Behgjet Pacolli

Ishim duke kryer punimet e gjelbërimit të brendshëm dhe pastrimin përfundimtar, me qëllim që t’u dorëzonim shqiptarëve një vepër fantastike – terminalin e ri të Aeroportit Ndërkombëtar të Vlorës – kur, më 18 maj 2026, një grup personash të paligjshëm dhe jashtë çdo procedure ligjore, të mbështetur nga Policia e Shtetit, bllokuan hyrjen e Mabco-s dhe nënkontraktorëve të saj.

Kjo ndodhi pa asnjë vendim gjyqësor dhe, për më tepër, u konfiskuan edhe makineritë dhe instrumentet e punës së tyre.

Kur pyetëm pse nuk na lejohej aksesi në vendin e punës, përgjigjja e Policisë së Shtetit ishte:

“Është urdhër nga lart.”

Po cili urdher, kush
nga lartë?..një ditë do të zbardhët cdo gjë!

Një ngjarje e tillë është e vështirë të gjendet si precedent në një shtet që funksionon mbi bazën e ligjit dhe institucioneve. Për fat të mirë, ende ekzistojnë hallka të drejtësisë; nëse jo në Shqipëri, atëherë diku tjetër ajo do të vihet në vend.

TikTok · Mr. Besfort Kryeziu

Duke fluturuar lartë mbi Romën magjike 🤗🤗🤗

Deklarate publike

Sot është raportua për një artikull nga një portal lajmësh në të cilen pretendohet se Prokuria e Tiranës, përmes Ministrisë së Drejtësisë p***a kërkua prokurorisë së përgjithshme në Kosove se ku janë destinua mjetet e një huaje e marrur nga Mabco, pasiqë që Shqipëri p***an hyr vetëm 15 Milion EUR.

Fillimisht, ky deklarim bëhët në mosnjohurinë e plotë lidhur me vëprimet e pretenduara në artikullin. Prandaj, në qoftë se konfirmohen vëprime të tilla do të thellohet çasja dekonstruktive kundër Mabco-s:
1. Përderisa nuk rezultojnë progrese apo iniciativa të marrura për kallëzimet penale të parashtruar nga Mabco, në anën e kundërt qenkan ndërmarr vëprime.
2. z.Behgjet Pacolli dhe Emin Pacolli janë intervistua gjatë muajit Tetor 2025, po të ishte kërkua, Mabco me gjithë kënaqësinë do ja kishte dorëzua gjitha historiatet bankare.
3. Jo 15 Milion, as 43 Milion por mbi rreth 95 Milion EUR janë investua nga Mabco në projektin e VIA-s dhe këtë e kemi të audituar dhe konfirmuar nga auditor të huaj, andaj aludimi se Mabco p***a përdorur mjetet nga një financim privat për projekte jashtë VIA-s, jo vetëm se është i pasaktë por edhe i pakuptimt.
4. Mabco vetvetiu ka kërkua administratës tatimore të Shqipërisë të verifikoj gjithë gjendjen financiare, po ashtu edhe KNIHD
Prandaj, MABCO jo vetëm se ka qënë transparente, por në mënyrë të vazhdueshëm ka ftua dhe ka bërë thirrje për auditim dhe çertifikimin e prejardhjes së mjeteve të investua nga gjitha palët.
Në fund, MABCO shpreh shqetësimin dhe zhgënjimin e saj pas konstatimit që nga fitorja në Gjykatën e Lartë të dates 26.05.2026 "sulme, intimidime dhe vëprime kundërshtuese" janë ndërmarr nga institucionet shtetërore.
Pa asnjë problem!
Apeloj që çdo organ kompetent (kudo qoftë ai) të hetojë dhe verifikojë çdo levizje. Mabco nuk është një “kompani guackë”; është shoqëri milijardëshe, financat e saj janë të audituara dhe të verifikuara në dy nivele, me monitorim dhe kontroll në kohë reale.

Por paskem bërë nje gabim ndoshta 😇, qe nga kjo kredi nuk e financuam Valon Ademin, si ne rastet e mëparshme të kredisë së BKT kur ai ne bashkëpunim me Valon Llukën mori mbi 35 milion pagesa për “punët e kryera”, pa kontrollë dhe pa miratim të bordit te akcionerve. BP

Jeta dhe përvoja e gjatë më mësuan se goditjet pas shpine rrallëherë më kanë ardhur nga kundërshtarët. Ato më erdhën nga njerëz që i kam pasur pranë, nga ata të cilëve u kam besuar dhe me të cilët kam ndarë rrugëtimin.

