Hadeer Wagih
Share
•certified positive discipline educator
•life and family coach-ICF
•pharmacist
•wife and mom of 2kids
18/06/2026
مهما دورت على الأمان برة مش هتلاقيه غير لما يكون جوة الأول انت و ربنا و بعدين بينك و بين نفسك … أنا و أنا 🤍
27/05/2026
عيد أضحى مبارك 🤍
25/05/2026
عرفة يوم عظيم 🤍
واتفقنا إن النية هي كلمة السر…
وربنا شايف وشاهد على كل سعيك وتعبك ومحاولاتك.
حاولي في الوقت اللي تقدري عليه تستشعري معية الله والحضور الرباني…
اذكري الله كتير، حتى لو مشغولة وبتعملي مليون حاجة، لكن حاولي يكون فيه ولو عشر دقايق بقلب حاضر وتركيز حقيقي.
استغفار…
ولا إله إلا الله…
أذكار تحضر بها القلوب وتشرح الصدور.
وحاولي طول اليوم تجددي النية…
وإنتِ بتعملي الأكل،
وإنتِ بتخلصي مشاوير،
وإنتِ بترعي حد أو بتدي دوا…
خلي نيتك فيها ربنا سبحانه وتعالى.
استشعار…
وتجديد…
وإخلاص نية.
شوفي ربنا حواليكي في كل حاجة…
استشعري عظمته ولطفه وتدبيره.
ولو في حاجة قلقاكي…
ادعي.
فضفضي.
قولي: يا رب.
وفوضيها له.
بس أهم حاجة: اليقين.
حتى لو إنتِ مش شايفة لها سكة…
فهو القادر،
وهو الذي لا يعجزه شيء.
وده يوم عرفة… يعني الأسباب في حتة تانية تمامًا.
ولو تقدري تمسكي المصحف شوية وتقرئي،
القرآن فعلًا بيفتح القلب.
الصلاة على وقتها…
وحاولي تاخدي نوافل على قد ما تقدري.
رتبي دعواتك حتى لو بينك وبين نفسك…
قسميها.
وما تنسيش الآخرة…
“خيرٌ وأبقى”.
وحاولي تطلعي صدقة على قد استطاعتك،
وربنا يعينك لو قدرتي تصومي ويتقبل
"مش كل اهتمام زائد معناه #حب حقيقي… أحيانًا بيكون فيه علامات لازم نفهمها بهدوء
بنتكلم عن أو الإغراق العاطفي:
إزاي تفرّق بين الاهتمام الصحي والاهتمام اللي ممكن يسبب تعلق أو ضغط نفسي بعد فترة؟
#مشاعر
حبك لنفسك وتقديرك ليها مش مجرد رفاهية..
ده الأساس اللي بتتبني عليه كل علاقاتك.
الطريقة اللي بتشوفي بيها نفسك..
هي نفس الطريقة اللي الناس هتعاملك بيها!
حبي نفسك ❤️
#مشاعر
إحنا اتعلمنا نربط “الأسرة المثالية” بالصورة الحلوة،
بالهدوء،
بالمظاهر،
وبإن كله لازم يبان تمام طول الوقت…
مع إن الحقيقة أعمق بكتير.
الأسرة الحقيقية مش كاملة.
فيها تعب،
وغلط،
وضغط،
ولحظات ضعف،
بس فيها أمان ورحمة ومحاولة.
ويمكن أهم حاجة ممكن نديها لأولادنا…
إنهم يحسوا إنهم محبوبين حتى وهما مش مثاليين !
#الأسرة
#وعى
اوقات كتير بنفضل واقفين مكاننا
مش لأن المكان مريح فعلا…
لكن لأن فكرة التجربة نفسها مخوفانا
الخوف من الفشل
من الندم
من البداية من جديد
بس الحقيقة إنك ممكن تخسر سنين
وأنت مستنى “الوقت المناسب” أو “الضمان الكامل”
وده عمره ما بييجي
مش كل خطوة جديدة معناها مخاطرة
أوقات كتير بتكون فرصة تنقذ نفسك من حياة
أنت أصلا مش مرتاح فيها
الراحة مهمة…
بس مش دايما معناها إنك فى المكان الصح!
#تجارب #مشاعر
"Relationship Red Flags"
تفاصيل صغيرة بس بتساعدك تعرف/ي شخصية اللي قدامك..
خد/ي بالك منها خصوصا في فترة التعارف.. لأنك تستحق/ي الأفضل لحياتك
#مشاعر #تجارب
أنت ما خسرتش حد… أنت كسبت نفسك من جديد
كل حاجة بتعدي علشان تعلمك مش علشان تكسرك
واللي مش مقدّر وجودك… وجوده مش مكسب أصلاً
ابدأ من جديد… وافتكر دايمًا:
النسخة الأقوى منك لسه جاية
#مشاعر #تجارب
مش أي حد ينفع يساعدك في كل حاجة
وعادي جدًا تبقى محتار تبدأ مع مين…
فخلينى أبسطهالك
لو حاسس إنك تايه شوية…
أو عندك هدف بس مش عارف تمشي له إزاي
ومحتاج حد يرتب معاك الطريق خطوة خطوة
غالبًا محتاج coach
(اختار صح حد يشتغل بطريقة structured يساعدك توصل لهدفك بطريقتك إنت)
لو جواك مشاعر تقيلة
أو حاجات قديمة لسه مأثرة عليك
أو بتلاقي نفسك بتعيد نفس الpattern ومش فاهم ليه
ساعتها therapist هيكون أنسب
ولو حاسس إن الموضوع مأثر على يومك كله
نومك، طاقتك، تركيزك… لو محتاج تقييم حقيقى و ممكن تحتاج علاج اوعى تسيب نفسك
يبقى مهم تروح لـ psychiatrist يقيمك صح
وفي كل الأحوال…
اختيارك للي يساعدك مش رفاهية
ده فرق كبير في رحلتك 🤍
Click here to claim your Sponsored Listing.
Category
Website
Address
Alexandria