاقي ناس صرفت اقل بكتير وبالرغم من كدة تلاقي النتيجة اكثر ابهارا....
عشان كدة احنا مجموعة مهندسين متخصصين في التصميم الداخلي بنصمم بيتك بأحدث طراز وشكل عشان تقدر تنفذه بأحدث وأجمل الخامات واوفرها طبعا.😍😍
احنا بنبقي مع العميل فى كل حاجه بداية من اختيار الالوان لتوزيع الفرش بحيث يتناسب مع مساحة الفراغ ويوفر الجمال والراحة في نفس الوقت وبنعرفه طبيعه التصميم من الاول خالص وبنوصل معاه لاعلي قدر من الابداع والبساطه باقل التكاليف الممكنه.😎💪.........
ممكن نصمملك بيتك لو انت في:
القاهرة-الجيزة-كفر الشيخ-قنا-الأقصر 👌🏻
ودة جزء من أعمالنا
عشان تعرف اكتر عن اسعارنا وعروضنا ولمزيد من الاستفسارات ابعتلنا علي رسايل الصفحة

رمضان كريم ❤
كل سنه و انتم بخير اصدقاء Arch Studio 😍
اعاده الله علينا باليمن و الخير و البركات 💟
دمتم مبدعين 😃

فن اختيار الالوان في التصميم الداخلي هو أحد العناصر الهامة التي تُظهر عناصر الديكور والتصميم الداخلي بشكل رائع ومُميز 👌🏻
( الالوان الدافئه و الفاتحه ) ❤
استخدام الالوان الدافئة تظهر الأجسام متقاربة فإذا قمت بطلاء السقف بلون دافئ فستشعر بأنه أقرب

استخدام الألوان الفاتحة في دهان الجدران تخلق أجواء الراحة والهدوء