Xhamia Zall-Mner i Ri

Hutbja e lamtumirës

O njerëz, dëgjoni se ç’do t’ju them, se nuk e di a do t’ju takoj më në këtë vend pas këtij viti!

O njerëz, frikësohuni Zotit dhe respektojeni atë, bëhuni të njerëzishëm dhe të drejtë ndaj vetes dhe ndaj të tjerëve. Kjo është dita e flijimeve në emër të All-llahut. Vërtet gjaku juaj, nderi juaj dhe pasuria juaj janë të shenjta për ju, derisa të takoheni me Krijuesin e juaj, ashtu siç është e shenjtë kjo ditë në këtë muaj dhe në këtë vend.

Ruani, respektoni dhe nderoni vlerën e perso­nalitetit dhe të dinjitetit njerëzor.

Njeriu është vepër madhështore e All-llahut dhe mjerë për atë, që e përçmon nderin dhe dinjitetin e veprës së All-llahut.

O njerëz, ju pashmangshëm dhe pakthyer do t’i ktheheni All-llahut të Amshueshëm dhe Ai do t’ju thërret në përgjigjësi për veprat dhe punën e juaj.

O besimdrejtë, dijeni se ka përfunduar koha e mosdijes dhe e traditave të këqija, të cilat i kanë sjellë aq fatkeqësi gjinisë njerëzore. Unë jua kam treguar rrugën e shpëtimit, të cilës duhet hecur.

Sendet që u janë dhënë në amanet ruani si të juajat dhe kthejani ato besnikërisht dhe me kohë atij që i përkasin.

Gjakmarrja është e ndaluar. Të gjitha akuzat e këtilla, të cilat rrjedhin nga koha e injorancës, anu­lohen. Akuza e parë e cila anulohet është gjakmarrja e ungjit tim Ibn Abdul-mutalibit, të cilin të pafa­jshëm e vranë njerëzit nga fisi Hudhejl. Kjo gjak­marrje le të harrohet dhe të gjitha të tjerat në të ardhmen le të falen.

Fajdeja dhe kamata janë të ndaluara. Huadhë­nësi nga huamarrësi duhet të marrë vetëm atë që vërtet ia ka huazuar. Huatë e para që i nënshtrohen këtij vendimi janë huatë e ungjit tim Abbasit, i cili ka pasur mjaft borxhlinj.

O besimdrejtë, faljani kamatat borxhlinjve! Dëgjojeni këshillën time dhe pasuria juaj do të shtohet, sepse juve ju mbetet kryegjëja për tregëti dhe punë të ndershme. Nëse këtë nuk e bëni, dijeni se e keni zemëruar rëndë All-llahun dhe të Dërgu­arin e Tij. Nëse borxhliu juaj është në vështirësi, vazhdojani afatin e pagimit, ndërsa, nëse jeni në gjendje që t’ia falni borxhin, atëherë kjo është edhe më e mirë për ju.

O besimdrejtë! O njerëz! Frikësohuni Ditës, e cila vërtet do të vijë, kur të gjithë do të paraqiteni para All-llahut, Gjykatësit të Vetëm Suprem, (ditën) në të cilën ju pret drejtësia absolute!

Kur të obligoheni se do ta paguani borxhin, pagojeni me kohë, dhe kur ta bëni marrëveshjen bëjeni atë me shkrim, saktë dhe besnikërisht theksojeni afatin e pagesës…

O ju që do të vdisni! Duajeni dhe dëgjojeni Zotin, Krijuesin e materies dhe asaj që është shpirtërore, i Cili krijoi mashkullin dhe femrën, prej të cilëve u zhvillua e tërë gjinia njerëzore!

Frikësohuni All-llahut, nën ndihmën, prehjen dhe mëshirën e të Cilit të gjithë jemi udhëzuar! Ne jemi të vdekshëm dhe çdo moment jemi sa më afër vdekjes dhe takimit me Të, me All-llahun e Amshueshëm, Gjykatësin e Drejtë.

