JOQ News

Shqetësimi i qytetarëve për sigurinë rrugore vijon të rritet, ndërsa një denoncim i bërë sot në Lushnjë ka ngritur alarmin për mënyrën sesi po transportohen nxënësit me autobusë udhëtimi.

Sipas një qytetari që ka kontaktuar redaksinë, një autobus i kompanisë “Zenith Travel”, në të cilin ndodheshin rreth 60 nxënës shkolle, po lëvizte me shpejtësi tepër të lartë në kushtet e reshjeve të shiut.

Denoncuesi shprehet se autobusi po qarkullonte me mbi 110 km/h, ndërsa shoferi kryente parakalime të rrezikshme dhe manovra që, sipas tij, dilnin jashtë normave të lejuara të qarkullimit rrugor.

“Po binte shi dhe autobusi ishte para meje. Po ecte me 110 km/h. Brenda kishte rreth 60 nxënës. Shoferi bënte parakalime të rrezikshme dhe lëvizte jashtë çdo norme sigurie. Ju lutem publikojeni që të parandalojmë tragjedi”, thuhet në mesazhin e qytetarit.

Ngjarja ka shkaktuar reagime dhe shqetësim, sidomos për faktin se në autobus ndodheshin fëmijë dhe adoleshentë, ndërsa moti i keq e bënte edhe më të rrezikshëm udhëtimin.

Qytetari i bën thirrje Policisë së Shtetit dhe Policisë Rrugore që të marrin masa të menjëhershme, të verifikojnë rastin dhe të shtojnë kontrollet ndaj mjeteve që transportojnë nxënës, me qëllim shmangien e aksidenteve të mundshme.

Siguria në rrugë mbetet një nga shqetësimet kryesore të qytetarëve, veçanërisht kur bëhet fjalë për transportin e nxënësve, ku çdo pakujdesi mund të sjellë pasoja tragjike.

Ditën e djeshme, JOQ ALBANIA raportoi një ngjarje të rëndë, por me fund të lumtur në zonën e Valiasit, pranë godinës administrative të Bashkisë Kamëz.

Sipas raportimeve të qytetarëve, dy ditë më parë një fëmijë i vogël ka rënë në një kanal rreth 2 metra të thellë me ujëra të ndotura, vetëm pak metra larg mini-bashkisë në Valias.

Ngjarja ndodhi në momentin kur një autobus ishte ndalur në stacion dhe pasagjerët po zbrisnin. Një nënë, e cila po zbriste së bashku me karrocën e fëmijës, humbi kuletën në tokë. Teksa u përkul për ta marrë, karroca rrëshqiti papritur dhe përfundoi në kanalin e hapur dhe falë ndërhyrjes së shpejtë të shoferit, vogëlushi u nxor në kohë dhe ndodhet jashtë rrezikut për jetën.

Banorët e zonës shprehen të alarmuar për gjendjen e kanalit, duke theksuar se gjatë natës ai është pothuajse i padukshëm, ndërsa me ardhjen e pranverës dhe rritjen e barishteve bëhet edhe më i vështirë për t’u dalluar.

Ata kërkojnë ndërhyrje urgjente nga institucionet përgjegjëse, duke propozuar mbulimin ose sigurimin e kanalit për të shmangur ngjarje të tjera të rrezikshme.

Denoncimi i qytetarit:

Kjo eshte situata ne Valias ngjitur me Godinen Administrative te Bashkise Kamez, kanalet e ujerave te zeza ku rrezikojne mijera banore…. ju lutem bejeni lajm te kjo faqja kryesore JOQ Vendi ku ka ra femija 2 vjec

Një qytetar ka denoncuar një situatë problematike në njësinë administrative Zall-Bastar, në Bashkinë Tiranë, ku sipas tij punimet në rrugën e fshatit Besh po u shkaktojnë vështirësi serioze banorëve.

Sipas denoncimit, prej më shumë se 10 ditësh në zonë po kryhen punime për rehabilitimin e rrugës, të financuara nga një fond i dedikuar nga Bashkia Tiranë.

Megjithatë, qytetari thotë se ndërhyrjet kanë përkeqësuar gjendjen e rrugës, duke e bërë atë të pakalueshme dhe pa hedhur material inerte për stabilizim.

Ai thotë se tani që ka rënë edhe shi, banorët nuk mund të kalojnë as për të shkuar në punë dhe as fëmijët në shkollë duke mbetur të izoluar në fshat.

Ai i bën thirrje autoriteteve që të marrin masa urgjente për normalizimin e situatës, duke theksuar se gjendja aktuale po krijon vështirësi të mëdha për jetesën e përditshme në zonë.

