Food Pickers

مش كل حاجة حلوة لازم تبقى مسكرة عند 7aga 7elwa 👌😌

النهاردة جايين معانا تجربه حلوة و محدقة
من عند "حاجة حلوة" المكان لسه فاتح جديد وعنده تنوع في المنيو كويس جدا و مريح لاي شله محتاره 🤣 "سندوتشات برجر ، سندوتشات فراخ ، كريب ، وافل و سندوتشات حلو ملغوصه ع الآخر " 🫡، المكان ستايله هادي و رايق و في صالة صغيرة و قاعدته لطيفة وغير كده كمان متاح عندهم ديلفري 🛵

و بما إننا كنا واقعين من الجوع فقررنا ناخد جولة في المنيو وطلعنا بتجربة جميلة و مشبعة الحقيقية 🙏🏻 .

- برجر سوبر جامبو "كومبو" ٦٣ج 🍔
طلبنا في البرجر "سوبر جامبو" وده عبارة عن شريحتين برجر مع ميكس صوصات و خس و طماطم و الذي منه وسعره بالنسبه لحجمه كان مفاجئ لينا الصراحة و مكناش متوقعين انه بالحجم ده 😅

- برجر كاوبوي تشيكن "كومبو" ٥٠ج 🍗
شريحة برجر فراخ مع سموكد تركي و صوص جبنه و خس و طماطم و تتبيلة برجر الفراخ كانت لطيفه مع صوص الجبنه و باقي المكونات 🥰

- دجاج سموكد زنجر "كومبو" ٥٥ج 🥖
ده عباره عن سندوتش عيش فرنساوي وقطع فراخ استربس ، هو سندوتش تقليدي 🧐 لكن المميز هنا انها استربس معموله من فراخ فريش و متتبله في المكان ، غير إن المطعم بيستخدم صوصات جودتها محترمه ف تاكل و انت متطمن 👍🏻

- بازوكا سوبر سوبريم"كومبو" ٦٠ ج 🫔
ده في حته تانيه لوحده و كان من احلي الحاجات اللي جربناها و كان عبارة عن كريب رول ومتقطع قطع صغيرة كده شبه السوشي و الحشو باظظ منه و كان فيه تتبيله ميكسيكان حكايه 😍.

- كريب فاير لاڤر "كومبو" ٥٧ ج 🥙
كونو كريب عليه وش ميكس جبنه و متروس حشو قمه في اللغوصه 😍🤤

وفي الاخر طبعا منسناش نحلي عشان نختم الجريمه دي 😌🙏🏻 جربنا "رز بلبن نوتيلا " ١٠ ج
و ضربنا " لقمه ديناميت" 🧨 ١٢ ج
و كمان ضربنا " لقمه لغوصه " ١٥ ج
و المشترك بينهم ان صوص الشيكولاته كان تحفه و الميكسات معموله بمزاج و تقدر طبعا وانت بتطلب تعمل الميكس اللي تحبه ❤️🥳

حسن الختام بقي كان مع "وافل حاجه حلوه" ٤٠ ج 🧇
و ده كان من احسن الحاجات اللي جربناها لو مكانش احلي صنف جربناه لإن عجينه الوافل مميزه و زي ما قولنا الصوصات هناك تحفه و سعره كمان مناسب اوي و ممكن ٢ يشيرو فيه و هايتبسطو علي الآخر 😋😋

مميز برضو في المكان ان المطبخ مفتوح ف تقدر تشوف الخامات اللي بيشتغلو بيها و تشوف اكلك و هوا بيتعمل قدامك علشان تاكل و انت متطمن و مرتاح 😊🤍

لينك المنيو و الاسعار 💸
https://www.facebook.com/107785091992548/posts/111847438252980/?d=n

تقدر تطلب الاوردر بتاعك من الرقم ده
تليفون 📞 01030486289

و تقدر تطلب تيك اواي او تزور المكان
العنوان 📌 ٩٦ ابراج العبور - ش لاڤيزون - بولكلي
لينك لوكيشن📍
https://goo.gl/maps/LHZ9AUXE1QWF8zyX9

