Commune Rumonge

Ninde yamenye ino nzu? Iri he? Tubwire kahise kayo!

#𝗕𝘂𝗿𝘂𝗻𝗴𝗮: 𝗨𝗯𝘂𝗿𝗶𝗺𝘆𝗶 𝗻'𝘂𝗯𝘄𝗼𝗿𝗼𝘇𝗶 𝗯𝘄𝗮𝗿𝗮𝘁𝗲𝘆𝗲 𝗶𝗺𝗯𝗲𝗿𝗲 𝗸𝘂𝗯𝘄'𝘂𝗺𝘂𝗴𝗮𝗺𝗯𝗶 𝗣𝗔𝗗𝗔𝗡𝗘

Imiryango 154 000 niyo yafashijwe kwiteza imbere mu burimyi n'ubworozi biciye mu mugambi umaze imyaka irenga 5 ukorera mu makomine 21 harimwo 3 yo mu ntara ya , ariyo , na . Ni icegeranyo catanzwe kuri uyu wa 18/8/2026 na ajejwe gukurikirana ibikorwa vyo kugwiza umwimbu muri uwo mugambi. Yabishikiririje ku murwa mukuru w'intara ya Burunga, mu ruganda rwateguwe n'ishirahamwe mpuzamakungu ( ryitaho iterambere ry'abenegihugu) mu ntumbero yo gushikiriza ivyaranguwe m'umugambi PADANE no kurabira hamwe ingene ivyo bikorwa vyobandanya inyuma yo kurangira kw'uwo mugambi.

Muri urwo ruganda rwuguruwe ku mugaragaro na Buramatari w'intara ya Burunga maze rwitabirwa n'indongozi mu bisata, mu ntwaro na bamwe mu bafashijwe na PADANE mu ntara ya Burunga, yakengurutse intambwe ishimishije uwo mugambi washikanyeko abarimyi n'aborozi bo mu ntara aramutswa maze aca ahamagarira abitavye bose urwo ruganda kuguma bakorera mu runani kugira ngo ivyamwa vya PADANE birushirizeho gusasagara mu miryano yose igize intara ya Burunga.

wo muri zone ya komine Rumonge arakenguruka intambwe agezeko kubw'umugambi PADANE. Uyo mworozi w'inkoko amenyesha ko ubu ari ku rugero rwo kworora inkoko zirenga 2000.

Umugambi PADANE washizwe mu ngiro mu Burundi n'ishirahamwe mpuzamakungu SNV kuva mu mwaka wa 2021 ku buryo butangwa n'igihugu ca . Hambavu yo guteza imbere uburimyi n'ubworozi, SNV yaranigishije imiryango ivyo gufungura neza, gukorana n'amabanki,...ifashanije n'imigambi , , , na . Umugambi ukaba uzosozera ibikorwa vyawo kw'igenekerezo rya 31/12/2026.

#𝗞𝗶𝗴𝘄𝗲𝗻𝗮: 𝗜𝗻𝗸𝗮 𝘇'𝗶𝗻𝗴𝗶𝘀𝗵𝗶 𝘇𝗶𝗿𝗶𝗸𝗼 𝘇𝗶𝗿𝗮𝗰𝗶𝗯𝘄𝗮 𝗶𝗵𝗮𝗱𝗮𝗯𝘂

Inka z'ingishi hamwe n'iziyerereza zirenga 30 nizo zimaze gucibwa amafaranga 15 000 ku nka (Ihadabu ry'amafaranga 10 000 hamwe n'ikori ry'umwaka ry'amafaranga 5 000).

Iryo sekeza ryatanguye kuri uyu wa 14/8/2026 inyuma y'uko ikiringo co gusubiza izo nka iyo zavuye cari catanzwe n'indongozi za komine kirangiye. Mw'itangazo yasohoye kuri uyu wa 10/8/2026, Musitanteri yahamagarira aborozi kwubahiriza ingingo ya Reta yo kwororera mu mpongore hatarenze kuri uyu wa 13/8/2026 mu ntumbero yo gukingira abarimyi bidoga ko indimo zabo zidasiba kwonwa n'inka z'ingishi hamwe n'iziyerereza. Zone ikaba ariyo ivugwamwo cane ico kibazo.

