FPAN

🐾 Երեկ համալիրի հարակից տարածքում FPAN-ի կամավորները հայտնաբերել են կովկասյան գորշուկ։

Կենդանին, ցավոք, ընկել էր ավտոմեքենայի տակ։

Կամավորների արագ արձագանքի շնորհիվ կենդանին տեղափոխվել է կլինիկա, իսկ այսօր արդեն գտնվում է Երևանի կենդանաբանական այգում՝ մասնագետների հսկողության ներքո։
🙏 Հուսով ենք՝ կենդանին շուտով կկազդուրվի։

⚠️ Այս դեպքը ևս մեկ անգամ ցույց է տալիս, որ համալիրի և Ծիծեռնակաբերդի հարակից տարածքները ունեն կարևոր կենսաբազմազանություն։

Դիմում ենք Երևանի քաղաքապետարանին և ՀՀ շրջակա միջավայրի նախարարությանը՝ դիտարկելու Կ. Դեմիրճյանի անվան մարզահամերգային համալիրի և Ծիծեռնակաբերդի հարակից ճանապարհահատվածի տարանջատման հնարավորությունը։

Հույս ունենք, որ պատկան մարմինները կձեռնարկեն անհրաժեշտ քայլերը՝ ուղղված տարածքի կենսաբազմազանության պահպանմանն ու վայրի կենդանիների անվտանգ տեղաշարժի ապահովմանը։

FPAN-ը պատրաստ է աջակցել՝ կիսվելով համապատասխան տեղեկատվությամբ և փորձով։🤝

Երևանի քաղաքապետարան / Yerevan Municipality
ՀՀ շրջակա միջավայրի նախարարություն Ministry of Environment of Armenia

Կայուն համայնքները՝ Հայաստանի ապագան🌿

Մարզերի երկարաժամկետ զարգացման հիմքն են՝
🔹 կայուն գյուղատնտեսությունը
🔹 տեղական տնտեսական հնարավորությունները,
🔹 բնական ռեսուրսների նկատմամբ պատասխանատու մոտեցումը։

Սա երկարաժամկետ տնտեսական մոդել է, որը նպաստում է համայնքների համար կայուն և ինքնաբավ ապագա կառուցելուն։

FPAN-ը աշխատում է հենց այս ուղղությամբ՝
ստեղծելով լուծումներ հանուն մարդկության և բնության։

FPAN-ի աշխատանքը կառուցվում է մի քանի առանցքային ուժեղ կողմերի վրա՝

🇦🇲 Տեղական փորձ
Շարունակելով Հայաստանում իրականացված 15 տարվա աշխատանքը՝ FPAN-ի թիմը խորապես հասկանում է համայնքների և գործընկերների իրական կարիքները։

🌍 Միջազգային մոտեցում
Մեր աշխատանքը հիմնված է եվրոպական փորձի և միջազգային չափանիշների վրա։

🤝 Համայնքահեն ազդեցություն
Մենք աշխատում ենք մարդկանց հետ և մարդկանց համար՝ ձևավորելով երկարաժամկետ արդյունքներ և նպաստելով բնության պահպանությանը։

Այս համադրությունն է, որը մեզ թույլ է տալիս ստեղծել իրական և կայուն ազդեցություն։

Մարտի 30-ը՝ Թափոնների կառավարման միջազգային օր

Թափոնների կառավարումը անմիջապես կապված է մեր միջավայրին, առողջությանը և մեր ապագային։

Հայաստանում թափոնների կառավարման արդյունավետ համակարգը դեռ ձևավորման փուլում է,
և այստեղ յուրաքանչյուր քայլ ունի նշանակություն՝
թե՛ անհատների, թե՛ համայնքների, թե՛ բիզնեսի կողմից։

FPAN-ում մենք կարևորում ենք՝
♻️ պատասխանատու սպառումը
♻️ թափոնների կրճատումը
♻️ համայնքների իրազեկումն ու ներգրավվածությունը

Իսկ Դուք ի՞նչ քայլեր եք ձեռնարկում Ձեր առօրյայում թափոնների ճիշտ կառավարման համար։ Կիսվե՛ք Ձեր փորձով մեկնաբանություններում։☺️👇🏻

FPAN-ի գործունեությունը կառուցված է հստակ ռազմավարական ուղղությունների շուրջ՝

🌱 Կայուն գյուղական զարգացում
Աջակցում ենք գյուղական համայնքներին՝ օրգանական գյուղատնտեսության, տեղական ձեռնարկատիրության և կայուն հողօգտագործման միջոցով։

🏞 Բնահեն տուրիզմ
Զարգացնում ենք տուրիզմ, որը միաժամանակ պահպանում է Հայաստանի բնությունը և ստեղծում եկամուտ համայնքների համար։

🐾 Կենսաբազմազանության պահպանում
Պաշտպանում ենք էկոհամակարգերը՝ իրականացնելով պահպանության ծրագրեր և ներգրավելով համայնքներին։

🤝 Բիզնեսի ներգրավում բնապահպանության մեջ
Աշխատում ենք բիզնեսների հետ՝ զարգացնելով կամավորական ծրագրեր, բնապահպանական նախաձեռնություններ և գործընկերություններ։

Սրանք այն ուղղություններն են, որոնց միջոցով մենք ձևավորում ենք երկարաժամկետ ազդեցություն Հայաստանում։

Բնության պահպանությունը մեկանգամյա գործողություն չէ։ Այն շարունակական գործընթաց է 🌿

