AzMob

AZMOB və üzvləri, Bakıda Türkiyə İxracatçılar Assambleyası (TİM) tərəfindən, Kiçik və Orta Biznesin İnkişafı Agentliyi və İxracın və İnvestisiyaların Təşviqi Agentliyi-nun tərəfdaşlığı ilə təşkil olunan “Türkiyə–Azərbaycan ticarət nümayəndə heyəti və B2B görüşləri” tədbirində iştirak etdilər.

Tədbirin məqsədi iş adamları arasında birbaşa əlaqələrin qurulması, yeni tərəfdaşlıqların formalaşdırılması və qarşılıqlı ticarət dövriyyəsinin artırılması olub.

Çıxışlarda iki qardaş ölkə arasında iqtisadi əməkdaşlığın daha da genişləndirilməsi imkanları vurğulanıb. Tədbir çərçivəsində müxtəlif sektorları təmsil edən şirkətlər arasında B2B görüşlər keçirilib, potensial əməkdaşlıq istiqamətləri müzakirə olunub.

Tədbirdə TİM-in prezidenti Mustafa Gültepe, Türkiyənin Azərbaycandakı səfiri Birol Akgün, KOBİA-nın İdarə Heyətinin sədri Orxan Məmmədov, millət vəkili Ceyhun Məmmədov, İlqar İsgəndərov və digər rəsmi şəxslər iştirak ediblər. Görüşdə AZMOB rəhbəri Tural Ozan və üzv şirkətlərin rəhbərləri də təmsil olunublar.

Böyük mebel istehsalçıları bir arada toplandı. Azərbaycan mebeli dünya ölkələrinə ixrac ediləcək

Azərbaycan Mebel İstehsalçıları Assosiasiyası ilə Azərbaycan Respublikasının İxracın və İnvestisiyaların Təşviqi Agentliyi arasında əldə olunmuş razılaşmaya əsasən, ixrac potensialı olan böyük mebel istehsalçılarının iştirakı ilə işgüzar görüş keçirilib.

Görüşün əsas məqsədi Azərbaycanda mebel istehsalı üzrə ixrac potensialının artırılması imkanlarının müzakirə edilməsi, bu sahədə dövlət dəstəyinin genişləndirilməsi istiqamətində təkliflərin hazırlanması və mebel sektorunun beynəlxalq bazarlara çıxışının sürətləndirilməsi olub.

Tədbir zamanı ixrac prosesində mövcud olan əsas çətinliklər, qarşıya çıxan problemlər və onların aradan qaldırılması istiqamətində görüləcək tədbirlər müzakirə edilib. Eyni zamanda, Azərbaycan Respublikasının İxracın və İnvestisiyaların Təşviqi Agentliyi tərəfindən ixracla bağlı məsələlər üzrə yaranmış müvafiq problemlərin həlli istiqamətində işlərin aparıldığı bildirilib.

Görüşdə Azərbaycan Mebel İstehsalçıları Assosiasiyasının sədri Fərman İslamlı, Assosiasiyanın sədr müavini və eyni zamanda AZMOB təşkilatının rəhbəri Tural Ozan, eləcə də ölkənin aparıcı mebel şirkətlərinin rəhbər heyəti iştirak edib. Tədbirdə Embawood, Foriella MMC , Perla, Saloğlu, Qardaşlar, Məmmədoğulları, Crystal Mebel, Panarea MMC, Woodpecker, Greenwood və Damla mebel kimi iri istehsalçı şirkətlər yer alırdı.

Azərbaycan Mebel İstehsalçıları Assosiasiyası bu görüşlə növbəti uğurlu addıma imza ataraq böyük mebel istehsalçılarını bir araya toplamağa nail olub. Qeyd edək ki, növbəti mərhələdə orta və kiçik mebel istehsalçılarının da ixrac prosesinə təşviq olunması və onların bu proseslərdə aktiv iştirakının təmin edilməsi istiqamətində tədbirlərin davam etdirilməsi planlaşdırılır.