تابعونا هاتلاقو كل اللي نفسكو فيه 😉

#فودبيكرز




#اسكندرية

لو تعرف Mokambo يبقي اكيد بتحب الشو 🥰🙈

موكامبو يعتبر واحد من اشهر محلات الحلويات في اسكندريه و اللي شهره جودة منتجاته مش الدعايا 😉
هاتلاقي عنده تشكيله محترمه اوي تنفع لأي مناسبه في اي وقت سواء كنت عاوز تورت و جاتوهات ، مخبوزات و ساليزونات ، حلويات شرقيه او مخبوزات و كرواسونات و باتيهات و باوند كيك 🍰🎂

الجميل عنده ان كل حاجه ليها طعم واضح و مختلف و هاتلاقي عنده بقي حاجات متدلعه و تعلي المزاج زي الماكرون ، سبيشيال كيك ، تارتوليت ، چارات تري ليتشي و ام علي و برفيترول و ملفيه بالجبنه و ميني بيتزا و تشيز كيك تحفه 😋❤️

ده غير بقي انك هاتلاقي كل انواع التورت اللي بتحبها و كلها معموله بكريمه لباني و فواكه فريش و صوصات جودتها محترمه يعني انبساط بجد مش هزار 🤍🎂 تورته مانجه ، تورته لوتس ، تورته شيكولاته ، تورت فواكه ، تورت ميكسات ال 4 سيزون و ال 8 سيزون و تورت ايس كريم و تورت ميجا بالمكسرات و تورته شو و تورته الملفيه 🥰🥰 ده غير تورته البندق و كيك الجزر و كمان لو عندك مناسبه مميزه تقدر تعمل عندهم تصميم اي تورته انت تحبه 😎🥳

من اكتر الحاجات المميزه و اللي هاتأكدلك ان المكان ده عنده كل طعم واضح و مختلف عن التاني هو الميني شو🤓🍫🍓🫐
لو مجربتوش قبل كده يبقي فايتك كتير اوي لإنك حتي لو لاقيته ف مكان تاني مش هاتلاقيه بنفس الجوده و بنفس الطعم 🤤🤤🤤 الباكت الصغير منه فيها ١٠ قطع ب ٥٥ ج سواء كان كريمه او ميكس فروت 💸

جبنا باكت كبيره ميكس بالكريمه و الكاستر و الفراوله و التوت و حقيقي يتحب من اول قطمه و اكيد هاتحب تجيبه تاني و تالت علشان طعمه المميز 😋😊

و اللي اتفاجئنا بيها فعلا كانت البيتزا بعد ما دخلوهالنا دقيقه في الفرن 😍😍😍 شده الجبنه و طعمها مايتوصفش الحقيقه 😋🧀🍕

بجد كانت تجربه سعيده اوي لينا و لو انت جربت منتجات موكامبو قبل كده ياريت تشاركنا رأيك في الكومنتات و تحكيلنا تجربتك كانت عامله ازاي 👀🧐

و لو مجربتش الشو عندهم قبل كده 😮
تقدر تطلب الاوردر بتاعك و تزورهم من خلال الارقام و العناوين دي 👇

📍فرع السلطان حسين :21 ش السلطان حسين بجوار توكيل سامسونج
التليفون :4866366 - 01111188423

📍فرع كليوباترا : 3 شارع اللواء أحمد على .أمام كوبري كليوباترا
التليفون : 5436803 - 01150662602

📍فرع جليم:17 شارع مصطفي فهمي.بعد مستشفى الشروق
التليفون: 5846730 – 5846731 – 01150663640

📍 فرع مارينا: مارينا ٤, الممشى الرئيسى بجوار هارديز
التليفون: 01111142131 - 01111167704

الاسعار و المنيو 💵
https://mokamboegypt.com

تابعونا هاتلاقو كل اللي نفسكو فيه 😉

#فودبيكرز




#اسكندرية

قالك اكبر بلاتفورم في اسكندرية 😂

ننزل احنا نجرب عم زغلول و نصور و ننقل التجربه ليكم و في الآخر نلاقي صفحه بتعتبر نفسها من اكبر صفحات اسكندرية و هيا بتسرق مجهودنا و حقوقنا الملكيه و الفكريه في الصور و كمان شايلين اللوجو بتاعنا من علي الصور و ناسبين الصور لنفسهم 🤷🏻‍♂️

دي تصرفات صفحه بتعتبر نفسها اكبر بلاتفورم في الإسكندرية ؟؟ 💁🏻‍♂️

و لكن السؤال ، مش من الاصول انهم يستأذنوا او علي الاقل ينسبو مصدر الصور لاصحابها علشان مايضيعوش مجهودهم !؟

