Daily Toronto

NCCS is currently conducting a volunteer orientation session via Zoom as preparations for the 18th Himalayan Mela continue.

Are you excited for Himalayan Mela?🥳

Nepalese Canadian Community Services

सेनेका कलेजका प्राध्यापक खेम गुरागाईंको नयाँ पुस्तक Redefining Postcolonial Theory through Dalit and Adivasi Literature: Centring Marginalized Voices ले दक्षिण एसियाली समाज र साहित्यमा दलित तथा आदिवासी समुदायको सीमान्तीकरणमा जात व्यवस्थाको भूमिकामाथि चर्चा गरेको छ।

पुस्तकमा पोस्टकोलोनियल सिद्धान्तका सीमितता र त्यसले दलित तथा आदिवासी आवाजलाई पर्याप्त रूपमा समेट्न नसकेको विषयलाई विश्लेषण गरिएको छ। लेखकले ब्राह्मणवादी जात व्यवस्थाले दलित तथा आदिवासी समुदायलाई विस्थापन, वञ्चितीकरण र अमानवीकरणमा पार्ने प्रभावबारे विभिन्न साहित्यिक कृतिहरूको अध्ययन गरेका छन्।

दलित तथा आदिवासी साहित्य र अनुभवलाई केन्द्रमा राखेर लेखिएको पुस्तकले दक्षिण एसियाली साहित्य, पोस्टकोलोनियल अध्ययन तथा जात व्यवस्थासम्बन्धी बहसलाई नयाँ दृष्टिकोणबाट अघि बढाउने प्रयास गरेको छ।

खेम गुरागाईं क्यानाडाको टोरन्टोस्थित सेनेका कलेजमा अंग्रेजी तथा लिबरल स्टडिजका प्राध्यापक हुन्। उनले योर्क विश्वविद्यालयबाट अंग्रेजीमा पीएचडी तथा टोरन्टो मेट्रोपोलिटन विश्वविद्यालय र त्रिभुवन विश्वविद्यालयबाट अंग्रेजीमा स्नातकोत्तर गरेका छन्। उनका अनुसन्धानका मुख्य क्षेत्र दलित तथा आदिवासी/इन्डिजिनस साहित्य, जात व्यवस्था, सबाल्टर्न अध्ययन, क्रिटिकल रेस स्टडिज र डायस्पोरा अध्ययन हुन्।

“मेरो लागि व्रत नबस”

हरिया चुरा, रातो सारी
हात भरि लपक्कै मेहेन्दी
श्रावण महिना, नौ गेडी उनेको पोते
ओँठ भरि रातै लाली
सलक्क परेको कपाल, चाउचाउ झैँ बंग्याई
“बोल–बम् बोल–बम्” बर्बराउँदै
बाटाभरिका पुरुषहरुको रमिता बन्छौ
बाबाधाम् पुगी शिवजीको पूजा गरी
पुनः बोल बम् चिच्याउँदै घरमा आई
मिठामिठा परिकार बनाई खान्छौ
अनि फेरि फुर्ति लाउँछौ तिम्रै लागि व्रत बसेको
हेर, यस्तो ढर्रा र भ्रममा फस्दै नफस
भो प्रिय मेरो लागि व्रत बस्दै नबस ।

अबको केही दिनपछि भदौ आउँछ
तिम्रो व्रतको अर्को इपोसोड पुनः शुरु हुन्छ
एक दिने तिजको व्रतको लागि
एक महिने पार्टी शुरु गर्छौ
पालै पालो साथीकामा गइ डिनर खान्छौ
कम्मर भाँच्चिने गरी नाच्छौ, रमाइलो गर्छौ
काम लगाउदा “पिडौला कस्तो गल्या” भन्छौ
गहना–गुरिया, गोल्डेनको सारी
प्रदर्शन गर्ने अवसर पारी
थुतुनो चुच्चो पारी गरेको सेल्फी पोष्टको
लाइक र कमेन्ट छिनछिनमै गन्छौ

घरमा आइ
न छोराछोरी, न त श्रीमान तिर हेर्छौ
“कस्तो फनन्न घुमायो” भनि नचाहिदो स्वाङ पारी
थाकेको छु है भनी कोल्टे परी सुत्छौ
“ब्रतको दिन सक्दिन खाना बनाउन ”
उल्टै ङ्याङ ङयाङ गर्छौ
अनि पुनः तिम्रै आयुको लागि व्रत बसेकी भन्छौ
नाईँ प्रभु मलाई लामो आयु चाहिन्न
मलाई केवल तिमिसँग बाच्न पाए पुग्छ
हेर व्रतको जिद्दी अब कस्दै नकस
भो प्रिय मेरो लागि यो व्रत बस्दै नबस ...!

के औँसी, के एकादशी
म दिनभरि गोरु झैँ जोतिने
तिमी सत्सङ्गमा जान किरिम पाउडरमा पोतिने
आइतबार –सूर्य
सोमबार –शंकर
मंगलबार –गणेश...................
सात बारे सप्ताहमा सातै बार व्रत बस्छौ
देवताहरुको पूजाआजामा व्यस्त,
पाण्डाहरुको प्रवचनमै मस्त
आफु, घर सबै नै बिर्सिसक्यौ
हेर,
यस्ता नचाहिदो ब्रतको भ्रममा फस्दै नफस
आइन्दा प्रिय मेरो लागि व्रत बस्दै नबस ....!