Shumëkush, pas zhgënjimeve, padrejtësive dhe përpjekjeve për t'ia mohuar mundin e një jete, do të ndalej. Do ta humbiste energjinë duke u ankuar ose duke kërkuar hakmarrje.

Por unë kam zgjedhur një rrugë tjetër.

Të vazhdoj të ndërtoj. Të vazhdoj të krijoj. Të vazhdoj të hap dyer të reja, edhe kur dikush përpiqet t'i mbyllë ato.

Kam mësuar se përgjigjja më e mirë ndaj padrejtësisë nuk është dorëzimi, por puna. Jo ankesa, por rezultati. Jo urrejtja, por krijimi i vlerave të reja.

Në fund, zhurma shuhet. Zoti sjell drejtësinë dhe veprat mbeten.

Ditë të mbarë miqtë e mi të shtrenjtë!

Më falendërim dhe rrëspekt zhvillova një vizitë miqësore te Kryeministri i Kurdistanit, Dr. Masrour Barzani, në Erbil.
Në takim ishin prezent edhe përfaqësuesit e kompanive të grupit MPC si dhe Drejtuesit e MABETEX VERITAS Shakir dhe Ammer KHAFAJI nga Mishigan, USA. Kryeministri u njoftua mbi ecuritë e projektit dhe ndërtjerash u diskutua për qështje të ndryshme te interesit ekonomiko te dy vendeve tona, Kosove -Irak- Kurdistan. Në këtë okasion u shënua fillimi i fuqishëm i punimeve për ndërtimin e qytetëzës moderne “BOULEVARD”, ne MOSUL , kontratë kjo e “MABETEX VERITAS” nga Mishigan USA në bashkëpunim më kompaninë prestigjioze vëndore MPC. Pra, një projekt ambicioz që parashikon ndërtimin e 2,500 njësive banuese luksoze, të ndërtesave të larta, villave, së bashku me infrastrukturën përkatëse, një Shopping Center, qendra edukative, sportive dhe rekreative, si dhe hotelin luksoz Swiss Diamond Boutique Hotel me 250 dhoma. Pra, një projekt MË VLERË MBI 450 miljan EU që grupin MABETEX sëbashku me MPC vëndore e rirënditin këtë geup të ndermarrësive në piedistalin më të lartë të kësaj fushë. Ky projekt tani jetësohët si një nga projektet më të rëndësishme të zhvillimit urban dhe turistik në këtë rajon,
Këtu sfidat vazhdojnë!

AEROPORTI I VLORES,

Terminal dhe ndërtesat perrreth të kryara, ishim në fazen e pastrimit dhe dekorimit me gjelbrim kur më 18 maj na u mbyllën përfundimisht dyert – neve dhe nënkontraktorëve tanë. Nuk mundëm të hynim më.

Grupe jashtëligjore, me ndihmën e Policisë së Shtetit, na ndaluan hyrjen në një aeroport që e kishim ndërtuar me përkushtim, profesionalizëm, me mbi 310 miljan te angazhuar dhe dashuri për vendin.

Ne donim vetëm ta përfundonim dhe ta vinim në operim aeroportin. Gjithçka ishte pothuajse gati: terminali, infrastruktura, sistemet teknike, strukturat profesionale dhe menaxhimi ndërkombëtar nga Dublini.

Fituam edhe në Gjykatën e Lartë, e cila na dha të drejtë në të gjitha aspektet kryesore të çështjes. Megjithatë, edhe sot na thuhet se “pa vullnetin e qeverisë do të mbetemi jashtë”!

Jashtë aeroportit që kemi ndërtuar me mund përkushtim e dashuri!😡😡😡

Po…. Si po shkojn gjërat, e vertetë, deri tani?
….Ndërkohë, jemi zëvendësuar nga grupe të mbështetura nga interesat e GRUPE TE ERRËTA TE NDIHMUAR NGA DIKUSH!
Persona të paautorizuar hyjnë e dalin nga terminali, marrin materiale, dëmtojnë inventarin, vandalizojnë ambientet dhe, sipas informacioneve që marrim, madje tentojnë të disponojnë pasuri që nuk u përkasin e deri të sh*tja e e aseteve, pa prezencen tone!

