Couscous

Doulma sardine

سلام عليكم نعلم زبائننا الكرام بانا المطعم مغلق اليوم

🔹 مهما ضاقت بكِ الظروف.. في كوزينتك احذري هاد العفايس!
​🔹 1- مهما ضاقت بكِ الظروف وتكاسلتي، ماتمرقيش الشربة بالماء البارد بعدما تقليها... راكي تقتلي اللحم والقدرة تولي صامطة، مرقي بالماء السخون يرحم باباك!
​🔸 2- مهما ضاقت بكِ الظروف ماتبدليش السمن والزبدة بالزيت في المقروط... ومبعد تقولي جاني يابس يكسر السنّين، الوصفة الأصلية تقعد أصلية.
​🔹 3- مهما ضاقت بكِ الظروف ماترميش الخبز اليابس في المزبَلة 🥖... حمصيه، ارحيه، وديريه شابلور، ولا ديريلنا بيه خبز الباي واللا سفيرية وهمة وشان.
​🔸 4- مهما ضاقت بكِ الظروف وطاح عليك الضيف على غفلة، ماتحطيش القهوة بلا حبة حلوة ولا برج مبسس و لا شوي كسرة و زبدة... الجود بالموجود
​🔹 5- مهما ضاقت بكِ الظروف ماتفتحيش باب الكوشة على المسكوتشة وهي قاعدة تطلع 🥮... رايحة تفشلك وتقعديلها تبكي حذاها
​🔸 6- مهما ضاقت بكِ الظروف ماتملحيش اللحم اللوبيا والعدس في البدية... خليهم يطيبو ومبعد ملحي، وإلا تقعدي ليل كامل وأنتِ تسني فيهم يطيبو ومايطيبوش.
​🔹 7- مهما ضاقت بكِ الظروف ماتخليش المواعين يتراكمو عليك حتى يولو جبل 🍽️... اغسلي بالتدريج وأنتِ طيبي، ومبعد تخرجي من الكوزينة راسك مرفوع.
​🔸 8- مهما ضاقت بكِ الظروف ماتحطيش الثوم في البدية تاع التقلية وتخليه يتحرق... يرجع الماكلة مرة وتولي حيرة واش يداويها.
​🔹 9- مهما ضاقت بكِ الظروف ماتشريش التوابل مرحيين وواجدين ومخبيين عندهم عام... اشريهم حب ونقيهم وارحيهم في دارك، تشمي ريحة الدوزان من راس الحومة.
​🔸 10- ذاك النهار سمعت وحدة دير في ريجيم قاسي، وفي الليل كلات نص قصعة شخشوخة حارة ومبعد شربت وراها كاس كوكا"السكر دايت" باش ما تسمانش... يا ختي هاداك السكر راهو غاض الشخشوخة وقعد يبكي في الزاوية هههه!
ماتنساوش البارطاج
كتبته كل الوصفات مكتوبة

Thahvoult lekhli3