Azad Iran

🇮🇱 İsrail səfiri: “🇮🇷 İranla müharibə bizi Körfəz ölkələrinə daha da yaxınlaşdırdı”

Dünən İsrailin 🇦🇪 BƏƏ-dəki səfiri Yossi Şelli bildirib ki, İranla son müharibə İsrail və Fars körfəzi ölkələri arasında əməkdaşlığın daha da möhkəmlənməsinə səbəb olub.

"Jerusalem Post"a müsahibəsində Şelli qeyd edib ki, 2020-ci ildə imzalanmış İbrahim Sazişləri çərçivəsində qurulan tərəfdaşlıq son proseslərdən sonra yeni mərhələyə qədəm qoyub.

Onun sözlərinə görə, İranın hücumları Körfəz ölkələrinin İsraildən uzaqlaşmasına deyil, əksinə, tərəflərin bir-birinə daha da yaxınlaşmasına gətirib çıxarıb.

"İranın raket və dronlarla həyata keçirdiyi hücumlar İsrail və BƏƏ-nin ortaq təhlükəsizlik maraqlarını daha aydın şəkildə ortaya qoyub və birgə müdafiə əməkdaşlığının əhəmiyyətini artırıb", - deyə səfir əlavə edib. (Euronews)



Kanala abunə olun

YENİLƏNİB

🇮🇷 Qalibafın 🇦🇿 Azərbaycan Prezidenti ilə görüşündən görüntülər

Bu gün Azərbaycan Prezidenti İlham Əliyev İran Parlamentinin sədri Məhəmməd Baqir Qalibafın başçılıq etdiyi nümayəndə heyətini qəbul edib.
Prezident İlham Əliyev son vaxtlar qardaş İran xalqının çox böyük əziyyətlər çəkdiyini vurğulayıb müharibədə həlak olanlara bir daha Allahdan rəhmət diləyib.

Müharibə dövründə Azərbaycan xalqının və dövlətinin İran xalqı və dövlətinin yanında olduğunu deyən Prezident İlham Əliyev özünün İran İslam Respublikasının Prezidenti Məsud Pezeşkianla telefonla danışıqlarını, həmçinin müxtəlif səviyyələrdə digər təmasları və həmrəylik nümunələrini bunun əyani göstəricisi kimi qiymətləndirib.

Müharibənin dayandırılmasının Azərbaycan tərəfindən sevinc hissi ilə qarşılandığını vurğulayan dövlətimizin başçısı bununla bağlı ölkəmiz tərəfindən dərhal rəsmi bəyanatın verildiyini xatırlayıb.

Azərbaycanla İranın çətin günlərdə də daim bir-birinin yanında olduqlarını deyən Məhəmməd Baqir Qalibaf bunu ölkələrimizin birliyinin və həmrəyliyinin daha bir nümunəsi kimi qiymətləndirib.
Qonaq bu müharibənin, eyni zamanda, İrana müsəlman ölkələri ilə təmasların nə dərəcədə vacib olduğunu göstərdiyini bildirib.
Qalibaf qeyd edib ki, İran müharibə dövründə dostunu və düşmənini tanıyıb. Bu xüsusda, dost ölkə kimi Azərbaycan İranın yanında olub.

Söhbət zamanı Azərbaycan-İran əlaqələrinin gələcəkdə daha da dinamik inkişafına əminlik ifadə olunub, Ağbənd-Kəlalə körpüsünün tikintisinin artıq başa çatdırıldığı və İran ərazisindən keçən Araz dəhlizinin də regionda nəqliyyat imkanlarının artırılmasına xidmət edəcəyi məmnunluqla vurğulanıb.



Kanala abunə olun



Kanala abunə olun

🇦🇿 Azərbaycan rəsmisi: “Ölkə ərazisindən qonşu dövlətlərə qarşı istifadəyə imkan verilməyəcək”

Bu gün Bakıda Azərbaycan Milli Məclisinin sədr müavini Musa Qasımlı ilə görüşən 🇮🇷 İran parlamentinin sədri Məhəmmədbaqir Qalibaf səfərindən məmnunluğunu ifadə edib.

O bildirib ki, bölgədəki mövcud vəziyyət fonunda konfrans İslam ölkələri arasında birliyin və əməkdaşlığın möhkəmlənməsinə töhfə verə bilər.

Qalibaf, Azərbaycan xalqına və Milli Məclisinə uğurlar arzulayaraq, tədbirdə iştirakını üzv dövlətlərlə, xüsusilə Azərbaycanla əlaqələrin daha da inkişaf etdirilməsi baxımından vacib imkan kimi dəyərləndirib.

Musa Qasımlı isə Azərbaycanın bölgədə sülh və sabitliyin tərəfdarı olduğunu vurğulayıb. O qeyd edib ki, ölkə ərazisindən heç bir qonşuya qarşı istifadə olunmasına imkan verilməyəcək və Azərbaycan qonşularla mehriban münasibətlərin inkişafına önəm verir. (IRIB News)



Kanala abunə olun

🇦🇿 Azərbaycan Prezidenti 🇮🇷 İran parlamentinin sədrini qəbul edib

Bu gün Azərbaycan Prezidenti İlham Əliyev Bakıda səfərdə olan İran parlamentinin sədri Məhəmmədbaqir Qalibaflı qəbul edib.

Görüşdə Azərbaycan Prezidentinin xüsusi köməkçisi Hikmət Hacıyev, Azərbaycanın Baş nazirinin müavini Şahin Mustafayev, Azərbaycanın İrandakı səfiri Əli Əlizadə və İranın Bakıdakı səfiri Müctəba Dəmirçilu iştirak edib. (Mehr News)

Xatırladaq ki, Qalibaf səhər saatlarında İslam Əməkdaşlıq Təşkilatının üzvü olan dövlətlərin Parlament İttifaqı Konfransının 20-ci sessiyasında iştirak məqsədi ilə Bakıya səfər edib.