Denoncimi i qytetarit:

Doja te dencoja kte rast ka dal nje fond per te rregulluar rrugen e fshatit besh njesia administrative zall bastar nga bashkia tiran ka mbi 10 dit qe punojn ne rruge dhe e kan ber ne nje rrug te pakalueshme duke e prishur ede dhe duke mos hedhur material fare ne dhe duke na len te bllokuar ne fshat ju lutem merni masa paraprake nuk mund te kalojm dot per te shkuar ne pun dhe per femijet ne shkoll kjo duket qart se po tallen hapur me ne duke na len ne gjendje katastrofale. Ju lutem na jepni nje zgjithje jemi ne hall askush nuk na ndimon dhe nuk ka ngelur vend ku te drejtoemi

Një qytetar ka denoncuar një situatë të shqetësueshme pranë zonës së liqenit të Paskuqanit, ku hapësira publike e parkimit e destinuar për qytetarët është cënuar nga biznese private.

Në denoncimin e tij, qytetari shprehet se parkingu publik në këtë zonë po përdoret për qëllime përfitimi duke u zënë nga struktura të improvizuara si kioska që shesin sanduiçe dhe bukë me qofte. Sipas tij, kjo kioskë e vendosur me lejen e kryebashkiakut Rakip Suli ka reduktuar ndjeshëm hapësirën e parkimit të lirë për vizitorët dhe banorët e zonës.

Denoncimi ngre shqetësimin për administrimin e hapësirave publike dhe përdorimin e tyre, veçanërisht në zona rekreative si ajo e Liqenit të Paskuqanit, ku qytetarët kërkojnë akses të lirë për parkim dhe shërbime publike.

Denoncimi i qytetarit:

Pershedetje! Shiko si zaptojne Vendin publik parkingun E liqenit te paskuqanit zejn vendim e parkinkut per perfitime. Njerezit e Rakip Sulit vendosin kioska Për sandwich e buke me qofte duke zene vendin e parkimit publik te destinuar per qytetaret

Një qytetar ka denoncuar në redaksinë tonë gjendjen e një segmenti rrugor në zonën e Shtyllës A, në Bathore, duke publikuar edhe pamje nga terreni.

Sipas tij, kjo është e vetmja rrugicë në zonë që nuk është asfaltuar, ndërsa pjesa tjetër e lagjes është e shtruar. Ai shprehet se situata po shkakton dëmtime të vazhdueshme për automjetet dhe vështirësi të përditshme për banorët.

Ai thotë se sa herë bie shi rruga bëhet e pakalueshme dhe fëmijët nuk kalojnë dot për në shkollë. Banorët kërkojnë ndërhyrje urgjente për sistemimin e segmentit, i cili sipas tyre është kthyer në problem serioz, sidomos gjatë motit me reshje.

Denoncimi i qytetarit:

Prsh JOQ ju lutem ta postoni kete video shkak i kesaj rruge eshte e vetmja rrugic qe nuk eshte shtruar jemi tek shtylla A Bathore lere ce makinat po i prishim cfo dit po kur te bjere shi esbte ber problem dhe per femijet se skan nga te shkojn ne shkoll se behet katastrof.dhe nuk e kuptoj pse eshte e vetmja rruge e pa shtruar kur te gjitha jan shtruar

Një situatë shqetësuese është denoncuar nga banorët e Fushë-Arrëzit, ku mungesa e sigurisë për fëmijët po i detyron ata të marrin masa vetë për t’u mbrojtur nga makinat që lëvizin me shpejtësi në zonë.

Sipas qytetarëve, fëmijët që luajnë çdo pasdite pranë banesave kanë vendosur një stol buzë rrugës për të ngadalësuar automjetet, pasi drejtuesit e mjeteve kalojnë me shpejtësi të lartë dhe rrezikojnë jetën e tyre.

Ata shprehen të revoltuar nga mungesa e reagimit të institucioneve, ndërsa theksojnë se zona nuk ka as park lodrash dhe as fushë sportive ku të vegjlit të kalojnë kohën në siguri.

“Jemi në hall me fëmijët. Nuk kanë ku të luajnë dhe detyrohen të dalin pranë rrugës. Makinat kalojnë me shpejtësi dhe askush nuk merr masa,” shprehen banorët për JOQ.

Qytetarët kërkojnë ndërhyrje urgjente për vendosjen e sinjalistikës, kufizuesve të shpejtësisë dhe krijimin e një ambienti të sigurt për fëmijët e zonës.

Një qytetare i është drejtuar redaksisë tonë për të kërkuar ndihmë për gjetjen e një shoferi që i ka përplasur makinën sot në zonën e Don Boskos, pranë Spitalit Ushtarak në Tiranë.

Ajo ka deklaruar gjatë lëvizjes drejt një klinike ku po shkonte për një procedurë mjekësore me vëllain me aftësi të kufizuara, automjeti i saj është përplasur nga një tjetër makinë. Ajo shprehet se nga tronditja dhe gjendja emocionale pas ngjarjes nuk ka arritur të fiksojë targën apo të bëjë fotografi të mjetit tjetër të përfshirë.