Hambavu yo guhana aborozi batubahiriza ingingo ya Reta yo kwororera mu mpongore, mu Kigwena hariko haranahanwa abantu bose bafise amayengero arekurira iminyemwe mu migezi yisuka mu kiyaga .

Tubibutse ko izi ngingo ziriko zija mu ngiro zapfundikiwe mu nama zibiri; iy'abakorera mu gisata c'ibidukikije, uburimyi n'ubworozi hamwe n'inama y'umutekano, zompi zabaye muri ino ndwi turiko turasozera.

𝗠𝘂 𝗥𝘂𝗺𝗼𝗻𝗴𝗲 𝗵𝗮𝗿𝗮𝗻𝗴𝘄𝗮 𝗮𝗺𝗮𝗵𝗼𝗿𝗼 𝗻'𝘂𝗺𝘂𝘁𝗲𝗸𝗮𝗻𝗼; 𝗶𝗺𝗶𝗴𝗮𝗺𝗯𝘄𝗲 𝗶𝗯𝗮𝗻𝘆𝗲 𝗻𝗲𝘇𝗮 𝗵𝗮𝗴𝗮𝘁𝗶 𝘆𝗮𝘆𝗼 !

Abaserukira imigambwe yemewe n'amategeko ikorera muri komine Rumonge, nka , , , na , barashima umubano uri hagati y'imigambwe itandukanye mu Rumonge n'uburyo intwaro ku rwego rwa komine yama ibahuza biciye mu kubatumira mu manama y'umutekano n'iterambere.

Izo ndongozi zabigaragarije mu nama y'umutekano yakoreshejwe na Musitanteri kuri uyu wa 11/8/2026. Muri iyo nama, abarongoye amazone yose 13 n'inzego zose zijejwe umutekano muri komine Rumonge bose bamenyesheje ko muri rusangi komine itekanye ndetse ko abenegihugu bari ku kivi biteza imbere.

Inyuma yo guhanahana ivyiyumviro ku buryo bwo gukomeza kubumbatira amahoro n'umutekano muri komine , abitavye iyo nama bose bapfundikiye hamwe ingingo zikurikira:

1. Nta moto itagira imparati irekuriwe kuja mw'ibarabara-abarongoye amazone basabwa gukurikirana ko amamoto yo mu mazone baramutswa akora yisunze amategeko;

2. Gusuzuma no gukurikirana uruja n'uruza mu mazu yakira ingenzi;

3. Gutegura ibikorwa vy'uwakane wahariwe ibidukikije kuri buri mutumba;

4. Hatarenze igenekerezo rya 25/8/2026 abarongoye amazone basabwa kuba batanze icegeranyo c'amahera yo kugura amabati ya bantahonikora begeranije;

5. Gushiraho komite ku mitumba ijejwe guhagararira indero y'urwaruka no kurwanya abana bagenda ijoro;

6. Kwubahiriza ibiciro vy'ibinyobwa vya mu gusuzuma ko abadandaza bamanitse impusha bakorerako. Gushika igenekerezo rya 20/8/2026 abarongoye amazone bazobe batanze icegeranyo ;

7. Gukingira no kubungabunga amabarabara mu kwimba ibinogo bijamwo amazi y'imvura ava ku mazu;

8. Gushiraho kuri buri mutumba komite ijejwe gukinga imiriro ya nyakanga no kurwanya ibiyigira;

9. Gutanga icegeranyo kuri buri mutumba c'abantu bakoresha abana kugira ngo bahanwe hama abo bana basubizwe kw'ishure;

10. Guhana abantu basibanganya imikobeko mu kubategeka kuyisibura hama bagacibwa ihadabu;

11. Guhana abantu batagira nyabarega;

12. Kwigisha abenegihugu gukoresha ifumbire ya nyabarega;

13. Kwigisha abenegihugu kworora inzuki n'amafi;

14. Imbere yo gupanga itanure umuntu abwirizwa kwerekana inkwi azoturiza;

15. Kugwanya inka z'ingishi;

16. Gutera ikibira gishasha mu Rumonge ;

17. Guca amande y'amafaranga 500 000 abantu basuka iminyemwe mu migezi bongere bahabwe ukwezi kugira babe bimvye ibinogo bijamwo iyo ntabire;