ولا هيا صفحه كل هدفها الريتش و زياده التفاعل حتي لو عن طريق صور مسروقه ؟؟ 😏😒

What's up Alexandrian

جربنا وجبة كشري حرشة عند Koshari Street Restaurant ❤️👌

الكشري من اكتر الاكلات اللي بيحبها الكبير و الصغير علشان بتسد ف اي وقت و ف اي مكان بس لما تاكل كشري مكوناته نضيفه الموضوع بيفرق🤓 مبدأيا المكان فيه صاله شيك و هاديه و تنفع عائلات و اصحاب ، المطعم متخصص في الكشري و طواجن المكرونه بس 😉💪

اللي مميز عنده كمان الوجبات لإنه بيقدم باكدچ كويسه و مشبعه علي سعرها 💸 يعني مثلا وجبه الكشري سعرها بيبدأ من ٤٠ ج في الطبق الصغير و السعر بيزيد معاك علي حسب حجم الطبق 🤓
و وجبة طاجن المكرونه سعرها بيبدأ من ٤٥ ج سواء كانت مكرونه "باللحم او بالفراخ" و الوجبات دي بيكون معاها ( عيش محمص + ثوميه + مخلل او سلطة + حلو او كانز) 😋🥰

الكشري فعلا كان باين عليه انه مخدوم كويس و كل تفصيله فيه واخده الاهتمام بتاعها و خاماته متكلفه و الصلصه كان طعمها مميز و تتدرس الحقيقه لإن مش كل مطاعم الكشري بتطلع الصلصه طعمها مظبوط كده 👏👏

الطاجن طلبناه مكرونه بالفراخ و كان لذيذ و نزل سخن و مولع 🔥و طعم الفراخ فيه طازه و تتبيله الطاجن عموما مع الصلصه كانت تحفه ❤️

احنا طلبنا الحلو بتاعنا رز بلبن علشان يطفي النار اللي شوفناها من الشطه و حقيقي كان طعمه جامد جداا (مقشطط🤤) لدرجه إنه نسانا طعم الكشري من حلاوته و فكرنا بعد كده نروح نطلبه لوحده ❤️🥰😍

ده كان تقييمنا بس لو انت جربت كشري ستريت قبل كده ياريت تشاركنا رأيك في الكومنتات و تحكيلنا تجربتك كانت عامله ازاي 👀🧐

و لو مجربتش الكشري عندهم قبل كده 😮
تقدر تطلب الاوردر بتاعك من الرقم ده 📞 ٠١٢٢٢٢٠٨٠٤٠

او تقدر تزورهم في اقرب فرع ليك 👇
عناوين الفروع في إسكندرية📍
شارع دينقراط متفرع من شارع سوتر، الأزاريطة.
شارع طيار محمود شكري، بجوار كارفور، سموحة.
شارع بورسعيد، قبل ميدان كليوباترا.

الاسعار و المنيو في آخر صوره 👀📸

تابعونا هاتلاقو كل اللي نفسكو فيه 😉

#فودبيكرز


#اسكندرية

اول مره نجرب الفول عند العم زغلول ❤️🫶

‎سرڤيس الفول عند عم زغلول حاله صعب تتفسر او تتحكي لإنك اول ما بتدخل الشارع و تشوف الزحمه اللي عنده و تدرك إنك وصلت خلاص هاتلاقي نفسك دخلت ف مود حلو تلقائي كده غصب عنك 🥰🙈

‎الزحمه هناك فيها ناس من كل شكل و كل لون يعني طلاب و بنات و شباب و عائلات و اجانب و الكل مجتمع علي حب سرڤيس الفول من ايد الراجل ده ❤️👌

‎سرڤيس الفرد الواحد سعره بيبدأ من ٣٥ ج 💸
‎و لو معاك صحابك او عيلتك هاتلاقي سرڤيس فردين و ثلاث افراد و بتختار بقي عاوز ( الفلافل عادي ولا بالجبنه) و بتقدر تزود اي حاجه انت عاوزها زياده علي السرڤيس حسب الطلب يعني مثلا 🤓 زي الزغاليل اللي سمعنا عنها و كان نفسنا نجربها بس لاقيناها خلصانه للأسف 🥺💔

‎من النظره الاولي هاتقول سرڤيس الفرد ده صغير و هاتفكر انه مش هايكفيك و هاتتطلب تاني بعد ما تخلصه 🫣 نصيحه بلاش تتسرع لإن الاكل هناك بيلكم بطريقه مش طبيعيه و هاتلاقي نفسك في نص الوقت بتاكل علشان الاكل طعمه حلو مش علشان انت جعان 😂

