AMONA

اخو جوزي اتوفى من سنه وهما كانوا شركا في الشغل ودلوقتي جوزي هو المتكفل بعياله 2 في المدارس وطبعا امهم معاهم وبيدفع فلوس مدارسهم زي ما ابوهم كان عايش وبيديهم مصروف كبير كل شهر للبيت وليهم يعني في النهاية معيشهم زي ما ابوهم كان عايش بالظبط واكتر كمان لان جوزي مخلي نصيب اخوه معاه زي ما هو وفي تفاصيل كتير يعني لدرجة اني بقيت حاسه انه بيفضلهم علينا انا وعياله من ناحية الاهتمام وكل شوية يتكلم عنهم وحاشرهم في كل حاجه لانهم معانا في نفس العمارة
وانا الوضع ده بنسبالي مبقاش مريح مش عشان مرات أخوه لا انا واثقه انه مش بيفكر فيها كزوجه وكده لانها كبيره عننا بكتير وده كان أخوه الكبير فلما اتكلمت معاه بيقولي دول أمانه فانا كل شوية القح كده بالكلام اللي هو يعني لا تكون ناسيهم في حاجه دلوقتي انا عاوزه اخليه يخف شوية من اهتمامه بيهم بس مش عارفه ديه أعملها إزاي انا فعلا عملت مشكلة مع مرات أخوه بس السبب كان بسيط بس انا كنت عايزاها تزززعل وتبطل تتعامل معانا بس هي مزعلتش وصالحتني على طول فانا مش عارفه هل ممكن نفضل كده طول العمر ولا ممكن اهلها ياخدوها عندهم ولا بيعملوا إيه في ظروف زي ديه مهو مستحيل واحده زي كده تفضل عايشه طول العمر ملزومه مننا في كل حاجه عندها او تحصلهم يعني كده الرجل شايل بيتين وأكيد واحد هياثر على التاني وده اللي بقيت بحس بي دلوقتي ممكن تقولولي ايه اللي بيحصل في حالات زي ديه والدنيا بتمشي إزاي والله فكرت اشوفلها عريس عشان تمشي من عندنا بس للأسف هي سنها كبير ومعاه عيال فصعب اوي تلاقي هل في حلول تانيه للمواقف اللي زي ديه وشكرا ياريت تفيدوني يجد؟؟؟


#مشاكل

اتقدملى واحد جارنا وانا والدى متوفى وطلب أننا نعيش ف بيت العيله وقال ل ماما هي هتخدم امي وامى هتعاملها زي بنتها بالظبط امي قالتله انا معنديش مانع وانت عارف انا معنديش صبيان وكان نفسي ربنا يرزقني بولد ربنا رزقني بيك انت .الصبح وانت رايح الشغل تيجي تعدي عليا بالعربيه تودينى شغلى وانت راجع تعدي برده عليا ترجعني البيت لما اكون راحه اجيب تسويقة بتاعه اول كل اسبوع تيجي معايا تشيل معايا الحاجه وتطلعها لي البيتت
الانبوبه لو خلصت برده واحتاجتك تطلعها اتخض وقالنا انا ورايا برضو مصالحي ورايا التزاماتي وعايز اخذ راحتى وحريتي امي قالتله زى ما انت عايز تحكم على بنتي بانها تخدم والدتك انها تعاملها زى امها.. انت برضو لازم تتعامل معايا ان انا امك واللى اطلبه منك تنفذه قالها لا خليها قاعده جنبك
قلتله خليها بكرامتها وبتقعد في بيت اهلها معززه مكرمه ما حدش له حاجه عندها
ماما صح
ماما غلط


#مشاكل

بعد ما العمر عدى والعيال كبروا، اكتشفت إن سنين كتير راحت من عمري وأنا بحاول أدي كل حاجة لأولادي، لحد ما نسيت نفسي خالص.
عندي ٤٧ سنة، وزني زاد، ولا اشتغلت، ولا كوّنت نفسي، حتى ورثي وفلوسي صرفتهم عليهم وأنا فاكرة إن ده استثمار فيهم، وإنهم هيبقوا سندي.
كنت أبيع دهبي علشان أجيب لهم دروس، وبروتين للجيم، وموبايلات كانوا بيحلموا بيها، لكن دلوقتي بقيت الأم اللي بيستعروا منها ومن طريقتها.
ما فكرتش أعمل حاجة لنفسي، لا حج، ولا عمرة، ولا حتى أتعلم حاجة جديدة.
دلوقتي تعبت نفسيًا وجسديًا، وكل اللي كنت بأتمناه كلمة حنان أو حضن من واحد فيهم يقولّي: “مالك يا أمي؟”.
أنا مش ضعيفة، بس موجىوعة، وحزينة، ونفسي ألاقي طاقة أكمّل بيها.
يارب الطمأنينة والسكينة لقلب كل أم اديت من غير حساب 🥹