18. Inzego zitandukanye zihamagarirwa gukorana mu ntumbero yo kubumbatira amahoro n'umutekano kuko ari karahara mu ruganda ntibacura, kurwanya ibiturire, urudandazwa rwa magendo,... ;

19. Igipolisi gitegure amasuzuma yo kuraba ko abenegihugu bose bafise kandi bakoresha udukaye tw'ingo n'imiryango;

20. Mu gisata c'indero bahamagarirwa kwaka impapuro z'amavuko abana hakiri kare (Bagitanguye ishure) mu kwirinda ko ziteba kuboneka abana bageze mu mwaka w'icenda;

21. Gukurikirana uruja n'uruza ku kivuko ca .

Muri iyo nama, bamwe mu barongoye imigambwe yemewe n'amategeko basavye ko indongozi ku mitumba zokurikiranwa neza kuko ngo hari igihe batoza amahera nk' 1000 buri rugo ngo n'ayo gukora amazi yagize ikibazo mu gihe ico kibazo cokemurwa gusa n'ibihumbi nka 5000; bibaza iyo ayarenzeko aca aja. Kuri ico kibazo, Musitanteri MINANI Augustin yamenyesheje ko atamuntu n'umwe arekuriwe gutoza amahera abenegihugu adafise uruhusha rwa Musitanteri.

𝗚𝘂𝘁𝗲𝘇𝗮 𝗶𝗺𝗯𝗲𝗿𝗲 𝘂𝗯𝘂𝗿𝗶𝗺𝘆𝗶 𝗻'𝘂𝗯𝘄𝗼𝗿𝗼𝘇𝗶 𝗯𝗶𝘀𝗮𝗯𝗮 𝗸𝗼 𝗶𝗻𝘁𝘄𝗮𝗿𝗼 𝗸𝘂 𝗺𝘂𝘁𝘂𝗺𝗯𝗮, 𝗮𝗯𝗮𝗳𝘂𝗻𝗱𝗶 𝗯'𝗶𝗻𝗱𝗶𝗺𝗼 𝗻'𝗮𝗯𝗮𝗿𝗶𝗺𝘆𝗶-𝗯𝗼𝗿𝗼𝘇𝗶 𝗯𝗮𝗸𝗼𝗿𝗲𝗿𝗮 𝗺𝘂 𝗿𝘂𝗻𝗮𝗻𝗶

Abakorera mu gisata c'ibidukikije, uburimyi n'ubworozi bahamagarirwa kuva mu biro bagasanga abarimyi n'aborozi ku kivi kugira ngo babakurikiranire hafi mu bikorwa vyabo vya minsi yose gutyo umwimbu muri ico gisata urushirizeho kwiyongera. Ni ubutumwa bwatanzwe na Musitanteri , mu nama yo ku muhingamo wo kuri uyu wa 10/8/2026.

Muri iyo nama, Musitanteri yashimye ibimaze kurangurwa muri ico gisata; nko gutegura amatuta y'ibiti, guca imikobeko no guhimiriza abenegihugu kwimba nyabarega no kuzikoresha neza,....

Inyuma yo guhanahana ivyiyumviro ku ntambamyi zihanze ico gisata hamwe n'uburyo zotorerwa umuti urama, iyo nama yapfunditse ibi bikurikira:

1. Indongozi ku mitumba zisabwa kwama ziha ijambo abafundi b'indimo mu makoraniro kugira bamenyeshe abenegihugu ibiba bigezweho mu gisata c'ibidukikije, uburimyi n'ubworozi;

2. Guca ihadabu ry'amafaranga 500 000 abantu basuka iminyemwe mu migezi bongere bategekwe kwimba ibinogo bijamwo iyo ntabire mu kiringo c'ukwezi;

