Altmed

այություններ "ԱլտՄեդ" բաժանմունքում ցուցաբերվում է ինտեգրատիվ բժշկական օգնություն` Արևելքի բազմադարյան փորձի կիրառմամբ.

Ռեֆլեքսոթեպիա (չինական "չժեն-ցզյու թերապիա")` կորպորալ ակուպունկտուրային կետերի կիրառմամբ, ֆրանսիական "աուրիկուլոթերապի"` ականջի խեցու ակուպունկտուրային կետերի կիրառմամբ, կորեական "Սու-Ջոք թերապիա"՝ ձեռքերի և ոտնաթաթերի ակուպունկտուրային կետերի կիրառմամբ, ոտնաթաթերի ռեֆլեքսոթերապիա՝ գերմանացի մասնագետ Հաննե Մարկվարդտի եղանակով, "կրանիոպունկտուրա" ՝ ռեֆլեքսաթերապիայի եղանակ, որտեղ կիրառվում են գլխի ակուպունկտուրային զոնաները;

Մանուալ թերապիա (խիրոպրատիկա և կրանիոսակրալ թերապիա);

Մերսում (սեգմենտար, կետային, բանկայով, վիբրացիոն);

Հոմեոպաթիա (դասական և համակցված հոմեոպաթիա, հոմեոսինիատրիա);

Ֆիտոթերապիա (բուժում խոտաբույսերով);

Գիրուդոթերապիա (բուժում տզրուկներով);

Ապիթերապիա (բուժում մեղուներով);

Արոմաթերապիա (բուժում հոտավետ յուղերով);

և Արևմուտքի ժամանակակից գիտության տեխնոլոգիաների կիրառմամբ.

Ոսկրային հյուսվածքի խտության ախտորոշում ռենտգեն-դենսինոմետրիայի օգնությամբ (DXA);
Օրգանիզմի ֆունկցիոնալ վիճակի ախտորոշումը Վեգետատիվ ռեզոնանսային թեստի ապարատային-ծրագրային կոմպլեքսի օգնությամբ (ՎՌԹ);
Օրգանիզմի վիճակի ախտորոշում համակարգչային իրիդոախտորոշման սարքի օգնությամբ;
Օրգանիզմի ֆունկցիոնալ վիճակի ախտորոշումը Պուլսային Մետաբոլիկ անալիզի համակարգչային կոմպլեքսի օգնությամբ (ՊՄԱ);
Թերապիա Բիոլոգիական հետադարձ կապի սարքի օգնությամբ (ԲՀԿ);
Թերապիա Բուբնովսկու դեկոմպրեսիոն և հակագրավիտացիոն բազմաֆունկցիոնալ տրենաժորի (BBT) օգնությամբ;
Պերիֆերիկ բլոկադաներ (բուժական ինֆիլտրացիոն և էպիդուրալ բլոկադներ, ֆարմակոպունկտուրա, մեզոպունկտուրա, մաշկի միջով հակացավային էլեկտրոնեյրոստիմուլյացիա);
Բուժական ֆիզկուլտուրա (ԲՖԿ);
Ֆիզիոթերապևտիկ պրոցեդուրաներ (ՈՒԲՀ-թերապիա, էլեկտրաիմպուլսային թերապիա, ուլտրաձայնային թերապիա, մագնիսաթերապիա, լազերաթերապիա, գալվանաթերապիա, էլեկտրաֆորեզ, լուսաբուժություն); և այլն:

"ԱլտՄեդ" կենտրոնում կատարվում է հիվանդների հետազոտություն (chek-up), նպատակ ունենալով հետևյալը.