AZMOB üzvləri ilə Abşeron Ticarət Mərkəzinin rəhbər heyəti arasında işgüzar görüş baş tutdu. Görüş zamanı mebel sektorunun ticarət mərkəzində yerləşdirilməsi və bu istiqamətdə mümkün əməkdaşlıq imkanları müzakirə olundu. Eyni zamanda, mebel istehsalçıları üçün ayrılacaq sahələr, təklif olunan şərtlər, tərəflərin gözləntiləri və gələcək fəaliyyət planı barədə fikir mübadiləsi aparıldı.

📌 13 fevral tarixində Azərbaycan Respublikasının İxracın və İnvestisiyaların Təşviqi Agentliyi ilə mebel ixracı mövzusunda işgüzar görüş baş tutacaq.

Görüş zamanı Azərbaycan mebelinin ixrac potensialı, kiçik və orta istehsalçıların beynəlxalq bazarlara çıxış imkanları, mövcud dəstək mexanizmləri və gələcək əməkdaşlıq istiqamətləri müzakirə olunacaq

AZMİA mebel sənayesinin inkişafı, eləcə də mebel sektoru sahibkarlarının bilik və bacarıqlarının artırılması məqsədilə “Biznes İdarəçiliyi” təlimini həyata keçirdi.

AZMİA-nın təşkilatçılığı ilə “SAT GROUP” tərəfindən keçirilən təlim Qəbələ şəhərində 3 gün ərzində baş tutdu. Təlim iştirakçılar üçün həm faydalı məlumatlarla, həm də maraqlı məqamlarla yadda qaldı.

Təlimin sonunda iştirakçılar sertifikatla təltif olundular

AZMOB, Azərbaycan Mebel İstehsalçıları Assosiasiyası, İş Adamları Cəmiyyətinin Milli Assosiasiyası (İCMA) və Dövlət Vergi Xidməti arasında əldə olunmuş razılaşmaya əsasən görüş baş tutmuşdur. Görüş zamanı mebel sektorunda mövcud olan vergi problemləri və onların həlli yolları müzakirə edilmişdir.

Mebel istehsalı sahəsində fəaliyyət göstərən sahibkarların fikirləri dinlənilmiş, müvafiq dəyişikliklərin edilməsi ilə bağlı müraciətlər qəbul olunmuşdur.

Eyni zamanda mebel istehsalçıları və sahibkarların ümumi fikirləri dinlənilmiş, sektorda fəaliyyət göstərən şirkətlərin vergi və vergi xidməti ilə bağlı qarşılaşdıqları problemlər üzrə təkliflər səsləndirilmişdir. Qaldırılan məsələlər əsasında müvafiq qərarların qəbul olunması ilə bağlı ilkin razılaşmalar əldə edilmişdir

Mebel İstehsalçıları Assosiasiyası mebel sənayesinin inkişafı və mebel sektoru sahibkarlarının bilik və bacarıqlarının artırılması məqsədilə “Biznes İdarəçiliyi” təliminə start verir.

Təlim mebel istehsalı sahəsində fəaliyyət göstərən sahibkarlar üçün “SAT GROUP” tərəfindən həyata keçiriləcəkdir.

Təlimə qeydiyyat üçün ilkin müraciəti [email protected]
e-poçt ünvanına sorğu göndərməklə edə bilərsiniz.

Təlim 31 yanvar – 1 fevral tarixlərində Qəbələ, Gabala Garden Hoteldə keçiriləcəkdir.

AZMIA üzvləri üçün qeydiyyat və təlim tamamilə ödənişsizdir.

