Cooking With Malek
Partager
Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Cooking With Malek, Chef cuisinier à domicile, Souk Ahras.
تحلية الفراولة :
تجيبو بسكوييت تشمخوه فلحليب و ديرو كطبقة اولى
مبعد تجيبو لفراز تقطعوه صغييرة و ديروه في كسرونة و تحطو مغرفة سكر و 3 مغارف ماء و تحطوه فوق الناء حتى يطلق روحو و ديريع كطبفة ثانية و دخلوه يبرد
و الكبقة الاخيرة كنت طلعت كاس كريم شونتي مع نص كاس حليب بارد مليح و ديروه كطبقة اخيرة التزيين يكون اختياري ❤️❤️
12/03/2025
عصائر رمضانية ❤️
في النوع الاول :
• تحتاجو كمية فراز يكون مجمد حبة بنان حبة قارص حبة تشينة و حبة زرودية تكون مغلية نص طيااب و 10 حبات تمر و تزيدة نص كاس حليب تخلطوو كلش في الخلاااط مبعد تزيدو لماا حسب القوااام لي راكم حبينو انتم
• النوع الثاني :
كمية من فراز كعبة تشنية و كعبة قارص كعبة زرودية كعبة خيار و كعبة بيطراف تكونو غليتوه هو و الزرودية نص طيااب و مغرفة عسل و 10 حبات تمر و تخلطو كلش مع بعض و تزيدة الماء حسب القوام لي راكم حابينو ❤️❤️
شهية طيبة ❤️❤️
04/03/2025
عدنا و العود أحمد 😍
رمضانكم مبارك أحبتي ❤️
● الوصفة هذه حبيت نبارطاجيها معاكم غير عجال لكرامييل
نروحو طول لطريقة التحضير :
تجيبو بسكويت تشمخووه و تحطوه فلمول تاعكم
و بالنسبة لطبقة لكريمة كاس كريم شونتي مع نص كاس ماء بارط طلعو كلش تزيدو نص باكي فلون كراميل و وحدة ياوورت فلون كراميل و طلعو كلش مع بعض و تحطوها فوق البسكويت و تحطو فوقها البنان و دخلوها تبرد فلمجمد
نروحو للكراميل ديرو كاس سكر فوق الناء و متمسوكو حتى يذوب كامل و يتغير لون تزيدو عليه نص كاس ماء يكووون يغلي و تخلطو بلمغرب تاع لوح هذا كل فوق نار و تبقو تحركو حتى يعاود يسيب روحو لخليط
على جيهة اخرى نسخنو نص كاس حليب تزيدو معاه زوز مغارف نساء تكونو غربلتوهم و تخلطوو مليييح و تزيدوها فوق لخليط تاع سكر و تبكو تخلطو بالفويي مش مغرفة حتى يعقد و تنحوه من فوق النار و تزيدولو مغرفة زبدة و تبقو تخلطوو و تنحووه عا جيه تغطووه يبرد شوي
و تخرجو المول تاعكم تزيدو عليه الكراميل و دخلوه يجمد مليح 😍😍❤️
شهية طيبة 😍😍😍
طاجين السلق :
تقلو بطاطا دوائر و في مقلاة ديرو نص بصلة مقطعة صغيرة تزيدولها اللحم حسب الرغبة و الثوم و تقلو كلش مليح و تزيدو ليزيبيس و ملح و مبعد تزيدو سلق كي يطيب سلق تنحوها من فوق نار تزيدولها نص كاس كرام فراش و 3 عظام و فرماج حسب رغبة و تخلطو كلش مع بعض تجيبو مول تستفو لبطاطا كيما في الفيديو و تزيدو خليط السلق و فرماج رابي و دخلوه يطيب
شهية طيبة ❤️
تحلية كراميل
تشمخو بسكويت و تحطوه في الكؤوس و تزيدو كاس و نص كرام شونتي و تزيدو لاروم تاع كراميل و زوج ياوورت كراميل و مغرفة كراميل و طلعوها بالباتور و ديروها كطبقة ثانية و تزيدو فويتين طبقة ثالثة اذا متوفر و تكملو طبقة كريمة و طبقة بسكويت و ملفوق تزيدو كراميل و التزيين اختياري
شهية طيبة ❤️❤️
وصفة ميني بطبوط
كاس و نص فرينة و كاس سميد و مغرفة خميرة و مغرفة سكر و مغرفة صغيرة ملح و زوج مغارف زيت و تلموها بالماء دافئ و تخلوها ترتاح 30 د و تحلوها بالسميد و تشكلوها كيما تحبو و طيبوها و كي تحبو تخبوه لرمضان حطوه ف ليساشي و شهية طيبة
ادعموني في تيكتوك
وصفة تارتولات :
زوج كيسان فرينة تزيدولهم رشة ملح و فانيلا و 140غ زبدة و 3 ملاعق سكر قلاصي تلمووهم مليح و تزيدو صفار بيضة و 4 ملاعق حليب و طموها مليح تخلوها ترتاح 20 د و تشكلوها
Cliquez ici pour réclamer votre Listage Commercial.