‎احنا جربنا سرڤيس فردين + فلافل جبنه 🧀🧆
‎حطلنا جمب الفول ٣ انواع بطاطس + ٣ انواع بتنجان + مخلل خيار + سلطه خضراء + جبنه قديمه و طلبنا جمبه بيض مدحرج لزوم الدلع 🥳

‎الموضوع هناك حلو برضو ف انك مش هاتلاقي لقمه بنفس طعم اللقمه اللي قبلها لو انت بتحب تمكس في الاكل يعني لقمه فول و بعدها لقمه فلافل بالبتنجان بعدها لقمه بطاطس بالسلطه و هكذا لحد ما تملي تانك السعاده جواك علي اخره 🤩😍

‎فيه حركة لطيفه برضو كنا بنعملها في آخر الاكل و إكتشفنا اننا مش بنعملها لوحدنا 😅 و هي انك لما تجيب اخرك و تلاقي اكل نضيف لسا متبقي في السرفيس و رغيفين عيش صغيرين كده ممكن تعملهم سندوتشات و تسعد بيها حد محتاج وانت طالع من الشارع 🤍

‎حقيقي كانت تجربه مميزه و اكيد هانكررها علشان نجرب الزغاليل و حسينا فيها ليه ناس كتير بتحب تروح مخصوص تاكل عند عم زغلول ❤️

‎العنوان 📌 ٢٢ شارع الحسن العدوي امام محطه ترام الازاريطه - الشاطبي - الإسكندرية

‎لينك لوكيشن 📍
https://goo.gl/maps/1aFEcLoUijUNEkdi8

‎تابعونا هاتلاقو كل اللي نفسكو فيه 😉

#فودبيكرز



#اسكندرية

بمناسبة اليوم العالمي للجيلاتي 🍦🍨

حاببين نعرف من اكيلة الجيلاتي الاماكن المفضله ليكم في #اسكندرية و اكتر مكان هاترشحو اسمه هاننزل بنفسنا نتأكد لو صحيح اجمد #جيلاتي ولا لأ 🍧🍡

شارك معانا و هانختار كومنت عشوائي و صاحبه يشارك في تجربه افضل مع #فودبيكرز 💪

يلا مستنين ايه 😁

تابعونا هاتلاقو كل اللي نفسكو فيه 😉

#فودبيكرز



#اسكندرية

كل حاجه في Trianon ليها تاريخ و طعم مختلف ❤️🎼👑

المكان ده حرفيا من المعالم و الاماكن التراثيه في إسكندرية لإنه موجود علي البحر بقاله اكتر من ١٠٠ سنه 🤩 و محتفظ برونقه و جماله من سنه ١٩٠٥ م ⏳
هاتحس بالفخامه و الرقي من اول ما تعدي بوابه المكان و تلمس الخشب بتاع الباب و حقيقي مافيش مكان عينك هاتبص عليه مش هاتلاقي فيه تفصيله مميزه تشدك 😍🫶

ديكور بطراز اوروبي و طابع و نقوش شرقيه علي الخشب و لوحات فنيه عتيقه علي الحوائط و الكراسي نفسها تحسها اثرية و انتيكا و حتي السقف لو بصيت عليه هاتلاقي تفاصيل كلاسيكية تشدك و تحسسك بالعظمة و الاصاله 😎📸

بعد ما قعدنا و دخلنا في المود طلبنا كرواسون تركي مدخن مع إضافه جبنه شيدر و جمبه قهوه نوتيلا علشان نصحصح كده و نعيش الاجواء 🤗 الكرواسون لوحده كان طازه و طعم الزبده فيه تحفه و طعم الجبنه الشيدر و التركي المدخن معاه عامل ميكس كويس اوي 🥐💛
القهوه بقي كانت رايقه و البن كويس جدا بس طعم النوتيلا لو كان اكتر شويه كان هايبقي احلي كتييييير 🥺🍫 ممكن كانت المشكله في كميه السكر مثلا 🤷🏻‍♂️

علماً بإننا لما جربنا باقي الاصناف لاحظنا إن المكان بيراعي موضوع السكر و الملح ده في الاكل عموما و بيحطهم بكميات قليله علشان لو حد عنده مشكله صحيه بس بتلاقي كل حاجه انت محتاج تزودها جمبك علي الطربيزه و دي بصراحه ثقافه تحترم في المكان 👌👏