Təlimçilər:
Anar Bayramov
Şaiq Zamanov

AZMOB üzvlərinin diqqətinə :

Azərbaycan Mebel Istehsalçıları Assosiasiyası və Keyfiyyət Assosiasiyası Avropa Yenidenqurma və Inkişaf Bankının dəstəyi ilə Azərbaycanda fəaliyyət göstərən yerli orta və kiçik ölçülü müəssisələrə beynəlxalq sertifikatların alınması üçün alınacaq məsləhət xidmətlərinin qrant (təmannasız və geri ödəmə olmadan)olaraq maliyyələşdirir. Maliyyə dəstəyi layihənin ümumi dəyərinin 50-90 % həcmində həyata keçirilir.
Qrant dəstəyi üçün müraciət etmək istəyən təşkilatlar üçün EBRD tələbləri:
- Yerli müəssisə olmalıdır;

- Təsisçiləri arasında xarici vətandaş varsa, payı 40% -dən çox olmalı deyil;

- Fəaliyyət müddəti 2 ildən yuxarı olmalıdır;

- Son iki ilin maliyyə hesabatı təqdim etməlidir (rəsmi vergi olqanlarına təqdim olunan illik hesabat);

- Maliyyə hesabatlarında zərərdə olmalı deyil (əgər varsa əsaslandıra bilər, məsələn investisiya və s.);

- Müəssisədə çalışan Ümumi işçi sayı 250 nəfərdən çox olmalı deyil;

- Dövriyyəsi 50 000 000 AVRO-dan çox olmalı deyil;

- Müəssisə imici müsbət olmalıdır;

- Böyük holdinq müəssisəsi və məmur bağlılığı olmamalıdır;

- Hüquqi sənədlərini təqdim etməlidir (Nizamnamə, reyestrdən çıxarış);

- Dəstək üçün rəsmi müraciət formasını (ƏRİZƏ-ni) doldurub təqdim etməlidir.
Namizəd müəssisə olaraq qeydiyyatdan keçmək üçün aşağıdakılar təqdim olunmalıdır:

- Nizamnamə;

- Müəssisə qeydiyyat sənədi (Reyestrdən çıxarış);

- Son iki illik (varsa 2024 və 2025, yoxdursa 2023 və 2024 illər üçün) vergiyə təqdim edilən rəsmi maliyyə hesabatı;

- Qrant dəstəyi üçün müracət ərizəsi (bu məktuba əlavədə verilən forma. Pdf. və vord variant var. Hansı uyğundur onu doldurun.

Layihə çərçivəsində tətbiq edə biləcəyiniz standartlar: ISO 9001, ISO 14001, ISO 45001, CE markalama, FSC

Layihəyə müraciət üçün son tarix 19.01.2026.

AZMOB Ümid Yeri uşağ Sığınacaq Mərkəzini Yeni il və Dünya Azərbaycanlılarının Həmrəylik Günü ərəfəsində ziyarət etdi.AZMOB rəhbəri Tural Ozan -ın iştirakı ilə keçirilən tədbirdə uşaqlarla görüşlər keçirildi, onlar üçün bayram təşkil olundu və bayram əhval-ruhiyyəsi yaradıldı

AZMOB rəhbəri Tural Ozan, Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi tərəfindən təşkil olunan rəqabət qanunvericiliyinə həsr edilmiş görüşdə iştirak edib.

Tədbir çərçivəsində rəqabət mühitinin qorunması, qanunvericilik tələbləri və biznes subyektlərinin məsuliyyəti ilə bağlı mühüm mövzular müzakirə olunub.

Prezident İlham Əliyevin yeni Sərəncamı ilə 2026-cı il ölkəmizdə “Şəhərsalma və Memarlıq İli” elan edilib.

Məqsəd Azərbaycanın çoxəsrlik tarixə malik şəhərsalma və memarlıq mədəniyyəti ənənələrinin yaşadılması, ölkəmizdə bu sahədə yeni çağırışlara cavab verən mütərəqqi yanaşmaların təşviqi və tətbiqinin genişləndirilməsidir.