Սկզբնական փուլում բոլոր օրգան-համակարգերի հիվանդությունների և պաթոլոգիկ վիճակների բացահայտումը; զանազան հիվանդությունների զարգացման հավանականության և գենետիկ նախատրամադրվածության որոշումը; մակաբուծական հիվանդությունների ախտորոշում՝ ասկարիդներով և այլ գելմինտներով վարակվածություն:

"ԱլտՄեդ" կենտրոնում օգտագործվող ախտորոշման եղանակները թույլ են տալիս արագ անցկացնել համակարգչային համակցված նախաախտորոշում և ստանալ հիվանդի ֆիզիկական և հոգե-հուզական վիճակի լիարժեք պատկերը: Ախտորոշման ժամանակակից, ավանդական և այլընտրանքային եղանակների օպտիմալ զուգակցումը թույլ է տալիս հիվանդությունը բացահայտել ամենավաղ շրջանում, հաճախ մինչև հիվանդագին ախտանշանների հայտնվելը: Հատուկ մշակված՝ կանխարգելիչ վերահսկման սխեմաների օգնությամբ մեր մասնագետները կիրականացնեն Ձեր առողջության վիճակի լիարժեք ստուգում, ինչը ներառում է հիմնական քրոնիկ ոչվարակիչ հիվանդությունների զարգազման հավանականության գնահատումը՝ հաշվի առնելով ժառանգականությունը, սթրեսային իրավիճակներին հակազդելը, սննդակարգի խախտումները, մտավոր և ֆիզիկական ծանրաբեռնվածությունը, վնասակար սովորությունները, ինչպես նաև հիվանդագին վիճակների և հիվանդությունների սկզբնական փուլերի բացահայտումը:

Այս տեղեկատվության շնորհիվ, հիմնվելով զանազան լաբորատոր և գործիքային հետազոտությունների արդյունքների վրա, մենք կստեղծենք Ձեր առողջության ճշգրիտ պատկերը՝ այսպես կոչված "Առողջության անձնագիր", հաստատապես կբացահայտենք հնարավոր "թույլ կետերը" և կառաջարկենք հատկապես Ձեզ համար մշակված՝ կանխարգելման և բուժման անհատական օպտիմալ ռազմավարություն:

"ԱլտՄեդ" բաժանմունքում անցկացվում է խորհրդատվական-ախտորոշիչ և բուժական-կանխարգելիչ օգնություն հետյալ հիվանդությունների դեպքում

Հենա-շարժական համակարգի հիվանդություններ՝
արթրիտ, արթրոզ, ողնաշարի օստեոխոնդրոզ և միջողային սկավառակների ճողվածքներ՝ զանազան կլինիկական արտահայտումներով՝ ցերվիկալգիա, առաջնային կրծքավանդակի համախտանիշ, ուսա-թիակային պերիարթրոզի համախատնիշ, արմունկային էպիկոնդիլյոզ և ուսա-դաստակային համախտանիշ, թորակալգիա, լյումբագո, լյումբաիշիալգիա, կոքցիգոդինիա, սպոնդիլոլիստոզ; կեցվածքի խանգարումներ՝ իդիոպատիկ սկոլիոզ և կիֆոսկոլիոզ; հոդերի կոնտրակտուրաներ, հարթաթաթություն, հոդերի, մկանների և ջլերի տրավմատիկ ախտահարում:

Կենտրոնական և պերիֆերիկ նյարդային համակարգի հիվանդություններ
(նևրիտ, նևրալգիա, ռադիկուլիտ, նևրոզ, միգրեն, գլխապտույտ, գլխացավ, աղմուկ ականջներում, գիշերային անմիզապահություն, վերջույթների ֆանտոմի համախտանիշ, Herpes Zoster, անքնություն):

Աղե-ստամոքսային համակարգի հիվանդություններ
(գաստրիտ, խոցային հիվանդություն, խոլեցիստիտ, A և B տիպի հեպատիտի հետևանքներ, պանկրեատիտ, կոլիտ, հելմինթոզ, դիսբակտերիոզ, փորկապություն, թութք):

Էնդոկրին համակարգի և նյութափոխանակության խանգարումներ
(ճարպակալում, շաքարային դիաբետ, պոդագրա, օստեոպորոզ, հիպոթիրեոզ, հիպերթիրեոզ):