المنيو بتاعهم فيه اقسام كتير و متنوعه لدرجه كبيره يعني فطار او غدا او عشا او حلويات هاتتبسط حتي لو معاك اطفال هاتلاقي قسم مخصص ليهم في المنيو 🙈
بس تريانون حقيقي يعتبر من احلي الاماكن اللي تاكل فيها حلويات و تلاقي طعمهم دخل قلبك من غير إستئذان و خلق لحظه مميزه جواك تفضل فاكرها وقت طويل 🥰😋

احنا جربنا جاتوه سوبريم بالكريمه و الفواكه و جربنا تشيز كيك بالكراميل و حقيقي الجوده بتاعتهم و طعم الكريمه و الصوصات مايتوصفش لازم يتجرب ❤️❤️❤️
و جربنا كوكتيل بينا كولادا و ده كان عباره عن عصير اناناس و جوز هند و كان حاجه كده تديلك جرعه إنتعاش تكمل بيها اليوم 🥥🍍

تفتكر العظمه خلصت لحد كده ؟؟ 🤔
المكان بيقدم فقرات بيانو و عود و كلاسيكيات جميله كده تقدر تتابع صفحتهم و تعرف مواعيدهم 🤍

لينك المنيو و الاسعار 💵🛎
https://facebook.com/pg/trianon1905/menu/

الاسعار لا تشمل الخدمه و الضريبه 🍽

للحجز و الإستعلام 📞 ٠١٢٨٥٨٣٩٧٣١

العنوان 📌 ٥٤ شارع سعد زغلول امام كورنيش البحر - محطه الرمل - الإسكندرية

تابعونا هاتلاقو كل اللي نفسكو فيه 😉
#فودبيكرز



#اسكندرية

ليه نستني البيك 🙈
و إحنا عندنا El Baraka restaurant - مطعم البركة 🍗❤️

لو مجربتش تاكل من المطعم ده قبل كده ف هايجيلك انطباع انه مطعم عادي زي اي مطعم بيقدم فرايد تشيكن و خصوصا بعد ما تشوف اسعار المنيو و البساطه اللي فيه 🤷🏻‍♂️😌

بس لما تجرب هاتكتشف ان البركة فعلا بيقول كلام كبير و هاتعرف ليه ناس كتير بتتكلم عنده ف الفتره الاخيره و هاتحب اوي انك تجربه تاني و تالت 🥰🧡

جربنا من عندهم وجبه ستربس ٥ قطع بالرز ، قطع الاستربس كان بيسيطر عليها اللون الذهبي و هيا عايمه وسط البطاطس بس لما تفتحها هاتلاقيها نضيفه من جوا و لونها فاتح و تتبيلتها كان طعمها حلو اوي حتي من غير عيش ولا رز ولا توميه ، هيا لوحدها طعمها جامد 🤤🙈

الرز اللي مع الوجبه كان مفرفر كده و طعمه رايق و كميته محترمه اوي علي سعره اللي هو ٢ ج 😎 و التوميه كانت كريمي و ملمسها في البوق رايق جدا 😍❤️

جربنا كمان فته زنجر بصوص سويت شيلي 🌶🔥 و جربنا فته زنجر بصوص الرانش 🍗🤓
زي ما قولنا الرز طعمه حلو و الفراخ طعمها جامد ف تخيل طعمهم بقي مع الصوص و انت بتاكل بالمعلقه من غير مجهود و لا تعب 😍 و مع ان صوص السويت شيلي كان رائع بس صوص الرانش هاتحسه محتاج تظبيطه صغيره كده و هايبقي اجمد بكتير 😉🤍

إستغربنا من عدم وجود عيش محمص في الفتات بس ممكن يكونو مش حاطينه علشان يحافظو علي كميه الفراخ اللي بالمناسبه كانت كميه مشبعه و لطيفه و لكن حبينا الفته من غير عيش و الموضوع في الاول و الآخر اذواق 🤔😉

الجميل في الاكل برضو انه خفيف و بيلكم في نفس الوقت و هاتحسه اكل بيتي بس معمول بإهتمام و فيه تفاصيل تشدك 🧐 تقدر تاكله ف اي وقت و ف اي مكان يعني لوحدك علي البحر او مع صحابك علي القهوه او دليڤري في البيت مع العيله و مش هاتحتار لو معاك شله كبيره لإنك هاتلاقي المبلغ الإجمالي مش كبير بالمقارنه بأماكن تانيه 😇😅