Nga momenti kur po i shof deshmitë se persona të paautorizuar, prej më shumë se pesë muajsh, hyjnë dhe dalin nga terminali ( për ta sh*tur apo përvetësuar ilegalishtë atë), pa praninë dhe autorizimin e pronarit, më dhemb shpirti!😔
Ai terminal është ndërtuar me profesionalizëm, me mund, me përgjegjësi dhe me një kosto të jashtëzakonshme financiare. Ai terminal ka edhe nje Zot! Çdo hapësirë e tij mban gjurmën e punës së shumë qindra njerëzve dhe të një investimi të bërë me besim tek e ardhmja e Shqipërisë.

Tani këta njerëz jane të privuar madje të hynje dhe t’ju dalin zot mjeteve dhe instrumenteve të punës që jane të bllokuara me muaj!

“E kemi ndërtuar për të mirën e shqiptarëve, me shumë mund, sakrifica dhe para, jo për dikë tjetër.”

Ajo që po ndodh sot nuk është vetëm një padrejtësi ndaj neve apo ndaj kompanisë që përfaqësojmë.

Është një goditje ndaj sigurisë juridike, ndaj investimeve dhe ndaj besimit që çdo investitor duhet të ketë tek shteti dhe institucionet e tij.

Prokuroria e Tiranës hesht që nga shtatori, pa asnjë zhvillim në lidhje me kallëzimet dhe provat e paraqitura.

Gjatë një interviste në Prokurorinë Penale më është thënë një fjali qe më shqetëson për drejtësinë ne Shqipëri e këte do ta mbaj për vete deri në ditën kur të botoj librin tim të ardhshëm.

Sot apeloj, në emër të interesit publik, në emër të drejtësisë shqiptare dhe në emër të shtetit ligjor, që organet kompetente të veprojnë sa nuk është vonë. Kjo nuk është më një çështje private apo një konflikt biznesi. Kjo është një çështje e respektimit të ligjit, e zbatimit të vendimeve të formës së prerë të gjykatave dhe e mbrojtjes së një investimi strategjik për Shqipërinë.

Apeloj që të hetohen me seriozitet të gjitha veprimet e grupeve që kanë krijuar këtë situatë. Jo për hakmarrje, jo për konflikt, por për të vërtetën, për ligjin dhe për interesin publik. Aeroporti i Vlorës është ndërtuar me dashuri, me krenari dhe me bindjen se do t’i shërbejë qytetarëve shqiptarë dhe zhvillimit të vendit, e jo për qefet e interesat e askujt!

Kërkoj vetëm drejtësi, transparencë dhe mbrojtje nga grupet dhe bandat që, gradualisht, jo vetëm po tentojnë të përvetësojnë pronën tonë, por po cenojnë edhe të drejtën tonë themelore për SIGURI , dinjitet dhe mbrojtje ligjore.

Shpresoj që institucionet e shtetit të reagojnë, jo për mua (edhe pse me kërcnojnë) por për Shqipërinë, për rendin juridik dhe për besimin që qytetarët dhe investitorët duhet të kenë tek shteti e drejtësia.
😡😡😡

Kosovë, urime 27-vjetori i Çlirimit! 🇽🇰

Urime përvjetori i lirisë për çdo shqiptar dhe për çdo qytetar të Republikës së Kosovës!🇦🇱🇽🇰

Lavdi e përjetshme dëshmorëve të kombit dhe nderim të thellë për të gjithë ata që kontribuan dhe sakrifikuan për lirinë tonë.

Urime Ushtria Çlirimtare e Kosovës (UÇK), krenaria jonë!

DEKLARATË PUBLIKE

Situata në Aeroportin e Vlorës ka marrë përmasa alarmante dhe kërkon ndërhyrje të menjëhershme nga institucionet kompetente të Republikës së Shqipërisë.

Që prej datës 18 Maj 2026, punimet në Aeroportin e Vlorës janë penguar dhe bllokuar nga veprime të ndërmarra nga një grup personash, të cilat, sipas vlerësimit tonë, bien në kundërshtim me ligjin dhe me vendime gjyqësore të formës së prerë të Gjykatës së Apelit dhe të Gjykatës së Lartë.