Մաշկային հիվանդություններ
(տարբեր էթիոլոգիայի դերմատիտներ, էկզեմա, փսորիազ):

Ալերգիկ վիճակներ
(ալերգիկ ռինիտներ, կոնյուկտիվիտներ):

Ուռոգենիտալ համակարգի հիվանդություններ
(դաշտանային համակարգի խանգարումներ, էնդոմետրիոզ, մաստոպաթիա, կլիմակտերիկ վիճակներ, միզաքարային հիվանդություն, պրոստատիտ, ցիստիտ, էնուրեզ):

Կակազում և խոսքի այլ խանգարումներ

Վնասվածքներից և վիրահատություններից հետո վերականգնում

"Ալտմեդ" բժշկական կենտրոնում հաջողությամբ գործում է "Ցավի կլինկա" – մի խումբ մասնագետներ (անեսթեզիոլոգ, նյարդաբան, հոգեբան, ռեֆլեքսաթերապևտ, ֆիզիոթերապևտ), որոնք զբաղվում են խրոնիկ ցավային համախտանիշների որակյալ բուժմամբ, օգտագործելով ցավերի բուժման տարբեր դեղորայքային և ոչ դեղորայքային մեթոդներ: "Ալտմեդ" կենտրոնում լայնորեն օգտագործվում է Հայկական ժողովրդական բժշկությունը՝ բուժման եղանակներ, որոնց հիմքում ընկած է բուսաբուժության, տզրուկաբուժության, մեղվաբուծության մթերքներով բուժման, կավի, աղոտքներով բուժման բնագավառում մեր Հայրենիքի փորձը, գիտելիքները և գործնական հմտությունները:

"ԱլտՄեդ" բժշկական կենտրոնում առկա են հեղինակային աշխատանքներ, մշակվում են ժամանակակից և ավանդական բժշկության նոր յուրահատուկ ախտորոշիչ և բուժական եղանակներ: Դրանց հիմքում ընկած են՝ նոր գործիքային ախտորոշիչ "Բիոսկոպ" կոմպլեքսը, սկալպոթերապիայի նոր եղանակները (սկալպի որոշակի հատվածների էլեկտրաստիմուլյացիա համաձայն հատուկ համակարգչային ծրագրի՝ որովայնի ներքին օրգանների կենսաբանականորեն ակտիվ կետերի և սկալպի համապատասխան հատվածների բացահայտված կորելյացիայի կիրառմամբ) և հոմեոպատիկ պրեպարատներով (հոմոսինիատրիա) կորպորալ կենսաբանորեն ակտիվ կետերի ֆարմակոպունկտուրայի անցկացման ժամանակ դեղամիջոցների ստուգման նոր եղանակը; նոր սերնդի "Դի Բլյուդեն" ֆիտոհավաքածուի կիրառման հիման վրա նոր ֆիզիոթերապևտիկ եղանակներ:

"ԱլտՄեդ" վերականգնողական կենտրոնում հիվանդների բուժման հաջողության գրավականն են ժամանակակից արևմտյան և ավանդական արևելյան բժշկության համակցությունը, դեղորայքային և ոչդեղորայքային բուժման զանազան եղանակների լավագույն զուգակցման անհատական ընտրությունը, ինչպես նաև հիվանդի առողջական վիճակի մշտական հսկողությունը՝ մեր կլինիկայում ստեղծված "Առողջության մոնիտորինգ" կոմպլեքսային ախտորոշիչ համակարգի օգնությամբ:

Մենք հասնում ենք իրական արդյունքների "Ոսկե եռյակի" շնորհիվ՝ հիվանդի համակարգային հետազոտություն, հիվանդի կոմպլեքս բուժում և վերականգնում, հիվանդին նշանակվող դեղամիջոցների ստուգում:
"ԱլտՄեդ" բժշկական կենտրոնում հետազոտվել և իրական օգնություն են ստացել հազարավոր հիվանդներ: Եկեք մեզ մոտ, և մենք կօգնենք Ձեզ: