Endy Croes

Feliz weekend! Enjoy futbol🇦🇼

Felis Diaranson🇦🇼

Nos a hasi un bish*ta oficial awe na Parlamento Europeo na Brussel Belgie y a reuni cu Parlamentario Marit Maij di Hulanda di Groenlinks y PVDA ( PRO). A toka varios tema con Aruba por yega na fondonan di Europa pa proyectonan.
Sigur un reunion cu por habri portanan interesante pa Aruba.
Nos lo mantene un contacto cortico cu Marit y varios otro Parlamentarionan mas. Danki na Parlamentario Mohamed y tambe na Irene y Kleinmoedig pa ricibi nos asina bon🇦🇼

Ban keda positivo y crea oportunidadnan nobo🇦🇼

𝐏𝐚𝐫𝐥𝐚𝐦𝐞𝐧𝐭𝐚𝐫𝐢𝐨 𝐄𝐧𝐝𝐲 𝐂𝐫𝐨𝐞𝐬: 𝐂𝐨𝐧𝐬𝐞𝐡𝐨 𝐫𝐢𝐛𝐚 𝐇𝐎𝐅𝐀 𝐭𝐚 𝐜𝐥𝐚! 𝐑𝐚𝐚𝐝 𝐯𝐚𝐧 𝐒𝐭𝐚𝐭𝐞 𝐝𝐢 𝐇𝐮𝐥𝐚𝐧𝐝𝐚 𝐥𝐨 𝐩𝐮𝐛𝐥𝐢𝐜𝐚 𝐞 𝐜𝐨𝐧𝐬𝐞𝐡𝐨 𝐚𝐰𝐞 𝐝𝐢𝐚𝐥𝐮𝐧𝐚

Parlamentario Endy Croes di Fraccion di MEP a splica cu parti di nan trabou tambe ta sera mas amistad cu Parlamentarionan di Hulanda-Corsou y St Maarten pero alabes hasi e trabou di lobby cu esnan cu tin bon netwerk na Den Haag. Den cuadro di esaki nos a bin compronde cu e conseho final di Raad van State riba HOFA a keda cla. Gobierno Hulandes a ricibi e conseho aki diabierna ultimo mientras staatssecretaris Eric van der Burg a hiba un combersacion via telefoon cu Mike Eman den weekend alrespecto e tema. E contenido pa nos ainda ta desconoci. Di acuerdo cu informacionnan veredigno dialuna awor Raad van State lo publica e conseho final riba HOFA entre otro riba Linkedln. Esaki ta significa cu e siman entrante lo bira un siman hopi interesante. Manera nos sa Mike Eman-Geoffrey Wever- Gerlien Croes ta esnan cu ta pushando e agenda pa complace Hulanda pa entrega nos autonomia financiero bek den man di Hulanda a cambio di un s**o di placa.

𝟑 𝐩𝐚𝐫𝐥𝐚𝐦𝐞𝐧𝐭𝐚𝐫𝐢𝐨 𝐜𝐮 𝟓𝟒𝟓 𝐯𝐨𝐭𝐨 𝐝𝐢 𝐩𝐚𝐭𝐫𝐢𝐝𝐨 𝐅𝐔𝐓𝐔𝐑𝐎 𝐥𝐨 𝐤𝐥𝐚𝐛𝐚 𝐩𝐮𝐞𝐛𝐥𝐨 𝐞 𝐭𝐫𝐚𝐜𝐢𝐨𝐧:
Futuro su (3) representantenan den Parlamento ta esnan cu lo bay aproba esaki y asina claba pueblo e cuchiu di tracion. Muzanine Wever cu 72 voto-Lindor cu 176 voto y Gino Goeloe cu 297 voto (hunto nan ta representa 545 voto). Dia 25 di maart 1977 un total di 82.5% di pueblo a expresa nan mes atravez di un Referendum pa saca Aruba pafo di e constelacion Antiyano cual despues di un lucha tenaz lidera pa e inmortal Betico Croes nos a logra nos Status Aparte y autonomia. Pueblo ta kere ta husto pa awe (3) representante cu NO ta ni representativo den voto ta esnan cu lo vota den nomber di henter e pueblo aki pa entrega nos autonomia bek den man di Hulanda? Parlamentario Endy Croes ta pidi Pueblo pa keda pendiente pa e desaroyo e siman entrante. Croes no por compronde e grupo di entreguista y traidornan cu ta pushando nan agenda pa entrega nos lucha y autonomia bek den man di Hulanda. Nos lo percura pa nos ta para na e banda corecto di nos historia pa defende e sudor y sacrificio di nos grandinan.
🇦🇼