Respektojeni farefisninë. Besnikërisht përmbushni detyrat dhe obligimet, të cilat ekzistojnë ndërmjet burrit dhe gruas si dhe ndërmjet prindërve dhe fëmijëve!

Xhenneti është nën këmbët e nënës.

Ruajuni nga prostitucioni, tradhëtia bashkëshortore dhe xhelozia. Prostitucioni dhe tradhëtia bashkëshortore janë mëkat i rëndë, ndërsa xhelozia shpie kah përçarja në martesë.

Martohuni me ato, të cilat i doni, e kur Zoti me vullnetin e vet do t’ju bashkojë, atëherë respektohuni, duajuni dhe jetoni në dashuri dhe harmoni.

O bashkëshortë, silluni ndaj grave tuaja me shumë mirësi dhe dashuri!

O besimdrejtë, largohuni ngatërresave dhe përgojimit!

Le të jenë të mallkuar në të dy botërat ata që u bëjnë shpifje grave të ndershme! Ata që i akuzojnë gratë e ndershme për tradhëti në martesë ose për amoral, e për këtë nuk munden t’i sjellin katër dëshmitarë të besueshëm, dënoni me tetëdhjetë goditje (shkopinj) dhe më asnjëherë mos u besoni, sepse janë të poshtër dhe të këqij!

Nëse ndjeni se ndaj grave të juaja ju është dobësuar dashuria, mos nxitoni (në shkurorëzim), por mendoni mirë, sepse All-llahu nëpërmjet këtij sprovimi ju udhëzon në rrugët e fatit të ri dhe të madh, me të cilin dëshiron t’ju përgëzojë. Mos kërkoni shkurorëzim pa shkaqe të arsyeshme, sepse prej të gjitha gjërave që All-llahu i ka lejuar, më së tepërmi e urren shkurorëzimin. Gratë e juaja u janë dorëzuar në besë të Zotit, pra respektojeni o besimdrejtë, atë amanet të Zotit!

O njerëz, sot Djalli i mallkuar është i dëshpruar, sepse ka pësuar humbje dhe nuk mundet më të ndikojë në ju. Megjithatë, gjithnjë bëhuni të kujdesshëm që ai i mallkuar të mos ju lajthitë as në gjërat më të vogla!

O besimdrejtë, kur e caktoni dhe e ndani ndërmjet vetes trashëgiminë, bëhuni të drejtë dhe përmbahuni Librit të Zotit. Ruajeni pasurinë e të miturve, të paaftëve dhe të marrëve.

Zoti çdonjërit ia ka dhënë të drejtën e vet, andaj nuk ka nevojë t’u lihet trashëgimtarëve testament, ndërsa si testament nuk mund të lihet një e treta e pasurisë.

Fëmija i takon atij, në shtratin e të cilit është lindur.

Kush pohon se i takon tjetërkujt përveç prindit, atë do ta zë mallkimi i Zotit.

Nuk i lejohet gruas të jep diçka nga pasuria e burrit të vet pa lejen e tij.

Borxhin duhet paguar, ndërsa sendin e huazuar duhet kthyer. Dhurata duhet kthyer me dhuratë. Kush hyn dorëzan për dikë, obligohet me përgjegjësi për dorëzani.

Me robërit dhe shërbetorët silluni njerëzisht. Ushqeni ata sikur që ushqeheni vetë, dhe vishni ata sikur që visheni vetë. Nuk guxoni t’u bëni keq e as t’i keqpërdorni. Edhe ata janë njerëz, edhe ata janë shërbetorë të Zotit.

O besimdrejtë, dijeni dhe mos harroni se të gjithë muslimanët janë vëllezër. Ju jeni plotësisht të barabartë në të drejta dhe detyra. Arabi ndaj joarabit nuk ka kurrfarë përparësie, e kjo vlen edhe për të ziun ndaj të kuqit dhe për të kuqin ndaj të ziut, përveç në devotshmëri. Të gjithë ju jeni pasardhësit e Ademit, ndërsa Ademi e ka prejardhjen nga dheu.

