SUP.VC

🎯Bolt Akselerator Demo Day uğurla başa çatdı!

SUP.VC və Bolt-un birgə təşkilatçılığı ilə həyata keçirilən Bolt Akselerator proqramının Demo Day tədbiri 19 dekabr 2025 tarixində Radisson Hotel-də baş tutdu.

💡Azərbaycanda ilk dəfə sürücü və kuryerlərə yönəlmiş bu unikal proqramda 20 finalist öz startaplarını investorlar və münsiflər heyəti qarşısında təqdim etdi. 12 həftəlik intensiv təlim və mentorluq mərhələsindən sonra mobillik və şəhər infrastrukturu sahələrində innovativ həllər təqdim edildi.

20 finalist arasından ən innovativ və perspektivli layihələr seçilərək aşağıdakı kateqoriyalarda mükafatlandırıldı:

🥇 1-ci yer (10,000 AZN): Abdulla Bəşiroğlu - Stride (Website:https://tutor.stride.az/product-demo)

🥈 2-ci yer (7,000 AZN): Gülnar Kazımzadə - Çöldəki Dayəm (Website:https://coldeki-dayem.labrin-account.workers.dev/)

🥉 3-cü yer (4,500 AZN): Mirhüseyn Cavadzadə - YEDDİ (Website:https://foodrescue-demov2.netlify.app/)

Şirin Allahyarov - Yelləncəklər
(Website:4https://sites.google.com/view/yellencekler/ev)

Etibar Əliyev - SƏS
(Website: https://sdm.lovable.app/)

🏅 4-cü yer (3,000 AZN): Vəfa Əsgərova - Lady Drive
(Website:https://lady-drive.labrin-account.workers.dev/)

Vaqif Hüseynov - CityCars
(Website: https://citycar-pilot.lovable.app/auth)

Bu uğurlu təşəbbüsə dəstək olan bütün mentorlara, jüri üzvlərinə və iştirakçılara təşəkkür edirik!

🌐 SUP.VC olaraq 10 illik fəaliyyətimiz ərzində ekosistemdə həyata keçirdiyimiz layihələr və həm startaplar, həm də korporativ tərəfdaşlarımız üçün yaratdığımız dəyər barədə məlumatlar təkmilləşdirilmiş platformamızda öz əksini tapıb. Geridə qoyduğumuz onilliyin fəaliyyət xronikası və davam edən təşəbbüslərimizlə yaxından tanış olmaq üçün sup.vc ünvanına daxil ola bilərsiniz.

🚀 SUP.VC ‘‘Accredited Business Incubator’’ (ABI) sertifikatına layiq görülüb!

📈 Azərbaycanda startap ekosisteminin inkişafı, yerli layihələrin qlobal bazara inteqrasiyası və innovativ sahibkarlıq imkanlarının genişləndirilməsi istiqamətində fəaliyyət göstərən SUP.VC növbəti uğura imza atmışdır.

🏆 Şirkətin idarəçiliyi altında fəaliyyət göstərən “Innostart” biznes inkubatoru, innovasiya sahəsində qlobal standartları müəyyən edən nüfuzlu Global Innovation Institute (GInI) tərəfindən rəsmi qiymətləndirmədən keçərək “Accredited Business Incubator (ABI)” statusuna layiq görülmüşdür.

⭐ İnnovasiyaya ilə keçən 10 il

🎯 SUP.VC olaraq, artıq 10 ildir ki, Azərbaycanın innovasiya və startap ekosisteminin formalaşmasında mühüm layihələrə imza atırıq. Bir ideya ilə başlayan, bu gün isə onlarla qlobal layihəni, yüzlərlə startapçını və geniş beynəlxalq tərəfdaşlıq şəbəkəsini əhatə edən bu missiya, sadəcə statistik göstəricilərdən ibarət deyil; o, hər bir çətinliyin arxasındakı sarsılmaz əzmin əyani təzahürüdür. SUP.VC-nin yaranışından bugünkü inkişafına qədər olan yola bələdçilik etmiş icraçı direktoru Rəşad Eyvazovun və komandamızın səmimi təəssüratlarını sizinlə bölüşməkdən məmnunluq duyuruq. Hədəfimiz hər zamankından daha böyükdür: növbəti onillikdə qlobal zirvələri fəth etmək, regionun texnoloji gələcəyini formalaşdırmaq və innovasiya proseslərini daha da sürətləndirmək!

🤝 Bu 10 illik innovasiya marafonu boyunca bizlərlə olan, hədəflərimizə inanan və innovasiya ekosistemini bizimlə birlikdə böyüdən hərkəsə təşəkkürümüzü bildiririk.

🎨 Vizual imic sadəcə görüntü deyil, biznesinizin strateji imzasıdır!

🤖 Süni intellektin hər şeyi standartlaşdırdığı bir dövrdə sahibkar üçün fərqlənməyin yolu - güclü və yaddaqalan vizual imicdən keçir. Bəs rəqabətin bu qədər çox olduğu Sİ dövründə brendinizi necə “görünən” etməli?

🎙️ Sizi bu sualın cavabını ABB Bank-ın aparıcı dizayneri Nəriman Məmmədzadə ilə birgə tapacağımız vörkşopumuza dəvət edirik.

🎯 Vörkşopun əsas istiqamətləri:

Brendin vizual təqdimatı və fundamental prinsiplər: Peşəkar imicin formalaşdırılmasında nələrə diqqət etməli?

Rəqabətli bazarda vizual fərqlənmə yolları: Brendin rəqəmsal və vizual dilinin biznesə təsiri.

Müasir dizayn trendləri və innovativ yanaşmalar: Yeni dövrün texnologiyaları və dəyişən vizual standartlar.

💡 İnnovativ yanaşmalarla biznesinizin vizual dilini formalaşdırmaq fürsətini qaçırmayın

🔗Qeydiyyat linki bio-da. (İştirak ödənişsizdir)
📅 Tarix: 22 may
⏰Saat: 19:00
📍Məkan:Yaradıcı Mərkəz

🎯 Uğurlu brendin arxasında sadəcə ideya yox, güclü marketinq dayanır!

🚀 “Startup 2.0: AI Erasında Sahibkarlıq” layihəsi çərçivəsində community building istiqamətli ikinci vörkşopumuzda ‘‘Brend yaradılmasında marketinqin gücü’’ mövzusuna toxunduq.

📊 Bu dəfə qonağımız PAŞA Bank-ın Rəqəmsal Marketinq üzrə baş mütəxəssisi Babaxan Məlikli idi. İştirakçılarla birlikdə brendin formalaşmasında marketinqin həlledici rolu, effektiv rəqəmsal strategiyalar və büdcənin düzgün idarə olunması kimi önəmli mövzuları real keyslər üzərindən təhlil etdik.

💡 Vörkşopun ən maraqlı hissəsi isə komandaların rəqabətli oyun formatında iki fərqli brend üçün büdcə planlaması üzərində çalışmaları oldu.

👋 Növbəti vörkşopumuzda görüşmək ümidi ilə!

🚇 Metro Hackathon-a geri sayım başladı!

🎉 Məmnuniyyətlə bildiririk ki, layihənin müsahibə mərhələsi uğurla yekunlaşmış və “Metro Hackathon”da yarışacaq iştirakçılar artıq seçilmişdir.

🚀 Cəmi 48 saat sonra start götürəcək böyük marafon çərçivəsində iştirakçılar Bakı Metropoliteninin rəqəmsal transformasiyasını kodlarla yazmaq və innovativ həllər ortaya qoymaq üçün “İçərişəhər” metro stansiyasında bir araya gələcəklər.

🎯 Hədəfimiz bu texnoloji dalğanın şəhərimizin nəqliyyat infrastrukturunda yeni rəqəmsal imkanlara yol açmasını təmin etməkdir.