NORTH african guy

الفرق الافريقية ابار (الفريق الوطني + تونس) بانت بشخصية. شابة الشخصية هاديك مور 80 دقيقة. موليتش عارف وين تهرب مور الدقيقة 80. يبدو ينخلعو غي وحدهم و يضيعو الفوز

#ميسي #الارجنتين #المونديال #مصر #الجزائر

باش نبنو منتخب قوي خاص نبداو مالاساس و نطلعو مواهب على ساس صحيح منقعدوش نقارعو لفرونسا تصدق علينا شوية لاعبين.
المنتخب المغربي القوي داير ميكس بين لاعبين طالعين من اكاديمية محمد السادس و لاعبين اجانب. و المشروع نتاعهم بادي من سن صغير حتى 20 عام و الاكاديمية راهي تصر لاعبين. لقاع اوروبا
حنا عندنا بارادو. راهم يحطمو فيها و مراهيش كاينة نية باش يخدمو. كرة القدم في هاد البلاد. و وين بيها الله اعلم

#المونديال. . #الجزائر

كاس العالم 2026. مين ولات فيها افضل ثوالث. نظن بلي ترتيب المباريات فيها. ولا امر عادي و مدروس. النرويج تدخل بالفريق الاحتياطي باش تخسر و تتفادى السويد و تلعب مع كوديفوار. تشوف الاكوادور تربح المانيا عادي. تشوف هدرة تاع نتفاهمو مع النمسا نديرو ماتش نيل نطلعو للزوج. تبانلي ليق 24 مباراة قاع يلعبو في نفس التوقيت. باش مايصراش ترتيب و مايصراش. توقع معامن باغي تلعب فالدور الثاني و تولي. تتفادى و دير حسابات بزاف

#2026. . #مونديال #الجزائر

نسخة كاس العالم تاع 48 منتخب شيء طبيعي نشوفو هاد النتائج. المفاجأة هي تونس داية 12 هدف في 3 مباريات

#مونديال #2026

المنتخب لي يلعب على الكالكيلاتريس مايستاعلش يتكاليفا مالتالي 👌🏼

#الجزائر #المونديال #النمسا

الالمان مايشفقوش على حتى واحد يشوفوك ضعيف يعفسو عليك حتى للدقيقة التالية. خطرات نحسهم شادين ثار علينا قاع حق لي خسرو فالحرب العالمية المانيا تبغي تلعبها حرارة تقاتل على كل كرة كيشغل اخر باس غادي ديره في حياتك ولا اخر طاكل غادي ديره في حياتك. و اكبر مثال. الماتش تاعنا مع المانيا ف 2014. مونديال البرازيل. بصح باش تلعب المهم تخرج باقل الخسائر. غادي تخرج باكثر الخسائر و سقسي البرازيل. في نفس المونديال