O muslimanë, kujdesuni, duajuni dhe ndihmohuni mes veti! Nuk guxoni ta ofendoni njëri-tjetrin, e as t’i grabitni diçka njëri-tjetrit. Ky është mëkat i rëndë. Merreni vetëm atë që ju jepet me dëshirë! Respektojeni pacenu-eshmërinë e pasurive tuaja derisa janë në frymën e ligjeve të Zotit.

Islami dhe interesi i përgjithshëm le të jetë mbi ju dhe mbi interesin tuaj! Përkushtojani Islamit jetën tuaj dhe në punën për Islam jepni prej vetes gjithçka që mundeni.

Kurrë mos e shkelni të drejtën dhe nderin e dikujt! Mos i bëni dhunë vetes! Mos harroni se mëshira është një ndër bazat e Islamit.

O njerëz, dëgjoni se ç’po ju them dhe mbajeni mend mirë! Po ju lë Librin e Zotit-Kur’anin, të cilit nëse i përmbaheni, gjithnjë do t’ju ruajë që të mos e humbni rrugën e drejtë, rrugën e drejtësisë dhe së Vërtetës. Kur’ani është libër i qartë dhe i shenjtë, vepër e vërtetë e All-llahut dhe fjalë e Tij, në vërtetësinë e së cilës nuk ka dyshim.

Para vehtes e keni tërë jetën time, fjalët dhe veprat e mia. Gjithçka që kam folur dhe punuar jam përpjekur të jetë në përputhshmëri të plotë me urdhërat e All-llahut.

Ju vërtet nuk do të lajthitni, përderisa i përmbaheni Kur’anit (Librit të Zotit) dhe Sunnetit (traditës sime).

O njerëz, pas meje nuk do të vijë më Lajmëtar tjetër nga Zoti dhe pas jush populli nuk do të ketë më Pejgamber! Pra, bëni ibadet (besoni dhe adhuroni) Zotin; falni pesë namazet në kohë; agjëroni muajin e Ramadanit; jepeni zekatin me plot zemër e të kënaqur dhe kryeni haxhxhin, si dhe zbatoni urdhërat e sundimta-rëve tuaj! Ashtu do të hyni në Xhennetin e Zotit tuaj![1]

O besimdrejtë, flitni gjithnjë të vërtetën e pastër. Urrejtja asnjëherë të mos ju largojë nga rruga e drejtë. Drejtësia është motra e devotshmërisë. Frikësohuni All-llahut, se Ai i sheh veprimet tuaja!

O njerëz, e dëgjuat porosinë time, pra futeni atë në zemrën tuaj dhe (praktikoheni) në jetën tuaj!

Të gjithë ata që i dëgjuan fjalët e mia le t’ua përcjellin atyre që nuk i kanë dëgjuar, se ndodh që ata (të tjerët) i kuptojnë më mirë.

O Zoti im, a e përmbusha detyrën dhe misionin e besuar?

Rreth njëqind e dyzet mijë haxhilerë brohoritën njëzëri:

O i Dërguar i Zotit, ti e përmbushe misionin tënd besnikërisht, dhe na e komuni-kove atë që të urdhëroi Zoti…

Atëherë Muhammedi u tha:

O Zot, dëshmo! O Zot, dëshmo! O Zot, dëshmo!

Atë ditë atij iu shpall ajeti nga Zoti i Lartëmadhëruar:

„Sot juve ua kam përsosur fenë tuaj, plotësova dhuntinë time ndaj jush, dhe jam i kënaqur që Islami të jetë fe e juaj.“ (Maide-3)

O Zoti yne! Na udhezo neve bashke me ata njerez qe i ke udhezuar, na fal neve bashke me ata njerez qe i ke falur, na merr ne perkujdejse me ata njerez qe je perkujdesur, na jep bereqet te ajo qe na ke dhuruar.
Me meshiren Tende na mbro dhe largoje prej nesh ate te keqe qe e ke shkruar.

