Faycal Vlogs - lifestyle

فترة العشرينات
تلحق لوحد l'âge راح تتحط فيه فموقف عيان، انك تبدى تشوف هكا اقرانك نجحو، لي صاب خدمة و post شباب، لي هجر ، لي دار حرفة ونجح فيها، لي دار بيزنيس وراه يدخل دراهم، لي دار كاريار فكاش دومان تاع سبور ولا تمثيل ولا موسيقى ونجح..
راح تشوف الجميع لحق، وتخزر فروحك تلقى مزالك مدرت والو ،راح تجيك رغبة تدير كلش فوقت واحد، وهذا الشيء راح يزيد يشتتك كثر وتحس بضغط رهيب، واذا كنت داخل فعلاقة فالامر مأساوي لانو عندك وعد متقدرلوش على رقبتك والوقت راه يفوت ..
متقدرش تسيي كلش وراح تضطر تدير قرارات مصيرية وتضحي باشياء على حساب اخرى، وراح تفوت لحظات صعيبة في حياتك وكمية ستراس كبيرة
منيش نسربيلك فالحزن، مي هاذا للاسف الواقع المعاش.