Project Inter-Invest

«Լուսակերտ» թռչնաֆաբրիկան ձեռք է բերվել․ մեկնարկում է լայնածավալ զարգացման ծրագիր

Գործարար Նարեկ Նալբանդյանի նախաձեռնությամբ ձեռք է բերվել «Լուսակերտ» թռչնաֆաբրիկան, որտեղ առաջիկայում կմեկնարկի լայնածավալ ներդրումային և արդիականացման ծրագիր։
Նախագծի նպատակն է վերածել «Լուսակերտ» թռչնաֆաբրիկան տարածաշրջանի ամենաժամանակակից թռչնաբուծական համալիրներից մեկի՝ ներդնելով նոր արտադրական տեխնոլոգիաներ, ժամանակակից սարքավորումներ և միջազգային չափանիշներին համապատասխան արտադրական համակարգեր։

Ներդրումային ծրագրի շրջանակում նախատեսվում է փուլային տեխնիկական վերազինում, արտադրական հզորությունների ընդլայնում և նոր աշխատատեղերի ստեղծում։

Ծրագրի իրականացումը կնպաստի Հայաստանի պարենային անվտանգության ամրապնդմանը, տեղական արտադրության զարգացմանը և արտահանման հնարավորությունների ընդլայնմանը՝ ձևավորելով ժամանակակից և մրցունակ արտադրություն։

«By Nalbandyan»-ի արտադրանքը, համապատասխանելով միջազգային չափանիշներին, արդեն արտահանվում է ԱՄՆ:

«By Nalbandyan» ապրանքանիշի ջրի, օղու և ոչ ալկոհոլային ըմպելիքների գործարանը շարունակում է ընդլայնել իր արտադրական հզորությունները՝ միջազգային շուկաներում աճող պահանջարկը բավարարելու նպատակով։

Գործարանում ներդրվել են նոր, ժամանակակից արտադրական և շշալցման գծեր, կատարելագործվել են արտադրական գործընթացները՝ միջազգային չափանիշներին համապատասխան։ Արդյունքում «By Nalbandyan» ապրանքանիշի արտադրանքի առաջին խմբաքանակն արդեն արտահանվել է ԱՄՆ, իսկ արտադրության ընդլայնումը հնարավորություն կտա մեծացնել արտահանման ծավալներն ու մուտք գործել նոր շուկաներ, այդ թվում՝ եվրոպական երկրներ։

Նախաձեռնությունն իրականացվում է գործարար Նարեկ Նալբանդյանի ղեկավարությամբ, որի ներդրումային ծրագրերը վերջին տարիներին միտված են Հայաստանում ժամանակակից արտադրական ենթակառուցվածքների զարգացմանը։

«Գետամեջ» թռչնաֆաբրիկան նոր կյանք է ստացել

Տարիների պատմություն ունեցող «Գետամեջ» թռչնաֆաբրիկան, գործարար Նարեկ Նալբանդյանի նախաձեռնությամբ, վերագործարկվել և արդիականացվել է՝ դառնալով ժամանակակից թռչնաբուծական համալիր։
Իրականացված ներդրումների արդյունքում «Գետամեջ» թռչնաֆաբրիկան ամբողջությամբ տեխնիկական վերազինում է անցել, ներդրվել են ժամանակակից արտադրական լուծումներ, ընդլայնվել են արտադրական հնարավորությունները և ստեղծվել նոր աշխատատեղեր։

«Գետամեջ» թռչնաֆաբրիկան հերթական ներդրումային նախագիծն է, որով հոլդինգը շարունակում է զարգացնել Հայաստանի ագրոարդյունաբերական ոլորտը։
Այսօր նման նախագծերը կարևոր ներդրում են Հայաստանի տնտեսության հզորացման գործում։

Հոլդինգի կերտած ճանապարհը։
https://youtu.be/fE3X62M27v8?si=CejlfROSAOwUhjex

👏👏👏

Ո՞վ շահեց բնակարանը․ «88» և «Ծիրան» սուպերմարկետների մեծ խաղարկությունն ամփոփվեց Ծաղկաձորում Իսկական տոնական ու հուզիչ մթնոլորտ էր Ծաղկաձորի շքեղ Eighty Eight Hotel & SPA հյուրանոցային համալիրում, որտեղ ամփոփվեց «88» և «Ծիրան» սուպերմարկետների համատեղ անցկացված մասշ...

Այսօր «Պրոյեկտ Ինտեր-Ինվեստ» ընկերությունների խմբի սեփականատեր Նարեկ Նալբանդյանը «Շիրակ» թռչնաֆաբրիկայում հյուրընկալել է ՀՀ էկոնոմիկայի նախարար Գևորգ Պապոյանին և նախարարի տեղակալ Արման Խոջոյանին։
Այցի ընթացքում ներկայացվել է ընկերության լայնածավալ ներդրումային ծրագիրը, որի ընդհանուր ծավալը կազմում է 250 մլն դոլար, որից արդեն իսկ իրականացվել է ավելի քան 60 մլն դոլարի ներդրում։
Ծրագիրը կիրականացվի շուրջ 420 հա տարածքում՝ Շիրակի և Կոտայքի մարզերում, և ամբողջությամբ կյանքի կոչվելու դեպքում նախատեսվում է ստեղծել շուրջ 2500 աշխատատեղ, որից 750-ը՝ Շիրակում։ Այս պահին արդեն ստեղծվել է ավելի քան 300 աշխատատեղ Շիրակում և շուրջ 350 աշխատատեղ Կոտայքում։
🔹 Ծրագրի իրականացման արդյունքում ընկերությունը նախատեսում է ապահովել՝
— օրական շուրջ 100 տոննա թռչնամսի,
— և 15–20 տոննա խոզի մսի արտադրություն։
Արտադրված թռչնամիսը հիմնականում ուղղված է լինելու Հայաստանի ներքին պահանջարկի լիարժեք ապահովմանը, ինչպես նաև նախատեսվում է արտահանման զարգացում։

«Պրոյեկտ Ինտեր-Ինվեստ» ընկերությունը նաև իրականացրել է շուրջ 25 մլն դոլարի ներդրում Եղվարդի համակցված կերերի գործարանի կառուցման համար, որը հանդիսանում է Անդրկովկասի խոշորագույն արտադրություններից մեկը և հագեցած է գերժամանակակից բարձր տեխնոլոգիական սարքավորումներով, ապահովելով արդյունավետ ու որակյալ արտադրություն։