Ti gjykon me te drejte o Zot e askush smund te vendose mbi ate qe Ti gjykove.
Nuk mund te jete kurre i forte ai qe Ti e poshterove, e nuk do te poshterohet kurre ai qe Ti e ndihmove. U bekofte emri Yt dhe Ti u lartesove.Ty te takon lavdia per ate qe na udhezove, Ty te takon falenderimi per ato qe na dhurove.

O Zot yne! Na dhuro neve nga frika per Ty qe te largosh mes nesh dhe gjynaheve tona.
Na jep neve nga bindja ndaj Teje qe te na çosh deri ne xhennetin Tend.
Na jep neve nga bindja ne Ty qe te na lehtesosh fatkeqesite e dynjase.
Na jep mundesi o Zot qe te shijojme degjimin tone, shikimin tone, forcat tona pergjithmone deri ne diten e fundit te jetes sone. Zemerimin tone beje vetem ndaj atyre qe na kane bere padrejtesi, na ndihmo ndaj atyre qe ndaj nesh kane shfaqur armiqesi.

O Zoti yne! Mos na e bej sproven tone ne fene dhe besimin tone, mos e bej hallin e dynjase me te madhin e shqetesimit tone, mos e bej dynjane kufirin e fundit te dijes sone e as cakun e fundit te kerkeses sone.
Mos e bej o Zot xhehennemin perfundimin tone, por beje Xhennetin o Zot, vendbanimin dhe qendrimin tone.

O Zoti im! Ma rregullo fene time qe eshte me kryesorja e çeshtjes sime, ma rregullo dhe dynjane time ne te cilen eshte jetesa ime, ma rregullo dhe Ahiretin tim i cili eshte e ardhmja ime. Jeten time beje sebep per te me dhene cdo hajer dhe vdekjen time beje sebep qe te me shpetosh nga cdo sherr.

O Zoti yne! Na mundeso berjen e te mirave, braktisjen e te keqijave dhe dashurine per te varfrit. Kurdo qe ke vendosur ta sprovosh nje popull, na merr neve e na largo te pasrovuar e te paturperuar ja rabbel alemijn.

O Zot! Te kerkojme Ty nje besim te plote, nje bindje te paster e te forte, nje zemer qe Ty te ka frike dhe nje gjuhe qe te permend nate e dite.

O Zot! Fali gjynahet tona, mbuloji te metat tona, na e sill nga e djathta librin tone, na e bej te lehte llogarine tone, na e rendo me sevape peshoren tone, na e bej te lehte e te kalueshem siratin tone.

O Zot! Ne te lutemi Ty per cdo te mire, e afert apo e larget, e madhe apo e vogel nga ajo qe e dime apo nuk e dime.
Ne te kerkojme Ty te na ruash nga cdo e keqe, e afert apo e larget, e madhe apo e vogel, nga ajo qe dime apo nuk e dime.

Zoti yne! Beji bashkeshortet dhe femijet tane drite te syrit dhe na bej neve prijes per njerezit e mire.

O Allah! Ti je Fales, e don faljen. Me fal mua!

We sallallahu we sel-leme ala sejjidina Muhammed we ala alihi we sahbihi exhmeijn.

NJOFTIM

Cikli i mbrëmjeve fetare do të zhvillohet nesër në xhaminë “Zall-Mner i ri”, ku Myftiu i Tiranës Lauren Luli së bashku me zv. Myftiun Bilal Teqja, pas namazit të akshamit do të referojnë për besimtarët e pranishëm tematika të ndryshme fetare.

Ju mirëpresim!

