HAPPY WAY

․

Այսօր մեր դասը նվիրված էր հոգատարության գեղեցիկ գաղափարին։ Մենք միասին բացահայտեցինք, որ հոգատարությունը երևում է մեր վերաբերմունքի, ուշադրության և կատարած փոքրիկ քայլերի մեջ։ Յուրաքանչյուր բարի արարք կարող է ջերմություն փոխանցել և փոխել մեկ ուրիշի օրը։ Ստեղծագործության միջոցով երեխաները սովորեցին արտահայտել իրենց զգացմունքները, զարգացնել երևակայությունը և հասկանալ, որ սերն ու հոգատարությունը դառնում են իրական, երբ դրանք վերածվում են գործի։

Կոտրել կարծրատիպերը մեկ կադրով. 43 պատմություն՝ Էդմոնդի աչքերով

​Մենք հաճախ ենք խոսում ներառականության մասին, բայց «Քայլենք միասին» հասարակական կազմակերպությունը նախընտրում է խոսել գործով։ Այս նախագիծը սահմանափակումների մասին չէ. սա անսահմանափակ տաղանդի, հավատի և բացարձակ հավասարության մասին է։

​«Քայլենք միասին» նախագծի գլխավոր նպատակն է կոտրել հանրային կարծրատիպերը և փաստել, որ յուրաքանչյուր երեխա կարող է հասնել ամեն ինչի, եթե նրան տրվի հնարավորություն և անվերապահ վստահություն։

​Այս նախագծի շրջանակում 43 սիրված մարդիկ վստահեցին իրենց կերպարն ու էմոցիաները մեկ լուսանկարչի։ Ժամանակն է բարձրաձայնելու ամենակարևոր փաստը. բոլոր 43 լուսանկարների հեղինակը, ստեղծողն ու ողջ ընթացքի ղեկավարը Էդմոնդն է՝ պատանի, որն ապացուցում է, որ անհնարին ոչինչ չկա։

​Առանց որևէ կողմնակի միջամտության, սկզբից մինչև վերջ, յուրաքանչյուր կադր արված է բացառապես Էդմոնդի ձեռքով։ Նա ինքն է որսացել հույզերը, փոխանցել դրական էներգիան և ստացել այսքան գեղեցիկ ֆոտոներ։

​Անհնարին ոչինչ չկա, եթե կա հավատ, սեր, համագործակցություն և հավասարություն։

​📽 Մեր խորին շնորհակալությունն ենք հայտնում Հայաստանի հանրային հեռուստաընկերությանը՝ մեր նախաձեռնությանն անդրադառնալու և այն բարձր մակարդակով լուսաբանելու համար։Ձեր աջակցությունը մեծապես նպաստում է հասարակական կարևորություն ունեցող հարցերի բարձրաձայնմանը և մեր ծրագրերի հանրայնացմանը։

Ֆուտբոլ ⚽️