Biotech Helpers

- طلب العلم فريضة،صح ؟
- آه صح
- طب ايه هو العلم ؟
-اممم 🌝🤔
طيب تعالي نعرف الأول ايه هو العلم قبل ما نطلبه😂

العلم: هو من مصدر الفعل عَلِمَ، وهو إدراك الشيء على حقيقته، ومفهوم العلم اصطلاحا: مجموعه من النظريات والوقائع والحقائق.

يعني دراسة بحث في موضوع معين من الظواهر لمعرفه حقيقتها، وعناصرها، ونشأتها، وتطورها، ووظائفها، والعلاقات التي تربطها ببعضها، والعلاقات التي تربطها بغيرها، وكشف القوانين الخاضعة لها، وعن طريق العلم بالظواهر المختلفة يمكننا التنبؤ ببعض الظواهر المستقبلية، ومعرفة كيفية حل المشكلات سواء صحية، أو نفسية، أو اجتماعية وغيرها.

فروع العلم:
• العلوم التطبيقيه: مثل العلوم الصحية والفيزيائية والكيميائية والبيولوجية والاقتصاد.
• العلوم الانسانية: مثل الفلسفة والتاريخ وعلم الاجتماع وعلم النفس والقانون والجغرافيا واللغات والدين .
• العلوم المعيارية: مثل علم الأخلاق و علم المنطق
• العلوم الخفية: ربنا يكفينا الشر 🙂 تشمل السحر والنجوم وتحضير الجن والأرواح.

- هو كله سعي سعي، مافيش وصول؟! 😒
- طبعاً فيه ☺️
- قصدي فلووووس🙂
- اااه همك علي جيبك 😂

- يعم فيه😂
يعني لو طلعت دكتور ولا مهندس شاطر هتاكل عنب.

أو مدرس وتقدم محتوي هادف علي اليوتيوب هتاكل الشهد.

ولا مهندس كمبيوتر أو مبرمج شغال بردو.

وممكن تكمل في طريق البحث العلمي وتاخد جوائز هتقبض بالدولار .

أو أقولك تحضر جن يسرق لك البنك الأهلي وأنت قاعد في بيتك أسهل. 😂

اختصاراً بالعلم تقدر تعمل وتحقق كل اللي أنت عايزه💪 من مكانة أو شهرة أو مال وغيره، كفاية إنك هتبقي من ورثة الأنبياء، لكن كله يعتمد علي مجهودك أنت مهما كانت كليتك أو تخصصك.✨🔥

ها اتقضل قولي بقي أي العلوم 🌝 ؟

طول سنين الكليه كلنا بيكون تركيزنا علي اننا نعمل CV كويس يفيدنا في الشغل واكيد كلنا عارفين ان العمل التطوعي بيكون مهم جدا وانك تعرف تتعامل في team work وطبعا مفيش احسن من ان النشاط التطوعي يكون تبع الكليه بتاعتك علشان كدا عملنا اسره هدفها الاول اننا نطور نفسنا ونساعد غيرنا عن طريق الايفينتات والكورسات وورش العمل اللي هنعملها🤍
الاسره بتضم عدة لجان وهما👇🏻
ثقافيه ، علميه ، اجتماعيه ، فنيه ، رياضيه ، خدمه عامه .
باب التقديم للأسره اتفتح ولو حد حابب انه ينضم ليها يسجل في الفورم دي👇🏻❤️
https://docs.google.com/forms/d/e/1FAIpQLSfAYYEWIUAiyWOsU6LK7QY-WWwoPzHb77M8Mp8DmQ1NhQavIg/viewform?usp=sf_link

نموذج بدون عنوان

ممكن نستغل وقت الscrolling ده و نتكلم ف موضوع مهم ؟؟🙄
موضوعنا عن الtissue culture او زراعة الانسجة🌿

هي بتكون زراعة عادي بس مش بالمعني الحرفي يعني... يعني مثلا لو انت عندك فراولايه كده طعمها حلو و مسكرة 🍓🥰 و عايز تعمل منها كتير تاني ، عن طريق زراعة الانسجة تقدر تنتج اي نبات علي كيفك و بالمواصفات اللي تحبها كمان .. تخيل ؟؟

زراعة الانسجة تعتبر من أهم التقنيات اللي موجودة في مجال الBiotechnology و اللي بتُستخدم دلوقتي كتيير جدا..😲

بنعمله ازاي بقا ، بنجيب جزء من النبات اللي عايزين نعمل واحد زيه * وليكن الفراولة مثلا *🍓 و نعزله في وَسَط صلب او شبه صلب او سائل ، وطول فترة عزله بنمده بكل المغذيات اللي هيحتاجها و بنحفظه في انابيب اختبار عادي جدا 🧪.. إلي ان تكتمل و تنضج و بيطلعلنا من العملية دي نبات بيحمل نفس صفات النبات اللي احنا اشتغلنا عليه في الاول 🧬

و مش بس استخداماها بيكون علي النباتات🌿 ، لا هي ممكن تستخدم علي الخلايا كمان ، يعني بيكون عندنا خلية بصفات معينة و محددة بنقدر نطلع منها كذا خليه تاني بتحمل نفس صفات الخلية الاولي 🧬 ..