FPAN-ում մենք աշխատում ենք երկարաժամկետ մտածողությամբ՝
ոչ միայն լուծելով առկա խնդիրները,
այլ կառուցելով համակարգեր, որոնք ապահովում են կայուն արդյունքներ։

Մենք հավատում ենք, որ իրական փոփոխությունը հնարավոր է, երբ
✔️մոտեցումը համակարգային է,
✔️մարդիկ՝ ներգրավված,
✔️իսկ լուծումները՝ ապագային միտված։

Սա է մեր մոտեցումը բնության պահպանությանը Հայաստանում։

Մարտի 21-ը՝ Անտառների միջազգային օր 🌳

Անտառները պարզապես բնության կարևոր մաս չեն․ դրանք կյանքի աղբյուր են՝ ապահովելով մաքուր օդ, կենսաբազմազանություն և կայուն ապագա համայնքների համար։

Հայաստանում անտառների պահպանումը կարևոր է թե՛ բնության, թե՛ մարդկանց բարեկեցության համար։

FPAN-ը շարունակում է իր գործունեությունը՝ նպաստելով բնության պահպանությանը և կայուն զարգացմանը՝ հանուն մարդկության և բնության։

Իսկ ի՞նչ է անտառը քեզ համար՝ մեկ բառով🌳
Կիսվի՛ր մեկնաբանություններում👇🏻☺️

Մեր տեսլականը🎯

FPAN-ում մենք պատկերացնում ենք մի Հայաստան, որտեղ բնության պահպանումը, համայնքների զարգացումը և պատասխանատու բիզնեսը փոխկապակցված են և միասին ստեղծում են կայուն ապագա։

Այդ ապագայում՝
🌱 համայնքները զարգանում են կայուն տնտեսական հնարավորությունների շնորհիվ,
🌿 Հայաստանի կենսաբազմազանությունն ու լանդշաֆտները պահպանվում և գնահատվում են,
🏢 բիզնեսները ակտիվ մասնակցում են բնապահպանական նախաձեռնություններին,
🤝 մարդիկ և կազմակերպությունները միասին պաշտպանում են Հայաստանի բնական, ժառանգությունը:

Սա այն նպատակն է, որի ուղղությամբ մենք աշխատում ենք։☺️

#տեսլական

Համագործակցելով տեղական համայնքների, միջազգային գործընկերների և մասնավոր սեկտորի հետ՝ Հանուն Մարդկության և Բնության (FPAN) Հայկական Ասոցիացիայի առաքելությունն է բնության պահպանությունը՝ ստեղծելով կայուն հնարավորություններ համայնքների զարգացման համար և խրախուսելով պատասխանատու բնապահպանական մոտեցումներ հասարակությունում։

Մենք այս առաքելությունը իրականացնում ենք՝
🔹Խթանելով կայուն գյուղատնտեսությունը,
🔹զարգացնելով բնության վրա հիմնված զբոսաշրջությունը,
🔹ներգրավելով բիզնեսներին գործնական բնապահպանական գործողություններում,
🔹պահպանելով կենսաբազմազանությունը և լանդշաֆտները,
🔹բարձրացնելով բնապահպանական իրազեկվածությունը։

Շարունակե՛ք հետևել մեզ բաց չթողնելու համար FPAN-ի գործունեության մանրամասները։☺️

#առաքելություն

Հարգելի՛ հետևորդներ, գործընկերներ, շահառուներ և աջակիցներ,

15 տարիների ակտիվ գործունեությունից հետո Գերմանիայի բնության պահպանության միության (NABU) հայաստանյան մասնաճյուղը ավարտում է իր աշխատանքը Հայաստանում՝ կազմակերպության միջազգային ռազմավարական որոշման շրջանակում։

Այս տարիների ընթացքում իրականացվել են բազմաթիվ ծրագրեր՝ ուղղված կենսաբազմազանության պահպանությանը, բնապահպանական կրթության զարգացմանը և համայնքների կայուն զարգացմանը։ Վստահ ենք՝ մեր կատարած աշխատանքի արդյունքները կշարունակեն իրենց դրական ազդեցությունն ունենալ Հայաստանի բնության պահպանության գործում։

Միաժամանակ կարևոր է նշել, որ NABU-ի նախաձեռնած և իրականացվող ծրագրերը Հայաստանում շարունակվելու են տեղական գործընկեր՝ «Հանուն Մարդու և Բնության հայկական ասոցիացիա» (FPAN) հասարակական կազմակերպության միջոցով։
Կազմակերպության սոցիալական հարթակները նույնպես կտրամադրվեն գործընկեր կազմակերպությանը՝ ծրագրերի շարունակականության և տեղեկատվության հասանելիության ապահովման նպատակով։
Կազմակերպության գործունեության վերաբերյալ հարցերի կամ համագործակցության առաջարկների դեպքում կարող եք կապ հաստատել նույն սոցիալական հարթակների միջոցով կամ գրելով հետևյալ էլեկտրոնային հասցեին՝
📩 [email protected]

Մենք խորապես շնորհակալ ենք բոլոր շահառուներին, գործընկեր կազմակերպություններին, պետական կառույցներին, համայնքներին և աջակիցներին համատեղ աշխատանքի, վստահության և տարիների ընթացքում ձևավորված արդյունավետ համագործակցության համար։

Բնապահպանական առաքելությունը Հայաստանում շարունակվում է՝ նոր ձևաչափով և նոր հնարավորություններով։ Համոզված ենք՝ համատեղ ջանքերով կշարունակենք նպաստել ՀԱՆՈՒՆ ՄԱՐԴՈՒ և ԲՆՈՒԹՅԱՆ։