حقيقي التجربة طلعت مبهره و فوق سقف توقعاتنا و لو حطيناه ف مقارنه هايكسب مطاعم مشهورة من حيث نضافه الفراخ و تتبيلتها و الاهم من كل ده جوده الأكل و سعره 💸👌😋

تقدر تطلب الأوردر بتاعك عن طريق الخط الساخن 16099

و تقدر تزور اي فرع في إسكندرية في العناوين دي 👇

فرع كامب شيزار 📍 طريق الكورنيش بجوار كافيه والي
فرع سموحة 📍 تعاونيات سموحه بشارع مسجد حاتم
فرع ميامي 📍 آخر شارع العيسوي مع إسكندر إبراهيم
فرع جليم 📍 ٣٠ شارع الإزاعه

مواعيد العمل 🛎 من الساعه ٩ ص حتي الساعه ٤ ص

الاسعار و المنيو في آخر الصور 👀

تابعونا هاتلاقو كل اللي نفسكو فيه 😉
#فودبيكرز

#اسكندرية

بيتزا روما طلع مش بتاع بيتزا بس 🙈🍕 Pizza Roma Star

المطعم ده موجود ف دمنهور من ٢٠٠٧ و فتح فرعه الجديد في إسكندريه من شهر تقريبا و عنده صاله شيك و القاعده فيها لطيفه و مناسبه جدا للعائلات و الجميل في الموضوع ان المنيو عنده متنوع و هاتحتار فيه وانت بتختار وجبتك و كمان بأسعار إقتصاديه 💸🥳

هاتلاقي سندوتشات ، بيتزا ، كريب ، مكرونات و كمان وجبات غربي يعني كل اللي رايح معاك هايلاقي حاجه حابب يجربها 🥰🥳 بس إحنا كنا رايحين نجرب البيتزا ف ماقلبناش كتير ف المنيو بس المنيو جرجرنا نطلب مكرونه علشان كنا جعانين شويتين 🫣🤤

في البيتزات جربنا بيتزا روما و دي كانت ميكس لحوم + ميكس جبن 🧀❤️ و جربنا معاها بيتزا تشيكن بصوص الرانش 🍕🍗
و في المكرونات جربنا مكرونه بسطرمة صوص احمر و زودنا عليها جبنه علشان تشد و تبسطنا اكتر 🍝🧀
و جربنا معاها مكرونه نجرسكو بصوص ابيض 🍜🍗

التجربه دي احتارنا فيها و كان فيه ناس حابه المكان و مبسوطين من الأكل و شايفينه مخدوم و كميه الحشو فيه محترمه و طعم الجبنه علي المكرونه و البيتزا حلو اوي و جوده و كميه الاكل كويسه اوي علي سعره 💸🥳
و ناس تانيه كان سقف توقعاتهم أعلي من اللي اكلوه و شايفين ان البيتزا مصريه جدا و ممكن يبقي موجود زيها ف اي مطعم تاني و ما انبهروش 🧐🥸

بس الخلاصه في الآخر إننا اتفقنا 🤝 إن المطعم كويس في حته إنه يطلع اكل بالتنوع و الطعم الحلو ده علي الاسعار الإقتصاديه دي علما بأن اسعار المنيو شامله الضريبه كمان يعني لو عاوز تخرج او تطلب دليڤري انت و عيلتك و عاوز حاجه كويسه و مخدومه و اسعارها في الحنين يبقي هاتتبسط جدا من المطعم و هاتلاقي اللي نفسك فيه 👌❤️

ولو جربت بيتزا روما قبل كده ياريت تحكيلنا تجربتك في الكومنتات 👇😍

المنيو و الاسعار في آخر الصور 😉👀

عنوان فرع إسكندرية 📌 شارع مسجد حاتم - مجمع المطاعم - سموحة - الإسكندرية
تليفون 📞
03/4294111
01001147771
01202222655

عنوان فرع دمنهور 📌 شارع الراهبات - دمنهور
تليفون 📞
045/3222313
01090066260
01200655010