Agjërimi i ditës së arafatit shlyen gjynahet e një viti të shkuar dhe vitit që vjen. Gjëja më e dobishme që thuhet në këtë ditë është: "La ilahe ilallahu vahdehu la sherijke leh, lehul mulku ve lehul hamdu vehuve ala kuli shejin kadir."

Syfyri mbyllet në orën 3:35 ndërsa iftari çelet në orën 20:07. Agjërim të pranuar.

Vëllezër!

Po na vjen Festa madhështore e Kurban Bajramit dhe ajo është ditën e Xhuma më 31 Korrik.Por në datën 22 Korrik hyjnë ditët më të mira të vitit.
Ditë në të cilat gërshetohen 5 shtyllat e Islamit si asnjëherë tjetër.
Shehadeti,Namazi,Agjërimi,Nxjerrja e Zekatit,dhe gjithashtu Haxhi bashkë me Kurbanin që therret për madhërimin e Allahut.
Kush ka bërë nijet për të prerë kurban ka afat deri me dt. 21 në mbrëmje me u qeth,rruar,dhe me prere thojnjtë pastaj nuk i lejohet më deri sa të presi kurbanin.
Shfrytëzojini këto ditë të begata se në to ka shpërblime të pallogaritshme,ku në to në dt.30 Korrik ndodhet dhe dita e Arafatit,dita e pranimit të lutjeve e cila ditë i shlyen gabimet e një viti të shkuar,dhe vitit pasardhës.
O Allah na begato në këto ditë madhështore dhe na i prano të gjitha veprat e mira.AMIN

Sikur njeriu të mbështetej në Allahun e Lartësuar me një mbështetje të vërtetë, edhe nëse qiejt, toka dhe çdo gjë mes tyre bëjnë kurthe kundër tij, Allahu do t'i gjente rrugëdalje. (Ibn Kajim)

Muadh ibn Xhebel Radijallahu anhu tregon se e ka pyetur Profetin Muhamed salall-llahu alejhi ue selam se cila pune eshte me e dashur tek Zoti, I eshte pergjigj: Te vdesesh nderkohe qe gjuha jote eshte e lagur me permendjen e Allahut. (Taberaniu). Me permendjen e Zotit fitohet kenaqesia e Allahut, (dhikri) e ben njeriun me te lumtur, largon pikellimet, e mbushet peshorja me sevape.

Vetëm një ajet do të mjaftonte për të përshkruar ata që besojnë në Zot:

" Ata (besimtarët) janë njerëz që duan të jenë të pastër!"
(Kur ' an 7/83)

Fetarizmi formal...

Hz. Omeri (r.a) pyeti një ditë rreth një personi, se mos e njihte njeri. Një burrë në prani të tij, tha: Unë e njoh, o prijës i besimtarëve!

Hz. Omeri e pyeti: Mos e ke gjë komshi, sepse komshiu është më i dituri i njerëzve mbi sjelljen e komshive të tij!

Burri ia ktheu: Jo!

Hz. Omeri vazhdoi: Mos ke udhëtuar gjë me të, sepse udhëtimet zbulojnë natyrat e njerëzve!

Burri tha: Jo!

Hz. Omeri pyeti: Mos vallë ke bërë tregëti me të dhe ke bashkëpunuar me të me dinar e dirhem, sepse këta të dy e zbulojnë brumin e njeriut!

Burri tha: Jo!

Hz. Omeri ndërhyu: Se mos e ke parë gjë në xhami duke tundur kokën e tij, në këmbë dhe ulur?

Burri tha: Po!

Hz. Omeri ia ktheu: Ulu se nuk e njeh!

Hz. Omeri e dinte mirë se njeriu ka mundësi ta zhveshë rrobën e fesë tek dera e xhamisë, pastaj të veshë këpucët e tij dhe të vërsulet drejt botës si i tërbuar, duke ngrënë pasurinë e njërit e duke thumbuar nderin e tjetrit!?