Ky bllokim po shkakton dëme të konsiderueshme dhe të vazhdueshme ndaj interesit publik, ekonomisë kombëtare, komunitetit lokal dhe investitorit koncesionar MABCO, i cili ka marrë përsipër dhe vazhdon të përballojë i vetëm barrën financiare të projektit, me një investim dhe angazhim shumëvjeçar që tejkalon vlerën prej 310 milionë eurosh me anë të injeksione kapitale, punime dhe garanci financiare. Gjithashtu, vonesat në përfundimin dhe vënien në operim të aeroportit, të cilat burojnë drejtpërdrejt nga këto veprime penguese, po shkaktojnë pasoja serioze për zhvillimin ekonomik të rajonit dhe po dëmtojnë rëndë imazhin e Republikës së Shqipërisë si një vend i sigurt për investimet strategjike dhe për garantimin e shtetit të së drejtës.

Duhet të theksohet se vonesat në realizimin e projektit nuk burojnë nga investitori, por nga veprime dhe procedura që kanë sjellë nxjerrjen e një sërë vendimesh kontradiktore dhe të kontestuara juridikisht nga gjykata të shkallës së parë, të cilat, në praktikë, kanë penguar ekzekutimin e vendimeve të instancave më të larta gjyqësore. Kjo situatë ka krijuar pasiguri juridike dhe ka cenuar parimet themelore të hierarkisë së vendimeve gjyqësore dhe të sigurisë juridike.

Vendime të tilla, të mbështetura nga veprime të personave të caktuar dhe të formalizuara përmes akteve gjyqësore përkatëse, përbëjnë shkakun kryesor të dëmeve ekonomike të sipërpërmendura, ndërsa njëkohësisht cenojnë rëndë autoritetin e sistemit të drejtësisë, rendin kushtetues dhe besimin e publikut në funksionimin e shtetit ligjor.

Po aq shqetësues mbetet fakti se, në raste të caktuara, zbatimi i këtyre veprimeve është shoqëruar me përfshirjen e strukturave shtetërore në rrethana që kërkojnë verifikim dhe hetim të plotë institucional, me qëllim garantimin e ligjshmërisë dhe mbrojtjen e interesit publik.

Në këto rrethana, i bëjmë thirrje organeve kompetente të rendit, Prokurorisë dhe të gjitha institucioneve përgjegjëse që të ndërmarrin me urgjencë veprimet e nevojshme për zhbllokimin e punimeve, rivendosjen e ligjshmërisë, garantimin e zbatimit të vendimeve gjyqësore të formës së prerë dhe hetimin e plotë të çdo veprimi apo mosveprimi që ka kontribuar në krijimin e kësaj situate.

Çdo person që rezulton të ketë vepruar në kundërshtim me ligjin, të ketë shpërdoruar kompetencat e tij apo të ketë penguar zbatimin e vendimeve gjyqësore duhet të mbajë përgjegjësi në përputhje me legjislacionin në fuqi.

MABCO mbetet plotësisht e angazhuar për të bashkëpunuar me autoritetet shtetërore, duke vënë në dispozicion të tyre të gjithë dokumentacionin, provat dhe informacionin e nevojshëm për zbardhjen e plotë të fakteve dhe identifikimin e përgjegjësive përkatëse.

Shprehim besimin se organet ligjzbatuese dhe institucionet e drejtësisë do të veprojnë me profesionalizëm, paanshmëri dhe vendosmëri për të hetuar dhe zbardhur këtë rast të paprecedent, i cili ka shkaktuar dëme të rënda ekonomike, sociale dhe reputacionale, duke cenuar interesin publik, klimën e investimeve dhe besimin e qytetarëve në funksionimin e shtetit të së drejtës.

Narrativa e mbështetur nga “njerëz të fortë” rreth Delfosit është një GENJESHTËR e turpshme që ka krijuar huti në opinion dhe ka sherbyer si instrumet per GJYQETARË të caktuar që leshuan vendime gjyqesore të kunderligjeshme.

Këto veprime të jashtëligjeshme përveç dëmit të pariparueshëm që i kanë shkaktuar MABCO-s, komunitetit dhe shtetit, kanë tentuar gjithashtu të cenojnë rendin kushtetues dhe juridik të vendit. Organet përgjegjëse për luftimin e krimit duhet t’i hetojnë dhe t’i ndëshkojnë këto fenomene në përputhje me ligjin, për të mbrojtur shtetin e së drejtës dhe institucionet e tij.”

Ka diçka që më bën gjithmonë përshtypje në jetën publike shqiptare. Kaq shpesh, nuk është aq interesante ajo që thuhet, sa momenti kur vendoset të thuhet.

