Alpha Club MM

အားပေးတဲ့လူတစ်ယောက်စီတိုင်း မင်္ဂလာပါနော်

28/03/2025

မြေအောက်အက်ကွဲကြောင်းတွေ plates တွေ ပွတ်တိုက်ပြီး ငလျင်ဖြစ်လာတယ်။

ငလျင်ကြောင့် အက်ကြောင်းနှစ်ခု (ထပ်သွားတဲ့အခါ/ ဆက်ကြောင်းလွဲသွားတဲ့အခါ/ စောင်းသွားတဲ့အခါ) အသားကျသွားတဲ့ အထိ ( ကြားထဲက အဟ ပြန်မလှုပ်တော့သည်အထိ) ဆက်ပွတ်တိုက်ပါတယ်။

7.7 magnitude ငလျင်လာပြီးတိုင်း 7.7 အနှုတ် တစ်၊
- 1 magnitude ငလျင် နဲ့ နောက်ဆက်တွဲတွေ ဆက်လာတတ်ပါတယ်။ ဒီတော့ ၆.၇ ကနေ ၅ ကြား ငလျင်တွေ ရက်၊ လချီ ဆက်လာနိုင်ပါတယ်။

လှုပ်တဲ့ငလျင်က ၁၀ ကီလိုမီတာ အနက်ဆိုတော့ တိမ်တဲ့နေရာမှာလှုပ်တာမို့ မြေပေါ်ကခံရသူတွေ အတွက်ပြင်းထန်တယ်တဲ့။ ထပ်လာရင် ထပ်ထိနိုင်တယ်။ မိမိနေထိုင်ရာနေအိမ် တိုက်တာမှာ အက်ကွဲကြောင်းနဲ့ စိတ်မချစရာတွေ ရှိရင် မနေသင့်ပါ။ အလွန့်အလွန် အန္တရာယ်များပါတယ်။

ဒီထက်ကြီးတဲ့ငလျင် လာတတ်သလား? ၉၄% မလာနိုင်ပါတဲ့။ ၆% ကတော့ ကံဆိုးရင် လာနိုင်ပါတယ်တဲ့။ အခုလှုပ်သွားတဲ့ငလျင်က ကြာကြာလှုပ်သွားလို့ omoti’s law အရ ဒီထက် ပြင်းတာမလာတော့ဘူးလို့ ယူဆပါတယ်တဲ့။

ပုဂံဘုရားတွေကုန်ပြီထင်တာ အပျက်အစီးရှိနိုင်ပေမယ့် အခြေအနေ အလွန်ကောင်းပါတယ် တဲ့။

အခုမှ သတင်းတွေစ ဝင်တာ။ အများကြီး အသက်ဆုံးရှုံး၊ အိုးအိမ်တိုက်တာ နစ်နာဆုံးရှုံး တာတွေ စိတ်မကောင်းစရာ ဆက်တိုက် ကြားရပါဦးမယ်။

ဘဝတလျှောက် မဟာပထဝီမြေကြီး ဟာ မိမိ နေထိုင်ရာ အဆောက်အအုံ၊ မိမိခန္ဓာကိုယ် ရပ်တည်နိုင်အောင် မာကြောတည်ငြိမ်မှုရှိတာကိုသာ သတ္တဝါတွေ သတိထားမိခဲ့ကြတယ်။ အလွန်တည်ငြိမ်တယ်လို့ ယူဆထားတဲ့ မဟာပထဝီမြေကြီး သွက်သွက်ခါ လှုပ်ခါတဲ့အခါ သက်ရှိသတ္တဝါအကုန် အလွန်ထိတ်လန့် အားငယ်တတ်ကြပါတယ်။

မြန်မာပြည်ဟာ ရောဂါဘေး၊စစ်ဘေး၊ ရေဘေး၊ လေဘေး၊ သဘာဝဘေး၊ ငလျင်ဘေး ဘေးတွေလည်း အကုန်စုံပြီးပါပြီ။ ရန်သူမျိုးငါးပါးလည်း ပြည့်ယုံမက ကျော်ခွကုန်ပါပြီ။ ဟို FB ဗွီဒီယိုထဲက အမျိုးသမီးတယောက် အိမ်ထဲဝင်ဖို့ ကြိုးစားတဲ့ မြွေကို ခြောက်သလို ဘေးအားလုံး ရန်အားလုံး…. “ဟိုဖက်ကိုသွား…. ဘုန်ကြီးကျောင်းက ဟိုဘက်မှာ” ပါခင်ဗျာ။
Crd
အားလုံးပဲဘေးအန္တရာယ်ကင်းလို့ အခုလိုကပ်ဆိုးတွေကနေကျော်လွှားနိုင်ကျပါစေ 🙏🙏🙏