والصورة اللي تحت هي شكل النباتات و هي محفوظة جوا الانابيب 🧪❤️

بما ان اكتر سؤال بيجيلنا حاليا عن( الانترفيو لقسم بايوتكنولوجي عباره عن ايه؟)
في البوست ده هنوضح كل الاسئله الشائعه والمحتمله🧐
طبعا اكيد خايفين من الانترفيو وياتري هتعملوا فيه ايه وهتتقبلوا ولا لا !!
دا طبيعي طبعا بس حابين نطمنكم🤍
مبدأيا كده مش لازم تلبس فورمال اوي البس حاجه تكون مريحه وفي نفس الوقت كويسه وتبقي مهندم كده
الانترفيو بيكون سهل جدا... بيبدأ ان الدكتور بيطلب منك تقدم نفسك بتقول اسمك والمدرسه بالانجلش طبعا في ناس الدكتور بيستكفي انها تقدم نفسها وتكون كدا خلصت الانترفيو (شوفت سهله ازاي😂) ولو الدكتور حب يزود اسئله بتكون مثلا 👇
🔴تعرف ايه عن البايوتكنولوجي!؟
حابب تدخل القسم ليه!؟
سمعت عن القسم اول مره فين!؟
وظيفه والديك ايه؟
وفي سؤال طبعا وهو : ان القسم موجود في عربي ليع انت عايز تدخل القسم الانجلش؟!
وهنا بقي هتقول انك عايز تبدأ في المجال من اول ترم وكمان عشان الدراسه بالانجلش وده هيخليك مؤهل اكتر وهيطور منك وهكذا .. ( ولو حابب تضيف حاجه يبقي تمام)
🔴What is the difference between DNA and RNA!?
◾DNA stands for deoxyribonucleic acid, while RNA is ribonucleic acid
◾DNA is a double-stranded molecule, while RNA is a single-stranded molecule.
◾DNA uses the bases adenine, thymine, cytosine, and guanine; RNA uses adenine, uracil, cytosine, and guanine
🔴The difference between Animal cell and Plant cell.!?
◾Animal cell doesn't have a cell wall but plant cell has a cell wall
◾Plastids in animal cell are absent ,while in plant cell are present
• يعني ايه ال biotechnology ؟
Biotechnology is the use of living organisms in the production of industrial products or improve agricultural production or innovation of new therapeutic agents in the medical field
او ممكن تقول ببساطه
Biotechnology is care about scientific research..
What do you know about cancer??
وفي سؤال مش شائع اوي وهو : ايه هي الوان البايوتكنولوجي؟
🔴شايف نفسك فين بعد التخرج!؟ ( وده سؤال مهم)
عيش حياتك بقا وقول كل اللي عندك واتكلم عن حلمك بكل شغف
الدنيا سهله مفيش داعي للقلق اهم حاجه خليك واثق من نفسك وأنت بتتكلم وعارف انت بتقول ايه♥️
مش لازم تحفظ الكلام ده بالنص لا... أفهم بس الدنيا ماشيه ازاي وعبر باسلوبك عشان متنساش
دُمتم موفقين❤️

مهم ⚠️⚠️

مهم💥
الاعلان عن موعد المقابلة الشخصية للطلاب المتقدمين لبرنامج التكنولوجيا الحيوية دفعة ٢٠٢٠
لينك كشوف الاسماء 👇
http://agr.cu.edu.eg/index.php/sectors/menu-example/812-2021-09-16-20-25-34

تنيه هام⚠️
تم فتح باب التقديم لقسم بايوتكنولوجي( كريديت ) لزراعه القاهره
ودي كل الأوراق المطلوبه الخاصه بالتقديم وكمان التحويلات💫♥️
لينك التحويل الالكتروني👇https://eservices.cu.edu.eg/account/login
بالتوفيق♥️

اعلان هام ⚠️⚠️⚠️⚠️
الطلاب الجدد الملتحقين بالكلية أو الذين التحقوا بأي كلية زراعة أخرى أو الذين حصلوا على الحد الأدنى لقطاع العلوم الزراعية علمي علوم و الذين يرغبون التقدم للالتحاق ببرنامج Biotechnology يمكنهم الان التوجه إلى إدارة شئون الطلاب لاستيفاء المستندات المطلوبة...