Ai e dinte mirë se mjekrat mund të bëhen mburoje, pas të cilave fshihen hajdutë të shumtë dhe, se velloja e zezë, nuk tregon domosdoshmërisht se nën të qëndron një grua e ndershme!?

Ai e dinte se misvaku mund të duket si synet, me të cilin mprehim dhëmbët tanë për të ngrënë mishin e njëri-tjetrit (me gibet)!?

Ai e dinte se namazi mund të kthehet në një shfaqje elegante për një mashtrues, sikurse haxhi mund të kthehet në një adhurim social elitar për një të pafytyrë!?

Ai besonte se fetarizmi që nuk pasqyron një gjurmë në sjellje, është fetarizëm i thatë!

Indonezia, nuk është bërë muslimane me shpatë, përkundrazi, e ka pranuar Islamin nëpërmjet ca tregtarëve muslimanë; nga sjellja dhe besueshmëria e tyre! Ata nuk i tregtonin mallrat me fenë e tyre! Për këtë, njerëzve u pëlqeu sjellja e tyre dhe thanë: Kjo është fé!

Besimi i rremë është më i keq se femohimi i hapur, edhe pse të dy janë një sherr i madh! Ndërsa mënyra e sjelljes me të tjetrët, ajo është boshti i fetarizmit të saktë!

Nëse njerëzit nuk arrijnë ta bëjnë dallimin në mes të tregtarit fetar dhe tregtarit jofetar, atëherë, ku qëndron vlera e fetarizmit?

Nëse bashkëshortja nuk e bën dallimin në mes të bashkëshortit fetar dhe atij jofetar, atëherë, ku qëndron vlera e këtij fetarizmi? Dhe e kundërta, poashtu!

Nëse prindërit nuk e bëjnë dot dallimin në mes të respektit të fëmijës fetar dhe atij jofetar, atëherë përse ky fetarizëm?

Është fatkeqësi nëse nga haxhi ynë nuk marrim, veçse hurmat, ujin e zemzemit, sexhadet e prodhuara në Kinë dhe vaktet me pulë të pjekur!?

Është fatkeqësi nëse nga agjërimi ynë nuk marrim, veçse llojet e ushqimeve, pijet freskuese, emisionet televizive dhe dramat seriale!?

Është fatkeqësi nëse namazet tona kthehen në lëvizje gjimnastikore, prej të cilave përfitojnë muskujt dhe gjymtyrët, por jo zemra e jonë!?

Shfaqjet e fetarizmit janë një gjë e lavdëruar, sepse ne krenohemi me fenë tonë, formalisht dhe në përmbajtje! Por, është e turpshme të kapemi pas formës dhe të lëmë përmbajtjen!

Feja i ktheu barinjtë e dhenve në udhëheqës të popujve! Ajo nuk ua ndërroi format, por ndërroi përmbajtjen e tyre!

Ebu Xhehli vishte të njëjtën xhybe dhe çallmë që vishte edhe Ebu Bekri! Mjekra e Umeje ibn Khalefit ishte e gjatë, njësoj si mjekra e Abdull-llah Ibn Mes'udit! Shpata e Utbes ishte prodhuar nga i njëjti material, prej ku ishte prodhuar edhe shpata e Khalidit!

U përngjanë në forma, u ndanë në përmbajtje!

Ky është adhurimi në një kuptim gjithpërfshirës; çdo gjë që All-llahu e do dhe e pëlqen prej fjalëve dhe veprave të dukshme dhe të padukshme!

Ky është Islami!

Dr. Muhammed Ali Es-Salabi - (Bengazi, Libi)

Përktheu nga arabishtja dhe përshtati në shqip
Muhamed B. Sytari

PASHA KOHEN!

Me te vertete,njeriu eshte ne humbje, pervec atyre qe besojne dhe bejne vepra te mira, i keshillojne njeri-tjetrit te verteten e i keshillojne njeri-tjetrit durimin. (El-Asr 1,3)