3. Umurimyi asibanganije imikobeko ategerezwa guhagarikwa, agacibwa ihadabu hama agatako akanasibura iyo mikobeko. Uwo bapimiye ntace imikobeko nawe acibwa ihadabu hama agatako agaca iyo mikobeko;

4. Abafundi b'indimo ku mitumba basabwa gukorana n'intwaro kugira abanyeshure bari mu buruhuko bafashe mu guca imikobeko mu matongo ya Reta;

5. Gushiraho kuri buri mutumba komite ijejwe kurwanya imiriro ya Nyakanga n'ibiyigira;

6. Gukingira ikiyaga Tanganyika: Hagiye gutunganywa inama rukokoma mu ntumbero yo guteza imbere uburovyi;

7. Igisata muvyo kijejwe harimwo ibidukikije bagiye kunonosora umugambi wo gutera ikibira gishasha mu Rumonge (Forêtartificielle);

8. Kwigisha abenegihugu kugwiza uturima two mukigo;

9. Kwigisha abarimyi kwimba nyabarega no kuzikoresha neza kugira baronke ifumbire;

10. Kwigisha abenegihugu kwijukira ubworozi bw'amafi;

11. Kwigisha abenegihugu kworora inzuki;

12. Gutanga icegeranyo c'iterambere ry'umugambi wa Reta wo kwokoreranira inka. Ku mitumba itari mike havugwa ko inka zatanzwe zoba zitakihari;

13. Gutuza muri komine Rumonge, cane cane muri zone , inka zigisha;

14. Abantu baturira amatafari babwirizwa kubanza kwerekana inkwi bazokoresha imbere yo gupanga amafuru. Aha benshi batungwa agatoke ko baja kwiba ibiti mu mashamba akingiye.

Hambavu y'abafundi b'indimo n'abaganga b'ibitungwa bari basanwze mu mazone n'imitumba igize komine Rumonge, muri iyo nama vyemejwe ko buri zone iheruka kuronswa abaganga b'ibiterwa 2; abarimyi bahamagarirwa kubitura mu gihe ibiterwa vyabo birwaye canke biketse ko bishobora kugwara.

𝗜𝗺𝗶𝗳𝘂𝗸𝗼 𝘆'𝗶𝘀𝗶𝗺𝗮 𝗶𝗿𝗲𝗻𝗴𝗮 𝟲𝟬𝟬 𝗻𝗶𝘆𝗼 𝗨𝗺𝘂𝗿𝘆𝗮𝗻𝗴𝗼 𝘄𝗮
𝗕𝗲𝗻𝗲 𝗦𝗮𝗺𝘂𝗿𝗮𝗴𝘄𝗮 𝘄𝗮𝘀𝗵𝗶𝗴𝗶𝗸𝗶𝗷𝗲 𝗶𝗯𝗶𝗸𝗼𝗿𝘄𝗮 𝘃𝘆'𝗶𝘁𝗲𝗿𝗮𝗺𝗯𝗲𝗿𝗲𝗿𝘂𝘀𝗮𝗻𝗴𝗶 𝗯𝗶𝗿𝗶𝗸𝗼 𝗯𝗶𝗿𝗮𝗿𝗮𝗻𝗴𝘂𝗿𝘄𝗮 𝗺𝘂 𝗥𝘂𝗺𝗼𝗻𝗴𝗲

Amakomine yose 7 agize intara ya atumirirwa kuja mw'ihiganwa ry'ibikorwa biganisha ku mbonakazoza y'intara yifashe mu 2040, iteye imbere mu 2060. Ni ubutumwa Buramatari w'intara ya Burunga, yahaye indongozi kuri uyu wa 8/8/2026 inyuma y'ibikorwarusangi vyo kwubaka igisenge c'igorofa yo kw'ishureshingiro ya iri mu gisagara ca . Ivyo bikorwarusangi bikaba vyatewe iteka n'abagize umuryango wa mu . Buramatari yamenyesheje ko ayandi makomine akwiye gufatira akarorero kuri komine Rumonge kuko ifata ikibanza ca mbere mu makomine yitunganije neza haba muvy'ubutunzi no mu bikorwa vy'iterambere rusangi; ngo ninaco gituma agakemanyi k'umuryango wa Benesamurarwa katumbereye muri mu Rumonge.

