SHGPAZ.Shkoder

Po zhvillohet në Shkodër sesioni i radhës i GPV - Tregtia dhe Çështjet Ekonomike në kuadër të Konventës Kombëtare për Integrimin Europian. Fokus i veçantë i këtij sesioni ishte Kapitulli 3 i Acquis së BE-së, përkatësisht barrierat në kuadër të ofrimit të shërbimeve dhe njohja e kualifikimeve profesionale me BE.

EMA në bashkëpunim me Shoqata e Grave Profesioniste Afariste e Zejtare te Shqiperise bëri bashkë sipërmarrës, ekspertë dhe anëtarë të OSHC -ve për të diskutuar më në detaje mbi sfidat kryesore që has sektori i shërbimeve dhe prodhimit vendas jashtë Shqipërisë.

Blažo, Drejtor i Institutit të së Drejtës Europiane në Universitetin Komenius Brastislavë, bëri një përmbledhje të legjislacionit europian për lirinë e ofrimit të shërbimeve dhe përfitimet që ky sistem dhe standardet mund të sjellin për profesionistët vendas. Gjithashtu, eksperti u ndal të përmendte edhe disa praktika të mira nga Sllovakia që mund të lehtësojnë procesin e transpozimit të direktivave europiane dhe rritur zbatueshmërinë e tyre.

Konventa Kombëtare për Integrimin Europian po zbatohet nga EMA në bashkëpunim me Slovak Foreign Policy Association dhe mbështetjen financiare nga SlovakAid.

Gjeni më shumë: www.eurokonventa.al

URIMET MË TË MIRA NGA Shoqata e Grave Profesioniste Afariste e Zejtare te Shqiperise GËZUAR🙏❤!!!!

Të nderuara anëtare, miq dhe bashkëpunëtorë,

Ju ftojmë të lexoni Buletinin Informues të periudhës Maj- Gusht 2021.

Duke ju falënderuar për bashkëpunimin dhe gjithë mbështetjen tuaj, ju urojmë punë të mbarë në vazhdim dhe lexim të këndshëm!

Përzemërsisht,
Stafi i SHGPAZ Shkodër

Buletin Informues Maj - Gusht 2021 Të nderuara anëtare, miq dhe bashkëpunëtorë, Urojmë të jeni sa më mirë! Ju ftojmë të lexoni Buletinin Informues të periudhës Maj- Gusht 2021. Duke ju falënderuar për bashkëpunimin dhe gjithë mbështetjen tuaj, ju urojmë punë të mbarë në vazhdim dhe lexim të këndshëm! Përzem...

EURO MODE SCHOOL për të tretin vit radhazi organizon sfilatën e fundvitit.
Ju mirëpresim me datë 13 gusht, ora 19.00 tek sheshi pranë Bashkisë Shkodër.
Na shoqëroni në këtë natë magjike plot modë dhe muzikë.

Komiteti Shqiptar i Helsinkit shpreh shqetësimin për shqyrtimin dhe miratimin me shpejtësi, të paketës ligjore për ndryshime në 10 ligje të reformës në drejtësi, e cila gjeneron rreth 154 amendamente ose ndryshime/shtesa në total.

Së bashku me 71 organizata të shoqërisë civile, KShH doli me një reagim të përbashkët, me të cilin shpreh indinjatën për mungesën e transparencës dhe konsultimit gjithëpërfshirës në hartimin e kësaj pakete. Teksa vlerësojmë faktin se misione të asistencës ndërkombetare dhe disa prej institucioneve të sistemit të drejtësisë janë përfshirë në këtë proces konsultimi, tërheq vëmendje selektiviteti i këtij konsultimi, duke lënë jashtë procesit të marrjes së mendimeve dhe sugjerime, organe të tjera të sistemit të drejtësisë si Këshillin e Emerimeve në Drejtësi, Gjykatën Kushtetuese (për ligjin organik të saj), Shkollën e Magjistraturës, përfaqësues të trupës pedagogjike, shoqatat e gjyqtarëve, prokurorëve, avokatë si dhe përfaqësues të organizatave të shoqërisë civile me përvojë në këtë fushë.

Në parim, vlerësojmë se mungesa e një procesi konsultimi gjithëpërfshirës, mungesa e transparencës, urgjenca për t’i diskutuar e më pas miratuar këtë paketë ligjore në seancë plenare para zgjedhjeve parlamentare si dhe mosrespektimi i plotë i dispozitave të Kushtetutës të Republikës së Shqipërisë dhe kërkesave të Rregullores së Kuvendit krijojnë një atmosferë mosbesimi ndaj kësaj pakete.

