Droos e Ustad

بسم اللہ الرحمن الرحیم

مورخہ 3جون2026
محترم جناب حجۃ الاسلام محمد امین شہیدی صاحب (سربراہ امتِ واحدہ) اور محترم جناب حجۃ الاسلام احمد اقبال رضوی صاحب (نائب چیئرمین مجلس وحدت مسلمین) کا جامعہ عروۃ الوثقیٰ لاہور میں استادِ محترم سید جواد نقوی سے ملاقات، 13 جون مینارِ پاکستان ’’شہیدِ امت کانفرنس‘‘ کے انتظامی و تنظیمی امور کے حوالے سے تفصیلی مشاورت،

ملاقات میں کانفرنس کی تیاریوں، انتظامی معاملات، مختلف کمیٹیوں کی ذمہ داریوں، عوامی رابطہ مہم، شرکاء کی شرکت کو یقینی بنانے اور پروگرام کے نظم و نسق کے حوالے سے تفصیلی گفتگو کی گئی،

کانفرنس کے انتظامی ڈھانچے، پروگرام کے مراحل، ذمہ داریوں کی تقسیم اور مختلف شعبہ جات کے مابین مؤثر رابطہ و ہم آہنگی کے امور پر بھی غور کیا گیا، تاکہ پروگرام کو منظم اور مؤثر انداز میں منعقد کیا جا سکے،

بسم اللہ الرحمن الرحيم
استادِ محترم سید جواد نقوی کی محترم جناب سینیٹر حجة الاسلام راجہ ناصر عباس جعفری صاحب (اپوزیشن لیڈر سینیٹ پاکستان و سربراہ مجلس وحدت مسلمین) سے اسلام آباد میں ملاقات و عیادت،
استادِ محترم سید جواد نقوی نے سینیٹر راجہ ناصر عباس جعفری صاحب کی خیریت دریافت کی اور ان کی صحت یابی اور سلامتی کے لیے دعاؤں کا اظہار کیا،
ملاقات میں 13 جون مینارِ پاکستان لاہور میں منعقد ہونے والی ’’شہیدِ امت کانفرنس‘‘ کے حوالے سے تفصیلی گفتگو اور مشاورت کی گئی، جبکہ پروگرام کی تیاری، اہداف، عوامی شرکت اور امتِ مسلمہ کے اتحاد و بیداری کے فروغ کے حوالے سے مختلف امور پر تبادلۂ خیال ہوا،

بسم اللہ الرحمن الرحیم
استادِ محترم سید جواد نقوی کی تحریک جعفریہ پاکستان کے سربراہ محترم علامہ سید ساجد علی نقوی صاحب سے ملاقات،
اہلیہ محترمہ کے انتقال پر تعزیت و تسلیت، فاتحہ خوانی اور دعائے مغفرت،
استادِ محترم سید جواد نقوی نے علامہ سید ساجد علی نقوی صاحب سے ان کی اہلیہ محترمہ کے انتقال پر تعزیت و تسلیت پیش کی، جبکہ مرحومہ کے ایصالِ ثواب، مغفرت اور بلندیٔ درجات کے لیے فاتحہ خوانی اور دعا کی گئی،

ملاقات میں 13 جون مینارِ پاکستان لاہور میں منعقد ہونے والی ’’شہیدِ امت کانفرنس‘‘ کے حوالے سے بھی گفتگو کی گئی، جبکہ امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال ہوا،
مزید برآں استادِ محترم سید جواد نقوی کی جانب سے 13 جون مینارِ پاکستان ’’شہیدِ امت کانفرنس‘‘ میں شرکت اور تعاون کی دعوت بھی پیش کی گئی، اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا گیا،