Valodya Mkhoyan

Շնորհակալ եմ Հայաստանի Հանրապետության յուրաքանչյուր քաղաքացուն, շնորհակալ եմ իմ սիրելի սպիտակցիներին։ Այսօրվանից սկսվում է նոր Հայաստան՝ հանուն մեր պետության, պետականության և ժողովրդի բարեկեցիկ ապագայի։

Առաջ դեպի նոր, խաղաղ Հայաստան։
Առաջ դեպի խաղաղություն, զարգացում և կայունություն։

Կեցցե՛ Հայաստանը։
Փա՛ռք մեր նահատակներին։
Փա՛ռք Հայաստանի Հանրապետությանը։ 🇦🇲

Օրեր առաջ, երբ վարչապետ Նիկոլ Փաշինյանը Սպիտակում էր, քաղաքացիներից մեկը դիմեց հարցով, և ես վարչապետին ներկայացրեցի, թե որն էր տվյալ խնդիրը։ Տեսանյութը լայն արձագանք գտավ համացանցում և մեծ տարածում ստացավ տարբեր հարթակներում։
Սակայն ցավով պետք է նշեմ, որ որոշ մարդիկ և որոշ լրատվամիջոցներ սկսեցին տարածել անհիմն ու իրականությանը չհամապատասխանող տեղեկություններ, թե իբր ես եղել եմ «քաշած» վիճակում։ Կներեք արտահայտության համար, բայց ուզում եմ հստակ ասել՝ ես նույնիսկ ծխախոտ չեմ ծխում, էլ ուր մնաց նման բաներ օգտագործեմ։
Ցավալի է, որ այսօր որոշ շրջանակներ փորձում են մարդկանց մոլորեցնել, վարկաբեկել և հասարակության մեջ սխալ պատկեր ստեղծել՝ ընդամենը մի քանի վայրկյանանոց տեսանյութի հիման վրա։ Յուրաքանչյուր մարդ, ով ինձ ճանաչում է անձամբ, շատ լավ գիտի իմ ապրելակերպը, պահվածքը և սկզբունքները։
Կոչ եմ անում բոլորին, հատկապես լրատվամիջոցներին, զերծ մնալ ապատեղեկատվություն տարածելուց, պահպանել լրագրողական էթիկան և պատասխանատվությամբ մոտենալ հանրությանը ներկայացվող տեղեկատվությանը։ Հանրությանը մոլորեցնելը ոչ մեկին պատիվ չի բերում։