Edappalayam Bahrain Chapter

പ്രിയ ഇടപ്പാളയം കുടുംബാംഗങ്ങളേ, സുഹൃത്തുക്കളേ...🤝❤️

പ്രവാസത്തിന്റെ വിരസമായ തിരക്കുകൾക്കിടയിലും, കട്ടൻചായയുടെ മധുരത്തിനൊപ്പം ഗൃഹാതുരത്വം ഉണർത്തുന്ന നാട്ടുവിശേഷങ്ങളും പങ്കുവെച്ച് നമ്മുടെ 'ടീ Talk - നാട്ടാരൊത്ത്' രണ്ടാമത് ഒത്തുചേരൽ ഒട്ടേറെ മനോഹരമായ ഓർമ്മകൾ സമ്മാനിച്ച് വിജയകരമായി സമാപിച്ചു .

കടൽക്കാറ്റേറ്റ് ടുബ്ലി വാക്ക്‌വേയിൽ ഒത്തുകൂടിയ ആ കൊച്ചു സദസ്സിൽ നാട്ടിലെ പഴയ ചായക്കട ഓർമ്മകളും പ്രവാസത്തിലെ പലതരം അനുഭവങ്ങളും പങ്കുവെക്കാനും, ഒപ്പം ചൂടുചായയും പലഹാരങ്ങളും ഒന്നിച്ച് ആസ്വദിക്കാനും നമുക്ക് സാധിച്ചു.

ഈ പ്രോഗ്രാമിന്റെ ഭാഗമായി നമ്മുടെ മെമ്പർഷിപ്പ് ടീം ഇരുപതോളം (20) അംഗങ്ങളെ നേരിട്ട് വിളിച്ചിരുന്നു , ഇതിന്റെ പിന്നണിയിൽ ആത്മാർത്ഥമായി പ്രവർത്തിച്ച നമ്മുടെ മുഴുവൻ ടീം അംഗങ്ങൾക്കും, പരിപാടിയിൽ പങ്കെടുത്തു വിജയിപ്പിച്ച പ്രിയ കൂട്ടുകാർക്കും ഹൃദയം നിറഞ്ഞ നന്ദി രേഖപ്പെടുത്തുന്നു. ❤️🤝

കൂട്ടായ്മയുടെ ഈ ആവേശം ഒട്ടും ചോരാതെ തന്നെ, നമ്മുടെ അടുത്ത 'ടീ ടോക്ക്' ഒത്തുചേരൽ മനാമയിലെ മനോഹരമായ ഗുദൈബിയ അൻഡലൂസ് ഗാർഡനിൽ വെച്ച് നടത്തുവാൻ തീരുമാനിച്ചിരിക്കുന്നു.

തീയതി: 22/05/2026 (വരുന്ന വെള്ളിയാഴ്ച)

സമയം: വൈകുന്നേരം 4:30 മണി മുതൽ

ലൊക്കേഷൻ: അൻഡലൂസ് ഗാർഡൻ, ഗുദൈബിയ

മനാമ, ഗുദൈബിയ, ജുഫൈർ എന്നീ ഏരിയകളിൽ താമസിക്കുന്ന നമ്മുടെ മുഴുവൻ കുടുംബാംഗങ്ങളും, ഒപ്പം വരാൻ സാധിക്കുന്ന മറ്റ് ഏരിയകളിലെ അംഗങ്ങളും ഈ ഒത്തുചേരലിൽ പങ്കടുക്കണമെന്ന് സ്നേഹത്തോടെ അഭ്യർത്ഥിക്കുന്നു.
നമ്മുടെ ഓരോരുത്തരുടെയും ഹൃദ്യമായ സാന്നിധ്യമാണ് ഈ കൂട്ടായ്മയുടെ യഥാർത്ഥ കരുത്തും ഭംഗിയും. ഈ ഒത്തൊരുമ നിലനിർത്താൻ, വരും ഒത്തുചേരലുകളിലും നിങ്ങളുടെ എല്ലാവരുടെയും സജീവമായ പങ്കാളിത്തം ഉണ്ടാകണമെന്ന് വിനയപൂർവ്വം അപേക്ഷിക്കുന്നു.

സ്നേഹത്തോടെ, ❤️

Membership and Privilege Team

പ്രവാസ ലോകത്ത് കുടുംബബന്ധങ്ങളിൽ പ്രത്യേകിച്ച് മാതാപിതാക്കളും കുട്ടികളും തമ്മിലുള്ള ആശയവിനിമയം കുറയുന്ന സാഹചര്യത്തെക്കുറിച്ച് പ്രമുഖ മാനസികാരോഗ്യ വിദഗ്ധ ശ്രീമതി സ്വാതി ഇടപ്പാളയം അംഗങ്ങൾക്കായി തന്റെ അറിവുകളും നിർദേശങ്ങളും പങ്കുവെക്കുന്നു.