Kamel.Vlog

#ميساجتكم :
⭕️ فوت ليلة في وهران مفهمت والو فيها ، عيطولي على خدمة حارس ليلي في واحد المصنع
قديم هنا فوهران، الخدمة هادئة بزاف… غير دورة فالمعامل ونقعد وحدي حتى للصباح.

البـارح على زوج ونص تاع الليل، كنت ندور عادي حتى دخلت لغرفة قديمة فآخر المصنع.
هذي الغرفة من زمان ما يستعملوهاش.

دخلت غير باش نشوف واش فيها…
لقيتها عامرة غبرة، مكتب قديم، دوصييات، وتصاور مرميين.

بصح من نهار دخلت حسيت بحاجة غريبة…
ماشي خوف… بصح كأن الغرفة فيها روح الذكريات تاع ناس خدمو تما.

قربت للمكتب نقلب لقيت كراس صغير.
فتحتو ح… لقيت واحد كان يكتب يومياتو.

مرة يهدر على الخدمة… مرة على التعب… ومرة على بنتو الصغيرة لي كان يوعدها يديها للبحر نهار الجمعة.

والله يا كمال كل صفحة تقراها تحس الراجل كان مهموم بزاف.

بديت نتخيلو قدامي…
قاعد فهذيك الغرفة يشرب فقهو ويكتب وحدو ،

حتى وصلت لصفحة مكتوب فيها:

“إذا راك تقرا هذي… معناتها ما رجعتش لدار.”

هنا قلبي هبط.

رفعت راسي ولقيت تصويرة صغيرة فوق المكتب…
نفس الراجل مع بنتو.

وفي لحظة… والله غير حسيت كأن الغرفة رجعت للحياة.
سمعت ضحك خفيف… صوت ماكينة تخدم… وحتى ريحة القهوة جاتني.

كأن الذكريات تاعو بقاو حابسين تما.

بصح الحاجة لي خوفتني بصح…

كي جيت نسكر الكراسة، لقيت صفحة ما كانتش محلولة قبل.

مكتوب فيها بخط ضعيف:

“قولولها سمحتلها… غير كنت حاب نشوفها آخر مرة.”

قسمًا بالله يا كمال…
من داك الليل وأنا كل ما نرقد نتخيل هذيك الغرفة…
وكأن الراجل مازال يستنى واحد يدخل يسمعلو.”
———-
•واش رايكم انتوما في قصة هذا متابع و متنساوش متابعة صفحة و مشاهدة المحتوى و الفيديوهات
المتنوعة لي فيها راح تعجبكم ❤️
fans

#ميساجتكم
عندي ضربة في وجهي وفي ذراعي تاني ولي ضربني دخل الحبس ربع سنين مهم انا تعذبت فيهم دوك السنين بلا ماندخل ف لي ديتاي.. خرج عندو سمانة و جا طوول لياا بقا يتبع فيا كي خرجت من لافاك قلت مرة هاذي يقتلني بديت نبكي فالطريق وحبست فبلاصتي (تعرفو هذيك لاپانيك والخلعة) مي صرات العكس وجا يحلل فيا وقالي سمحيلي وتبت و كذا وهيا معايا نديك دك ديرلي لازار في وجهك (درت ومزال 2 لي سيونس) و وريلي ذراعك ويديك اذا مزال فيهم ضرابي و بقا غير يحلل ويهدر و يقولي ضاعت حياتي بسبابك هكك وحاب نصلح الغلطة ومنعرف وجا حتى كرا قدام دارنا وكل يوم عساس عليا توسوست منو بزااااف مع انو شهدولو بلي تاب وصوالح بزف.. دارنا مولاوش يخلوني نخرج وحدي كامل وعرفو بيه وكانو رح يدقدقو عليه يحاوزوه و هكك وسبقهم جا دقدق على دارنا شووكاااني ماخاف ماوالو وجا حاب يهدر مع بابا يقولو حاب نصلح غلطتي بابا ردلو قالو صاي خدمتي حبسك وروح بعدنا برك وبعد طريقنا وحاوزو و هو محبش يروح حتى ضربو خويا و هكك ماردش علينا ملڨري انسان كان ميرونديش وكامل يخافوه وكذا وهو لي كان يضرب مش يتضرب.. مهم ني خايفة بزاف منو وقلت نروح نسكن عند خالتي وش رايكم ولا عند جداتي... دارلي تاني جاسث دخلت نشري عند الحومة لحقني وجبد خلص وش شريت ويحلف ويعاود و انا مرديتوش مصبت منقول وهربت طول للدار.. والحل ?
-------
• كاين ناس صح يتبدلو و يعرفو واش دارو غلط بصح نصيحة من قلبي مكاله ديري امان 100% في اي واحد و رودي بالك ! ( واش تنصحوها انتوما ؟ )
• متنساوش متابعة الصفحة و مشاهدة الفيديوهات و محتوى المتنوع لي نقدمو فيها فاكيد راح يعجبكم ♥️🤭

#يالقهوين حبيت نهدر على واحد الموضوع لي زاد عن حدو هو التحرـش في وسائل النقل ، احشمو شوية راكم تبهدلو ياعرة المجتمع عقلكم محصور في اعضائكم التنسالية و ماسلم منكم لا ولاد لا نساء لا كبير لا شيخ لا عجوزة واش بي جدكم وصلتو لهذي درجة ، اليوم شفت موقف طفلة قاصر مسكينة جاية من ليكول لاصق فيها كهل و يتبع فيها و هي مصبت واش دير اقسم بالله غير فايحين يانقصين تربية و ناس لي يتعرضو لهذو مواقف متخافوش في بلاصتكم ديرولهم تبهديلة و صوروهم و اشكو بهم يستاهلو فسدتونا مجتمع مولاش واحد يخرج الاز .
- كاش واحد فيكم تعرض لموقف مماثل يحكنا في تعليقات ⏬🔴
• و متنساوش متابعة الصفحة و مشاهدة المحتوى المتنوع لي نقدمو فيها و الفيديوهات المختلفة اكيد راح تعجبكم ♥️

ها شوف دوركا 😅 .
fans

واشمن خروف راح تعيدو به هذا العام 🐑 و مشي قصدي الخرفان 😂
@أبرز المعجبين