Vlen të theksojmë se ndryshimet e miratuara në dt.23 Mars në Kuvend prekin aspekte të rëndësishme në paketën bazë të reformës në drejtësi, të tilla siç janë ndryshimi i kriterit të vlefshmërisë së mbledhjes së posaçme në Gjykatën e Lartë, nga e cila varet kuorumi i nevojshëm për miratimin e kandidatëve për anëtarë të Gjykatës Kushtetuese, kur organ emërtese është Gjykata e Lartë, ndryshimin e rregullave për përbërjen e trupave gjyqësore në gjykatat e Apelit si dhe parashikimin e kritereve më të dobësuara profesionale për këshilltarët apo ndihmësat ligjor në gjykatat e shkallës së parë dhe të apelit.

Në çdo ndryshim në Kodet/Ligjet procedurale apo organike te drejtesise kërkohet një analizë e plotë dhe e gjithëanshme, objektive dhe profesionale, e konsultuar gjerësisht. Dispozitat e amenduara që ulin numrin në përbërjen e trupave gjyqësore për një kategori të caktuar çështjesh, mund të krijojnë problematika pasi në Shqipëri ende vijon të jetë prezent rreziku i korrupsionit në sistemin e drejtësisë. Ky rrezik edhe pse mund të jetë ulur disi si rezultat i procesi të vettingut, sërisht është i pranishëm pasi vettingu ende nuk ka përfunduar per gjysmen e subjekteve dhe institucionet e specializuara kundër korrupsionit dhe krimit të organizuar janë në vitet e para të punës së tyre.

Çdo ndërhyrje në paketën ligjore të reformës në drejtësi duhet të ideohet minimalisht me të njëjtat standarte dhe parime që udhëhoqën dhe shoqëruan hartimin dhe miratimin e reformës në sistemin tonë të drejtësisë ne vitin 2016, në përputhje me standardet e duhura të procesit të ligjbërjes, duke garantuar gjithëpërfshirje, një proces të matur dhe në kohë të arsyeshme, transparencë të plotë ndaj publikut dhe çdo aktori të interesuar, shmangien e ndikimeve potenciale të interesave të natyrës politike apo influencave nga jashtë sistemit, duke përmbushur në këtë mënyrë qëllimin madhor të garantimit të besimit të publikut në Sistemin e Drejtësisë.

Projekti "Rimëkëmbja dhe forcimi i kapaciteteve të
70 grave sipërmarrëse pas dëmeve të COVID-19"
Mundësuar nga Fondacioni Shoqëria e Hapur për Shqipërinë (OSFA) dhe zbatuar nga Shoqata Kombëtare e Grave Profesioniste,
Afariste & Zejtare (SHGPAZ) ne 5 qytete te Shqiperise, Shkodër, Kukës,Durrës, Fier dhe Pogradec. Projekti synon të mbështesë një grup të shoqatës, i përcaktuar për 70 gra (anëtare), të përzgjedhura në pesë qytetet e sipërpërmendura. nga 140 të përfshira; këto
përfaqësuese janë të angazhuara në biznesin mikro, të vogël dhe të
mesëm, sigurisht mbizotëron sektori artizanal dhe rural duke paraqitur produkte unike dhe autentike.
Shkoder, 5 Shtator 2020

Flutura Xhabija: Gratë sipërmarrëse janë pa mbështetje - Business Magazine Albania Flutura Xhabija, Presidente e Shoqatës së Grave Profesioniste dhe Afariste, flet për situatën e grave të biznesit. Komuniteti është aktiv në komunikim, por gjendet pa mbështetje. Xhabija tregon se gratë sipërmarrëse po informohen, dhe janë aktivizuar të zhvillojnë më tej planet e biz...

buletini mujor/nentor 2019 buletin informues, shkencor dhe tematik

Flutura Xhabija Suksesi im, kur mbeta pa punë dhe thashë: Tani secili për vete Si e ka nisur Flutura Xhabija rrugën e saj në biznes dhe sot në drejtimin e një nga shoqatat më të mira në mbrojtje të gruas sipërmarrëse? Kur ishte ai moment që vendosi të ndjekë rrugën e saj në privat dhe cila është kauza që ajo mbron? Të gjithë e njohin Fluturën. Është një...

Th European Gateway for Women's Entrepreneurship - WEGATE, Brussels.
Platforma e re e Grave Sipermarrese dhe perspektiva per te ardhmen. Organizatat apo kompanite te cilat jane gjitheperfshirese dhe kane diversitet jane gjithmone me te mirat.