arongoye umuryango wa Benesamurarwa ku rwego rw'igihugu, yamenyesheje ko uwo muryango uriko ugendera intara zose 5 zigize u mu ntumbero yo gushigikiza intwaro ibikorwa. Iyo ndongozi ikaba yaciye ishikiriza Buramatari w'intara ya Burunga na Musitanteri wa komine Rumonge agakemanyi k'imifuko y'isima 670 izofasha mu kubandanya kwubaka igisenge c'igorofa yo kw'ishureshingiro ya Mugweji, muri karitiye .

Yaba Musitanteri wa komine Rumonge, , mw'ijambo ryiwe ry'ikaze canke Buramatari mw'ijambo nyamukuru ry'urubanza, bompi bakengurukiye Umuryango wa Benesamurarwa ku ntererano badahengeshanya gutanga mu gushigikira ibikorwa vy'iterambere mu ntara ya Burunga, cane cane muri komine Rumonge. Izo ndongozi zanashimiye muri rusangi abenegihugu bose bo mu Rumonge kukuba basidukanye n'iyonka mu kwitabira ivyo bikorwa vy'iterambere rusangi.

Ibikorwa vy'umuryango wa Bene Samuragwa mu Rumonge vyarangijwe no kugendera ikibanza c'iratiro c'amazi y'amashuha yo ku , muri zone .

𝗚𝘂𝘁𝘂𝘇𝗮 𝘂𝗯𝘂𝘀𝘂𝗺𝗮 𝗯𝘄'𝗶𝗺𝗶𝘁𝗶 𝗺𝘂 𝗺𝗮𝘃𝘂𝗿𝗶𝗿𝗼 𝗻'𝗶𝗯𝗶𝘁𝗮𝗿𝗼 𝗵𝗮𝗺𝘄𝗲 𝗻𝗼 𝗸𝘄𝗮𝗸𝗶𝗿𝗮 𝗻𝗲𝘇𝗮 𝗮𝗯𝗮𝗿𝘄𝗮𝘆𝗶 𝗻𝗶 𝘇𝗶𝗺𝘄𝗲 𝗺𝘂 𝗻𝘁𝗮𝗺𝗯𝘄𝗲 𝘇𝗼𝘁𝘂𝗺𝗮 𝗶𝗴𝗶𝘀𝗮𝘁𝗮 𝗰'𝗮𝗺𝗮𝗴𝗮𝗿𝗮 𝘆'𝗮𝗯𝗮𝗻𝘁𝘂 𝗴𝗶𝘁𝗲𝗿𝗮 𝗶𝗺𝗯𝗲𝗿𝗲

Abakozi bose bo mu gisata c'amagara y'abantu muri komine bahamagarirwa gutonda kare ku kazi, gusenyera ku mugozi umwe, gukunda igihugu hamwe n'abenegihugu bavura. Ni zimwe mu mpanuro batekerewe na Musitanteri mu nama yakoranye n'abo kuri uyu wa 3/8/2026 mu ntumbero yo kumenya ibibazo bihanze ico gisata c'amagara y'abantu hamwe no gutorera hamwe umuti urama.

Bimwe mu bibazo vyashikirijwe ko bihanze igisata c'amagara y'abantu ni amazu adandaza imiti ( ) ashaka gukora nk'amavuriro mu gihe akazi kayo ari kudandaza gusa imiti bisunze impapuro umurwayi akuye ku bitaro ( ), ama pharmacies akora atampapuro zemewe n'amategeko afise canke agakoresha iza magendo, ubusuma bw'imiti muma hamwe no mu mavuriro ikajanwa kudandazwa mu bigenga ( ), abavuza imiti k**a batembera mu bice bitandukanye bemeza abenegihugu ko bavura indwara zose (Kandi bidashoboka)hamwe n'ivyumba vy'amasengesho vyakira abagwayi aho kubarungika ku bitaro.