Për muaj me radhë dëgjuam të njëjtat spekullime, akuza, të njëjtat pretendime, të njëjtat teori, Delfos Delfos, Delfos. U thanë në studio televizive, në deklarata politike, në procese gjyqësore. Atëherë konsideroheshin thjesht pretendime të një pale në konflikt. Sot, papritur, po shfaqen si shqetësime institucionale edhe kur pretendimet morën përgjigjie shteruese nga Gjykata e Lartë. Pra, çdo biznesmen normal këtu ka të drejtën të pyesi veten se çfarë ka ndryshuar?

Sepse faktet ose janë të vërteta që në ditën e parë, ose nuk janë fare. Ato nuk bëhen të vërteta vetëm kur ndryshon zëri që i shqipton. Më habit gjithashtu edhe vetëm ideja se një investitor mund të vendosë barrë mbi të drejta që nuk i zotëron i vetëm. Në çdo marrëdhënie koncesionare ekzistojnë kufij të qartë. Askush nuk mund të disponojë atë që nuk është vetëm e tij. Aq më pak kur në mes qëndrojnë të drejta dhe interesa që i përkasin edhe shtetit. Kjo është e qartë si drita e diellit!

Prandaj, pyetja nuk është nëse dikush mund ta bëjë këtë. Pyetja është nëse mund ta bëjë pa miratimin e atyre që kanë pjesën e tyre të së drejtës? Dhe përgjigjja duket e qartë po në dritë të diellit. Çdo pretendim tjetër mbetet objekt i proceseve gjyqësore që vazhdojnë. Gjykatat janë vendi ku faktet provohen dhe ku pretendimet dhe spekullimet marrin ose humbasin vlerë juridike.

Por kur debatet juridike fillojnë të shndërrohen në "alarme publike", njeriu nuk mund të mos pyesë veten nëse shqetësimi i vërtetë është ajo që mund të ndodhë nesër, apo ajo që dikush dëshiron të arrijë pasnesër. Përgjigjet shteruese tona me shkrim duhet t'i japin fund spekullimeve të gjithkujt dhe në gojën e gjithkujt!

Koha zakonisht i jep përgjigjet që politika përpiqet t’i fshehë.

Vazhdojmë betejën tonë për Aeroportin e Vlorës. Dhe këtë betejë nuk do ta ndalim.

Prej gati një muaji, ndërtesat, terminali dhe asetet ku janë investuar mbi 100 milionë euro, së bashku me kolateralet financiare me vlerë mbi 210 milionë euro, mbahen të bllokuara në mënyrë të papranueshme nga grupe të caktuara, me mbështetjen e Policisë së Shtetit, pa asnjë vendim gjyqësor.

Kjo nuk është thjesht një çështje procedurale. Kjo është një goditje e rëndë ndaj pronës private, investimit dhe ndaj sigurisë juridike dhe ndaj vetë shtetit të së drejtës.

Ajo që e bën edhe më skandaloze këtë situatë është fakti se veprime të tentohen të mbulohen edhe përmes vendimeve gjyqësore të dyshimta, si në rastin e gjyqtares së Shkallës së Parë të Tiranës, znj. Miranda Nakaj, e cila ka nxjerrë vendime që bien hapur ndesh me ligjin dhe me vendimmarrjen e Gjykatës së Lartë.

Këto çështje nuk janë të reja. Ato janë shqyrtuar më parë nga Gjykata e Lartë, e cila i ka dhënë të drejtë të plotë kompanisë Mabco. Megjithatë, sot po veprohet sikur ligji nuk ekziston, sikur vendimet e Gjykatës së Lartë nuk kanë asnjë vlerë dhe sikur prona private mund të merret peng nga kushdo që ka forcë, lidhje apo mbështetje institucionale.

Pyetja është e thjeshtë dhe duhet t’i trondisë të gjithë:

Ku kemi arritur, o Zot?

Në çfarë gjendjeje është katandisur siguria juridike në Shqipëri?
Çfarë vlere ka ligji, kur nuk zbatohet?
Çfarë vlere ka Gjykata e Lartë, kur vendimet e saj sfidohen?
Çfarë garancie ka një investitor, kur mbi qindra miliona euro mund të bllokohen pa një vendim përfundimtar gjyqësor?

Kjo nuk është Shqipëria demokratike që pretendojmë të ndërtojmë.
Kjo është një alarm i madh për drejtësinë, për ekonominë dhe për çdo qytetar që beson ende se ligji duhet të qëndrojë mbi forcën.

Ne nuk do të heshtim. Nuk do të tërhiqemi. Dhe nuk do të lejojmë që Aeroporti i Vlorës të mbahet peng nga paligjshmëria.