النهارده هنتكلم عن قسم وقايه نبات🌿🌱
👈🏻 احب اقولك انك في القسم ده هتبقي عايش مع المبيدات الحشريه🦟 ومبيدات الآفات الحيوانيه وطرق المكافحه البيولوجية والتقييم الحيوي للمبيدات ومقاومه الآفات وسميه المبيدات علي الآفات وليله كبيره اوي😂
●وعشان تدرس وقايه نبات هتتزامن مع اقسام تانيه زي أمراض نبات 🌾وقسم حيوان🐮 وقسم حشرات تطبيقيه🕷️ وقسم الكيمياء🧪🔬
👈🏻 نيجي بقي ل مجالات الشغل:
1) مهندس مكافحه في مزارع الإنتاج النباتي
2) تحليل وتركيب المبيدات
3) في شركات المبيدات والاسمده في مجال التسويق
4) مهندس في مناحل العسل🐝🍯
وطبعا كلها مجالات عاليه جدا ومهمه لان انت مسؤل عن سلامه سلسله غذائيه✨🌿

النهارده هنتكلم عن قسم الاراضي والمياه💦💧
في القسم ده هتبقي مختص ب دراسه الكيمياء🧪 وطبيعه التربه والمياه من حيث👈🏻 تحليلات التربه لتحديد جودتها وحل مشاكل إدارتها من خلال إجراء ما يلزم من اختبارات وقياسات ل👇🏻
1) خواص طبيعيه
2) خواص كيميائيه
3) درجه الخصوبه
4) تقدير الاحتياجات الجبسيه اللازمه لاستصلاح الاراضي الصوديه
○ تحليلات واختبارات المياه:
- التحليل الكلي للمواد الذائبه TDS🧪🔬
- الملوحه ECW
- الحموضه PH
- تركيز الايونات الذائبه🌡️
●نيجي بقي ل مجالات الشغل:
1)الهيئه القوميه للاستشعار عن بعد وعلوم الفضاء
2) معهد بحوث الاراضي والمياه والبيئة
3) المركز القومي للبحوث
4) مركز بحوث الصحراء
5) اكاديمه البحث العلمي
6) معهد بحوث المياه بوزاره الري
استني انت رايح فين لسه في تاني😂
7) شركات الاستصلاح
8) تحليل مياه الري والتربه
9) تدوير المخلفات الزراعيه
10) واخيرا معالجه مياه الري💦
و بكده نبقي جمعنا كل مجالات الشغل الي كلهم اهم من بعض💫♥️

قسم علوم اغذيه🧀🍄
🔴من الاقسام الجميله جدا في الكليه ودا اللي كل الكليات التانيه بتتخانق عليه زي صيدله وعلوم وطب البيطري وكله عايز يشتغل فيه
وده طبعا لاهميه القسم♥️
◾بتدرس فيه انتاج الالبان والبسطره والمنتجات الغذائيه سواء كانت لحوم او نباتات واي حاجه بتتباع في السوبر ماركت من الاخر من اول ما كانت ماده خام لحد ما بقت منتج جاهز للمستهلك .
القسم بيضم فروع كتير منها 👇
◾صناعات غذائيه
◾تكنولوجيا انتاج الالبان
◾ سلامه وجوده الغذاء
◾تكنولوجيا تصنيع الاغذيه
نيجي بقي ل مجالات الشغل 👇
مراقب جوده او مهندس انتاج في كل مصانع الالبان والصناعات الغذائيه
مثل جهينه -فرجللو- نسلة- امريكانا -المراعى..وغيرها
تقدر تعمل فيه دبلومات بعد ما بتخلص كلها جميله جدا ف مجالات الميكرو و الكيميا ودبلومات تانيه كتيررر ده غير ان ف دبلومة بتتعمل ف القسم عن تغذية الانسان و بتبقى منها اخصائي تغذية ومجالات شغل القسم عامة ( مهندسين الجوده ف مصانع الاغذيه و الالبان - مراقبة الجوده - التحيليل الكيميائي - التحليل الميكروبيولوجى - اخصائى تغذيه انسان - الفنادق و المستشفيات تخطيط وجبات و نظم التغذيه )
القسم مهم جدا ومجالات شغلو مطلوبه♥️

قسم الإنتاج الحيواني🐮
يعني اغنياء المجال القادمون😎💜
الدراسه في قسم الإنتاج الحيواني بتنقسم الي:
●الحيوانات المنتجه( ماشيه - أغنام-ماعز) بصفه عامه من حيث تغذيتها و رعايتها والمحافظة علي حياتها
● الدراسه الفسيولوجية لهذه الانواع وذلك للحصول منها علي افضل انتاج من حيث الكم والنوع وبالتالي تصبح مؤهلا علميا وعمليا في مجال تخرجك👨‍🎓
مجالات العمل👇🏻
1) مهندس زراعي في اي من مزارع الدواجن
2) مهندس زراعي في مزارع الاسماك
3) مهندس زراعي في مزارع الماشيه والحلاب
4) مهندس في معامل التفريخ
5) مهندس في مصانع الاعلاف المختلفه
وايضا الإنتاج الحيواني ليس له بديل وشئ ضروري للانسان وبالتالي عليه اقبال كبير ومربح جدا ومن ميزه هذا القسم ان العمل فيه بعد التخرج مطلوب جدا وسهل جدا
وايضا عمل مشروع خاص ليس بالتكاليف الكبيره مثل باقي الاقسام فسهل جدا ان تبدا براس مال ليس بضخم
( معلومه بنات القسم ده أجمل بنات في الكليه بس دي في سرك ههه)
اما الولاد ف دول ف حته تانيه اسمع مني😂