FRST -X
Share
Contact information, map and directions, contact form, opening hours, services, ratings, photos, videos and announcements from FRST -X, School, New Cairo South Academy A, Cairo.
FRSTX is an educational platform that provides citizen digitization programs for all employees in the hierarchy in different sectors, served with competencies skills, and the ability to transform and take new roles that give them a competitive advantage.
19/02/2022
الدولة المصرية بتخطط حالياً من خلال وزارة التموين و التجارة الداخلية لأنشاء منظومة رقمية بتعمل بالذكاء الأصطناعي لأكتر من 22 شونة قمح على مستوى الجمهورية كمرحلة أولى , بهدف مراقبة المخزون الأستراتيجي للدولة من القمح , و أيضاً مواجهة غلاء أسعار القمح ومكافحة الفساد و رفع كفاءة سلاسل الأمداد و بالتالي رفع الجودة ، و كمان الاستعداد لأي أزمات محتملة من حرب روسيا-أوكرانيا.
التخطيط لأستخدام الذكاء الأصكناعي في جميع قطاعات الدولة و ده مش هزار , وبتتعاون مع أفضل الشركات فيي المجال ده على مستوى العالم , يعني على سبيل المثال المنظومة دي هتطبق بالتعاون مع شركة IBM , وبيتم التخطيط لأضافة 400 نقطة تخزين تانية للمنظومة الرقمية كمرحلة تانية.
15/02/2022
الذكاء الأصطناعي ممكن يكون السبب في القضاء على كابوس سرطان الثدي في مصر!
شركة Lunit الكورية المتخصصة في حلول الذكاء الأصطناعي في مجالات الطب أعلنت عن تعاون مع منظمة بهية لعلاج سرطان الثدي , واللي من خلاله هتقدر المنظمة انها تحصل على حقوق أستخدام برنامج Lunit INSIGHT MMG التابع للشركة , و ده عبارة عن برنامج بيستخدم تقنيات الذكاء الأصطناعي للكشف المبكر عن سرطان الثدي في جميع مراحله , و بيعتبر من أفضل البرامج في العالم أن لم يكن أفضلهم بالفعل , و له تواجد في أكتر من 35 دولة على مستوى العالم.
البرنامج ده بيعتبر أنجاز جديد بيضاف في سجل المؤسسات المصرية اللي بتسعى دايماً للتطور بأحدث التقنيات التكنولوجية العالمية , و هيساعد على مكافحة و القضاء على سرطان الثدي في مصر.
13/02/2022
التعليم من أوائل المجالات اللي الذكاء الأصطناعي هيطورها و يحولها بشكل جذري في مصر!
منصة Century AI واللي بقى ليها نشاط كبير جداً في منظومة التعليم المصرية , المنصة بتساعد الطلبة عن طريق تسجيل جميع تفاعلاتهم عليها و بيتم تحليل جميع البيانات دي من خلال خوارزميات الذكاء الأصطناعي التابعة للمنصة , الخوارزميات بتتعرف على طرق تعلم الطلاب و تقترح عليهم أختيار أنسب Learning Material و أفضل Learning Route يقدروا يتبعوه عشان يحسنوا مستواهم بأفضل شكل ممكن.
المنصة كمان بتهتم بالمعلمين عن طريق مساعدتهم في المهام المرهقة اللي بتستهلك وقت طويل , زي تصحيح الواجبات والأمتحانات و تحليل مستوى الطلاب و تحديد الواجبات للطلاب.
12/02/2022
إزاي مصر ممكن تحل مشكلة المياه بالذكاء الأصطناعي ؟
المهندس المصري محمود الكومي و الحاصل على جائزة جينيفا للاختراعات قدر انه يخترع جهاز بيحول الرطوبة في الجو لمياه عن طريق التكثيف , الجهاز مستوحى من NASA لأنهم كانوا بيستخدموا نفس التقنية دي بالتحديد في رحلاتهم الفضائية للمريخ.
و لكن على الرغم من أن التقنية دي مش جديدة , إلا أن المهندس محمود الكومي أضاف ليها بالذكاء الأصطناعي عن طريق تزويد المياه المكثفة بنسب أملاح مناسبة و صحية و متطابقة مع توجيهات منظمة الصحة العالمية , واللي بيتم تحديدها من خلال الذكاء الأصطناعي!
العملية دي بتكون مكلفة في أغلب الأحيان ممكن توصل لـ 20 سنت لكل لتر , ولكن جهاز المهندس محمود الكومي بيقدر أنه ينتج بتكلفة أقل بكتير بتعادل 1.5 سنت لكل لتر , و يقدر ينتج أكتر من 24 لتر مياه في اليوم.
الجهاز ده ممكن يساعدنا أننا نحل مشاكل شح المياه اللي بتواجه كتير من المواطنين المصريين في الأماكن النائية و الصحراوية , و يوفر كمان مصدر مياه بديل نظراً للتحديات اللي بتواجه بلدنا في الملفات المتعلقة بالمياه.
11/02/2022
مصر عندها أمكانيات بشرية تقدر تخليها تقود العالم في مجال الذكاء الأصطناعي!
العالمة المصرية رنا القليوبي و الحاصلة على دكتوراة في مجال الذكاء الأصطناعي من معهد MIT للتكنولوجيا و اللي بيعتبر واحد من أقوى و أكبر 3 جامعات على مستوى العالم خصوصاً في مجالات التكنولوجيا , بتشتغل حالياً على تطوير خوارزمية ذكاء أصطناعي أسمها EmotionAI و اللي هدفها هيكون "جعل الألة تدرك المشاعر البشرية"!
الخوارزمية دي ممكن تغير صناعات كاملة , على سبيل المثال في صناعة السيارات الخوارزمية دي هتقدر أنها تكشف عن أعراض التشتت و الدوار و الأغماء عند قائدي السيارات من تعبيرات الوجه , وده هيساعد على تقليل الحوادث الناتجة عن الأخطاء بشرية بشكل كبير.
الخوارزمية ممكن تستخدم كمان في النظارات الذكية لمساعدة الأطفال اللي بيعانوا من أضطراب طيف التوحد على قراءة تعبيرات وجه الاخرين و الأستجابة ليها , وبالفعل بعد عمل مجموعة من الأبحاث مع الأطفال أثبتت الخوارزمية تأثيرات أيجابية جداً , وفي 2017 تم أعتماد الخوارزمية و عرضها على شركات زي Google.
حالياً الدكتورة رنا القليوبي بتشتغل من خلال شركتها Affectiva مع أكبر شركات السيارات في العالم زي BMW , Porsche , Hyundai.
09/02/2022
الرئيس الروسي فلاديمير بوتين اللي بيعتبر واحد من أقوى الشخصيات في العالم قال أثناء خطاب ألقاه في بداية 2021 لأكتر من مليون طالب في روسيا: "الذكاء الاصطناعي هو المستقبل لكل الإنسانية, هناك إمكانيات ضخمة توفرها هذه المجالات, ومن سيصبح قائدا في هذا المجال سيصبح الحاكم في العالم." , وعشان كدة بيتبني حالياً في روسيا 6 مراكز أبحاث في مجالات الذكاء الأصطناعي بتكلفة بتوصل لـ 100 مليون دولار!
العالم كله بيستثمر حالياً في مجالات الذكاء الأصطناعي لأنه هو اللي هيحكم المستقبل, وده مبقاش خيال علمي ده بقى الواقع اللي احنا عايشينه دلوقتي.
وعشان كدة ضروري انك تستثمر في نفسك و تتعلم إزاي تستغل الذكاء الأصطناعي في حياتك و مجال شغلك!
08/02/2022
مساهمة الذكاء الأصطناعي في الاقتصاد المصري بما يعادل 7.7% من الناتج المحلي الأجمالي المتوقع في 2030 بقيمة 42.7 مليار دولار , ما يعادل تقريباً مساهمة الذكاء الأصطناعي في الناتج المحلي الإجمالي لقطر و البحرين و عمان و الكويت مجتمعة.