تابعونا هاتلاقو كل اللي نفسكو فيه 😉
#فودبيكرز


#اسكندرية

ضرب نار في سموحة عند GunsBuns 🛢💣🚨

كنا ماشيين قدام مكه بتاع العصير اللي في سموحة لقينا الممر اللي جمبه فيه قلق وزحمه فقولنا نشوف الكلام على ايه 😌👀 وطلع الكلام على سندوتشات محرمه دوليا 🫣

فقررنا نلبس الجوانتي و نخوض المعركة 😎💪

لاقينا شباب عاملين مشروع لطيف بيقدم ميكسات سندوتشات "حادق و حلو" و عندهم شيف موهوب بيعمل كل الصوصات اللي موجوده في سندوتشات المنيو اللي بالمناسبه اسعارهم حلوه اوي اوي علي طعم الاكل اللي دوقناه و كمان لاقينا إمكانيه إن الواحد يعمل ميكس على زوقه زي ما احنا مثلا عملنا سندوتش حلاوة وايت شوكليت بالسوداني 🥰🥰🥰

احنا كنا داخلين و خايفين من السكر بس السندوتشات اللي جربناها كان سكرها مظبوط و رايق جدا مش بيجزع يعني تاكل و تستمتع من غير ما تدوخ و اللي مساعد علي كده الكريمه بتاعتهم لإنها بجد طعمها جميل و قوامها برضو جميل و هاديه ف نفس الوقت ف لو انت من محبي السكر المظبوط جرب وادعيلنا 😎🤤

عندك مثلا سندوتش بازوكا اسكندراني : "كريمه ، كراميل ، اوريو ، لوتس ، شيكولاتة ، سوداني" لو قريت هتتخض 🫣 بس اسمع مني وخش بقلب الميكس حقيقي مش مسكر خالص و الكريمه فيه ظابطه الدنيا 😍🥰

عندك كمان جيرانوف لوتس : "كريمه ، اوريو ، لوتس ، شيكولاتة" ده ميكس وسلاح عظيم و كل قطمه فيه هاتستطعم فيها طعم مختلف 👌❤️

الحادق بقى نوعين (بارد و سخن) جربنا في السخن (بطاطس جبنه و سوسيس جبنه) والبارد (فاهيتا شيدر و كيري سوسيس) و ماينفعش انت و صحابك تطلبو حلو بس علشان هاتحتاج في نص المعركه تحدق علشان تعرف تحلي تاني 😅😉

اياً كان اللي هاتطلبه هاتلاقي السندوتش بخيره كده يعني مايغركش ان سعره مش غالي بس ف الحقيقه فيه كمية حشو محترمه اوي اخلي اي سندوتش يبظ معاك برا العيش الفينو و كإنك عامل سندوتش لنفسك في البيت ❤️🥳

المنيو في آخر صوره 😉👀
العنوان 📌 ٧ شارع الشهيد الطيار محمود شكري بجوار عصير مكه - سموحة - الإسكندرية
تليفون 📞 ٠١٢٠٤٤٨٨٤٣٣

تابعونا هاتلاقو كل اللي نفسكو فيه 😉
#فودبيكرز

#اسكندرية

الأكل هناك طلع فعلا Bmazag-بمزاج ❤️🤤❤️

المطعم ده عامل قلق في سموحه مع انه فاتح بقاله اقل من شهر بس بيقدم الشاورما بجوده و بطريقه مختلفه ف واخد العين و القلب شويه الفتره دي 👀🙈

الشاورما هناك بتتقدم ف عيش طري بيتعمل سخن و طازه في المكان و العيش ده شبه نص رغيف العيش بلحمه شكلا 🥙 ، بس موضوعا طعمه مختلف تماما و بصراحه بيجوع 😅😂

يعني وانت بتاكله هاتحس لقمه العيش مش بتاخد مجهود منك و طعمها حلو لوحدها و كمان كميه و جوده الشاورما معقوله علي سعره ف السندوتش ماينفعش يتشبع منه 😋🥰😋

المشكله بقي إننا كنا رايحين نجرب الشاورما و لاقينا هناك برجر تحفه بجد و يمكن احلي من الشاورما نفسها ف ركزنا عليه اكتر منها من حلاوة تفاصيله 👏🤩 جربنا البيسيك برجر و نصيحة لازم تاكله و هوا سخن علشان تاخد اكبر قَدر من الانبساط و فيه انواع تانيه بصوص حراق و فلفل هلابينو ف لو ليك ف الحامي خاف علي نفسك 😜🥵