#مونديال. #المانيا #كوراساو

من اكثر الحاجات لي ديرلي ديرونجمون في راسي هي عقلية الاجيال لي راهم يطلعو (مشي ڨاع بالطبع). بالعقلية الاتكالية على الدولة
من الحاجات السلبية لي خلقها النظام الاشتراكي الجزائري قديما من الاباء تاعنا وطلع. هي خلق تفكير عام عند الشعب باللي خصك تقارع كلش من عند الدولة. هي تخدمك و تلبسك و تعاونك و توفرلك كلش (بالطبع الدولة مطالبة بتحسين المعيشة و البنية التحتية) بصح باموال التصدير و دافعي الضرائب. اللي مكاش فالدولة الاشتراكية. خاطرش الشعب هو عامل عند الدولة.
المشكل لي راني جاي نحكي عليه هو المشكل لي توارثناه من عند النظام القديم. لي هو دعم كل شيء. دعم الماء و الغاز و البنزين و السكر و الزيت و القهوة. دعم الشباب العاطل بمنحة البطالة. دعم الشعب بسكنات. و نفس الشعب يعاود يبني فوضويات. و المشكل ماينتحلش للابد. و المشكل الكبير لي هو ااشعب لي والف الاتكالية. ملي يكون صغير حتى لي يكبر
النظام هذا مايقدرش يخلق مجتمع يفكر وحده و يفكر هو يستثمر في روحه و من بعد يستثمر فالدولة لي (يجب ان توفر له بيئة جيدة في التكوين و التعليم ) ويصبح من دافعي الضرائب و المساهمين في الاقتصاد. و بهذا الدولة توجه مداخيل الضرائب للبنية التحتية و تطوير المؤسسات و توجه مداخيل التصدير الى استثمارات نجمو نصدرو منها مستقبلا و مصانع تخدملك ملايين الشعب العاطل في بلاصة ما نمولو بيهم شعب خامل عاطل يقارع في دعم الخبز باش يعيش
بهذا نكونو تخلصنا من مشكل البطالة. و المستوي المعيشي يزيد يطلع يولي عندك موظفين و عمال عندهم قدرة شرائية. تقدر من بعدها تتخلص من دعم المواد. شيئا فشيئا و توج الدعم فقط الى مراكز ايواء الاطفال و المعوزين. و المرضى و ينجم يكون دعم في قطاعات مثل الصحة.

الخلاصة. هي
الفكر الاشتراكي فكر قديم و عاجز و يخلي الشعب عاجل و متكل على الدولة في كل شيء
و يخلي الدولة عاجزة ايضا خاطرش تولي تحاول شراء السلم الاجتماعي بالدعم و تسمح في تطوير البنيات و تطوير نوعية الخدمات. بعقلية المهم كاين سبيطار راه باطل. و المهم كاين التعليم مجاني. مايهمش النوعية

من الازمات لي رانا نعانو منهم حنا كافارقة و كجزائريين خاصة هي الانجاب (الكثيييييير) و بالخصوص عند الشريحة الفقيرة فالمجتمع. دروك نتا الله يرحم بوك انسان محدود الدخل و معندكش سكن خاص علاه تجيك 7 ولاد علاه تجيبهم و متقدرش حتى تشريلهم ادوات الدراسة ولا احذية ولا ملابس و تخليهم عالة عليك و على المجتمع و يكبرو بعقلية الانسان الفقير لي يقارع المساعدة من صغره حتى لي يكبر و يولي راجل و مرا و دايمن بنفس العقلية. تاع عاونيني و عطوني و ديرولي. خاطرش كبر بيها

و باش مكاش لي يغلط فيا مرانيش نقول ماتجيبوش ولاد وديك العفلية اللانجابية. لي منامنش بيها. راني نقول انسان يكون حكيم في قرار انجاب انسان فوق هاد البقعة (الصعبة) لي رانا عايشين فيها. و الحكمة تكون في عدد الاولاد. ياخويا قادر على واحد جيب واحد. قادر على 8 جيب 8 (القدرة مشي غي مادية مام معنوية و مجهود و ووقت للتربية) مشي تجيبهم توكلهم و تشربهم و تقيسهم لا تربية لا والو

الحاجة لي باغي نزيد نفهمها علاه الزوجين مايديروش تكوين خفيف لنفسهم قبل مايدو قرار الانجاب غي ماليوتيوب و يتعلمو. يا رب راني نشوف الشعب زادم في حيط. يبزقو الولاد و الخاسر الوحيد هوما حنا لي نباصو بيهم. اتقو الله في المجتمع. .... و للكلام بقية

السلام عليكم و رحمة الله تعالى و بركته اليوم سنتحدث عن اراوخو. هداه الله

اراوخو من اغبى المدافعين لي راهم يلعبو في وقتنا. بلا ماتخرب فيه. تبانله يدي حمرة و يخرج و يخليك حاصل منك لله يا غبي

#برشلونة. #تشلسي