Daniel Tiu Photography

Daniel Tiu is a professional commercial, landscape and wedding photographer based in Calgary.

Photos from Daniel Tiu Photography's post

02/25/2026

太陽不斷放電（粒子），地球嘅磁場不斷將電導向地球兩極，電撞向大氣層就開始發光，就像霓虹燈被通電一樣。

當粒子撞到：
低空的氧氣，會變綠色
高空的氧氣，會變紅色
氮氣，會變紫色 / 粉色

於是你看到天空像在跳舞一樣的光帶，這就是北極光😊

呢幾年其實係Calgary裏面睇到北極光嘅次數都好多，好似好容易睇到，唔使等到深夜去睇，亦都唔使走到郊外去睇，市區內都可以見到，但係喺郊外睇北極光梗係強好多啦！因為市區裏面有燈光污染。但係呢兩次都可以影到唔錯嘅作品。

10/16/2023

Calgary喺上一個weekend天氣超好，梗係唔好嘥咗咁好嘅天氣出去行吓，尤其喺加拿大最美嘅秋天，所以決定去Canmore。

朋友帶我哋去一個好容易行嘅trail，叫做Bow River Loop，好靚! 對山面河，圖片可見 (有圖有真相😆)，點可以唔影返幅相呢!

呢一個景冇黃葉睇，一啲秋天嘅感覺都冇，但係我都覺得呢個景係無敵嘅!

開心Share，希望你哋鍾意😁

11/04/2022

呢一張post係2014年影嘅，直到現時為止，呢一張油畫相都仲係print得最大的一張，32”x64”。無論呢一張相嘅Detail或者Quality，都係非常滿意嘅一張作品，亦都有好多clients喜歡呢一張作品，Order唔同size嘅油畫相擺喺家中，可以常常在加拿大望到香港夜景。

【相片背後】
相片攝於2014年在看港山頂上。影香港風景相，梗係影晚上，因為香港有東方之珠自稱。當天晚上天空出現特別嘅雲彩和紫色的顏色是因為在暴風雨前夕，再加埋香港嘅空氣污染，令到大廈啲燈光好似一條柱咁，直射上天，非常特別、非常壯觀。最好彩就係，可以清澈影到對面九龍嘅大廈和燈光，令到呢一幅相更加豐富、更加有層次、更加有色彩。

其實影相好多時都係靠天時地利人和，有最好嘅相機鏡頭，有攝影嘅技術，但係如果冇神俾你最好嘅時機和天氣，永遠都唔會影到好嘅作品。😊

10/15/2022

【相片背後】呢一幅作品攝影於2015年9月在Calgary的一個秋天拍攝，也是在一個好朋友的婚禮晚宴上拍攝，當時我望出窗外，嗰陣時係黃昏，黃葉+湖景+黃昏&+冇人… 個景真係超靚，冇理由唔出去影返幅靚相㗎！同老婆單聲，就即刻衝咗出去，就影咗呢張非常滿意嘅作品！📷

七年後望返呢一張相，都有返拍攝嗰一刻嘅感覺，湖水好靜又聽到雀仔聲，天氣又唔凍，好舒服。我記得嗰年係經濟衰退，我亦唔好彩俾人裁員，非常之唔開心，但係神就藉住呢一個咁安靜咁靚嘅地方，叫我一個人企喺湖邊去欣賞神嘅創造，好靜、冇煩惱… 感謝神🙏🏼 希望你睇呢一幅相嘅時候，都感受到我嗰一刻嘅感受😊

在今年2022年，有弟兄姊妹WhatsApp我，叫我去參加一個教會舉辦嘅攝影比賽，這是一個由加拿大基督教播道會搞嘅活動，感謝神我贏咗😱 多謝主耶穌基督俾咗呢一個機會我，亦多謝主俾我學識攝影😊 獎品唔重要，比其他人認同自己嘅作品先係最開心、最滿足😊 多謝大家嘅支持同鼓勵💪🏼

最佳圖片細節效果，請將Screen Brightness 調至到100%光度，Enjoy. 😀