دیدار قالیباف و الهام علی‌اف، رئیس جمهوری آذربایجان



Telegram kanalımıza abunə olun!

https://t.me/AzadIranTelegram/70560

🇮🇳 Hindistanın baş naziri 🇮🇷 Xameneyinin dəfninə dəvət edilib 👳‍♂️⚰️

Bu gün İran prezidenti Məsud Pezeşkian Hindistanın baş naziri Narendra Modini İslam Respublikasının mərhum lideri Əli Xameneyinin dəfn mərasimində iştirak etmək üçün Tehrana dəvət edib. Bununla bağlı, Hindistanın "Wion" nəşri xəbər verir.

Məlumata əsasən, 4–9 iyul tarixlərində İran və İraqda keçirilməsi planlaşdırılan vida və dəfn mərasimlərində dünyanın müxtəlif ölkələrindən yüksək səviyyəli nümayəndə heyətlərinin iştirakı gözlənilir.

مسعود پزشکیان، رئیس جمهور ایران، از نارندرا مودی، نخست وزیر هند، برای شرکت در مراسم تشییع علی خامنه ای دعوت کرده است.



Kanala abunə olun

🇮🇷 İranda iqtisadi böhran uşaq alverinin artmasına yol açır 👧🧒💰

İranda artan inflyasiya və yoxsulluğun dərinləşməsi fonunda cinayətkarlıq, məişət zorakılığı və uşaq alveri halları ilə bağlı narahatlıqlar artır.

Kriminoloq Qasım Qasımi "Etemad" qəzetinə müsahibəsində bildirib ki, son illər, xüsusilə də son aylarda mülkiyyət əleyhinə və zorakılıq xarakterli cinayətlərin sayında artım müşahidə olunur.

Bildirilib ki, iqtisadi çətinliklər uşaq alveri və uşaq istismarı kimi halların da artmasına zəmin yaradır. Yerli mediada yaxın vaxtlarda maddi sıxıntılar səbəbindən uşaqlarını satan valideynlərlə bağlı xəbərlər yayılıb.

Sosioloq Aliyə Şəkərbəyi isə ILNA agentliyinə açıqlamasında bildirib ki, uşaq alverinin əsas səbəblərindən biri dərin yoxsulluq, işsizlik və sosial dəstəyin yetərsizliyidir. Onun sözlərinə görə, bəzi hallarda uşaqların satılması mütəşəkkil şəbəkələrin fəaliyyəti ilə də əlaqəli ola bilər.



Telegram kanalımıza abunə olun!

https://t.me/AzadIranTelegram/70557

🇮🇷 İran bir neçə gün ərzində hava nəqliyyatına məhdudiyyətlər qoyacaq 👳‍♂️✈️❌

İran Hava Limanları və Hava Naviqasiyası Şirkəti İslam Respublikasının mərhum lideri Əli Xameneiyə həsr olunmuş vida mərasimləri ilə əlaqədar ölkənin hava nəqliyyatı sistemində müvəqqəti məhdudiyyətlər tətbiq olunacağını açıqlayıb.

Qurumun yaydığı bəyanata əsasən, məhdudiyyətlər İran Mülki Aviasiya Təşkilatı tərəfindən təsdiqlənmiş hava hərəkətinin idarə olunması planı çərçivəsində həyata keçiriləcək.

Tehranın Mehrabad hava limanında 3 və 6 iyul tarixlərində bütün uçuşlar dayandırılacaq. Hava limanı 4, 5, 7 və 8 iyul tarixlərində isə məhdud fəaliyyət göstərəcək.

Eyni zamanda, Məşhəd beynəlxalq hava limanında 8 iyul tarixində uçuşlara müəyyən məhdudiyyətlər tətbiq ediləcək, 9 iyul tarixində isə hava limanının fəaliyyəti tamamilə dayandırılacaq. Həmin günlərdə Qum əyalətinin hava məkanında da uçuşlara məhdudiyyətlər qoyulacaq.



Kanala abunə olun

🇪🇺 AB aviaşirkətlərə 🇮🇷 İran hava məkanından uzaq durmağı tövsiyə edib ✈️

Bu gün Avropa Birliyinin Aviasiya Təhlükəsizliyi Agentliyi (EASA) ABŞ və İran arasında əldə olunduğu bildirilən çərçivə razılaşmasına baxmayaraq, aviaşirkətlərə İran, İraq və Livan üzərindəki hava məkanından istifadə etməmələri ilə bağlı tövsiyəsini qüvvədə saxlayıb.

Agentliyin açıqlamasına görə, regionda təhlükəsizlik vəziyyəti tam sabitləşmədiyindən mülki aviasiya üçün risklər hələ də qalmaqdadır. Bu səbəbdən EASA münaqişə zonaları ilə bağlı tövsiyəsinin müddətini iyulun 1-dək uzadıb.

Qurum bildirib ki, Vaşinqton və Tehran arasında əldə olunmuş atəşkəsə baxmayaraq, onun pozulması ehtimalı mövcuddur. Xüsusilə Hörmüz boğazı və ətraf hava məkanında təhlükəsizlik risklərinin davam etdiyi qeyd olunub.

EASA İsrail ilə Hizbullah arasında qüvvədə olan kövrək atəşkəsə diqqət çəkərək, Livan üzərində həyata keçirilən uçuşların da müəyyən risklər daşıdığını vurğulayıb.



Kanala abunə olun