Library Adham

اللهم امين يارب العالمين 🤲

الثلاجة بتطرقع بالليل بتعمل صوت زي خبطه جامده كده
كتير مننا بيسمع الصوت ده بالليل وبيتفاجئ أنها الثلاجة
الصوت ده سببه ايه وهل هو يخوف ولا لا
جسم الثلاجه عباره عن طبقات طبقه خارجيه
وعزل داخلي وطبقه داخليه لما بيحصل تجميد بسببه
بيحصل انكماش للطبقات دي وتتماسك مع بعض في نقاط
مع التماسك ده بينتج الصوت اللي حضرتك بتقلق منه ده
وهو ده سببه وملوش اي تاثير الا الصوت اللي حضرتك بتسمعه ده ولكن هناك بعض النصائح اللي لازم ناخد بالنا منها
زي
وضع الثلاجه في فراغ لا يقل عن عشرين سم من كل الجهات الا الأرض طبعا
تجنب وجود مصدر حراره قريب من التلاجه ولا حتي أشعة شمس
تجنب فتح باب الثلاجة كتير لان ده مش بس بيستهلك كهربا اكتر ده كمان بيسبب تكون تلج داخل التلاجه بسبب دخول هواء مشبع بالرطوبه
انا عارف ان منشوراتي بتتاخد زي مهيا وتنسب لغيري لكن فالاول والاخر هي لله ومحبه فيه
وبيكفيني دعواتكم ومحبتكم اللي بتسعدني فالتعليقات
مهم تبص عالتعليقات جدا لو محتاج شرح اكتر
صباح الرضا

تعالي اقولك شوية حاجات مهمه
الثلاجه مشتغلتش بعد الكهربا مرجعت ؟.... اصبر شوي وخل الفيشه فالكهربا غالبا هتشتغل وحدها
لانها داخله اذابه ولو عدت ساعه ومشتغلتش يبقي تقلق

ليه متحطش الشاشه تحت التكييف ؟.... لان وارد جدا الصرف بتاعه يتسد وينقط من الداخل بدل الخرطوم

متركبش سخان الغاز فالحمام لو تقدر ؟...... لان غاز أول أكسيد الكربون بينتشر نتيجة الاحتراق وو ومشش هتقدر تتنفس ولا تنادي حد لو اخرت فالحمام وفالعموم متاخرش فالحمام

افصل فيش الغسالة لو مش بتستخدمها والشاشه كمان ؟...... ايوا لان لو الكهربا رجعت ذياده بتحرق حماية الكارتات بتاعتهم

متستخدمش الكاتل لو متوصل مباشر ومبيفصلش ؟...... لان لو انشغلت عنه هيولع ومش هتلحق تطفيه غير المفتاح بتاعه ومتوفرش

الغساله الحوضين بتنزل المياه لوحده أو بتعبي حوض التنشيف
فك الصرف بتاعها نضفه هتلاقي عمله معدنيه فيه أو قطعة قماش

الثلاجة بتسخن من الجوانب ؟
طبيعي جدا لان فيها مواسير في الجوانب من الشبكه يعني متقلقش

الجو حر وعاوز اظبط التكييف علي 21 بس بيقولولي غلط
هو مش غلط لكن هيستهلك كهربا اكتر والجهاز هيستهلك واحتمال يفصل للحمايه قبل ميحقق الدرجة

الشواية بتاعة البوتجاز نارها ضعيفه والفرن مع اني نضفتها
لا بقي ده سر وهسيبهولك فأول تعليق يعم وتابعني هناك عاوزين الدرع الذهبي بقي ولا انت شايفنا منستحقوش 👊

عاوز أس رق المنشور ده
صلي عالنبي فالتعليقات وسيبهولي اسبوع وانا مسامحك لو هتاخده بعد الاسبوع
بحبكم فالله