Green.Tech

الغاء اشعارات الاشارات الى @الجميع او
منقوووووول

مقال حول الباور سبلاي والاماركات اللي لازم تشريها🤠:

----------------------------------------------

تعريف:الباور سبلاي او مغذي الطاقة هو الجهاز المسؤول عن امداد قطع الحاسوب بالكهرباء اللازمة لكي تعمل

طريقة العمل: يقوم هذا الباور سبلاي من تحويل الشخنة الكهربائية المتناوبة من مقبس الكهرباء الى شحنة كهربائية مستمرة
-------------------------------------------------
انواع الباور سبلاي من حيث:

1/من حيث الحجم: يوجد نوعين لي متوفرين بزاف النوع الاول لي اغلبنا نشروه ويجي فلي بواتي العاديين لي هوAtx،
النوع الثاني هوSfx ولي يجي كبير على خوه ويركب في دي بواتي محددين

2/من حيث انواع لي كابل: كاينين ثلاث انواع النوع الاول لي هو no modular لي يكون لي كابل. لاسقين فالعلبة وما تقدرش تعدل فيه، النوع الثاني هو semi modular واللي يكونو فيه ديكابل لاسقين فلبواتي ودي كابل ماشي لاسقين يسما تركب لي تحتاجهم،النوع الثالث هو full modular باش يكون عندك كابل مانجمنت مليح فيه ڨاع لي كابل تاوعو تقدر تعدل عليهم

3/من حيث خامة التصنيع:كل ما تحط دراهم كثر تجيب عفسة بريميوم كثر وتجيب نوعية دي كابل قاسحين وماشي عريانين كيما لباور سبلاي تاع شناوة

4/من ناحية دارات ووسائل الحماية:كل ما تشري من ماركة معروفة ومن gام طالعة كل ما تكون وسائل الحماية فيها ملاح وهاذو الوسائل يبانو كي القطع تاوعك وحدة دير فيهم ماس ولا كي تتكوبا تريسيتي وتعاود تولي قوية المستشعر يحس ويفصل الكهرباء فوريا

5/من ناحية التقييم:شركة 80+ شركة مختصة وخبيرة في تقيم مغذيات الطاقة وبعد ما تجرب مغذي الطاقة هذا وتقيس كفائتو في تحويل التيار الكهربائية من المقبس للجهاز تمدلو تقييم والتقيمات تاوعها هوما 6 تصنيفات: (White-Bronze-Silver-Gold-Platinum-Titanium)، وتقيماتها في المتوسط كالآتي:
80 Plus White: 80%
80 Plus Bronze: 85%
80 Plus Silver: 89%
80 Plus Gold: 92%
80 Plus Platinum: 94%
80 Plus Titanium: 96%

-------------------------------------------
الماركات الموصى بيها للشراء

ماركات الفئة العالية هي:
*Asus ROG:-
ماركة ثانوية من شركة Asus، مخدومة زعما خصيصا للGamers

*be quiet!:-
تعتبر من أفضل لي باور سبلاي في العالم.

*Cooler Master:-
ماركة متخصصة في صناعة قطع الكمبيوتر بجودة عالية جداً، من أحسن لي باور سبلاي في العالم.

*Corsair:-
الماركة هاذي عندها جوائز عالمية في كفائة مزودات الطاقة.

*Cougar:-
عندهم دي باور سبلاي ملاح بصح ماشي متوفرين فدزاير

*EVGA:-
شركة قاسحة وعندها دي باور سبلاي ملاح بزاف وعندهم تبريد مليح تانيك للاسف ناقصين فدزاير

*Gigabyte Aorus:-
الماركة الثانوية أو الإصدار الجديد من شركة Gigabyte المشهورة بلي كارت مار ولي كارت غرافيك.
ملحوظة: لي باور سبلاي لقدم من شركة Gigabyte كفائتها ماشي مليحة كيما هاذو ، لازم تتأكد انو الباور سبلاي فيه علامة Aorus اللي في الصورة تحت.

*NZXT.:-
حاجة مليحة بصح ماشي متوفرة فدزاير

*Seasonic:-
ماركة ممتازة، لكن تعتبر أقل أداء من لي مارك لوخرين بحاجة بسيطة.

*Thermaltake:-
ماركة متخصصة في أدوات وحلول التبريد للكمبيوتر، وتخدم دي باور سبلاي ملاح بصح خطوكم من فئة lite power ماشي فور بزاف.
--------------------------------------------------
وماركات الفئة المتوسطة هي:
*Antec:-
*BitFenix:-
هاذو في زوج يخدمو لي بواتي شابين بزاف ولي باور سبلاي تاعهم يصلحو

*FSP:-
*Lian Li:-
هاذو لي مارك صح اصلهم من الصين بصح يستخدمو مكثفات يابانية يسما عفسة مليحة نسبيا

*Raidmax:-
ماركة جديدة في عالم الباور سبلاي، لكن أدائها محترم وتمد RGB فلي باور سبلاي تاوعها.

----------------------------------------------
الفئة لي تحت الزيرو
Aures:-
شركة فرنسية تيري برك فديشي لدزيريين نعرف شحال من واحد تحرقتلو كاين لي كانت عندو gtx 1050 وتحرقتلو وحدة تاع 650w 🤣 يسما لي معول يشريها يبطل ولي عندو يزرب بلبيسي تاعو يرأف بيه
Nova/capsys... :-
الخرد الصينية هاذو لي يشريها راه يائس من الحياة لخطراش باش تشري بيسي ڨايمر وتدير اهم عفسة فيه من ماركة فيك وتسترخص فالباور سبلاي راك 100% غالط

Xbox 360 slim jtag
😎

🤣😂😂