तिम्रो यो धारावाहिक व्रत श्रृंखला देख्दा
हाम्रो सुन्दर घर भत्किनै लाग्दा
छोराछोरीले कतै तिम्रो मुहार बिर्सेलान्
घ्यु र नैबेधको गन्धले
छिमेकीले समेत पाखण्डीको पोइ भन्न थालिसके
बरु यो सब रोकी घर सम्हाल्न कम्मर कस
यो व्रतको अनिश्चित इपिसोडमा फस्दै नफस
भो प्रिय अबदेखि मेरो लागि व्रत बस्दै नबस ,
व्रत बस्दै नबस ....!

विस्तृत जानकारी कमेन्टमा

क्यानाडामा कार्यरत नेपाली मूलकी वैज्ञानिक डा. सङ्गीता धौभडेललाई सन् २०२६ को ‘गोल्ड हार्भेस्ट अवार्ड’ (Innovation category) प्रदान गरिएको छ।

उक्त अवार्ड क्यानाडाको Agriculture and Agri-Food Canada अन्तर्गत प्रदान गरिएको हो। डा. धौभडेलले सोयाबिन लगायतका बालीमा रोग प्रतिरोधात्मक क्षमता र बाली संरक्षणसम्बन्धी अनुसन्धानमा महत्वपूर्ण योगदान पुर्‍याउँदै आएकी छन्।

उनी लन्डन, ओन्टारियोस्थित अनुसन्धान केन्द्रसँग आबद्ध रहँदै बीउको गुणस्तर र रोग प्रतिरक्षा सम्बन्धी अनुसन्धानमा सक्रिय छिन्।

यस सम्मानले नेपाली वैज्ञानिकहरूले अन्तर्राष्ट्रिय स्तरमा पनि उल्लेखनीय योगदान दिन सक्षम रहेको पुष्टि गरेको छ।

लालीगुराँस स्पोर्ट्स एन्ड कल्चर क्लबको आयोजनामा ब्र्याम्पटनमा आयोजित तेस्रो नेपाल फेस्टिभल २०२६ भव्य रूपमा सम्पन्न भएको छ।

नेपाली कला, संस्कृति र समुदायलाई जोड्ने उद्देश्यले आयोजना गरिएको कार्यक्रममा विभिन्न सांस्कृतिक प्रस्तुति तथा गीत–संगीत कार्यक्रमहरू प्रस्तुत गरिएको थियो। कार्यक्रममा मुख्य कलाकारका रूपमा चर्चित नेपाली गायक खेम सेन्चुरीको विशेष प्रस्तुति रहेको थियो।

यस मेलाले क्यानाडामा नेपाली संस्कृति र पहिचान प्रवर्द्धनमा महत्वपूर्ण भूमिका खेलेको भनिएको छ।

Laligurans Sports and Cultural Club

२०२६ को FIFA विश्वकप हेर्न क्यानडा पुगेका ५ जना नेपालीले शरणार्थी (Asylum) का लागि आवेदन दिएका छन्। क्यानाडाको आप्रवासन, शरणार्थी तथा नागरिकता विभाग (IRCC) द्वारा सार्वजनिक गरिएको तथ्यांक अनुसार विश्वकपसँग सम्बन्धित भिसामा क्यानाडा प्रवेश गरेका नेपालीमध्ये पाँच जनाले शरण मागेका हुन्।

विवरणअनुसार घाना र चीनका २५–२५ जना, इजिप्ट र कोलम्बियाका १५–१५ जना तथा सेनेगल, नाइजेरिया र बंगलादेशका १०–१० जनाले शरण मागेका छन्। त्यस्तै, नेपाल, पाकिस्तान, बुरुन्डी र इक्वेडरका ५–५ जना यस सूचीमा परेका छन्।

सुदूरपश्चिम समाज क्यानाडाले आयोजना गरेको फिफा विश्वकप २०२६ फाइनलको लाइभ स्क्रिनिङ कार्यक्रममा नेपाली समुदायको भव्य जमघट भएको छ।

कार्यक्रममा सहभागीहरूले विश्वकप फाइनलको रोमाञ्चक खेलको सामूहिक अवलोकन गर्दै आपसी भाइचारा र सामुदायिक एकतालाई थप मजबुत बनाएका थिए। आयोजकका अनुसार खेलकुद समुदायलाई जोड्ने प्रभावकारी माध्यम भएकाले यस्ता कार्यक्रमले प्रवासमा रहेका नेपालीहरूबीच आपसी सम्बन्ध सुदृढ बनाउन महत्वपूर्ण भूमिका खेल्ने विश्वास गरिएको छ।

Sudurpaschim Samaj Canada - SSC

क्यानाडाको विन्डसरमा बस्दै आएका मोरङ निवासी नेपाली विद्यार्थी मनिक रत्न शाक्यको असामयिक निधन भएको छ। करिब दुई वर्षअघि विद्यार्थी भिसामा क्यानाडा आउनुभएका शाक्यको पार्थिव शरीर अन्तिम संस्कारका लागि नेपाल पठाउन आवश्यक आर्थिक सहयोग जुटाउने उद्देश्यले NRN क्यानाडाको पहलमा GoFundMe अभियान सुरु गरिएको छ।

Please scan the QR code to donate via GoFundMe.