Curva Rivoluzionaria

كونو في الموعد⏳🌲🤍🖤

༺༽ بيان إلى أنصار مولودية الأوراسية ༼༻
في لحظة لا تتكرر… وفي عيد ليس ككل الأعياد
64 سنة تاريخ… 64 سنة وفاء… 64 سنة من شعب لا ينكسر.
⚫الجمعة موعد مع الرجولة… مع الهيبة… مع إثبات من هو صاحب القلعة🤍🖤🌲
⚫نداء إلى كل وفي
إلى كل من يقول المولودية دمي
الحضور إجباري… لا يوجد أي عذر
⚫على كل مناصر إحضار:
فيميجان أو ستروبو أو عكري
لنصنع جمعة تاريخية تهتز لها المدرجات🔥🤍🖤🌲
حبة حبة… والجمعة القلعة تصبح نار🔥
من يغيب اليوم… لا حق له في الكلام غدا
ومن يحضر… هو من يكتب التاريخ
المولودية = شعبها
وهذا الشعب الجمعة يثبت من يكون🤍🖤
Bon année Mouloudia🤍🤍🖤🖤
الموعد في بوزوران تشعل النار⏳🖤🤍

🔰 اَلْقَلْعَةُ قَلْعَتُنَا، تَشْعَلُ بِهَيْبَتِنَا 🌲

اللي يحب المولودية يبان وقت الشدة،ووقت الشدة راهو جا🤝🏻.

نحب نشوف القلعة عامرة،ونحب نشوف الفريق يحس بلي وراه رجال🌲🔥.

🔰 اَلْقَلْعَةُ قَلْعَتُنَا، تَشْعَلُ بِهَيْبَتِنَا 🌲

المولودية = شعبها. 🤍🖤
والشعب إذا حضر… المباراة محسومة.

موعدنا: الجمعة (10:00)🔥🌲

🔥🌲
المقابلة الجاية ماشي 90 دقيقة برك…
هي كرامة مدينة، هي صوت المنعرج، هي تاريخ رجال ما عرفوش الاستسلام.🔥🌲

ماكانش حسابات… ماكانش خوف…
كاين غير حاجة وحدة: بقاء المولودية.
المولودية = شعبها
وإذا الشعب قرر… القرار يتنفذ.
كونو في الموعد.⏳🌲

المولودية ما تسقطش…
المولودية تبقى برجالها 🤍🖤🌲
Curva Rivoluzionaria 🔥

المدرب عڨون… خرجاتك ولات أكثر من النتائج.
كل مرة قرار غريب، وكل مرة تبرير أعجب منو.
ترفض لعب مباراة ليلاً؟
واش راهو صاري بالضبط؟
الفريق ماشي حقل تجارب،
إذا عندك أسباب مقنعة قولها بصراحة،
أما تخلّي الأنصار في حيرة كل مرة… فهذا غير مقبول.
ولا راك معوّل على خرجة جديدة تغطّي على الإخفاقات؟
كلامك ولى ما يتصدّقش،
والثقة كي طيح… صعيبة بش ترجع.

🛑نناشد السلطات المحلية والجهات الوصية، كما نطالب إدارة الفريق بالتحرك العاجل والمسؤول من أجل برمجة مباريات المولودية ليلاً، خاصة وأن كل الشروط متوفرة داخل الملعب، من تجهيزات وأضواء صالحة ومطابقة.
🛑لا يوجد أي مبرر لحرمان الفريق وجماهيره من حقهم الطبيعي في اللعب تحت الأضواء، في أجواء تليق بتاريخ النادي وقيمته. اللعب ليلاً ليس رفاهية، بل هو عامل دعم معنوي وجماهيري، ويمنح الفريق دفعاً أكبر داخل الميدان.
المولودية لم تسقط…
والمولودية لن تسقط.
التعداد موجود، الرجال موجودة، والروح مازالت حية.
نطالب بتحمل المسؤوليات كاملة، واتخاذ قرار يخدم مصلحة الفريق أولاً وأخيراً، بعيداً عن أي حسابات ضيقة.

والسلام.
MSPB+ SPORT
Curva Rivoluzionaria