Inyuma yo guca hirya no hino ivyo bibazo hamwe n'izindi ntambamyi zashikirijwe n'abakorera mu mavuriro ya Reta, ayigenga, ayegamiye amadini, abavuza imiti k**a hamwe n'abadandaza imiti ( ), iyo nama yari irongowe na Musitanteri yapfunditse ibi bikurikira mu ntumbero yo guteza imbere ico gisata c'amagara y'abantu :

✅1. Hashinzwe umugwi, muri buri zone, ugiye gusuzuma amazu yose adandaza imiti ( ) kugira ngo abakora ataburenganzira bafise hamwe n'abafise impapuro za magendo bugarirwe. Uwo mugwi uzoba ugizwe n'umukuru wa zone, hamwe n'indongozi 3 zo mu gisata c'amagara y'abantu ku rwego rwa komine, akarere k'ubuvuzi no muri zone;

✅2. Mu kiringo kitarenze ukwezi (Kugeza le 5/9/2026), igisata c'amagara y'abantu muri komine kigiye kwegeranya ibiharuro, ku mitumba yose, vy'ingo zitagira utuzu twa surwumwe. Inyuma y'iyo rusansuma hazobaho guhimiriza abadafise ubwiherero kugira nabutegekanye kandi babukoreshe neza maze abazokwica amatwi bahanwe;

✅3. Gushengeza imbere y'ubutungane abaganga batanga ibiharuro bitarivyo hamwe n'abanyuruza imiti igenewe kuvura abenegihugu bakaja kuyigurisha ku bigenga;

✅4. Abarogoye uburere bw'ubuvuzi biyemeje gukurikiranira hafi uko uburyo bw'ibitaro n'ama bukoreshwa mu ntumbero yo kurwanya isesagurwa n'inyuruzwa ry'ubutunzi bwa Reta;

✅5. Hagiye gushingwa umugwi wiga ukongera ukanonosora uburyo komine yoshira mu ngiro umugambi wo kuronsa buri zone imodoka ya Rusehabaniha hatarenze mu mwaka w'amafaranga uza;

✅6. Kwakira neza abarwayi bitura amavuriro n'ibitaro bitandukanye;

✅7. Ntamiti idandarizwa mw'ibarabara; iyi ngingo iraba abadandaza imiti k**a bagenda barasemerera mu binyamajwi. Abarongoye amazone bahamagarirwa kubahagarika bagahanwa. arongoye akarere k'ubuvuzi ka Rumonge ahamagarira abavuza imiti k**a bafise impusha gutunganya neza aho bakorera no kuhamenyekanisha kugira ngo boroherwe kubagendera no gukorana nabo.

✅8. Ama pharmacies abwirizwa gukora yisunze amategeko ayagenga_Adandaze imiti yisunze Ordonnance_médicale; yirinde gusubirira amavuriro;

✅9. Intwaro yiyemeje guhimiriza abadandaza bo mu Rumonge ngo bijukire gusohora facture électronique yemewe na kugira ngo abo mu buzi bwa Reta (Cane cane Amavuriro n'ibitaro) baroherwe kugura ibikoresho bakenera. Mwomenya ko benshi mu badandaza batungwa agatoke ko banka gutanga inyemezabuguzi yemewe na OBR kandi isabwa iyo amahera ya Reta akoze mu kugura ibintu;

✅10. Abagenduzi mu gisata c'amagara y'abantu basabwa kuja kukivi, bak**a bamenyesha intwaro ibikorwa bateguye ndetse n'inyuma y'ivyo bikorwa ivyegeranyo bigashikira Musitanteri kugira ngo yame azi intambwe ziriko ziraterwa mw'iterambere ry'gisata c'amagara y'abantu;

✅11. Gusinya contrats de performance mu gisata c'amagara y'abantu.

Mwomenya ko bimwe mu bisabo vy'abavuza imiti k**a bitavye iyo nama ari uko amavuriro n'ibitaro vyoza birabarungikira abarwayi bigaragaye ko bovurwa n'imiti k**a nk'uko ngo nabo babikora iyo bakiriye umuntu babona ko arwaye indwara yo kwa muganga.