Blic Lajme

https://www.facebook.com/share/p/1GkghEc4xL/

https://www.facebook.com/share/p/1DsLDaE5Ys/

Ju njoftojmë se për shkak të punimeve në asfaltimin e rrugës “Tefik Selimi”, në periudhën nga 17 maji deri më 11 korrik 2026, do të ketë ndryshim të përkohshëm të regjimit të komunikacionit në rrugët “Sava Kovaçeviq” dhe “Marshall Tito” në Preshevë.

Gjatë kësaj periudhe, këto rrugë do të kalojnë përkohësisht nga njëkahore në dykahore, sipas sinjalizimit të përkohshëm rrugor dhe planit të aprovuar të komunikacionit.

Lusim qytetarët për mirëkuptim dhe bashkëpunim gjatë realizimit të punimeve, si dhe apelojmë që të shmanget qarkullimi i panevojshëm në rrugën “Tefik Selimi”, në mënyrë që punimet të zhvillohen pa pengesa dhe brenda afateve të parapara.

https://www.facebook.com/share/p/1DqbqjcSYy/

https://www.facebook.com/share/p/1DxA5vma1e/

RRESHTIMI I SERBISË ME EVROPËN TË VLERËSOHET EDHE ME DEMOKRACINË E BRENDSHME DHE TË DREJTAT E MINORITETEVE

Në Serbinë e sotme, Dita e Evropës – 9 Maji – po shënohet në një atmosferë që shpesh bie ndesh me vetë frymën dhe vlerat mbi të cilat është ndërtuar Evropa demokratike.

Pjesëmarrja e përfaqësuesve shtetërorë serbë në manifestime me zyrtarë rusë, ku dëgjohen parulla në mbështetje të Putinit, dëshmon se Serbia vazhdon të mbajë një qëndrim të paqartë mes orientimit evropian dhe afërsisë me politika që sfidojnë vetë rendin demokratik evropian.

Në të njëjtën kohë, brenda Serbisë po zbehet mbështetja për Bashkimin Evropian, ndërsa po forcohen narrativa të revizionizmit historik, po normalizohet gjuha e urrejtjes ndaj pakicave dhe po konsolidohet një model pushteti gjithnjë e më autoritar e neokonservativ, në kundërshtim me frymën demokratike evropiane.

Evropa nuk duhet të mbyllë sytë para këtyre zhvillimeve.

Procesi i integrimit nuk duhet të matet vetëm me kapituj teknikë apo deklarata politike, por edhe me demokracinë reale, sundimin e ligjit dhe respektimin e dinjitetit të çdo qytetari, pa dallim etnie.

E pikërisht këtu vazhdon të mbetet alarmuese gjendja e shqiptarëve në Luginën e Preshevës, të cilët përballen me diskriminim institucional, pasivizim adresash, mungesë përfaqësimi dhe pengesa në realizimin e të drejtave elementare.

Nuk mund të ketë paqe të qëndrueshme dhe stabilitet afatgjatë në rajon duke shtypur e diskriminuar pakicat.

Nuk mund të ketë normalizim të sinqertë të marrëdhënieve Kosovë–Serbi përderisa shqiptarët në Serbi vazhdojnë të ndihen të përjashtuar dhe të pabarabartë.

Sepse një shtet që nuk i trajton të gjithë qytetarët e tij në mënyrë të barabartë, nuk mund të ndërtojë demokraci funksionale.

Dhe një rajon që i injoron padrejtësitë ndaj pakicave, nuk mund të prodhojë siguri, paqe dhe stabilitet të qëndrueshëm.

Pa ndryshime konkrete në këto drejtime, Serbia mund ta ketë ambicien evropiane vetëm në deklarata — por jo edhe në standarde.

Urime Dita e Evropës! 🇪🇺

https://www.facebook.com/share/p/17QxJqAECV/