#مشاكل
#حكايات

خالي متوفي بقاله حوالي ٣ سننين وانا دايما بتواصل مع مرات خالي علشان لو محتاجين اي حاجه وقايم معاها بالواجب لاني خالي ده كان خيره عليا وياما ساعدني في اول حياتي
ووقف معايا كتير فده أقل حاجه بعملها لبيته واولاده
دلوقتي اللي محيرني ان مرات خالي مهتمه بيا اهتمام زياده وملحوظ وانا راجل متجوز وعتدي بيت وأسره وولادي ومراتي لاحظت اهتمامها بيا وكل شوية سؤال عني او تتصل عليا وتبعتلي واتس وبتشوف حالاتي بالواتس اول باول ومراتي طبعا عارفه اني براعيهم ومفيش حاجه مستخبيه عنها بس هي مستغربه من اهتمامها الزياده بيا وبدات تتضايق منها
بس انا مستغرب من اهتمامها بية هل كده اعادي ولا هي عاوزاني اتقرب لها واتزوجها او حتى أعرض عليها الزواج وللعلم هي اكبر مني ب ١٠ سنين وهل في طريقة اختربها بيها واشوف هي فعلا عاوزاني أو لا علشان استريح من التفكير في الموضوع ده وياريت محدش يفهمني غلط ونيتي ربنا العالم بيها


#مشاكل
#قصص

ليه كده ؟؟😭


#مشاكل
#حكايات

عندي 38س متزوجه عن حب ليا ١٢ سنه وعندي بنتين وزوجي 45س انسان محترم وحياتنا ممتازه الحمدلله احنا مسافرين معاه مكه من اول الزواج هو كان سايبلي بطاقه ATM بصرف منها براحتي صراحه عمره ما اتكلم معايا في حاجه هي نفس بطاقه الراتب بتاعه من كام شهر كنت خارجه مع صحباتي واحده قالتلي لازم يكون ليك مصروف خاص بيك عشان تحوشي للزمن واتكلمت مع زوجي استغرب جدا ومع النقاش قلتله ان فلانه زوجها بيديها مبلغ كل شهر هو طلب مني اقطع علاقتي بيها وانا رفضت وحصل خناقه علي الموضوع المشكله اني عصبيه و في وسط الكلام قلتله اعتبرني الخدامه اللي بتعملك اكل واديني كل شهر ٥٠٠ ريال ومن يومها سحب من البطاقه وبقي يديني ٥٠٠ ريال ومعاملته اتغيرت المشكله انه المبلغ ده حاسه انه مش مكفي احتياجاتي الشهريه وزوجي بقي يتجنب يتكلم معايا لنا دلوقتي ٣ شهور ونفسي اقوله خلاص نرجع زي الاول حتي سفره بره مسافر مع أصحابه اندونيسيا يتفسح وسايبني هنا وانا حاسه اني بدات اتد.مر نفسيا وعمل زياره لاخواته البنات وهو عارف انه في مشاكل بينا من زمان مش عارفه اتصرف ازاي؟؟؟


#مشاكل
#حكايات

انتظرونا هننقل لكم حفل افتتاح المتحف المصرى
من مكتبه الاسكندريه

مشكلتى مع امى وعايز حل ليها دلوقت امى بتقبض معاش ابويا 9450 جنيه ومفيش غيري انا واخواتي 2 بنات وامي صحتها كويسة والحمد لله وقاعدة معي في البيت ومش برضى اخد منها جنيه واحد من معاشها مصاريفها كلها من جيبي انا وانا شغال نجار مسلح فجت بنتي تعبت في يوم فرحت كشفت عليها والدكتور قال انها محتاجة عملية جراحية عملية الزايدة الدودية فجيت طلبت من امي 3000 جنيه سلف من معاشها وهكمل عليهم واعمل العملية لبنتي عشان كان الشغل واقف شوية والفلوس مقصرة معايا فامي رفضت رفض تام انها تديني اي فلوس من معاشها المهم انا اتصرفت ورحت استلفت من واحد زميلي في الشغل وعملت العملية لبنتي والحمد لله البنت خفت وبقت كويسة فبعد شهرين من الموقف ده لقيت امي بتدي اختي الكبيرة 17 الف جنيه عشان جوز اختي يكمل ويشتري توك توك يشتغل عليه فانا زعلت جدا جدا وجيت اعاتب امي فقالتلي انا حرة في معاشي اتصرف فيه ذي ما انا عاوزة قولتلها طيب ال17 الف جنيه اللي انتي ادتيهم لاختي دول سلف يعني هي هترجعهم ليكي بعد لما جوزها يشتغل قالتلي ملكش فيه ... فأنا عندي اعاقة وبقبض تكافل وكرامة فقمت رايح عامل كشف طبي ومطلع كارت خدمات والكشف الطبي والكومسيون اقروا بصحة الاعاقة ونتيجة الكشف طلعت مستحق وقمت ماشي في الاجراءات القانونية ومطلع فيزا ومشارك امي في معاش ابويا وحاليا باخد نص المعاش معاها هل انا كده غلطان يا جماعة في اللي عملته وكده ابقى عاق لها والا معايا حق ؟


#مشاكل
#قصص
#حكايات
@أبرز المعجبين