07/02/2022
صحيح احنا خسرنا البطولة!
بس كان في سر لاول مره نشوفه في الكرة المصرية وكان وراء الاداء البطولي اللي حصل من لاعيبة المنتخب الوطني !
خلينا نتفق على ان لاعيبة المنتخب الوطني قدموا أداء بطولي في البطولة دي , و لاحظنا فرق المستوى اللي عمال يتحسن كل ماتش بيتلعب و الثقة الزيادة اللي اللعيبة بتاخدها كل دقيقة في الملعب , و بالرغم من أننا لازم نوجه الشكر لكل الطاقم الفني للمنتخب , إلا أننا لازم نوجه شكر خاص للجندي المجهول والسر في الطاقم ده و هو محلل أداء المنتخب المصري محمود سليم , واللي بيعتبر عامل رئيسي من عوامل نجاح المنتخب في البطولة دي.
المحلل محمود سليم وظيفته انه كل ماتش بيحلل و يدرس تحركات وتسديدات اللاعبين عن طريق تجميع البيانات بطرق مختلفة , سواء لمنتخبنا أو للمنتخبات المنافسة , و بيستخدم البيانات الناتجة من تحليلاته في تطوير اداء اللاعبين و أعطاء ملاحظات للمدرب , و كشف نقاط قوة و ضعف المنتخبات المنافسة و كيفية مواجهتها في الملعب , بالأضافة لتحليل نقاط التسديد المفضلة للاعبين في ضربات الجزاء و اللي كانت توجيهاته عامل أساسي في فوز مصر على الكاميرون والمغرب!
كل الشكر للمحلل محمود سليم و لأتحاد الكورة على رفعه
شعار "العلم فوق الجميع" و تحقيقه للأنجاز العظيم ده.
تفتكر تحليل البيانات والذكاء الاصطناعي والتكنولوجيا الجديدة ممكن تساهم في تغيير شكل كرة القدم المصرية ؟!
05/02/2022
تطبيقاً لرؤية مصر 2030 , الحكومة المصرية أطلقت تطبيق هدهد المساعد الذكي للمزارع المصري واللي بيعتبر أول تطبيق للهاتف المحمول قائم على تقنيات الذكاء الاصطناعي من خلال الدردشة (النصية أو الصوتية) بهدف خلق قناة اتصال تفاعلية بين وزارة الزراعة والمزارعين من جهة وبين المزارعين المتباعدين جغرافيا من جهة اخرى , لتوفير محتوي إرشادي رقمي لمواضيع عدة تهم المزارعين أصحاب الحيازات الصغيرة لتمكينهم من الحصول بسهولة على التوصية والتوجيه السليم في المشكلات اللي بتواجه المزارعين بأستمرار بشكل مباشر ولحظي وتقديم الدعم لهم بشكل استباقي.
واحده من أكثر التجارب المرعبه في مجالات التكنولوجيا اللي ممكن تسمع عنها في في عصرنا الحالي !!
03/02/2022
تضاعف حجم الأستثمار عالمياً في مجال الـ Artificial Intelligence في عام 2021 مقارنة بـ عام 2020.
02/02/2022
في دراسة اتعملت في فنلندا قدرت خوارزمية الذكاء الأصطناعي LogitBoost انها تتنبأ بمواعيد الأزمات القلبية لأكتر من 900 مشارك بدقة وصلت لأكتر من 90% , بعد ما تم فحص المشاركين في الدراسة لمدة أكتر من 6 سنوات , وقدرت كمان تتنبأ بمواعيد الوفاة لمجموعة من المشاركين بناءاً على حالتهم الصحية.
الخوارزمية دي هتسبب ثورة في مجال الطب و تقديم الرعاية الصحية للمواطنين بناءاً على مدى أحتياجهم للرعاية و خطورة حالتهم.
Click here to claim your Sponsored Listing.
Category
Contact the school
Telephone
Website
Address
New Cairo South Academy A
Cairo