من اول ماتفتح الغلاف بتاعه هاتلاقي دخان و ريحه هاينسوك نفسك لحد ما تلاقي القطمه ف بوقك من غير تفكير و ساعتها هاتحس ان كميه اللحمه حلوه اوي مع لقمه العيش و باقي المكونات 🤤😍😍

اللحمه نفسها فرمتها خشنه و تتبيلتها هاديه اوي ف طعمها باين و واضح وسط باقي مكونات السندوتش اللي بالمناسبه العيش بتاعه برضو مختلف ف عجينته عن العيش التقليدي و برضو طعمه حلو حتي لو حاف لوحده 👌👌👌

خد بقي نفس التجربه اللي فوق دي في برجر الفراخ و خدها إكسترا لو جربت حاجه زي لاڤا مثلا و هوا سخن و مولع 🌶🥵 الجميل إنهم حاطين قطعه الصدر كامله يعني مش فراخ مفرومه مثلا ولا بانيه لأ قطع تحسها صدور كامله 🥰😍❤️

و من الآخر اللي يقدر يطلع جوده زي دي من سندوتش البرجر يقدر برضو يجمد قلبه و يفتح جمب مطعم برجر مشهور جدا بس اللي شغله نضيف و بمزاج مايقلقش 😎🍔😉

المنيو في آخر الصور 😉👀

العنوان 📌 ٩ شارع الطيار محمود شاكر ( شارع السوبرچيت القديم ) - سموحة - الإسكندرية

تليفون 📞 ٠٣٤٢٢٢٢٧٠

لينك لوكيشن 📍
https://goo.gl/maps/g5SpuiPcJZUcaiFZ6

تابعونا هاتلاقو كل اللي نفسكو فيه 😉
#فودبيكرز


#اسكندرية

أول من ابدع في الرز بلبن في إسكندرية 😎🏆
البان وادي النيل 🥖🥛

اللي مجربش طبق رز بلبن بالعسل و القشطه و معاه شوب لبن ف كوبايه ازاز من عند وادي النيل اللي في المنشية يبقي لسا فيه حاجات في طفولته محتاج يعيشها 🙈😅

المكان ده يعتبر اثري لإنه فاتح من سنه ١٩٤٩م يعني تقريبا من ٧٣ سنه و عدي عليه ناس مهمه و تقيله في تاريخ إسكندريه و كانو من زباينه كمان 😊
و برغم البساطه اللي فيه و برغم ان منتجاته مش كتير بس شغله مميز 👌 مش هانقول انه احسن رز بلبن في اسكندريه دلوقتي بس هوا محافظ علي مستواه من سنين يعني ماينفعش تدوق الرز بلبن عنده و تلاقي نفس الطعم و نفس التجربه ف مكان تاني 👏🤍

لو اول مره تجرب رز بلبن بالعسل و القشطه هاتحس في البدايه إن العسل خفيف شويه بس مع الوقت هاتقتنع انه مظبوط ولا هو خفيف و مالهوش طعم و لا هو تقيل و يجزع النفس ، و الرز بلبن نفسه مخدوم و طعمه بيتي اوي ف نفسه يعني هاتحس ب حباية الرز كامله و طعم اللبن الغني و السكر المظبوط و هاتتبسط من التجربه و المود اللي في المكان لو ليك في النوستالچيا ❤️🥰

شوب اللبن الساده و شوب اللبن بالعسل او شوب اللبن الرايب لسا موجودين و محافظين علي وضعهم بس بقو ف كوبايات كرتون علشان آمن صحيا اكتر 😷
طعمهم لسا اصلي و اللبن باين عليه انه مش متخفف و يا سلام بقي لو ضربت جمبه سندوتشين جبنه تركي او كريمه بالمربي او حلاوه بالقشطه او تجرب العاشورة و المهلبيه علشان تعيش التجربه كامله 😎😋

حتي الناس هناك زوق جدا و خدومين و معاملتهم محترمه و الخُلاصه إن بساطة وادي النيل قدرت تبسطنا و تقدر تبسطك إنت كمان و بأسعار معقوله اوي 💸🥳

المنيو في آخر صوره 😉👀

العنوان 📌 ١١ شارع البوسته بجوار حلواني بريبي - المنشية - الإسكندرية
لينك لوكيشن https://goo.gl/maps/Jbnkmw8gUHxURo1i9

تابعونا هاتلاقو كل اللي نفسكو فيه 😉
#فودبيكرز
#اسكندرية