Flora Atoyan

Ուրիշի հաջողությամբ անկեղծ ուրախանալը հասունության նշան է։
Նախանձը շատ հաճախ ծնվում է ոչ թե ուրիշի հաջողությունից, այլ սեփական չիրացվածությունից։

⏰Երբ մարդը ներսում խաղաղ չէ իր կյանքի հետ,ուրիշի աճը նրա համար դառնում է հիշեցում այն ամենի մասին, թե ինքն ինչ չունի, չի փորձել կամ չի համարձակվել անել։

Այդ պատճառով շատ մարդիկ չեն նախանձում հենց քեզ։
Նրանք նախանձում են այն զգացողությանը,որը դու իրենց մեջ արթնացնում ես։

Քո հաջողությունը նրանց հիշեցնում է՝ որ իրենք էլ կարող էին փորձել։
Որ իրենք էլ ժամանակ ունեին։
Որ իրենք էլ երազանքներ ունեին, որոնք մի օր բաց են թողել։

🔔Այստեղ շատ կարևոր բան կա հասկանալու.

Ինքնավստահ մարդը սովորաբար քիչ է համեմատվում։
Նա գնում է իր ՍԵՓԱԿԱՆ ճանապարհով։
Իսկ մարդն, ով դեռ չգիտի ինչ է ուզում կյանքից, անընդհատ չափում է իրեն ուրիշների ապրածով։

Համեմատությունը տանում է երկու ծայրահեղության՝
կամ դու բոլորից լավն ես,
կամ բոլորից վատը։

Երկու դեպքում էլ մարդը կորցնում է կապն իրական «ես»-ի հետ։

Առողջ մարդը հասկանում է,որ ուրիշի հաջողությունը իր պարտությունը չէ։
Աշխարհում բավական ռեսուրս կա բոլորի աճի համար։

Եվ ամենահետաքրքիրն այն է,որ մարդիկ, ովքեր կարողանում են անկեղծ ուրախանալ ուրիշների ձեռքբերումներով, սովորաբար ավելի արագ են աճում իրենք։

❓Ինչո՞ւ

Որովհետև նախանձը բացասական էներգիա է։
Այն մարդուն պահում է համեմատության, դժգոհության ու ներքին ինքնաճնշման ու ինքնախարազանման մեջ։

Իսկ ուրախանալ կարողանալը մարդուն սովորեցնում է տեսնել հնարավորություններ, ոչ թե մրցակիցներ։

Ինչպե՞ս չնախանձել ու չհամեմատվել։

🔸Դադարեք ուրիշների կյանքը համեմատել ձեր կյանքի հետ
🔸Հասկացեք, որ յուրաքանչյուր մարդ ունի իր վճարած ժամանակն ու զոհողությունները յուրաքանչյուր հաջողության համար
🔸Կենտրոնացեք ձեր ճանապարհի վրա, ոչ թե ուրիշների արագության
🔸Ուրիշի հաջողությունը դիտեք որպես ԱՊԱՑՈՒՅՑ, որ հնարավոր է, ոչ թե որպես սպառնալիք

Երջանիկ մարդիկ սովորաբար մրցակցության մեջ չեն ապրում։Նրանք ապրում են ստեղծելու, աճելու ու իրենց ճանապարհով գնալու մեջ:

#բարձրմտքեր #ինքնդքեզհոգեբան

🇦🇲❤️‍🩹Շնորհավոր՜՜ Առաջին Հանրապետության օր, սիրելի մարդիկ:

Իշխանությունները գալու և գնալու են, կարևորագույնը, որ ունենք դա մեր անկախ հանրապետությունն է, որի միակ երաշխիքն այսօր և միշտ դա մեր բանակն է ու մեր ազգի մարտունակությունը:

Այսօրվա զորահանդեսից սիրտս հուզմունքով ու հանգստությամբ լցվեց:

Մի կողմ դնենք դեկորացիաները. Արարատը մեր տեսադաշտից ու մեր սրտից ոչ մեկ չի կարող ջնջել:

Մենք դարերով մեր անկախ պետականության համար մաքառած ազգ ենք և չափազանց բարձր գին ենք վճարել, որ դրոշ ունենանք, օրհներգ ունենանք, պետություն ու սեփական զինանշան ունենանք և վերջիվերջո ՝ պաշտպանված սահմաններ:

Մեր բանակն այսօր փայլեց նոր տեսակի զինանմուշներով և դրանց մի մասը՝ հայկական արտադրության, ասեք, որ սա հպարտանալու բան է:

Մեզ մնում է չհուսահատվել և առաջ նայել🇦🇲
նոր ուժով և հավատով, որ ամեն բան լավ է լինելու:

#շնորհավորմայիսի28 #մայիսի28 #հանրապետությանօր #հայաստան #երևան

1️⃣ Երբ մաման ասում է «սոված չեմ», իրականում ուզում է նախ բոլորս ուտենք, կշտանանք, հետո ինքը մի բան ուտի:

2️⃣«Հյուր է գալիս՜՜՜» և տունը պլպլում է 20 րոպեի ընթացքում:

3️⃣ Տատիկը.«Նիհարել ես բալես, հալումաշ ես եղել»

4️⃣ Ամբողջ ընտանիքը մասնակցում է քո կյանքի բոլոր որոշումներին

5️⃣ «Ուր ես հասել» զանգերը նույնիսկ 30+ տարեկանում

6️⃣ Երբ հյուրին ճանապարհում են մինչև շենքի դուռը և դռան մոտ էլ մի 40 րոպե զրույցի բռնվում հետը

7️⃣ «Ամոթ ա, մարդիկ ինչ կմտածեն» արտահայտություն՝ կապված քո գալու ժամի, քո հագուկապի, քո դպրոցի/համալսարանի գնահատականների հետ:

8️⃣ Առաջին կենացը՝ «բարով տեսանք», հետո ծնողների համար, հետո անցավորների և այդպես շարունակ:

9️⃣Քո սենյակում հեռախոսով խոսում ես(լարով) և ամբողջ տունը ուշի ուշով լսում է

🔟 Ցանկացած խնդիր պիտի քննարկվի, ոչ մեկ իրավունք չունի դեպրեսվել կամ որևէ թաքուն խնդիր ունենալ:
____
❤️‍🩹Ավելացրու քո կետերը

#Հայընտանիք #հայազգ #հայկական #հայաստան #հայեր

✋Դուք շոկոլադ չեք, որ ձեզ բոլորը սիրեն։

Ու որքան շուտ սա հասկանաք,
այնքան շուտ կդադարեք ապրել ուրիշների հավանության համար։

Մարդիկ, ովքեր անընդհատ փորձում են բոլորին դուր գալ,
վերջում դադարում են դուր գալ իրենք իրենց։

Սկզբում թվում է՝ սա պարզապես լավ դաստիարակություն է։

Դուք զիջում եք, որովհետև «բարի» եք։
Լռում եք, որովհետև չեք սիրում կոնֆլիկտներ։
Օգնում եք բոլորին, նույնիսկ երբ հոգնած եք։
Ասում եք «ոչինչ», երբ ներսում ցավում է։
Ժպտում եք, երբ ժպտալու ցանկություն չունեք։

Բայց people pleaser լինելը մարդկանց սիրելու մասին չէ։
Դա վախի մասին է։
Վախ՝ մերժված լինելու,
վախ՝ չսիրված մնալու,
վախ՝ մարդկանց հիասթափեցնելու,
վախ՝ «վատ մարդու» տպավորություն թողնելու։

Աշխարհը չի հարգում մարդկանց,
ովքեր չունեն սահմաններ։

Ընդհակառակը՝
մարդիկ շատ արագ սովորում են ձեր անվերջ հասանելիությանը ու սկսում են դա ընդունել որպես նորմա։

Դուք դառնում եք այն մարդը,
ով միշտ հասկանում է բոլորին…
բացի իրենից։

Ու ամենացավալին այն է,
որ մարդիկ, ում համար դուք այդքան փոքրացնում եք ձեզ,
միևնույնն է՝ միշտ էլ դժգոհելու բան գտնելու են։

Այդ պատճառով դադարեք անընդհատ բացատրություններ տալ։

Դադարեք բոլորի տրամադրության պատասխանատվությունը վերցնել ձեր վրա։
Դադարեք մեղավոր զգալ ձեր «ոչ»-ի համար։

Ոչ բոլորն են պարտավոր ձեզ սիրել, բայց դուք պարտավոր եք չդավաճանել ինքներդ ձեզ:

#ինքդքեզհոգեբան #բարձրմտքեր #հոգեբանություն