Felis siman yena cu energia positivo🇦🇼

𝐅𝐫𝐚𝐜𝐜𝐢𝐨𝐧 𝐝𝐢 𝐌𝐄𝐏 𝐧𝐚 𝐇𝐮𝐥𝐚𝐧𝐝𝐚: 𝐍𝐨 𝐚 𝐜𝐨𝐧𝐭𝐞𝐬𝐭𝐚 𝐫𝐢𝐛𝐚 𝐇𝐎𝐅𝐀! 𝐒𝐭𝐚𝐚𝐭𝐬𝐬𝐞𝐜𝐫𝐞𝐭𝐚𝐫𝐢𝐬 𝐝𝐢 𝐇𝐮𝐥𝐚𝐧𝐝𝐚 𝐄𝐫𝐢𝐜 𝐯𝐚𝐧 𝐝𝐞𝐫 𝐁𝐮𝐫𝐠 𝐭𝐚 𝐮𝐧 𝐜𝐨𝐛𝐚𝐫𝐝𝐞!
Delegacion di Aruba ta actualmente na Den Haag Hulanda pa atende reunionnan di IPKO esta Interparlementair Koninkrijksoverleg unda Parlamentonan di Aruba-Curacao-St Maarten y Hulanda ta reuni cu otro riba varios temanan di interes comun. Na final di cada reunion lo firma un lista di acuerdo y palabracionnan hasi conosi como e “afsprakenlijst”.

𝐔𝐧 𝐞𝐧𝐜𝐮𝐞𝐧𝐭𝐫𝐨 𝐭𝐫𝐚𝐬 𝐝𝐢 𝐩𝐨𝐫𝐭𝐚 𝐜𝐞𝐫𝐚 𝐜𝐮 𝐄𝐫𝐢𝐜 𝐯𝐚𝐧 𝐝𝐞𝐫 𝐁𝐮𝐫𝐠:
Parlamentario Endy Croes di Fraccion di MEP ta considera Eric van der Burg e actual staatssecretaris un Hulandes cobarde y lo splica esaki. Tur reunionnan di IPKO tabata uno publico cual a wordo transmiti enbibo riba plataformanan di Tweede Kamer. Diasabra ultimo reunionnan a continua desde mainta den Tweede Kamer. Lamentablemente tras di merdia pa ta exacto 3.30pm ora tabata riba agenda un encuentro cu staatssecretaris Eric van der Burg a cambia e “setting” pa uno informativo mas aun tras di porta sera cual no tabata tin mag di wordo transmiti. Pior ainda Eric van der Burg a bin conta storianan bunita di su bish*tanan na Aruba-Corsou-St Maarten y a bin cu un moderador di Eerste Kamer cu un show y preguntanan pre-design pa su persona. Dado momento tanto Tevreden- Rocco Tjon y mi persona a cuminsa lansa preguntanan fuerte riba HOFA cual e no a cay den bon tera y tampoco por a wordo contesta. Alabes Eric a pidi pa Aruba “stop” di haci Americanonan rico cu e interesnan cu Aruba ta paga na merca. Mesora nos a wordo pidi pa e moderador pa no haci pregunta mas riba HOFA como cu e seccion ey ta uno informativo y no un debate mucho menos riba HOFA.
E sala den su totalidad a keda babuca.

𝐏𝐚𝐫𝐥𝐚𝐦𝐞𝐧𝐭𝐚𝐫𝐢𝐨 𝐄𝐧𝐝𝐲 𝐂𝐫𝐨𝐞𝐬 𝐚 𝐩𝐢𝐝𝐢 𝐇𝐮𝐥𝐚𝐧𝐝𝐚 𝐩𝐚 𝐦𝐢𝐫𝐚 𝐧𝐚𝐧 𝐦𝐞𝐬 𝐝𝐞𝐧 𝐬𝐩𝐢𝐞𝐥:
Croes a baha fuerte riba staatssecretaris Eric van der Burg puntrando con por ta posibel cu Eric ta keda bisa cada ves cu nos ta “vier gelijke zusters” pero ta trata Aruba diferente. Kico Eric ta pensa cu Hulanda den pandemia a duna Aruba un strafrente di 6.9% na interes mientras cu Corsou y St Maarten a wordo bendiciona cu interesnan mucho mas abou. Kico Eric por contesta alrespecto cu pa Corsou y St Maarten Hulanda a paga (1.8 miljard Euro) 4 mil miyon florin di nan debe di pais pa nan a acepta Rijkswet mientras ta pusha Aruba den Rijkswet sin “come across” cu nada. Croes a bisa tambe den sala cu Aruba no ta pidiendo tampoco pa Hulanda paga su debe, nos ta orguyoso y nos mes ta paga nos debe pero si kier un trato igual riba e interes mas abou sin cu esaki mester ta den un bachi di Rijskwet. Mesora a puntra e mandatario con por ta posibel cu Hulanda ta dunando tur aña 6.2 miljard Euro na ontwikkelingshulp na pais nan pafo di Reino como gift (cadeau). Con por ta posibel cu Hulanda a aporta cu 18 miljard Euro den fondonan di EU di cual e plaka aki a bay como “covid gift” (regalo) pa entre otro Italia-Spanja-Francia sin ningun condicion. Croes a termina puntrando Eric dicon Aruba mester wordo trata asina. Eric van der Burg No a contesta ningun pregunta y a sigui mesora riba otro topico. Pesey Parlamentario Endy Croes di fraccion di MEP ta considera staatssecretaris Eric van der Burg como un Hulandes hopi cobarde. Esaki realmente ta e trato igual cu Eric van der Burg constantemente ta menciona cu nos ta trata otro manera “vier gelijke zusters”? Mi ta laga e contesta habri pa pueblo mes yena esaki!