Pas përplasjes, drejtuesi i automjetit tjetër i ka propozuar zgjidhjen e situatës “me polici ose në mënyrë njerëzore”, por sapo ajo ka hapur krahun për t’u sqaruar dhe mos bllokuar rrugën, shoferi larguar me shpejtësi nga vendi i ngjarjes.

Qytetarja i bën thirrje drejtuesit të automjetit që të kontaktojë për të zgjidhur rastin në mënyrë të përgjegjshme. Në të kundërt, ajo shprehet se do të kërkojë pamjet e kamerave të bizneseve përreth dhe do të bëjë denoncim zyrtar në polici për largim nga vendi i aksidentit.

Mesazhi i qytetares:

Teksa isha duke kaluar normalisht dhe sipas rregullave të qarkullimit, një shofer më përplasi me makinë në rrugicat e Don Boskos, afër Spitalit Ushtarak, pranë një klinike ku po shkoja për të bërë një ortezë. Nga tronditja dhe gjendja emocionale nuk arrita t’i bëja foto makinës apo targës.

Pas aksidentit, personi më tha: “Do ta zgjidhim me polici apo në mënyrë njerëzore?” Ndërkohë pas nesh kishte shumë makina që po binin borive dhe unë, ende e traumatizuar, po përpiqesha të kuptoja çfarë kishte ndodhur. Por ai hipi në makinë dhe u largua me shpejtësi nga vendi i ngjarjes, pa marrë asnjë përgjegjësi.

I bëj thirrje këtij personi që, nëse e sheh këtë postim, të më kontaktojë vetë dhe ta zgjidhë këtë situatë në mënyrë njerëzore dhe me përgjegjësi.

Në të kundërt, do të detyrohem të kërkoj pamjet e kamerave të bizneseve përreth dhe të bëj denoncim zyrtar në polici për largim nga vendi i aksidentit. Shpresoj shumë që drejtësia dhe ndërgjegjja njerëzore të ekzistojnë ende.

Po ju le nr tim te telefonit 0699199230

Une isha me vllain e paralizuar ne makine dhe e humba fare kur ai me perplasi dhe mendova qe do hapte krahun dhr tu sqaronim per pjesen se si do e zgjidjim

Një qytetar ka denoncuar një situatë shqetësuese në zyrat e Shërbimit Social Shtetëror në Durrës pasi institucioni ka rezultuar i mbyllur gjatë orarit zyrtar të punës.

Ai ka treguar se ditën e sotme, datë 8 maj, e premte, është paraqitur dy herë në ambientet e këtij institucioni, por ka gjetur derën kryesore të mbyllur, pa asnjë punonjës apo roje jashtë.

Ai thotë se në ambientet e jashtme apo derë nuk ka pasur asnjë njoftim apo shenjë që të shpjegonte mbylljen, nëse është zyrtare dhe e lajmëruar më parë.

Qytetari ngre shqetësimin nëse një situatë e tillë është normale për një institucion shtetëror që duhet të funksionojë gjatë orarit zyrtar dhe të ofrojë shërbim për qytetarët.

Denoncimi i qytetarit:

Pershendetje joq! 8 maj 2026 orar zyrtar pune dhe sherbimi social shteterore durres eshte mbyllur hera 2 qe vij brenda dites sot . A eshte normale kjo per nje institucion shteteror ?! Asnje njeri dera kryesore mbyllur Asnje shenim Asnje roje

Pamje shqetësuese vijnë nga zona e Koder-Lumës në Kukës, ku ujërat e Drinit të Zi janë mbuluar nga mbetje plastike dhe urbane, duke e kthyer një prej pasurive natyrore të zonës në një hapësirë të ndotur dhe të degraduar.

Në videot dhe fotot e mbërritura në redaksinë tonë, duken qartë sasi të mëdha mbeturinash që kanë pushtuar sipërfaqen ujore dhe brigjet përreth, ndërsa qytetarët shprehen të revoltuar për mungesën e ndërhyrjes nga institucionet përgjegjëse.

Sipas denoncimit, prej kohësh nuk është marrë asnjë masë për pastrimin e zonës, edhe pse bashkia disponon mjetet dhe makineritë e nevojshme. Banorët paralajmërojnë se situata po përkeqësohet dita-ditës, duke rrezikuar jo vetëm mjedisin, por edhe shëndetin e komunitetit.

Qytetarët kërkojnë reagim të menjëhershëm për pastrimin e Drinit të Zi, duke theksuar se bëhet fjalë për një nga vlerat më të rëndësishme natyrore të Kukësit, që po shkatërrohet nga ndotja dhe neglizhenca institucionale.